JEREMIA 2:21 - ASII LAKDAP Bible (BSI)

²¹ Ngi raq ümniika ahea pinthum spiq lai ikha lam lata chhikang. Shatmaq liilaq ümniika jamlaimo jaki laü! Ümniika anam arki, thiihü spiq tsung ma jakilaü.

Hawa Naga Bible 2001

²¹ Ngaz rueq vhvlx pinhtumc vhttauk svpiq lix ikhoc mnoz kuex khic vphaungx. Yuq muinz yvmx khoc lac yaungx vtuiux kuex lawc shuiuz! Mnoz kuex vnvmx vruez kaz khuec guez svpiq ruiuz ikhoc rvtoq.

JEREMIA 2:21 Referencias Cruzadas

RAPHA HIQWA LAK 18:19

Ngi raq apaiq ka tsea wan kang she. Kriika apaiq raq asetiim nai asaütiim ka apaiq wokhong maq, Ngi raq akuqha aming thun kra lang laü raüta kiimaq riikhaqli nai tingting jaq sham raüta siwan miitu tsea wan kang. Tsangshiq raq kra klo raüla, Ngi raq apaiq ma kiq kham kuq kang kra kunli miklo kuqha.”

RAPHA HIQWA LAK 32:28

Kriiwe raq nguto, “Ümmang ka Jakob riimak she. Ümniika Shiikeawe rai riikilaü kiimaq maiqrai min riikilaü. Laüta ümniiriisii tanglaü. Kra ningkhan ümmang ka Israil she miraq.”

Tvtsvmc 44:2

Ümniiraq thatsang maiqse thun ka jamkho jobaiq wan laü, laüta ümsenginok ka tsangshiq hiqshong na jamkho tiishong nga wan laü; kiimaq ümniiraq maiq mung ahin thun ka jamkho tiithenbaiqlaü laüta ümsenginok ka trong win wan laü kra chongtlo.

Tvtsvmc 80:8

Ümniiraq Ejip mung wa spiqtsi cham lam wan laü; kiimaq ümniiraq pongmungti thun ka jobaiqlaü laüta tsangmung kiijaq kra spiqtsi cham ka chhilaü.

Tvtsvmc 80:9

Ümniiraq hiq ka atiijong ma aheawiq chhinlaü; arang thun ka hiq mong na atsaüwiq chamto, raüta atsung ka jong wan raüta kra mung hamli nyam wanto.

DUNGWVNC 15:17

Ümniiraq tsangshiq ka tsuq wanlaü, laüta üm pum thaq na tsangshiq ka shong laü, hiq bashi ümniiraq, Tatiwe lei, üm jam miitu tsea laü, Shomjam ümjaq maq hai laü.

ISAIA 1:21

Kra chela ka man na tsapsaükapse maq siti riito. Shatmaq ümchaü sanha mephe nyung ikhiishe sitlo! Akhing ashi na kra chela na siti kechu maiqse tonglong riito. Shatmaq ümchaü ka maiqtseati matwe tsawe tonglongli she sitlo.

ISAIA 27:2

Kra ranaiq akhing na Tatiwe raq apaiq chochi chang spiqro miitu akha mingu,

ISAIA 41:8

“Shatmaq ijaqshise, Israil ümniika, namshiq ka Ngi raq atsea arwanha isenginok, ikongtiwe Abraham saüsetiim.

ISAIA 5:4

Ngi raq ara spiqro shiikumpan mang jamlai phan no laqthaq kang? Riita ara spiqro raq atsi ka haidangdang jam nguto tsi tla? Ngi raq lungwiitiikang tsihea asum akam ka jam nguto tsikuqmak?

ISAIA 60:21

Ümsenginok tarü raq riikhaqli kli misham. Kiimaq tsangshiq raq nam mung ka pattup pat-sa she misiq wan. Ngi raq tsangshiq ka hiq na chhi wan kang she. Ngi raq tsangshiq ka phansang kang she. Arka Ngi jonglu kra maiqse kunli ma tiichhike miitu klokang.

ISAIA 61:3

Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.

