Hosea 9:8 - ASII LAKDAP Bible (BSI)

⁸ Shiikeawe raq ngi ka ashammiwe ma shongto. Raüta Israilnok ma honlam tsii chongkai tiikito. Shatmaq ümjiiwa trahokai kitiikang, tsangshiq raq ngi atsea miitu, wushi tiimin ma chan tlaq ikha, chiiq chantlo. Shiikeawe shomjam mong niimin, mungmaiqse ka shammiwe ngengti siisaq.

Hawa Naga Bible 2001

⁸ Tishox rueq vpiq miqsaz Israel muex honc tvsvmz kuy tvkoc ngaz kuex shvmmax waz ngoz tueq tvkaz phuex. Yuq muinz ngaz khuemx kaz tauk baung ruip saz nuex nuimshiq rueq wushawx htenc tsvnc shuinx ikhoc ngvy tsvnc hung wuez tuit. Miq htenc rueq Tishox Shomc Yuimx nuex doc muinz shvmmax waz ralx muex yaungx wuez yaq.

Hosea 9:8 Referencias Cruzadas

1 HOKHVMX 17:1

Shammiwe Elija, apaiq ka Gilead wang wa Tishbe hiqti raq Hokhamwe Ahab ma nguto, “Tatiwe mang na, atra Israilnok Shiikeawe mang na, ngi raq shomnoq tiikangwe mang na, ngi raq ümniima chongtiikang, armung na, ngi raq inübok maq minguha shaq wiiwii wiinai riimakla wiitsam na saüli ra wa bangtsi min rok mak miraq, kiimaq ra min junmak miraq.”

1 HOKHVMX 18:1

Kra jai maq heashi sijai na, rarin dong wanli maq wiitsam she angu na, Tatiwe raq Elija ma nguto, “Ümniika Hokhamwe Ahab phana walaq. Laüta ümsham ka tiichi wakiq. Krai mren, Ngi riimin rashe mitiijunkang.”

1 HOKHVMX 18:19

Riita ümchaü min, Israilnok mungmaiqse tlotli ka ngi rai Karmel pum kiijaq riihumwa miitu aming kuqlaq. Laüta tsangshiq rai Baal shammibi 450 kriimin kiimaq Hokham-nyung Jejebel raq dung tlaq jechak phrakaü Ashera shomnoqti shammibi 400 kriimin adam na shea wan laq!”

1 HOKHVMX 22:11

Tsangshiq phong wa shammi weshi Chenaana se Jedekia riika jinkii maq arong thun haito. Raüta apaiq raq Ahab ma akha nguto, “Tatiwe raq akha ngutlo: ‘Armaq ümniiraq Siria mungti ka tiinamtok mikhat haü. Kiimaq mitang haü.’”

1 HOKHVMX 22:22

‘Jamkho milaü haü?’ nguta Tatiwe raq waito. Kiijiishe kra wenyi raq treto, ‘Ngi kilata Ahab shammibi kong kiima arot shammi bom mitiichongha.’ Kiijiishe Tatiwe raq nguto, ‘Kilaq. Laüta apaiq ka laükikiq. Ümniiraq apaiq ka milaolot haü.’”

1 HOKHVMX 22:28

Kiijiishe, “Ümniika hansang maq jang wan haü jiila, Tatiwe raq ngi lümaq chongmak dea ngushat miraq!” nguta Mika raq tiiphok tra chongto. Kiimaq apaiq raq akhiiri nguto, “Namshiq wiitarü raq tiitsang tai ronglaq, ngi raq jamlai wa chongkang kra!”

1 HOKHVMX 22:6

Krai mren, Ahab raq shammibi kong shiblaitin kra triichom heato. Raüta tsangshiq ma waito, “Ngi raq Ramoth chela ka mikhatki ha shea khatki mangli wa?” “Khatkikiq,” nguta tsangshiq raq treto. “Tatiwe raq ümniima mitiitang kuq.”

2 HOKHVMX 13:21

Akhing ashi na, maiq maa lapkai akhing bala na, kra rehuk maq khat wati kongshi ka maalap kaiti raq chhito. Kiimaq maalap kaitibi raq maiq maa ka Elisha maalapkho kiijaq baiqthü raüta tsangshiq ka pintrangto. Shatmaq kra maiq maa ka Elisha riiphong kriirai tiithanto. Krai mren kra amaawe ka atra she sam wanto. Raüta tiidopot chaphiiq riito.

2 HOKHVMX 2:14

Raüta apaiq raq kham ka Elija samtong jong kaü kiimaq riihot bukto. Raüta anü maq akha nguto, “Riita Tatiwe, Elija Shiikeawe ka ümbano?” Kiimahali apaiq raq jangshi ri hali kham thaq na buk nongto. Krai mren kham ka tiithiqrok riipheakito. Kiimaq apaiq ka jurai konii reko na hali wawan nongto.

