Hosea 9:6 - ASII LAKDAP Bible (BSI)

⁶ Shiikeawe sintsang she saüki raüla, Israilnok ka barap niishe mitiipinbaiq. Ejip mungti raq tsangshiq ka adam na mirchom. Raüta Mephi chela na tsang maaphong milap! Tsangshiq rongwin wan chang hiqshong thun ka, hiqmiqchangkhü ma mija, shukrü tonglong lishe miraq.

Hawa Naga Bible 2001

⁶ Jamjaux kuilc daz httuiuc vtueq miq htenc tvpanc gay rvhumc tuex nuex, Ejip miqsaz rueq tsuingshiq kuex tvtuimx wvnc vtueq, Memphi nuex luip gay shuex! Tsuingshiq kuimphox tsak nyvmx nuiyc tsuingshiq yuimx httax yaq baung htenc kuex namx ruix nuiyc shuiuq rumz htenc rueq puingc wvnc rvhumc tuex.

Hosea 9:6 Referencias Cruzadas

2 HOKHVMX 13:7

Jehoahaj wokhong na phenlabi ka ahüshe riito. Apaiq jaq niika kumrang thaq na chaoti phenlabi roq biingi, kumrang leng roqshi, kiimaq hok maq khum raüta rekhatti phenlabi ka hingroqshi li she tiichongto. Jamkhano ngukla Siria mung hokhamwe raq ahin ümchuwa phenlabi sitaq kriika wiita ji maq nishishi botkhulai rai shottlii tiithen baiqto.

Tvtsvmc 107:34

Apaiq raq hiqpo hiqwin ramsea binjan thung ka shumhiq thung ma tiijabaiqto kra mung na siti raq abi klo wan khana.

TAKSU LAK 24:31

Wak ram ka shukrü raq, alam wan kun she, kiimaq sang raq alam wishe. Wak tro na long maq aruk, kiimin athamkai kun she.

ISAIA 11:11

Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.

ISAIA 19:13

Joan chelati welabi nai Memphis chelati welabi ka maiqjiq kong. Tsangshiq raq mung ka ajong alu wan lam na shea wan changwa, shatmaq lamjiq nü na khoti sheahoto.

ISAIA 27:12

Kra ranaiq akhing na, Euphretis jürai maq phaho raüta Ejip mung hiqtrai na saüli binjü wa, Tati raq asenginok ka weshishi maq wiita archom miraq. Maiq weshi ra raq bunwong rai ka achhii phong wa tseatsiiqtlaq ikha mitsea.

ISAIA 32:13

Raüta kiidashuk rüro nai kiimko rü tonglong lishe mungmaiqse wakram na tang wanto. Hoqtrang ronglaq, maaho manyi. Maiqjam thun na man na chojong chise siwanto. Kiimaq kra chela ka mungmaiqse kiijaq siti ama siwanto. Akei alei jupjup riito.

ISAIA 34:13

Hokham jamkhü thun nai chela thun trotam maq kiitelong maq aruk thun kriika kiida shuk rü nai shuktam rü tonglongli she miraq. Kiimaq kriithun niika miikakoi kong nai wukhuk kong tonglongli she misi wan.

ISAIA 5:6

Ngi raq sonruk ka sang miishe mitiikaqbaiqha. Ngi raq spiq raü dong ka ton mang she mirha. Kiimaq hiq kiimin kochak maq thu mang she mirha. Kra thaq na shukcham thun nai shuktamro kriima mitlambaiqha. Ngi raq phumda ma ra kiimin tiijunkuq mang she mirha.”

ISAIA 7:23

“Ümtiikiiwa kra akhing she saü wan jiiq, spiqro sonruk ahea pinthum phan thun kriika sonruk ashi na spiqtsi chong ka hingshi shi miraq. Kiimaq kra sonruk ashi thii ka kampho kamsii hingshi shi rii miraq. Kra sonruk thun kriika shukrü rum raq lam wan raüta kiida rü tonglong kiimaq shuktam rü tonglongli she miraq.

JEREMIA 2:16

Tengto, Memphis chelati nai Tahpanhes chelati raq, akhurii ka tiibunli bukto.

JEREMIA 42:22

Kra ningkhan ümchaü sanha, ara tsan na tiitsang ronglaq: Namshiq ka redong na mijiim han; riimakla ramdong raq mijiim han; riimakla thadong raq mijiim han; namshiq ümra mung na sikai wa laüho tlan, kiijaq mijiim siq han.”

JEREMIA 44:1

Tatiwe raq Israilnok Ejip mung na Miqdol chela na, Tahpanhes chela na, kiimaq Memphis chela na, kiimaq shemai nü mung na siti thun ma chonglaq nguta ngi ma chongto.

JEREMIA 44:12

Riita arningkhan na, Juda mung na maiq ümchuwa aso atiichongki thun raq ümchaü Ejip mung na laüho raa dongdii, raüta Ejip mung na shongkai raa nguta honglatlaqti thun ka, ahea na, Ngi riitiq miliiha. Tsangshiq ka tiithumpak laimiq mitiithum baiqha. Tsangshiq tarü kunli, ajong aran wiita kunli Ejip mung na mijiim. Redong akhing na riimakla ramdong raq mijiim. Tsangshiq thum wan kra chhi raüta maiqse makki na phiiptsi chang miraq. Maiqse angu raq tsangshiq ka shummii shaq shaq raüta milii. Kiimaq tsangshiq mang ka chong raüta maiq raq manson bom shiiton ashi miishe mitiija.

