JEREMIA 2:36 - ASII LAKDAP Bible (BSI)

³⁶ Namshiq ka maiq mung ahinti thun phra kong jaiphan wan lantea, namshiq maiqmii miinu kra thiinin miishe tiijabaiqlan. Asiria mungti raq namshiq tsiim tiijübaiqto, kiikhiisii hali Ejip mungti riimin mitiijübaiq.

Hawa Naga Bible 2001

³⁶ Nuimshiq rueq vganc miqphvnx tishox htenc nuex kvnvp vtuinx. Nuimshiq kuex htawz guez tvyaungc jix Asiria mungx kuex mnoz muex romc kuy tvkoc tvkhvlc gay tueq ikhoc, Ejip mungx rueq muinz tvkhvlc gay shuex.

JEREMIA 2:36 Referencias Cruzadas

2 KAÜWA WERAÜ 28:16

Edom mungti raq Juda mung ka tiithong kiki she rehuk maq khat wanto. Raüta shumwikong pahea lapto. Kriikha na Hokhamwe Ahaj raq Asiria mung pengti Ajong Hokhamwe Tiglath Pilesar ma khrum kuq laq nguta tsütsa tiichong wato.

ISAIA 20:5

Sudan mungti ma kamtsantsii thü raüta sitibi raüta Ejip mung jonglu tsaki raüta siti thun tsiim jüshushu tiishipot she miraq. Tsangshiq ran phan chang ka ahü she.

JEREMIA 2:18

Ejip mung na kilaüta jamlai liip wa milap haü? Nail rai kham nyangkai ngutiisha? Asiria mung na walaüta jamlai liip wa milap haü? Euphretis rai wa kham nyangwa ngutiisha?

JEREMIA 2:23

Ümniiraq ümkhum ka tiishe mang dea nguta jamkho mingu haü? Ümniiraq Baal ka shomnoq maü dongdii nguta jamkho mingu haü? Liilaq ümniiraq jükhü hiq wü na ümtinkhan wa ngarai tang wan laü; Liimaüta ümniiraq jamlai wa riilaü. Ümniika rum na siti kumtsong kaü ikha ala riilongcho na phephiiq rai tlaq ikha,

JEREMIA 2:33

Ija namshiq raq namkongtiwetiim jaijo sea kla atsin wiq han dea na. Jechak nyungre shambi liiti nyungre riimin, namshiq raq jamlai wa tiichhikuq tlan, kriika mishrin wan kata.

JEREMIA 22:20

Jerusalemti lei, Lebanon kiina waronglaq, lanta siironglaq, Bashan wang kiina kironglaq, lanta hoq trang ronglaq; Mob mung wa pumthun maq gitrang ronglaq, jamkhano ngukla namphuno nok reraüshi chapti thun wiita re raq khat baiqto.

JEREMIA 22:22

Namwelabi ka rahai raq wiita mipan wan, namphunonok reraüshiti ka munglu shumwi kong ma mitsuq wan, namchela khushü mitiijam kiimaq jea mitiingaü, jamkhano ngukla namshiq raq ashut pahea klolan.

JEREMIA 31:22

Ümtincho na saüli wa minang nam han, kamtsan tsü ahünok lei? Ngi raq phanshi anye tingsang she klokang, tingsang pongphan she, Jechak nyungshi raq maiqwe ashi khup wongkuqtlaq ikha.”

JEREMIA 37:7

Jedekia ma chongkuqlaq nguta thaüto. “Ejip mungti phenlabi ka ümnaq khrum wa lam niishe watlo. Shatmaq tsangshiq ka tsangmung na mijangho.

JEREMIA 46:12

Maiq mung thun raq namshiq jeangaü tsütsa taito she; loweatek raq namshiq hosii trang ka taito she. Phenla weshi ka arewe thaq na tiithap raitlo, raüta tsangnai wiita hiq na riwantlo.

AJONJÜ 4:17

Nashiq raq maktsi jaqtsi liikai, khrumtiwe walü, shatmaq atuli, Mung ashi raq mikhrum kuq nguta nashiq raq kheratkai ka atuli. Tsangshiq raq khrumkuqlot kak.

AJONJÜ 5:6

Atra si miitu ramrit seakai Ejip mung na nai, Asiria mung na kikai.

EJEKIEL 16:28

“Jamkhano ngukla, ümniika nanok ahinti rai sethoq ja laüta ümtsan ka hea mak dea ningkhan, ümniika Asiria mungti phaniishe juwan nong laü. Ümniika tsangshiq rai mephe ja wan laü. Shatmaq tsangshiq rai sidam laütii min ümtsan ka hea mak dea riito.

EJEKIEL 29:7

Ümtiikiiwa tsangshiq ka ümdü na tiinintaq, ümniika ngoqki laü. Laüta ümpansetiim kriimaq tsangshiq phaqkhong ka shuk raq ramtlaq ikha ram laü. Laüta tsang raikhü ka tsaiham tsaihea pheraüta panbaiqto.

Hosea 10:6

Kra phra sumla ka Asiria mung na mipi wan, tsang hokham ajongwe ma, sepat lopi mihokuq wan. Israilnok munjuk mijuk. Tsangtok hiq na kuraqraq. Sumla noq ngam tsangshiq raq phaq.

Hosea 12:1

Tatiwe raq ngutlo, “Israilnok raq ranapchu maq riita, ratiijidoq pongmungti rai silu lamphan, tongshong wantlo kriika, atuli mimoki kiimaq athen mirki. Tsangshiq raq Asiria mungti rai tongshong wanto. Kiimaq Ejip mungti ma piikii lam dikuq wanto.”

Hosea 14:3

Naishiq Asiria mung raq tiikhup wongkuqlot mak. Naishiq tiichhiilot mak, rekhat kumrang kong raq. Naishiq jaq maq ahai sumla, ‘ümniidea naishiq shiikeawe’ nguta noqmai she. Thümwaq manti khrumti, O, Shiikeawe lei, ümniili.”

Hosea 5:13

“Israil mung raq tsangshiq ngarai thatsi chhito. Kiimaq Juda mung riimin tsangshiq ngarai homa chhito. Raüta Israil raq Asiria hokham tijong howato. Shatmaq Asiria hokham raq, tsangshiq ngarai tsi ka tiihea lot mak riito.

Hosea 7:11

Angi parokaü phephiiq raitlaq ikha, Israilnok ka phephiiq raitlo, apha na Ejip mung tijong hokito! Kra jai maq Asiria mung tijong hokito! tsangshiq raq ngi alaq riibaiqto.