2 HOKHVMX 2:21

Kiimaq apaiq ka kra lamho raüta khamraise kiina kihoto. Raüta shum ka khamraise kiijaq wanto. Raüta nguto, “Tatiwe raq akha ngutlo: ‘Ngi raq ara kham ka atiisü she riikang. Kra ningkhan ara kham nyangti ka tsaimak she miraq. Kiimaq maase min baiqmak she miraq.’”

2 HOKHVMX 4:41

Kiijiishe Elisha raq wongwin phanshi jaüto. Raüta kra ngamtak na thiito. Raütiishe, “Ngam ka abiri tsangshiq ma raükuq laq,” nguta thaüto. Krai mren kra phaq kiita sanha jamlai achok araq chang min ahü she riito.

2 HOKHVMX 4:43

Shatmaq apaiq raq, “Riita ümniinga arse armaq maiqkong shishi arma hongli miraq ngutiisha tiima tlaü?” nguta treto. Elisha raq treto, “Tsangshiq ma kra pheakuq laq. Tsangshiq raq miphaq laq. Jamkhano ngukla Tatiwe raq ngutlo, tsangshiq raq wok phetak phaqsea jai min achan ana abung mitiichong nguwa.”

2 HOKHVMX 5:14

Krai mren, Naaman ka Jordan rai na kihoto. Raüta Elisha raq apaiq ma chongkuqtaq kra phan phan khamchum mong na tiitsam hihi jang miishe tiitsamto. Kiimaq athatsi ka klang miitaq tiitsiirai heakito. Apaiq khum wa ahan ngam ka phintsaq tsaq heashe, tsindang dang heashe, nonose han ikhiishe nyeajok jok hea heakito.

2 HOKHVMX 5:27

Riita arningkhan, ümchaü sanha, Naaman thatsi ka ümkhu thaq niishe milü wan. Ümkhuthaq na kiimaq ümsaü ümsetiim thaq na pattup pat-sa she mirlü wan!” Krai mren, Gehaji ka kiiwa tiido wantaq akhing na, akhum na kra thatsi ka akop wa kun she riito. Akhum wa akhü thun ka tsakhiiq ikha lüriirii ma she riito.

2 HOKHVMX 7:19

Kra tiithaitaq bomtre ka siihiipwe tsaitaq kriiraq akha treto, “Kriika riimak. Jamwo kiikhiika misaü. Tatiwe apaiq raq ajaq maq tlothit rai awong kra pheakuq raümin hongmak miraq!” nguta bomto. Kiimaq Elisha raq treto, “Ümniiraq ümmak maq michhi haü. Shatmaq kra phaq nai sea ka ümniiraq ümnü na telap maü mirhaü,” nguta Elisha raq treto.

2 HOKHVMX 7:2

Kra tai raüta hokhamwe shiiliti jaqshise raq Elisha ma nguto, “Kriika riimak. Jamwo kiikhiika misaü. Tatiwe apaiq raq ajaq maq tlothit rai awong kra pheakuq raümin hong mak miraq!” “Ümniiraq ümmak maq michhi haü. Shatmaq kra phaq nai sea ka ümniiraq ümnii na telap maü mirhaü,” nguta Elisha raq treto.

Tvtsvmc 124:7

Nashiq ka wushi chiiq achan na minrai chang wa lunwantlaq ikha lunwankai; chiiq ka tiichaikitoshe, krai mren nashiq ka lunkai she!

THARC TVLUINGC 9:12

Maiqse ngutiikai ka, na ma abi ranaiq ka ümtiikiiwa riihumtiikai, kriika jurmin sapmai. Wushi kong chiiq na min rai tlaq ikha; ngiq ka chiiq maq akhup rat ikha; nashiq armin, na raq sapmai shonli tiihanghiiq miili, chamchao akhing ka saü watlo.

ASHICHONG 3:3

Chela kheti rawa kintsongti raq, ngi ka chhito. “Namshiq raq ikongtiwe chhilan shea?” nguta waikang tsangshiq ma.

ISAIA 62:6

Ümchela tro ruk thun na, Jerusalem lei, Ngi raq kintsongti thun tsong kang she; Tsangshiq ka ranaiq rawa kaiqshak si raa mak she. Tsangshiq raq Tatiwe ma akiqkham thun kra bliiq chong ratlo. Kiimaq ümtiikiimin apaiq ma kriithun ka tlaqbaiq raamak.

