JEREMIA 2:19 - ASII LAKDAP Bible (BSI)

¹⁹ Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

Hawa Naga Bible 2001

¹⁹ Mngarvyx rueq mnoz muex murx tvgurc kv-phux, mnoz ngvy kox wawc kvroz wvnc toq kvraq mnoz muex murx tvgurc kv-phux. Ngaz Yehowa m-Tishox tuip gay ningkhvnc nuex, ngaz muex hiyaz thuinz vguez kuex mtanc lac bac yaq nguinx mnoz rueq tuiuz wvnc shuiux. Vruex kuex ngaz, Tvphaungc Tvsuip Yehowa rueq jungx vshaungx.”

JEREMIA 2:19 Referencias Cruzadas

1 HOKHVMX 18:18

“Ngi ka mungbraktiwe riimang,” nguta Elija raq apaiq bom ka treto. “Ümniikhata —ümwe namnai khata mungbrakti ka. Ümnaq nai ümwe tahii jamti raq khata Tatiwe aming thun tleati ka. Lantea Baal sumla phra phong kra shomnoq tlan kata.

2 KAÜWA WERAÜ 12:5

Shammiwe Shemaia ka Hokhamwe Rehoboam nai Juda wang wa mung welabi thun ka Jerusalem na Shishak jaqkhon mong wa tsangchiim jinho miitu thungtlaq kiijaq kito. Apaiq raq tsangshiq ma nguto, “Namshiq ma Tatiwe bomtsi ka ara: ‘Namshiq raq ngi miimbaiq lan. Krai mren ümchaü ngi raq namshiq ka Shishak jaqkhon mong niishe kiinong kuq baiqkang.’”

2 KAÜWA WERAÜ 21:10

Kriimiiphat she Edom mung ka Juda mung wokhong wa dongho raüta maiqmii mungtan lap raüta shong wanto. Riita ara akhing bala liipan na sü hali, Libna chelati riimin Juda mung wokhong wa dongho raüta maiqmii mungtan she shong hoto, Jamkhano ngukla Jehoram raq atitiim Shiikeawe Tatiwe ka miim baiqto.

2 KAÜWA WERAÜ 25:16

Kiijiishe Amajia raq apaiq bom tiipit kiq ka akha khiito, “Ümniika naishiq raq hokhamwe danhonti ma ümtiiko shongkai? Kaiqshak ngalaq, riimakla ngi raq ümniika mitiise baiqha!” Shammiwe ka tsaq kito. Shatmaq apaiq riika akha nguraütiitiq tsaqto, “O, ikhla ümchaü ngi raq sapkang she. Shiikeawe raq ümniika ashthen baiq miitu atoqtan wishe. Jamkhano ngukla ümniiraq arthun ashut klo wan laü. Kiimaq ümniiraq idanhon ka shipoq baiq laü.”

Tvtsvmc 36:1

Ngarai raq abiwe mongjii na chongtlo; apaiq raq Shiikeawe shipoqtlo kiimaq shreng mak.

DUNGWVNC 33:6

Krai mren, Israilnok raq Sinai Pum ka baiqthü jai miishe ka chaq nai kampho laktum thun ka lak mak she riito.

TAKSU LAK 1:31

Kra ningkhan ümniiraq jamlai phan lapchang wa, kra phan kli milap wan haü, Ümniiraq jamlai jaq wa sham laü, kra tsingo ka phaqsiq laütli she mibii haü.

TAKSU LAK 1:32

Taksu tsii ritmak, tamtang maiqse ka tsailam mirhum. Jamkhano ngukla tsangshiq raq, nyan phaqchi shipoqto. Angi nolakong ka athen mirki, tsangshiq tsii ahü kha maq.

TAKSU LAK 5:22

Ngarai maiqse ngarai tang tlaq kriika, apaiq minrai chang chiiq. Apaiq ka apaiq ngarai chiiq niili minraitlo.

ISAIA 3:9

Phowebi raq maiqse ka athea phi na lii raüta kha phokuq wan tlaq kra, kha ka tsangshiq khuthaq na minyan wan. Tsangshiq raq raweahü maq Sodom chelati raq ngarai klotaq ikha klotlo. Tsangshiq ka miqto she. Kiimaq tsangshiq raq kra maiqmii jaq miili tsang mea wan chang lam kra tan wanto.

