Biblia Todo Logo
La Biblia Online
- Anuncios -




JEREMIA 2:19 - Hawa Naga Bible 2001

19 Mngarvyx rueq mnoz muex murx tvgurc kv-phux, mnoz ngvy kox wawc kvroz wvnc toq kvraq mnoz muex murx tvgurc kv-phux. Ngaz Yehowa m-Tishox tuip gay ningkhvnc nuex, ngaz muex hiyaz thuinz vguez kuex mtanc lac bac yaq nguinx mnoz rueq tuiuz wvnc shuiux. Vruex kuex ngaz, Tvphaungc Tvsuip Yehowa rueq jungx vshaungx.”

Ver Capítulo Copiar

ASII LAKDAP Bible (BSI)

19 Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

Ver Capítulo Copiar




JEREMIA 2:19
40 Referencias Cruzadas  

Eliya rueq, “Ngaz kuex kuilc daz kuy jix waz rvmuq. Mnoz nuiyc m-waz nuimnueyc dvyx rvtuit. Mnoz waz kuex Yehowa rueq nvr yaq bomc htenc kuex phvnx muq maq, Bala yac yuimx htenc kuex nawk palx vshuiux.


Shvmmax Shemaia kuex Shishak yauk wawc yuz wvnc lvp laz juing ngoz tueq Yerusalem nuex rvtuimx yaq Hokhvmx Rehoboam nuiyc Yuda walaungx bix kox nuex kaz wvnc tueq. Piq rueq tsuinghez muex, “Vruex kuex nuimshiq rueq jungx tuit Yehowa bomjungc rvtueq: ‘Nuimshiq rueq ngaz kuex tuip gay ningkhvnc nuex, majuiuc ngaz rueq muinz nuimshiq kuex Shishak yauk nuex lekuq gay vphaungx,’ ” ngoz tueq jungx tueq.


Edom mungx kuex Yuda rueq guimz lawc khung wawc mungtan lvp wvnc tueq. Jehoram kuex Yehowa piq jix vwaz tamx Tishox kuex tvdux gay ningkhvnc nuex, Libna ghaq jix rueq muinz piq kuex khawx lvlx wuez tueq.


Kvkhoc ngoz koq tueq Amazia rueq, “Mnoz kuex hokhvmx waz rulc rvjungc rv-phvnc walaungx muex mkaq lac tvyaungc phix? Kuiyq shuik rvkuiuz, rvmuq ngoz ruiux ngaz thvt gay phaungx!” ngoz kuq tueq. Shvmmax waz rueq, “Piq rueq vkhoc shuimx lvmz ruiux ngaz rueq kuq tauk kvmungx kuex wvlc guez tvyaungc ningkhvnc nuex Tishox rueq piq kuex tvbac gay tvkoc kvmungx yaq lvmz kuex majuiuc ngaz rueq tuiuz tauk shex,” ngoz tueq kuiyqshuik tauk kaz tueq.


Mvrax kuex layx bac jix thuinz vmungx thuiuz hvlc nuex kvjak thuiyc yaq; piq rueq Tishox kuex tvdux gay ruiux vpiq muex tvtsanc nganc juing yvmx muinz vguez ngoz yaq.


Kvkhoc rvtueq Israel miqsaz htenc rueq kvmarc khak juing htenc kuex Sinai kanx maq kvtenc wvnc tueq nuex put gay wuez tueq.


Kvkhoc rvtueq mnoz rueq shuimx wvnc toq rulc rv-ngvlc mnoz rueq lvp wvnc shuiux ningkhvnc nuex, mnoz rueq shuimx shuiux kvraq mnoz muex tvthuiuz sac kv-phux.


Rvhumc rvhelc vguez jix miqsaz htenc rueq taksux tharc kuex tvdux gay ningkhvnc nuex vthueyc rvhumc wuez yaq. Miqyaq jix htenc kuex yvmx muinz tvmaung raung muq httaz ningkhvnc nuex tvbac gay rvhumc vtuex.


Layx bac jix waz mvrax kuex bix vtsvnc rvtueq, piq kuex piq mvrax jak nuex kvlvp rvhumc tueq.


Tsuingshiq rueq htvlx phawc thuiyx yaq kuex tsuingshiq vjux dvyx tvsumx kuq yaq. Tsuingshiq kuex Sodom ghaq wuinz rueq shuimx tueq ikhoc mvrax kuex raungshuex raung shuimc wuez yaq. Tsuingshiq kuex vphoc rvhumc yaq, tsuingshiq rueq mvrax kuex miqmac pumz nuex tvhttuiuc wuez yaq.


“Vruex kuex ngvy svpiq sunc nuex ngaz rueq shuimc wvnc juing yauk shuimc rvtueq: ngaz rueq sunc tvroz ruk htenc kuex lvmz gay ruiux, kvruex tvguing tvwungx juing ruk htenc kuex httak gay vtueq yaruix ngvmx saz htenc mphauk gay shuex kvruex sunc kuex tvnuiuz gay shaungx.


