JEREMIA 2:17 - ASII LAKDAP Bible (BSI)

¹⁷ Israil lei, arka ümniiraq ümjaqlii maq arit haü! Ümniiraq ngi miimbaiq laü, Tatiwe, üm Shiikeawe, Ngi raq ümniika lam maq shea wan tiikang akhing na miimbaiq laü.

Hawa Naga Bible 2001

¹⁷ Israel lex, vruex kuex mpumz maq vshuimx wvnc rvtueq ngaz rueq mnoz muex lvmx shvlx kuq yaq nuex ngaz, Yehowa m-Tishox kuex tuip gay toq.

JEREMIA 2:17 Referencias Cruzadas

1 KAÜWA WERAÜ 28:9

Kiimaq apaiq raq Solomon ma chongto, “Ise lei, ngi raq ümniima ümwe Shiikeawe ka saplaq nguta aming kuq tiikang. Laüta apaiq kli tsan nai mongjii wiita kuq lata shiililii wan laq, kiimaq khoqriiq shishiiq tiima tsantsii maq shiililaq. Apaiq raq nashiq tiima tsantsii kunli asap. Kiimaq nashiq raq jamlai wa lungwii tiikai kriimin asap. Krai mren ümniika awokhong na wahaüla, apaiq raq ümniika mitao. Shatmaq ümniika awokhong wa ahin na juho raüla, apaiq raq ümniika pattup miitu she mimiimbaiq.

2 KAÜWA WERAÜ 15:2

Kiimaq apaiq ka Hokhamwe Asa rai riihumkito. Raüta apaiq raq akha riimto, “Hokhamwe Asa lei, i bom ara tai laq. Kiimaq namshiq Juda mungti nai Benjamin mungti raq tairong laq! Namshiq ka Tatiwe rai sihan jiila, Tatiwe ka namshiq rai adam misi. Namshiq raq apaiq rit han la apaiq raq namshiq ma apaiq ka mitiihum kuq. Shatmaq namshiq ka apaiq wokhong wa juho han jiila, apaiq raq namshiq ka amiim mirbaiq.

YOBA 34:27

jamkhano ngukla tsangshiq raq apaiq jai ka phan mak she tsaqkito kiimaq apaiq aming thun ka wiita shishe baiqto.

YOBA 4:8

Ngi raq maiq ka abi wak jaqsham nithe rea chhikang, abi tsamlai ka wan wanto; ümchaü ka tsangshiq raq ashut tsi nai abi tsi she jutlo.

Tvtsvmc 107:7

Apaiq raq tsangshiq rusansan lam maq shea wanto tsangshiq shongchang chela ashi na shea wanto.

Tvtsvmc 136:16

Apaiq raq asenginok ka rumnyangkhi kumtsaiphii lam maq tsuq wanto; apaiq lungwii ka pattup pat-sa.

Tvtsvmc 77:20

Ümniiraq ümsenginok ka sku rümti raq shunshea tlaq ikha shea wan laü, Mosheq nai Aron wokhong maq shea wan laü.

TAKSU LAK 15:10

Ümniiraq ashut klo raüla, ümniiraq sintsang laihea miho haü. Atsii achongkuq kra tai maü raüla, ümniika atsai mirhaü.

ISAIA 1:4

Ümniika miqlaü she. Ümniika ngarai kaq mung ashi. Ümniika ashe kiimaq abi pinthum! Ümngarai riilishe ümniika patbaiq wanto! Ümniiraq Tati, asii Israilnok Shiikeawe kriika no na tsuqbaiqlaü. Laüta ümniiraq apaiq ka jainong nümiishe shungbaiqlaü.

ISAIA 59:13

Naishiq ka ümwokhong wa donghokai. Ümkiq khiikai. Ümniika tiishaübaiqkai. Ümjai phan mai riikai. Naishiq raq nanok ka ji maq nishishi haihü wankai. Laita ümwokhong wa ahin na juhokai. Naishiq tiima tsantsii ka arot. Naishiq bomtsi chongtiikai kiimin arot.

