JEREMIA 2:20 - ASII LAKDAP Bible (BSI)

²⁰ Ajong Pinthum Tatiwe raq ngutlo, “Israil lei, rathup niiphü ümniiraq ngi arang ka no na tsuqbaiqlaü; ümniiraq ibom taimaü riilaü, Ngi shomnoq maü riilaü. Kin diilu aweatek na kiimaq pejaq nüm chong aweatek chongji na ümniiraq ase keti phra thun noq laü.

Hawa Naga Bible 2001

²⁰ Johvlc Yehowa rueq jungx tueq, “Israel lex, mnoz rueq mvnnuex phuex ngvy vrangx vpangx kuex tvdux gay ruiux, mnoz rueq ngvy kvjaz phvnx muq ngaz muex nawk palx muq tvlvlc gay toq. Kanx vjoz ruip rawx htauk nuex nuiyc pulx jungx vwuil ruip rawx khung nuex paungyaung yaq tishox htenc muex nawk palx vshuiux.

JEREMIA 2:20 Referencias Cruzadas

1 HOKHVMX 12:32

Kiimahali Jeroboam riika jipi lütiichat na raroqshi ri rabiingi ranaiq na phra shomnoq poi ashi phoqkuqto. Arka Juda mung na langtlaq poi kiikha tiihongkuqto. Apaiq raq Bethel na haitaq berong-wacha kiijaq, apaiq raq aklo chaq minsaü pongse sumla thütaq kriima nyamse honglu thun takuqtlo. Kiimaq apaiq raq shomjam thun ümchuwa haitaq kiijaq ramwe jaqshamti thun ka Bethel na tiisi wanto.

1 HOKHVMX 14:23

Tsangshiq raq arot phra thun shomnoq chang hiqba diilulu pahea haito. Kiimaq longkham thun shongto, kiimaq Ashera sumla phra shomnoq chang berong pahea ku akin thun hamli na shong wanto. Kiimaq pechongtong thun angu wiita na arthun ara shong wanto.

Tvtsvmc 107:14

Apaiq raq tsangshiq ka ranyaq chamchao mong wa tiidongto kiimaq tsangshiq kharü jinraü thun pantham panthit panbaiqto.

Tvtsvmc 2:3

“Nashiq ka tsangshiq wokhong wa dongho rong i,” nguta tsangshiq riichongtlo. “Tsangshiq ka natijongnok ngumai she.”

Tvtsvmc 78:58

Tsangshiq raq apaiq ka tsangshiq thatsang hiqba thun haiwan raüta atsan tiikhiqto, kiimaq tsangshiq raq sumla phra thun noq raüta apaiq tsan ka walü wa ikha tiinyai chaqto.

DUNGWVNC 19:8

Kiijiishe mungmaiqse kunli raq adam na apaiq bom ka akha treto, “Tatiwe raq bom chongtaq thun ka naishiq raq wiita milanghai,” kiimaq Mosheq raq ara bom ka Tatiwe ma tiitaito.

DUNGWVNC 24:3

Kiimaq Mosheq ka mungmaiqse phana kito. Raüta Tatiwe raq aming thun kuqtaq kra tri raütu akuq thun kra tlotli chongkuqto. Kiimaq mungmaiqse kunli raq adam maq treto, “Tatiwe raq jamlai wa chongtaq kra wiita naishiq raq miklohai.”

DUNGWVNC 3:8

Kra ningkhan Ngi ka tsangshiq kra Ejip mungti jaqkhon mong wa tiichhiike kai satki kang. Lata tsangshiq ka Ejip mung wa tsuq wan lata binlu binli hiqshong rahai, hiqpo hiq win mung na, ümchaü Kanannok, Hitaiqnok, Amoraiqnok, Perijaiqnok, Hiwaiqnok, kiimaq Jebusaiqnok sitlaq mung niishe mitsuq wanha.

ISAIA 1:21

Kra chela ka man na tsapsaükapse maq siti riito. Shatmaq ümchaü sanha mephe nyung ikhiishe sitlo! Akhing ashi na kra chela na siti kechu maiqse tonglong riito. Shatmaq ümchaü ka maiqtseati matwe tsawe tonglongli she sitlo.

ISAIA 10:27

Kra akhing she saüwa raüla, Ngi raq namshiq ka Asiria mungti kharii mong wa mitiidong baiqha. Raüla namshiq ka wase she mijahan kiimaq tsangshiq kharii ka namshiq raq homan she mirhan.”