JEREMIA 11:16

Ngi raq akhing ashi na tsangshiq ka ajaq anüm alei olip chong ashi ikha nguta ngukang. Atsi ango tsomhea ama riito; shatmaq ümchaü sanha, ramok wa trang ikha, ahok aho latiishe, Ngi raq ajaq nüm thun ka wa miishe michaqha. Kiimaq akü ako thun ka wiita she mingoqbaiqha.

JEREMIA 11:17

“Ngi Ajong Pinthum Tatiwe raq, Israilnok nai Juda mungti ka pecham ikha chhijang wan kang. Shatmaq ümchaü sanha Ngi raq tsangshiq ka miqchup mishthen baiqha nguta tiiphiip tiikang. Arka tsangshiq maiqmii riili maiqmii thumphaq chang thiikho thütiije wanto. Jamkhano ngukla tsangshiq raq ashut klo wanto. Tsangshiq raq Baal phra ma honglu take wan kha na itsan tiikhiq wanto.”

JEREMIA 5:10

Ngi raq isenginok spiqro thun kra dabaiqkaiti rewe pahea mitiikiha. Shatmaq tiisiirai langlang kla tiijiipbaiq mang. Ngi raq akü ako thun kriili jambaiq ronglaq nguta michongha. Jamkhano ngukla kra kü thun ka ikü ka riimak.

AJONJÜ 4:1

Nashiq chaq achhai anyii thun ka, mutmaqmaq she, Shomjam longpenkaü thun ka, chiiheawea lam na riiphongtlo.

EJEKIEL 15:2

“Maiqse lei. Spiqtsung ka pechong rai ka jamkho triingeatla? Spiqtsung wa akü ashi ka rum na pero sitlaq kriirai jamkho mitriingea lot?

Matthew 21:33

Jesuq raq abom ka akha hali tiitho chongkuq nongto. “Shiiton ashi ri hali tainong rong laq. Man na maiq weshi raq awak na spiqtsi ro chhito. Raüta, spiqtsi ro ka thep trotam maq ruk thüto. Kiimaq spiqtsi tsai tiikit chang longsha kiimin wat raüta tiihong thüto. Kiimaq spiqtsi ro kra khechang phunrang min longkaü maq haito. Kra thun ka wiita tiihongtha raütiishe, spiqtsi ro ka maiq akheng na shamseati ma shiipkuqto. Raüta apaiq ka mung ashi na wanhiq khumkai kihoto.

Mark 12:1

Kiitiikaq Jesuq raq tsangshiq ma manphan shiiton maq chongkuqto: “Man na maiq weshi raq spiqtsi ro chhito. Raüta, kra spiqtsi ro ka trotam maq rukto. Kiimaq spiqtsi tsai tiikitchang longtham min ashi wat raüta tiihong thüto. Kiimaq wak khechang riirin min ashi hai thüto. Raüta spiqtsi ro ka maiq akheng na shamseati ma tiishiipto. Raüta apaiq ka maiqmung ahin na wanhiq khum kai kihoto.

Luke 20:9

Kiijiishe, Jesuq raq nokwe ma ara manphan shiiton arshe chongkuqto. “Akhing ashi na maiq weshi raq spiqtsi ro ashi chhito. Kra spiqtsi ro ka akheng na shamseati ma tiishiip kuqto. Raüta, apaiq ka wanhiq na luhea sikai she kihoto.

John 15:1

“Ngi ahata chiisan spiqraü chong. Kiimaq i We kata spiqro chhintsiiti we.

TRI CHONGKE 32:32

Tsang jaqtinok thun ka Sodom nai Gommora ikha namtoktok, tsangshiq ka spiq tsung atsi khap dokdok nai maiqchok chang tsitlaq ikha,

TRI CHONGKE 4:37

Apaiq raq namtitiim kra lungwii kha maq, apaiq raq namshiq ka tseatsiiq wanto. Kiimaq apaiq ningkun aheng kriimaq apaiq raq apumsii maq kiraüta namshiq ka Ejip mung kriiwa tsuq wanto.

JOSHUA 24:31

Joshua ka atra sishat wiiwii, Israilnok mungmaiqse raq Tatiwe ka shiilito. Kiimaq apaiq tsaijai min, Tatiwe raq Israilnok miitu ümchuwa jaqsham wantaq kra maiqmii mak maq chhiti welabi thun ka atra sishat wiiwii tsangshiq raq Tatiwe ka shiili shat riito.