JEREMIA 13:22

Kiimaq ümniiraq arthun mat dong ara jamkho saü wanta nguta bom waihaüla, ümkhu ümkhea thun ka wiita wunthaü riinaü she chaibaiqtaq kra, kiimaq ümniika maiq raq wiitashe haihü baiqtaq kra jamkhano ngukla ümnaq ngarai ka bihea pinthum tang wan laü. Kriikha na ümniika maiq raq haihü wanto.

JEREMIA 19:4

Ngi raq ara hiqshong ara jamkhano tiithenbaiq tiikang ngukla, tsangshiq raq ngi ka no na miimbaiqto. Raüta ara hiqshong ara laihin phra kong ma honglu takuq raüta wiita tiishe shibaiqto. Tsangshiq raq nai tsangtitiim riimin sapmak kiimaq Juda mung wa hokhambi riimin sapmak phan phra kong kra shomnoq wanto. Kiimaq tsangshiq raq ara hiqshong na khühü lamhü na maiqsang sepii thun kra tsatbaiqto. Raüta maiqsang tiijai pahea raübaiqto.

JEREMIA 2:13

Jamkhano ngukla isenginok raq ngarai phan nai tangto: tsangshiq ka iwokhong wa juhoto, khangriri hea khamraise wa, raüta tsangshiq raq khappong thun thuto, kriika akha tonglong kham riichumlot mak.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

JEREMIA 4:18

Juda lei, arka ümniiraq ümkhu thaq na, ümrilung na ümchap ümnga maq kiimaq ümjaq sham ümkai wa maq niq wan laü ahata. Ümngarai ma phong kra tham she ara chamchao ara saü wanto. Ümchaü sanha jasai maq üm mongpo na tiiphok ra she shokto.

JEREMIA 44:3

Jamkhano ngukla kiijaq siti mungmaiqse raq abi kloto. Raüta itsan tiikhiqto. Tsangshiq raq phanhin sumla phrakaü thun ma honglu thun takuqto. Kiimaq phra kaü thun tsangshiq riimin sapmak, namshiq riimin sapman, namtitiim riimin sapmak phra thun ka shomnoq wanto.

JEREMIA 5:25

Shatmaq namshiq ngarai raq ara ahea awa thun ara namshiq raq lapchang wa shangbaiqto.

EJEKIEL 39:24

Tsangshiq raq ashe ashi kiimaq abi klo wantaq kra phan phan, Ngi raq tsangshiq ma thektlaq khan khan kuq kang. Kiimaq Ngi raq tsangshiq ka jainong nü maq shungbaiq kang.”

Hosea 13:9

“Israilnok lei, ngi raq namshiq mishthen baiqha. Ijaqkhon wa namshiq tiichhiiti asi shea?

Mikha 1:5

Arthun Shiikeawe tsankhiq saütlaq arka juma mra kewan chang wa? Jakob raq ngarai tangwanto riimak shea? Israilnok ngarai miitu riimak shea? Riita Jakob ngarai ka jamlai wa? Samaria chela na riimak shea? Kiimaq Juda ngarai tangchang hiqlam ka ümbano? Jerusalem chela riimak shea?

WEAWEA 32:23

Shatmaq namshiq raq maiqmii kiqkham kra tiiku wan man riihanla, ngi raq hiiq hiiq namshiq ma ngutiikang, namshiq raq Tatiwe man na ngarai mitang han. Kriika atiitsa riimak jo; namshiq ngarai kha na mo mihohan.

TRI CHONGKE 32:10

“Apaiq raq tsangshiq ka kumtsaiphii mung na amangmii rai wa humto, maiq ahü, rahai wa henghea bintang jiingi mung. Apaiq raq tsangshiq khup wong kuqto raüta shiikum panto, apaiq maiqmii khum tiichhiitlaq ikha.

TRI CHONGKE 32:19

“Ümtiikiiwa Tatiwe raq ara chhitaq, apaiq atsan khiqto, kra ningkhan ase maiqwesetiim nai jechaksetiim ka miimbaiqto.