JEREMIA 2:18 - ASII LAKDAP Bible (BSI)

¹⁸ Ejip mung na kilaüta jamlai liip wa milap haü? Nail rai kham nyangkai ngutiisha? Asiria mung na walaüta jamlai liip wa milap haü? Euphretis rai wa kham nyangwa ngutiisha?

Hawa Naga Bible 2001

¹⁸ Majuiuc mnoz kuex Nile yuix nuingc kay Ejip mungx nuex kay kuex vjux vhttax ngoz tueq haz tvmaung vshuiux? Euphrat yuix nuingc kay Asiria mungx nuex kay kuex vjux vhttax ngoz tueq haz tvmaung vshuiux?

JEREMIA 2:18 Referencias Cruzadas

2 KAÜWA WERAÜ 28:16

Edom mungti raq Juda mung ka tiithong kiki she rehuk maq khat wanto. Raüta shumwikong pahea lapto. Kriikha na Hokhamwe Ahaj raq Asiria mung pengti Ajong Hokhamwe Tiglath Pilesar ma khrum kuq laq nguta tsütsa tiichong wato.

ISAIA 23:3

khamjong re na piikiikai tiikilan. Ejip mungti püwong rikai nai atiishakai kiimaq maiq mung ahinti tlotli rai piikiikai tiikilan.

ISAIA 31:1

Ejip mung tijong horaüta ümchuwa Ejip mung na laühotiiti thun ka wiita miqto she! Tsangshiq ka Ejip mung phenlabi ningkun ma kam raüta kihoto. Kumrang kong, kumrang leng phong, kiimaq phenlabi riiphongtlaq kiima kamtlo. Shatmaq tsangshiq ka Tatiwe, asii Israilnok Shiikeawe dü na tiinin mak. Kiimaq apaiq jaq wa khrum min jaü mak.

ISAIA 7:20

“Kra akhing she saüwan raüla, Tati raq khusiketi maiq amaq kham na Euphretis mung wa Asiria mung Hokham Ajongwe kra mishiip! Kiimaq apaiq raq namshiq nübin thun kra misibaiq. Kiimaq namkhu bin thun nai namhan bin thun kra wiita asi mirbaiq.

JEREMIA 2:36

Namshiq ka maiq mung ahinti thun phra kong jaiphan wan lantea, namshiq maiqmii miinu kra thiinin miishe tiijabaiqlan. Asiria mungti raq namshiq tsiim tiijübaiqto, kiikhiisii hali Ejip mungti riimin mitiijübaiq.

JEREMIA 31:22

Ümtincho na saüli wa minang nam han, kamtsan tsü ahünok lei? Ngi raq phanshi anye tingsang she klokang, tingsang pongphan she, Jechak nyungshi raq maiqwe ashi khup wongkuqtlaq ikha.”

AJONJÜ 4:17

Nashiq raq maktsi jaqtsi liikai, khrumtiwe walü, shatmaq atuli, Mung ashi raq mikhrum kuq nguta nashiq raq kheratkai ka atuli. Tsangshiq raq khrumkuqlot kak.

AJONJÜ 5:6

Atra si miitu ramrit seakai Ejip mung na nai, Asiria mung na kikai.

EJEKIEL 16:28

“Jamkhano ngukla, ümniika nanok ahinti rai sethoq ja laüta ümtsan ka hea mak dea ningkhan, ümniika Asiria mungti phaniishe juwan nong laü. Ümniika tsangshiq rai mephe ja wan laü. Shatmaq tsangshiq rai sidam laütii min ümtsan ka hea mak dea riito.

EJEKIEL 17:15

Shatmaq Juda mung hokhamwe raq kra tongshong kiqkham kra jinto. Raüta Ejip mung hokhamwe phana kumrang kong nai phenlabi pahea tiisheakai kiimwebi tiikito. Riita apaiq raq kra munglap wan nong miitu reshun tlaq ka mitang sha? Apaiq raq tongshong raütu runtlaq kriika mo hohü maq hangkilot mak!

EJEKIEL 23:30

arthun ara ümkhuthaq tiisaüto. Ümniika mangjong wa maiqmung thun miitu mephe rilung siwan laü. Kiimaq ümkhum ka sumla phra thun noq wan laüta tiisheshi wan laü.

Hosea 5:13

“Israil mung raq tsangshiq ngarai thatsi chhito. Kiimaq Juda mung riimin tsangshiq ngarai homa chhito. Raüta Israil raq Asiria hokham tijong howato. Shatmaq Asiria hokham raq, tsangshiq ngarai tsi ka tiihea lot mak riito.

Hosea 7:11

Angi parokaü phephiiq raitlaq ikha, Israilnok ka phephiiq raitlo, apha na Ejip mung tijong hokito! Kra jai maq Asiria mung tijong hokito! tsangshiq raq ngi alaq riibaiqto.

JOSHUA 13:3

kiimaq riita shemai nü na Awim wang kra. (Ejip mung hiq rai na Shihor jürai maq pha raüta, shekhu nü wang na Ekron chela na saüli ka Kanannok hiq nguta ngutlo; Philistainnok hokhambi ka, Gaja, Ashdod, Ashkelon, Gath, kiimaq Ekron chela thun na sitlo.)