Hosea 9:7 - ASII LAKDAP Bible (BSI)

⁷ Shiikeawe manson saüto she Israilnok ma. Tsangshiq khapho akhing saüto. Israilnok hoqtlo, “Shammiwe ka angiwe! riisham bomchongti ka aruwe!” nguta ngutlo. “Namshiq ngarai jonghea, kra ningkhan ngi ngengtlan,” nguta Tatiwe raq ngutlo.

Hawa Naga Bible 2001

⁷ Murx tvgurc vkhing shex httuiuc tueq, miq htenc rueq shuimx tueq rulc rv-ngvlc tsuingshiq rueq lvp wvnc shuex. Kvkhoc yaungx wvnc ruiux yuq jix Israel rueq tuiuz shuex! Tsuingshiq rueq, “Vruex shvmmax waz vkuex vngaz khoc vnauz. Vruex siyac hungc vlaungc httax yaq waz kuex miqyaq ngoc raung,” ngoz tueq ngoz shuinx. Nuimshiq rueq mvrax yunghvlc ningkhvnc nuex nuimshiq rueq ngaz kuex shuiuc pac wuez vphuinx.

Hosea 9:7 Referencias Cruzadas

2 HOKHVMX 9:11

Kiimaq Jehu ka akongti siihiipbi phana hali jangki nongto. Kiimaq tsangshiq raq apaiq ma, “Jam min rongraa mak khata. Ahea khata? Kra maiqjiqwe ka ümpha na jamlai ritkai wa kita?” nguta apaiq ma waito. “Namshiq riiminla asap han kata, apaiq ka jamlai ritkai aki wa,” nguta Jehu raq treto.

ISAIA 10:3

Riita Shiikeawe raq namshiq ma mo tiihotlaq akhing na jamkho mijahan? Apaiq raq pongmungti luhea wa tsuqho raüta namshiq ka tiithen baiqtlaq akhing na jamlai she wa mirhan? Namshiq ka khrum jaüwa jupha niishe wa mijuhan? Namshiq tsiiq nai nyamtum phong ka ümbano mipaühan?

ISAIA 26:11

Ümjaqtinok riika ümniiraq tsangshiq ma mo mitiihohaü ngutiika sapmak. Tatiwe lei, tsangshiq ma jea tiingaülaq. Laüta tsangshiq ka tiichamchaolaq. Ümniiraq tsangshiq ma mo tiihochang tiije laü kra mihophaqlaq. Ümniiraq ümsenginok ka ümtinkhan wa lungwiitlaü kra tsangshiq ma tiichhikuqlaq.

ISAIA 34:8

Ahata Tatiwe raq Jajon chela kra khup wongke wan akhing. Kiimaq Jajon chela phuk lamke akhing. Raüta Jajon jaqtinok kra mijiip baiq wan.

ISAIA 44:25

Ngi raq maiqjaq liitikong ka maiqjiq ma tiijabaiqkang; along bom tiithai thun ka tiibibaiqkang. Taksma bomchong ka Ngi raq khiibaiqkang, lata tsangshiq nyan bomtsi ka banbok mii tiijabaiqkang.

JEREMIA 10:15

Tsangshiq ka thiihü hiq tili krai mren shipoqpoq no na tsuqbaiq changli; Tsangshiq ka Tatiwe saühotlaq akhing na wiita ashthen mirbaiq.

JEREMIA 11:23

Ngi raq Anathoth hiqti khuthaq na phiiptsi chang rahiq saü wan akhing ka tiihong kang she. Kra akhing she saüwa raüla, tsangshiq phong wa maiq ka ju min lunlot mak mijiim.”

JEREMIA 16:18

Ngi raq tsangshiq ka tsangshiq ngarai ümchuwa klo wantaq kra thaq na thep tliip lata tsangshiq ma mithamkuqha. Tsangshiq raq thep liip raüta imo ka miho. Jamkhano ngukla tsangshiq raq ngi raq akuqha mungtan ka tsitsü ahü sumla phra phong kra noq wan raüta wiita tiisheshi baiq wanto. Kiimaq tsangshiq raq arot akiq phra phong kra hiqma rama phong wan raüta ihiq shong ka tiisheshi wanto.”