ISAIA 14:25

Ngi raq Asiria mungti ka ihiq shong Israil mung na mitiithen baiqha. Kiimaq tsangshiq ka ipum thun thaq kiijaq iji maq nishishi minyat baiqha. Ngi raq isenginok ka Asirianok kharü mong wa adü she mirbaiqha. Kiimaq tsangshiq ma holai jonghea tiihokuqtlaq kriiwa midok dawanha.

ISAIA 9:4

Jamkhano ngukla ümniiraq tsangshiq dangkong wa homai laihea chicho kra ngoqbaiqlaü, tsangshiq phaqlam na tsatchang sintsang kra ngoqbaiq laü. Ümsenginok ka ji maq nishishi haihii wantinok mung ka ümniiraq tanglaü she. Arka ümniiraq richü pat na Midian mung phenlabi khat laüta tanglaü ikha tanglaü.

JEREMIA 13:27

Apaiq raq saisitlaq thun kra ümniiraq klowan laü thun ka apaiq raq chhito she. Apaiq raq ümniika thatsang maiqse sumla phra thun shomnoq kai ku akin thun na kiimaq wakjam ram thun kiina shomnoq wan kriika wiita achhi wanwi siisaq. Laüta ümniika maiqwe ashi raq achak sishat taü maq maiqchak rai sraki tlaq ikha sra wan laü. Kiimaq kumrang pongwe ka kumrang kaüshii kaü kra chhiraüta pherai tlaq ikha phephiiq wan laü. Jerusalemti lei, namshiq ka miqlan she! Namshiq ka ümtincho shetiq wa asii maiqsetiim ma mijahan?

JEREMIA 17:2

Namshiqnok raq phra kong ka berong-wacha thun kiijaq shomnoqtlo. Kiimaq jechak phrakaü Ashera miithiiphong ka hiqlampo thun kiijaq pechongtong aweatek na shongtlaq kra shomnoqtlo.

JEREMIA 2:31

Israilnok lei, ngi raq jamlai bom wa chongtiikang ara tiitsang taironglaq. Ngi ka namshiq ma rumnyangkhi kumtsaiphii ikhiishea jaki kang? Kiimaq namshiq ma ranyaq tangtang kaü kiimaq maiqphiip maiqjiip mung ikhiishea jakikang? Ikhla, namshiq riika maiqmii tsan raq aroro phan kli klo lanta misihan, ngi phaniika jang wan man she nguta jaram wa ngutlan?

JEREMIA 3:13

Ümniika shutkang dea nguta mra ka tiidiilaq. Kiimaq üm Tatiwe, üm Shiikeawe kiq ka khii laü dea nguta mra ka tumlaq. Laüta pechong tong aweatek na ümniiraq üm lungwii tsü ka pongmungti phra kong ma kuq wan laü nguta tum wan laq. Kiimaq ümniiraq ngi raq akuqha aming thun ka jin wan laü dea nguta tak wan laq. Arka Ngi Tatiwe raq ngutiikang.

JEREMIA 30:8

Tati Ningkun Ajongwe raq ngutlo: “Ümtiikiiwa kra akhing ranaiq she saüjiiq, Ngi raq tsangshiq dangkong na kharü thaikii akhakuq kra atiibun mirbaiqha. Lata tsangshiq khachang jinraü kharü tu kra adii mirbaiqha. Krai mren, tsangshiq ka pongmungti disekong ka riimak she miraq.

JEREMIA 5:5

Ngi ka ajong alabi phana mikiha, lata tsangshiq rai mirbom kiha. Tengteng, tsangshiq raq jamlai jaqsham raüwa Shiikeawe raq miro kriika asap ahiq na, Tatiwe raq tsangshiq ma jamlai jaq tiisham rowa kriika asap ahiq.” Shatmaq tsangshiq tarü ka Tatiwe wokhong na simak, kiimaq apaiq aming ka langmak.

EJEKIEL 16:28

“Jamkhano ngukla, ümniika nanok ahinti rai sethoq ja laüta ümtsan ka hea mak dea ningkhan, ümniika Asiria mungti phaniishe juwan nong laü. Ümniika tsangshiq rai mephe ja wan laü. Shatmaq tsangshiq rai sidam laütii min ümtsan ka hea mak dea riito.

EJEKIEL 16:31

Tumkii lamkiitek na ümniiraq sumla phra thun kra noq chang jam phong pahea hai wan laü. Laüta mephe jaqsham wan laü: Shatmaq ümniiraq kra mephe jaqsham wantlaü kriika joli mephe jati raq kampho miitu shamtlaq ikhiika riimak.

EJEKIEL 16:41

Tsangshiq raq ümjam thun kra wa maq michaqbaiq. Raüta maiq jechakre kong pahea ma ümniiraq mo hotlaü kra mitlii. Ngi raq ümniika mephe nyung ma tiija mang she mirha. Kiimaq ümkongtiwetiim ma kongphiq kuqtlaü kra tiikuq mang she mitiithaqha.