ISAIA 5:5

“Ngi raq ispiqro ka akhiishe mirha. Sonruk tro wa ruk ka asiiqshe mirbaiqha, atiiwong chang ruk ka arun she mirbaiqha. Lata rum nyamse kong miishe mitiiphaqha. Lata rumnyamse kong ma ji maq wiita mitiinibaiqha.

ISAIA 50:1

Tatiwe raq ngutlo, “Ümniinga Ngi raq isenginok ka jobaiqkang maiq weshi raq achak miimbaiqtlaq ikha ngutiisha tiima tlaü? Ikhiijiika, amiim lak ka ümbano? Ümniinga Ngi raq ümniika maiq jaq na shumwi ma shabaiqto, awe raq asetiim ka di ma shaphatlaq ikha ngutiisha tiima tlaü? Riimak, ümniika ümngarai tang kha na shumwi ma maiqjaq khon na wawan laü. Ümnaq maiqdi ma tiiwabaiqtaq kriika ümniiraq kha pahea tang khana tiiwa baiqto.

JEREMIA 1:16

Ngi raq isenginok ma mo mitiihoha. Jamkhano ngukla tsangshiq raq ngarai tangto. Tsangshiq raq Ngi ka miimbaiqto. Raüta laihin phra thun ma honglu takuqto. Kiimaq tsangshiq raq sumla phra pahea tiiqto. Raüta kriithun ka shomnoqto.

JEREMIA 13:22

Kiimaq ümniiraq arthun mat dong ara jamkho saü wanta nguta bom waihaüla, ümkhu ümkhea thun ka wiita wunthaü riinaü she chaibaiqtaq kra, kiimaq ümniika maiq raq wiitashe haihü baiqtaq kra jamkhano ngukla ümnaq ngarai ka bihea pinthum tang wan laü. Kriikha na ümniika maiq raq haihü wanto.

JEREMIA 2:17

Israil lei, arka ümniiraq ümjaqlii maq arit haü! Ümniiraq ngi miimbaiq laü, Tatiwe, üm Shiikeawe, Ngi raq ümniika lam maq shea wan tiikang akhing na miimbaiq laü.

JEREMIA 3:22

Jangwa rongkiq, namshiq tarü Tatiwe wokhong wa kiholanti thun; apaiq raq namshiq thatsi ka atiihea mirkuq kiimaq namshiq ka maiqshaq miishe mitiija wan. Namshiq raq ngutlan, “Tengto, naishiq ka Tatiwe wokhong na jang wan nongtiikai. Jamkhano ngukla apaiq ka nashiq Shiikeawe.

JEREMIA 4:18

Juda lei, arka ümniiraq ümkhu thaq na, ümrilung na ümchap ümnga maq kiimaq ümjaq sham ümkai wa maq niq wan laü ahata. Ümngarai ma phong kra tham she ara chamchao ara saü wanto. Ümchaü sanha jasai maq üm mongpo na tiiphok ra she shokto.

JEREMIA 5:22

Ngi ka Tatiwe; Namshiq ngi ma hai man ka jaro? Namshiq raq ngi ma namhai tiisiman jaro ngikilan? Ngi raq khamjong chumkii na kumtsai ka phong lata khamjong chum hiq rai thükang. Kriika pattup pat-sa miitu. Kham raq liim wan lot mak she. Khamjong chum ka rathaiq wan raüla miblunrai sham. Shatmaq ara takii rai ka lüm wan lot mak she. Khamjong chum ka miblun siq wan sham. Shatmaq takii raikang kra lüm wan lot mak.

JEREMIA 5:24

Namshiq raq ngi shreng wan ka jangshi ra min tiima man. Ngi raq namshiq miitu liidong wan ra tiijun kuq kang. Lamse sat ra min tiijun kuq kang. Lata namshiq ma rawiitek tsamjut cho akhing kuqkang.

JEREMIA 5:6

Kra ningkhan rum wa hangsi kong raq tsangshiq ka mikaq; kumtsaiphii rumnyangkhi wa shekong raq tsangshiq ka bunlak buncha mikaq phaq. Kiimaq tsangshiq chela thun mong na chiqwaiqkong wa raüta mikhephaq. Tsangshiq ka chela phai niishe dongki raüla, tsangshiq ka bunlak buncha mikaq phaq. Jamkhano ngukla tsangshiq ngarai ma ka ra ma hiq ma. Kiimaq tiithongkiki tsangshiq raq Shiikeawe bom ka tlea wanto.