JEREMIA 23:13

Ngi raq Samariati shammibi ngarai phong ka chhikang she; tsangshiq raq Baal phra mang chong raüta riisham bom chongto, raüta isenginok ka lamjiq na sheahoto.

JEREMIA 25:14

Ngi raq Bebilon mungti ma tsangshiq raq ümtinkhan wa maiq ma tiichamchao wantaq kriithaq na thep tliip latiishe tsangshiq ma mitham kuq wanha. Kiimaq maiq mung pahea raq kiimaq hokham jongbi pahea raq Bebilon mungti ka dikong ma miitiijabaiq wan.’”

JEREMIA 29:26

“Tatiwe raq ümniika Jehoiada lai ma ramwe she shongto. Krai mren ümchaü ümniika Shomjam jaqsham liiti ajong pinthum. Kra ningkhan jurwa shammi jatiikang nguta tiitsakitlaq angok angiwe kriika wiita ümniiraq lap laüta adangkong na jinraü kharü maq kha laüta thü chang. Arka ümnaq arang she.

JEREMIA 46:21

Apaiq raq amaq kham asheaki phenlabi thun kiimin, minsaü sekong jamkhii ijasiq ikha. Tsangshiq raq re ka khat lot mak riito; tsangshiq wiita apin ajin jutrangto. Tsangshiq chongthum jawan ranaiq she saüto, tsangshiq laimiq then wan rahiq saüto.

JEREMIA 6:14

Tsangshiq raq isenginok ngarai mitsi ka tsimak, akha ralang atiikhatja ikhli tiimatlo. ‘Ahea raq tarü ahea siisaq’ ngutli shipoq poqli liitlo. Shatmaq, tarü ahea ka riimak.

JEREMIA 8:11

Tsangshiq raq isenginok ngarai mitsi ka tsimak, akha ralang atiikhatja ikhli tiimatlo. ‘Ahea raq tarü ahea siisaq’ ngutli ngutlo. Shatmaq, tarü ahea ka riimak.

AJONJÜ 2:14

Ümshammibi raq ümniima, hon atsii chongke chang min ahü. Tsangshiq raq arot akiq li chongtlo. Tsangshiq traho bomtsi chong ka atuli, ümniili laoliitlo. Tsangshiq raq ümngarai ka khot chongmak dea, kriikha ümniiraq mra tiidii chang ahü riito.

EJEKIEL 13:10

“Shammibi raq isenginok ka khusang ahea miraq, jam ramak nguta tiishon baiqto. Mungmaiqse ma ahea ka riimak! Isenginok raq longkaü ka asiilii siisaq triidap phongto. Raüta ruk ka haito. Kiijiishe shammibi ka wa raüta longlü wintai kham maq moqlo baiqto.

EJEKIEL 13:3

Tati Rakaü Hiqwe raq akha ngutlo: “Ara angikong shammibi arka miqto she! Tsangshiq raq maiqmii tsantsii maq tiihong raüta, riisham makchhi bomtsi kra chongkuqtlo.

EJEKIEL 25:17

Ngi raq tsangshiq ka tiinamtok mitsat baiqha. Lata iphuk ka tsan tiiheali milamha. Tsangshiq raq itsankhiq walü nyai heng kra misap wan. Kiijiishetiq tsangshiq raq Ngi ardea Tatiwe nguta misap wan.”

EJEKIEL 38:23

Arthun jaqsham ara lümaq, Ngi raq mangjong hiq na maiq mung thun ma, Ngi ka ajong pinthum kiimaq Ngi ka asii nguta mitiichhi kuqha. Tsangshiq raq Ngi ardea Tatiwe nguta misap wan.”

EJEKIEL 9:10

Shatmaq Ngi raq tsangshiq ma mangchan ka tiitsi mang she. Tsangshiq raq nanok ka jamkho riitaq kiikha, Ngi riimin tsangshiq ma mirha.”