JEREMIA 44:13

Ngi raq Jerusalem na siti jamkho redong na, ramdong na, kiimaq tha tiidong lata imo tiihokang, kiikhiisii Ejip mung na siti kiimin imo mitiihoha.

JEREMIA 46:14

“Ejip mung na chela thun kiijaq chiiriim laüta chonglaq, Mikdol chela na, Memphis chela na, kiimaq Tahpanhes chela thun na akha chonglaq; ‘Tiije ronglaq namshiq maiqmii khum tiikhe miitu; namjaq na ümchuwa sitlaq kra wiita reraq mitiithenbaiq!

JEREMIA 46:19

Munglu shumwi na wawan miitu tiijeshat maq khe ronglaq, namshiq Ejip mungti raq! Memphis chela ka botkhulairai she mishot, hiqmiq changkhü ma mitiijabaiq, maiq jumin simak she miraq.

EJEKIEL 30:13

Tati Rakaü Hiqwe raq akha ngutlo, “Ngi raq Memphis chela wa sumla phra thun nai arot phra thun ka mishthenbaiqha. Ejip mung pengti jumin ahüshe miraq. Kiimaq Ngi raq mung maiqse wiita phiip ma mitiitsaiha.

EJEKIEL 30:16

Ngi raq Ejip mung ka wa maq michaq baiqha. Kiimaq Pelusium ka alangpit wan napnap agam agu miraq. Thebes chela tro ruk ka atiibun mirbaiq. Raüta chela ka kham maq mitlümbaiq.

Hosea 10:8

Abi hiqlampo Israilnok sumla noqchang, shomjam wiita hiqrai mishot. Shomjamkhü na shukrü phong. Tsangshiq raq pumkaütiim ma mingu, “Naishiq tiiwongkuq ronglaq.” “Naishiq pangkuq ronglaq,” nguta, kin thun ma tsangshiq raq mingu.

Hosea 11:11

Tsangshiq ka Ejip mung wa, wushikong laü wantlaq ikha miwa, Asiria mung wa haütaükong laü wantlaq ikha, ngi phana miwa,” nguta Tatiwe raq ngutlo.

Hosea 2:6

Kra ningkhan ümchaü ngi raq, apaiq kai chang lam na, kiida raütsung miishe miruk baiqha. Lata ngi raq apaiq kaichang lam ka, khetuk hailata mitang baiqha. Krai mren, apaiq raq akai chang lam ka hum mak she miraq.

Hosea 7:11

Angi parokaü phephiiq raitlaq ikha, Israilnok ka phephiiq raitlo, apha na Ejip mung tijong hokito! Kra jai maq Asiria mung tijong hokito! tsangshiq raq ngi alaq riibaiqto.

Hosea 7:13

“Tsangshiq ka thentoshe! Tsangshiq iwokhong wa juhoto! Raüta ngi rai riilongtlo! Tsangshiq ka chongthum miishe mija. Ngi raq tsangshiq tiichhii wan tiimakang. Shatmaq tsangshiq raq ngi shomnoq ka arot.

Hosea 7:16

Tsangshiq ka iwokhong wa juhoto. Raüta phra sumla noqhoto. Kriika athii arii min ahü. Tsangshiq ka liqphü abi kojo ikha jakito. Jamlai ngamhiip kaichang min riimak. Tsang mung welabi kumronghea bomtlo. Kriikha na chiqse rewe jaq na mitsai. Kra chhi raüta Ejip mungti minairai,” nguta Tatiwe raq ngutlo.

Hosea 8:13

Tsangshiq raq ngi ka shomnoq wantlo. Raüta honglu ngamrea phaq wantlo. Shatmaq ngi tsangshiq Tatiwe ka, tsangshiq ma tsankhiq. Ümchaü sanha tsangshiq ngarai thop ka, tsangshiq makki niishe michekuqha. Lata tsangshiq ka sintsang miishe mitsatha. Lata Ejip mung niishe mijobaiq nongha!

Hosea 9:3

Israilnok ka Tatiwe raq akuq tsangmung na silu mak she miraq. Tsangshiq ka re raq Ejip mung na hali mitsuqho nong. Kiimaq Asiria mung niishe mitsuq wan. Raüta kiijaq apii chang phan kriishe miphaqsiq wan.

LEWI 26:33

Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.

JEPHANIA 1:11

Ara taihan jiila, maaho manyi hoqtrang ronglaq, namshiq chela mai na siti, jamkhano ngukla, laopanbi thun wiita atsaikai kun she miraq!

1 SAMUEL 13:6

Raütiishe, tsangshiq raq Israilnok ka ningkun aheng maq tiikot trot she khat wanto. Kriikha niishe Israilnok ka ümkhiimin jalot mak she riito. Kra ningkhan, Israilnok wiijam ka longsha mong na nai hiqkho bok na tiipaüto. Kiimaq wiijam ka chongkhong longsha bok na maiqmii khure tiipaü jutrangto. Kiimaq hiqkhobok mong na riimak la, kham ahü khappong mong na tiipaü jutrangto.