JEREMIA 7:19

Shatmaq riikhaqli maq liiwan raüka, tsangshiq raq ngi dea shea tiichamchaotla? Riimak. Tsangshiq raq maiqmii raq khoti mo hotlo. Raüta tsangshiq khuthaq na jeasi ngaü chang lamlu kli tanwantlo.

JEREMIA 8:5

Ikhiijiika isenginok namshiq ka ngi phana jai na jang wan man maq, klang maq iwokhong wa jamkho juho lan? Namshiq ka nam phra sumla thun kriidii niili she tiipop wan lan. Lantea ngi phaniika jang wan roman she ngiimtlan.

EJEKIEL 23:30

arthun ara ümkhuthaq tiisaüto. Ümniika mangjong wa maiqmung thun miitu mephe rilung siwan laü. Kiimaq ümkhum ka sumla phra thun noq wan laüta tiisheshi wan laü.

EJEKIEL 39:24

Tsangshiq raq ashe ashi kiimaq abi klo wantaq kra phan phan, Ngi raq tsangshiq ma thektlaq khan khan kuq kang. Kiimaq Ngi raq tsangshiq ka jainong nü maq shungbaiq kang.”

Hosea 11:7

Isenginok iwokhong wa dongho roli hongla wanto. Krai mren maiqtijong howanto. Raüta maiqdikong ma jawanto. Chamchao tsi maq hoqphaq wanto. Shatmaq ngi raq tsangshiq maaho tre mang.

Hosea 13:9

“Israilnok lei, ngi raq namshiq mishthen baiqha. Ijaqkhon wa namshiq tiichhiiti asi shea?

Hosea 14:1

O, Israilnok lei, nam Shiikeawe puk na nyap wan nong ronglaq! Namshiq ngarai kho na thap lantea dea wan lan.

Hosea 4:16

Kumtoq kaü ashpuq ma hahea, Israilnok kiimin kiikha, riita Tatiwe raq tsangshiq skusekong ikha, nyiimlung rü na mirüm wan sha?

Hosea 5:5

Israilnok shiikong tsii ka tsangshiq shrati saqse, Tsangshiq ngarai thiikho niili dea wanto. Juda mungti kiimin tsangshiq rai khoshi na dea wanto,

Hosea 7:2

Shatmaq tsangshiq raq, atinkhan ngarai tangwan tlaq arka, ngi raq achhiha nguta, tsang khutsai na saümak. Ümchaü sanha tsangshiq ngarai raq alamshe riiwanto. Tsangshiq ngarai ka imak na rashra tiichhi shat,” nguta Tatiwe raq ngutlo.

Hosea 9:1

O, Israilnok lei, thatsang maiqse raq lang tlaq ikha, poi naq lang rongkiq. Namshiq ka Shiikeawe wokhong wa dongho lan. Lanta mephe-nyungre ikha sitlan. Israil mung tlotli na namshiq raq, Baal phra raq namshiq trong wintlo nguta, apaiq shomnoq tlan!

AMO LUIK DVP (AMOS) 8:10

Kra akhing na namshiq peo poi shinge ka, maalap maaho majü ma miklai baiq ha. Maaho jümii namkhu loktam silanta, wunthaü riinaü samhong samlanta, ase sekhuq laqlaqse tsaiki raüjaq, anyungwe hoqsii tlaq ikha, mitiihoq pha. Kra thum wan ka jamlai ranaiq maq thichang min riimak she.

Mikha 1:5

Arthun Shiikeawe tsankhiq saütlaq arka juma mra kewan chang wa? Jakob raq ngarai tangwanto riimak shea? Israilnok ngarai miitu riimak shea? Riita Jakob ngarai ka jamlai wa? Samaria chela na riimak shea? Kiimaq Juda ngarai tangchang hiqlam ka ümbano? Jerusalem chela riimak shea?

JEKERIA 7:11

“Shatmaq isenginok raq tsangni lanlaqlaq maq siwanto. Tsangshiq khutsai ka tlan phan baiqto.

Romans 3:18

Tsangshiq raq Shiikeawe ma haisong tsantsii rüm mak.”

PHOWEBI 10:13

Ngi raq namshiq ka tiichhii kuq wan kang taü miimin, namshiq raq ngi ka miimbaiq thü nong lan. Lanta laihin phra thun kriishe shomnoqho nong lan. Kriikha na ngi raq ümchaü namshiq ka tiichhiikuq nong mangshe.