Yehowa rueq, “Vtaungx nyuiuz shurc gay tueq miq washiz ikhoc ngaz rueq ngvy miqsaz htenc kuex yurc gay tueq ngoz tueq haz tvmaung vshuinx? Kvkhoc ngoz ruiux rv-phvlc luik phux htenc kuex m-yuq lac? Miq washiz rueq vsaz hez kuex dax muex shaung gay tueq ikhoc ngaz rueq mnoz kuex wuinz saz muex shaung gay tueq ngoz tueq haz tvmaung vshuinx? Rvmuq, mnoz thuq lvy rvhumc tuit kuex mmvrax htenc ningkhvnc nuex rvtueq; mnoz rueq shuimx wvnc toq vbac yauk shuimc ningkhvnc nuex vyurc gay rvhumc tuit.


Ngvy miqsaz htenc tsuingshiq rueq mvrax yaq vtueq; ngaz tuip gay jix, vganc tishox htenc muex shomc nawk kuy muex shomc kuy jix, tsuingshiq rueq vguirx yac yuimx htenc muex nawk palx jix htenc kuex murx tvgurc shaungx.


Mkhoc shoc maq nuimshiq rueq vruex lotlaz kuex yvmx ngoz tueq lac yaungx kaz wuez tvnx? Yvmx ngoz tueq lac mkhvy htenc juir gay ruiux shummarc rvhumc vtuiux? ngoz tueq mnoz rueq wiz ruiux yuq, kvruex kuex kvhiz juing mmvrax ningkhvnc nuex rvtueq.


Israel lex, vruex kuex mpumz maq vshuimx wvnc rvtueq ngaz rueq mnoz muex lvmx shvlx kuq yaq nuex ngaz, Yehowa m-Tishox kuex tuip gay toq.


Yehowa kox wawc kvroz wvnc jix hez lex yek waung luit; piq rueq nuimshiq muex tvhvlc kuq ruiux mnoz kuex tvmtuing tvhttax kv-phux. Mnoz rueq, “Rvtueq, vpiq kuex nuiyshiq Tishox ningkhvnc nuex nuiyshiq kuex Yehowa kox nuex woz vtix.


Yuda lex, mnoz httaz vngaungc nuiyc shuimc vkay htenc ningkhvnc nuex mnoz vkhoc yaungx wvnc tueq. Mthuinz vmungx nuex yaung maq vshuiuq gay ikhoc; mmvrax ningkhvnc nuex vkhoc kuilc daz vtuiux.


Ngaz kuex Yehowa rvtauk; nuimshiq kuex yvmx ngoz tueq lac ngaz muex hiz muit? Ngvy max nuex yvmx ngoz tueq lac nuimshiq kvkhuirc muit? Ngaz rueq svmuktvrax tvkoc ghaqruiy vtueq, yuix rueq yanz wvnc muq laung kumtsvy maq ruiy taq tauk. Svmuktvrax yuix daungx duiz yaq, yuq muinz yanz lot muq; yuix daungx kuex tvruingx yaq, yuq muinz ghaqruiy kuex yanz lot muq.


Yux vlawc tv-phvnc yux dungc nuiyc lawc dungc raungx tvyunc kuq vtueq, mkaq muinz vthuey vngoz tvjomx jauz tvhungx kuy jix ngaz kuex nuimshiq rueq tvtsanc nganc muit.


Kvkhoc ningkhvnc nuex luingx vlak wawc hangsic htenc rueq tsuingshiq kuex kauk gay shuex; kumtsvy tvnx wawc yaruix guyhex htenc rueq tsuingshiq kuex tvhtaq tvruk kauk gay shuex, pulx jungx jaq rueq muinz ke-phic maq bvmc vtueq, mkhoc shoc maq miq dung kaz ruiux yuq, tvhtaq tvruk kauk gay shuex, yvmx khoc lac ngoz ruiux lex tsuingshiq kuex mvrax paunghvlc nuiyc Tishox muex lauk wvruip ruip yix tvnungx shungc kuy ningkhvnc nuex rvtueq.


Yuq muinz vsuing thuinhvlx muq jix kuex ngaz haz rvtauk nguinx? Rvmuq, tsuingshiq dvyx miqmac thuinz piauc muq maq yvlc svy rvhumc wuez yaq.


Kvkhoc rvtueq ngvy miqsaz htenc lex, nuimshiq kuex yek waung muit maq, ngaz kox wawc yvmx ngoz tueq lac mkaq muinz kvroz wvnc wuez vtuinx? Mnoz kuex m-yac yuimx htenc muex thuinz rvnx vtueq ngvy kox nuex yek waungc tvkoc tvlvlc vshuiux.


mhtauk nuex vkhoc httuiuc waung tueq. Mnoz kuex miqphvnx htenc tvkoc mephex nyuiuz yaungx vtuiux nuiyc tsuingshiq yac yuimx htenc nuex mshauk gvnz kuex tvshuy shac vshuiux.