EJEKIEL 20:28

Ngi raq tsangshiq ma mungtan ashi mikuqha nguta kiqkham kuqkang kra mung niishe shea wan kang. Ümtiikiiwa tsangshiq raq kiijaq ku akin thun ka diiluluwiq siisaq kiimaq pero pahea ajaq thun waichat chat hea kra chhito. Kra chhi raüta pechong tong thun tiikham raüta tsangshiq raq honglu thun takuq wanto. Tsangshiq kra honglu thun kra takuq raüta wa na chaqto kiimaq tsangshiq raq che honglu thun kuqto. Raüta itsan tiikhiq wanto.

EJEKIEL 23:5

Ohola ka ijamti nyung. Shatmaq apaiq ka mephe miili jaruq riito. Apaiq raq sethoq pinthum awesetiim Asiria mungti rai kiicham raütli sito.

Hosea 1:2

Tatiwe raq Israilnok ma Hosea lümaq aphashaq shaq bomphahotaq akhing na, apaiq raq Hosea ma akha nguto, “Kilaq. Laüta ümchak ka lamkikiq. Ümjamti nyung ka mephe-nyung ma mija. Kiimaq ümsetiim kiimin anyung kiikhiisii miraq. Kra niqriri sii hali Israilnok kiimin iwokhong na simak, ipuk wa ahin niishe dongkito,” nguta Hosea ma nguto.

Hosea 2:5

Jamkhano ngukla anyung mephe ja wanto, kriiwa asetiim ka hum wanto. Tsangshiq chiiwanti anyung ka ajeasi ahü mephe jawanto. Jamkhano ngukla, “Ngi ka iwesetiim ahinti phaniishe mikihoha; Tsangshiq raq ngi ma tü adung kuqphaq siq tlo. Ngi ma skurai khea kiimaq raihi-nairai khea, kiimaq olip petsi tsai nai che thun kuqphaqsiq tlo” nguta anyung raq bomtlo

Hosea 3:3

Lata ngi raq apaiq ma bom ka akha chongkuqkang. Apaiq raq ngi rai siwan miitu rahiq luhea khewan chang miraq. Kra ngi miitu khewan tlaq bala liipan na, apaiq ka mephe-nyung ma jakai nong raamak. Kiimaq kra akhing liipan na ngi raq apaiq ka mikhe wan ha.

Hosea 4:13

Tsangshiq raq ku akin thaq na, thatsang chang hiq ba kiijaq, honglu pahea kuq tlo, putsok chong, laqtsi chong, kiimaq manjong chong ji na, homseng honglu chaq raüta, noqkitlo! “Arkha na, namse jechaksetiim, mephe-nyungre ma jatlo, kiimaq nam-nam-nyungtiim sethoq sepii jakito.

Hosea 9:1

O, Israilnok lei, thatsang maiqse raq lang tlaq ikha, poi naq lang rongkiq. Namshiq ka Shiikeawe wokhong wa dongho lan. Lanta mephe-nyungre ikha sitlan. Israil mung tlotli na namshiq raq, Baal phra raq namshiq trong wintlo nguta, apaiq shomnoq tlan!

LEWI 26:13

Ngi, Tatiwe, namshiq Shiikeawe raq namshiq ka Ejip mung wa shun shea wan kang. Kriika namshiq ka ümtiikiimin dikong ma jaki man chang miitu tsuq wan kang. Ngi raq namshiq khachang kharü ka chumbaiq wan kang. Lata Ngi raq namshiq ka wase miishe tiija wan kang. Krai mren namshiq ka namtok ra na dolan tiishe khumtlan.”

NAHUM 1:13

Ngi raq ümchaü, Asirianok shumraü kharü, namshiq khachang kriishe, michumbaiq ha,” nguta Tatiwe raq chongtlo.

TRI CHONGKE 12:2

Kra namshiq raq jiiwan tlan mung wa, kra mungti raq phra kong pum diilulu wiq thun na, kin thun na, kiimaq ajaq nümtlaq pechong tong thun na, shomnoqtlaq thun kra wiita hihut tiithen baiq ronglaq.

TRI CHONGKE 15:15

Ümtsan na tiitsang laq, man na namshiq ka Ejip mung na maiqdi ma jalanta silan. Kiiwa Tatiwe üm Shiikeawe raq namshiq ka dokda wanto. Raüta wase ma tiija wanto. Kra ningkhan, ümchaü Ngi raq ümniima ara aming kuq tiikang ara.