Hosea 14:1

O, Israilnok lei, nam Shiikeawe puk na nyap wan nong ronglaq! Namshiq ngarai kho na thap lantea dea wan lan.

Hosea 5:9

Shiikeawe raq namshiq ma mo tiiho ranaiq akhing ka saüwanto she. Israil mungti tiisiirai she mishthen baiq. Israil mungti lei, arka ngohea shaqshaq mija wan dongdii!

Hosea 8:13

Tsangshiq raq ngi ka shomnoq wantlo. Raüta honglu ngamrea phaq wantlo. Shatmaq ngi tsangshiq Tatiwe ka, tsangshiq ma tsankhiq. Ümchaü sanha tsangshiq ngarai thop ka, tsangshiq makki niishe michekuqha. Lata tsangshiq ka sintsang miishe mitsatha. Lata Ejip mung niishe mijobaiq nongha!

Hosea 9:8

Shiikeawe raq ngi ka ashammiwe ma shongto. Raüta Israilnok ma honlam tsii chongkai tiikito. Shatmaq ümjiiwa trahokai kitiikang, tsangshiq raq ngi atsea miitu, wushi tiimin ma chan tlaq ikha, chiiq chantlo. Shiikeawe shomjam mong niimin, mungmaiqse ka shammiwe ngengti siisaq.

AMO LUIK DVP (AMOS) 8:2

Tatiwe raq, “Amos ümniiraq jamlai wa chhitlaü?” nguta waito. “Petsi raqhiishi ama tuptup chhitiikang,” nguta ngi raq trekang. Kiijiishe Tatiwe raq ngi ma chongto, “Isengi Israilnok thumwan akhing saüto she. Ngi raq tsangshiq ka tiijoq mang. Mitiichamchao ha dongdii. Tsantsii ka klai mang she.

Mikha 2:11

“Arnok riika arot akiq shammi bom chongketi, ‘Namshiq ma spiqtai nai laohu chamtraq misaü’ nguta chongketi shammi lungwiitlo.

Mikha 7:4

Tsangshiq phong wa maiqshaq pinthumwe kriimin, kiida raü tsung ikha mairam maiq raq. Shiikeawe raq tsangshiq ma tiichamchao ranaiq ka saüto she, arka apaiq raq shammibi lumaq, kiq akhamkuq kriishe.

JEPHANIA 3:4

Shammibi ka maiqkamsea chang riimak, banbok mii. Ramwebi raq asii sham akai wiita, tiisheshitlo. Raüta Shiikeawe thungtri ka, atu anong tsangshiq ma amet tiidong ma, khoti rapwiiqtlo.

Mark 3:21

Kra tsütsa ka ajamti raq tairaüta, tsangshiq ka apaiq jaqsham kra shiikhingkai nguta kito. Kriika nokwe raq, “Apaiq kla angi she riikito!” nguta riichong sia kha maq kito.

Luke 21:22

Kra matdong akhing kriika, Asii bomtsi na, ‘Atiichamchao wan Akhing,’ nguta chongtlaq kra bomtsi kra tiiku wan akhing rahiq she dea saü wanto nguta sap chang miraq.

2 Corinthians 5:13

Riita naishiq ka maiqmak lii na barop ikha dea sha sirai tiikai? Barop ja rai tiikai jiika, Shiikeawe mang tiijong miitu jarai tiikai. Shea naishiq arka tsangtsang tsiitsii wa sirai tiikai? Tengto. Naishiq ka tsangtsang tsiitsii miidea sitiikai. Arka namshiq tiijonglu wan miitu sitiikai.

Revelation 16:19

Kra hiqjong mu riishe, ajong pinthum chela Bebilon ka mantsam niishe tiikho baiqto. Kiimaq mangjong hiq na sitlaq chela thun ka, wiita she shiithen baiqto. Shiikeawe raq ajong pinthum Bebilon chela ngarai ka atsan na thüshat asi. Krai mren, kra chela ma Shiikeawe raq atsankhiq henghea che tsai khap kriishe tiinyangto.