Tsuingshiq sawc muq nuiyc tsuingshiq honc vbac laung nuex tsuingshiq rueq lvp aungx yaq rulc rv-ngvlc ngaz rueq kuq vshaungx, ngaz kuex tsuingshiq kox maq kvroz wvnc vtaungx,” ngoz tueq jungx tueq.


Tsuingshiq kuex ngvy kox wawc kvroz kay wvnc tvkoc hunglaungx wuez yaq. Tsuingshiq htauk nuex kvdaungc yaq kantaung ningkhvnc nuex tsuingshiq guyc sez wuez tuex, yuq muinz tsuingshiq kuex uraq muinz tenz tvjvp shuex rvmuq.


“Israel miqsaz lex, ngaz rueq nuimshiq kuex tvbac gay phaungx! Kvkaq nuimshiq muex uraq lac romc kuq lot kv-phuinx?


Israel miqsaz lex, Yehowa nuimshiq Tishox kox nuex yek waung kuinz. Nuimshiq kuex nuimshiq mvrax rueq tvhtuip tvrul wvnc kv-phuinx.


Israel miqsaz htenc kuex kumrawx htenc ikhoc duingx tsanz wuez yaq. Ngaz rueq tsuingshiq kuex khelbuenx sahez ikhoc ghaq htungx httuingx ruix tvnx nuex yvmx khoc lac remx lot shaungx?


Israel miqsaz thuinz tvyungc yaq kvraq tsuingshiq muex tvyonz yex yaq. Tsuingshiq mvrax htenc rueq tsuingshiq kuex tvhtuip tvrul gay yaq, Yuda miqsaz htenc kuex tsuingshiq rulc vdvmz rul wvnc wuez yaq.


Tsuingshiq rueq shuimx yaq layx bac htenc ngaz rueq tvtsuingc taq vshaungx lvmz tsuingshiq rueq mkaq muinz helc muq; yuq muinz tsuingshiq mvrax htenc rueq tsuingshiq kuex tvkomc tuimx wvnc vshuex, ngvy khaungkac nuex kvruex mvrax htenc kuex dung kvkhic yaq.”


Israel miqsaz lex, nawk palx htungx vguez miqsaz htenc rueq ikhoc tvhungx vshuinx phuiuz vsvy moalx htenc kuex httvr wuez shuinz. Nuimshiq kuex nuimshiq Tishox kox wawc kvroz kaz vtueq vpiq muex tvmtuing vguez. Nuimshiq rueq nuimshiq shauk pumz kuex wvmungx tuimx vyuq mephex nyuiuz hez ikhoc Bala tishox muex shaung kuq ruiux, tuiz vtsvmz raungc raq vshuinx kuex piq ningkhvnc nuex lvp vshuinx ngoz tueq tvmaung vshuinx!


Ngaz rueq nuimshiq kuiuq vmoalx htenc kuex vluip vshoay moalx tvyaungc ruiux, nuimshiq kokez shic kuex vyonz vyex nuex layc gay shaungx. Ngaz rueq nuimshiq khux htenc tvsawc gay ruiux ruiyhec khvy tvsvmc phaungx, nuimshiq kuex saz shauk thueyc kaz koq yuq vnyuiuz nuiyc vwaz yonzyex rvhumc yaq ikhoc yaungx wuez tuinx. Kvruex raungnuiyq kuex vkhuip vkhaq httax laz juing htumx wvnc tuex.


Israel yaq tueq mvrax nuiyc Tishox muex khawc lvlc ningkhvnc nuex vruex lotlaz yaungx wvnc tuex. Israel rueq khawx lvlx tueq laung nuex ukhaq muex mvrax tvgurc juing lac? Samaria Ghaqnyuiuz jungx rvtueq rvmuq haz! Yuda mungx nuex yac yuimx nawk tueq layx wawc mvrax lvp jix waz kuex ukhaq lac? Yerusalem ghaqnyuiuz jungx rvtueq rvmuq haz!


“Yuq muinz ngvy miqsaz htenc kuex khux tvtsanc wuez vtueq tvlvlc wuez yaq. Tsuingshiq rueq miqmac thuinz kuex shauk gay ruiux


Tishox muex hisungx thuinz muinz vguez,” ngoz tueq wuiyq shec tueq rulc rv-ngvlc yaq.


Yuq muinz nuimshiq rueq ngaz kuex tuip gay ruiux, vganc tishox htenc kuex nawk palx wvnc wuez yek tuit, kvkhoc ningkhvnc nuex ngaz rueq nuimshiq kuex laukshiz palc wvnc yek phaungx rvmuq shex.


Síguenos en:

Anuncios


Anuncios


¡Síguenos en WhatsApp! Síguenos