TRI CHONGKE 26:17

Ümchaü ranaiq ümniiraq Tatiwe ka üm Shiikeawe dea nguta tantan maq langtlaü. Ümniiraq apaiq aming wokhong na misiha nguta toqtan laü she. Apaiq tri raütu thun kra milangha kiimaq apaiq raq ümchuwa aming kuqtlaq kra wiita milangha nguta bom ka shat wan laü she.

TRI CHONGKE 4:20

Shatmaq namshiq ka Ejip mung na watum nyairaitlaq kra mong wa apaiq raq achhii wannok. Apaiq raq namshiq ka ümchaü jamkho apaiq sengi ma jalanta sitlan, kra miitu shun shea wanto.

TRI CHONGKE 4:34

Tatiwe namshiq Shiikeawe raq apaiq ka Ejip mung na kiraüta namshiq ka asengi ma tiija wan miitu shea wantaq kiikha, phra ashi ra raq maiq mung mungshi ra na kiraüta, maiq phan phanshi ra ka asengi ma tiija wan miitu tsuq wan ka kham tiisha? Namshiq makki na apaiq raq apaiq ningkun jonghea kiimaq apaiq hong ala jonghea kra lang wanto. Apaiq raq thabi pahea tiisaüto. Kiimaq re tiidongto. Kiimaq awang chang jaqsham pahea shamto. Kiimaq amao chang jaqsham pahea kloto. Raüta phiiptsi chang jaqsham pahea shamto.

TRI CHONGKE 5:27

Mosheq lei, ümniika kiina jangwa nongkiq. Laüta Tatiwe nashiq Shiikeawe raq jamlai wa chongtlaq kra wiita tiitsang taiwakiq. Laüta ana jangki nongkiq. Kiimaq apaiq raq ümniima jamlai bom wa chongtaq kra naishiq ma mitlü chongkuq haü. Naishiq raq mitaikai. Laita aming ka milangkai.’

JOSHUA 1:16

Kiijiishe tsangshiq raq Joshua bom ka akha treto, “Ümniiraq naishiq ma jamlai aming wa kuqtlaü, kra naishiq raq misham hai. Kiimaq ümniiraq naishiq ka ümriiba niiwa tiiki tlaü, kiijaq miki hai.

JOSHUA 24:24

Kiijiishe mungmaiqse raq Joshua ma nguto, “Naishiq raq nashiq Tati Shiikeawe kli mishli hai. Naishiq raq apaiq aming thun kra milang hai.”

JOSHUA 24:26

Joshua raq ara aming raütu thun ka Shiikeawe Tri lakdap na waiqthüto. Raüta apaiq raq longkaü ajongwiq ashi kra lam raüta ok chongji na Tatiwe asii tiip rinkea na shongto.

Revelation 17:1

Kiijiishe, Shiikeawe tsankhiq winpin miishi shamti, rasetiim miishi phong wa ashi ka ngi phana ki raüta heato, “Wara, ngi raq ümniima, ümchaü ajong pinthum mephe nyung ka, ümtinkhan she wa mitiicham chao, kra tiichhi kuq pha. Kra chela ajong pinthum ka jürai pahea tho na atei.

PHOWEBI 10:6

Israilnok raq thongshi ri hali Tatiwe man na ngarai ka tangto. Tsangshiq raq Baal phra thun nai Astartes phra thun, kiimaq Siria mungti phra thun, Sidon wangti phra thun, Mob mungti phra thun, Ammon mungti phra thun, kiimaq Philistain mungti phra thun shomnoq nongto. Tsangshiq raq Tatiwe ka miimbaiqto, raüta apaiq ka shomnoq mak she riito.

PHOWEBI 2:11

Kiitiikaq Israilnok raq Tatiwe man na ngarai tangto. Kiimaq tsangshiq raq Baal phra thun kriishe shomnoq hoto.

PHOWEBI 2:13

Tsangshiq raq Tatiwe shomnoq ka athaq she riibaiqto. Raüta Baal phra thun puk niishe nyap wanto. Raüta Baal phra thun nai Ashtaroth phra thun kriishe shomnoq wanto.

1 SAMUEL 12:10

Kriikha niishe tsangshiq ka Tatiwe man na hali khrum jaü hoqtrangto. Kiimaq akha nguto, ‘Naishiq raq ngarai tangkai. Jamkhano ngukla Tatiwe lei, naishiq ka ümwokhong wa juho laita, Baal phra sumla nai Astarte phra thun kra shomnoqkai. Naishiq ka rewe jaqkhon mong wa dokda kuq laq. Naishiq khupwong kuqlaq, raüla naishiq raq ümniishe mishom noqkai!’