JEREMIA 11:19

Ngi ka skuse arümti wokhong na tlam raüta haiseati kiiwa lapho raüta taphaq hotlaq ikha atseabaiq miitu tiikho thuto. Ngi ka tsangshiq raq jamlai wa abi thiikho thutlaq kra akhiismin hemang riikang. Tsangshiq liipan na akha riichongto, “Pechong ka aheawiq ajaq aji nüm wala, kra adaqli she riibaiq rong i na; nashiq raq apaiq ka tsatbaiq haijiika, maiq raq jurmin tsan na tiitsang mak she miraq.”

JEREMIA 14:13

Kiijiishe ngi raq ngukang, “Tatiwe Rakaü Hiqwe lei, ümniiraq asaphaü, shammibi raq mungmaiqse ma, re ka dong mak miraq kiimaq ram min dongmak miraq. Jamkhano ngukla ümniiraq tsangshiq ma nam mung na khusang miraq nguta kiq kham kuq laü nguta tsangshiq liipan na riichongtlo.”

JEREMIA 23:13

Ngi raq Samariati shammibi ngarai phong ka chhikang she; tsangshiq raq Baal phra mang chong raüta riisham bom chongto, raüta isenginok ka lamjiq na sheahoto.

JEREMIA 31:6

Kriika tengto, akhing misaü wan, rawa kinkhetibi raq Ephraim wang kinthun maq, ‘Nashiq ka Jajon chela na nashiq Tatiwe, Na Shiikeawe phana kirong i’ ngutiishe miriim wan.”

JEREMIA 6:14

Tsangshiq raq isenginok ngarai mitsi ka tsimak, akha ralang atiikhatja ikhli tiimatlo. ‘Ahea raq tarü ahea siisaq’ ngutli shipoq poqli liitlo. Shatmaq, tarü ahea ka riimak.

JEREMIA 6:17

Kiijiishe Tatiwe raq rawa kintsongtibi shongto. Kriika honlam boli tsütlaq kra tai miitu. Shatmaq tsangshiq raq nguto, “Naishiq raq kriika taimai.”

AJONJÜ 2:14

Ümshammibi raq ümniima, hon atsii chongke chang min ahü. Tsangshiq raq arot akiq li chongtlo. Tsangshiq traho bomtsi chong ka atuli, ümniili laoliitlo. Tsangshiq raq ümngarai ka khot chongmak dea, kriikha ümniiraq mra tiidii chang ahü riito.

AJONJÜ 4:13

Kriika shammibi ngarai nai ramwebi shut kha maq thento. Tsangshiq raq sephii nojii maiqheati, tiijai raübaiqto. Kriikha na thento.

EJEKIEL 3:17

“Maiqse lei, ngi raq ümniika, Israilnok mung khuthaq na kintsongti miishe shong tiikang. Ümniiraq tsangshiq ma ibomtsi honlam bom chongtiikang kra mitlü chongkuq haü.

EJEKIEL 33:7

“Riita, ümchaü min, maiqse lei, Ngi raq ümniika Israil mung thaq na kintsongti miishe shongtiikang. Ngi raq ümniima honlam bom chongtiikang kra ümniiraq tsangshiq ma tlü chongke ratlo.

Hosea 5:1

“O, ramwebi lei, tairong laq! Israilnok lei tiitsang tairong laq! O, hokhambi lei nitiitsii lanta tai ronglaq. Jamkhano ngukla namshiq khapho akhing saüho tlo she. Namshiq ka Mijpa chela na hiqbikho ma jakilan. Kiimaq Tabor chela na namshiq khup miitu chiiq achan thü wishe.

Hosea 9:7

Shiikeawe manson saüto she Israilnok ma. Tsangshiq khapho akhing saüto. Israilnok hoqtlo, “Shammiwe ka angiwe! riisham bomchongti ka aruwe!” nguta ngutlo. “Namshiq ngarai jonghea, kra ningkhan ngi ngengtlan,” nguta Tatiwe raq ngutlo.

Hosea 9:9

Tsangshiq raq Gibea chela maq phawan raüta, abi pinthum ngarai tangtlo. Shiikeawe raq tsangshiq ngarai raüpot khathüto. Apaiq raq tsangshiq mitiichamchao she.

Mikha 7:4

Tsangshiq phong wa maiqshaq pinthumwe kriimin, kiida raü tsung ikha mairam maiq raq. Shiikeawe raq tsangshiq ma tiichamchao ranaiq ka saüto she, arka apaiq raq shammibi lumaq, kiq akhamkuq kriishe.

John 15:24

Ngi raq tsangshiq makki na, maiq ahinti jurmin sham wanlot mak chang phan jaqsham shamkuq kang thun kriika, shamkuq wan mang dea ngu raü jiiriiwe kla, ija, tsangshiq shut chang ngarai min ahü mirwa. Shatmaq, ümchaü sanha, tsangshiq raq kra thun jaqsham ka wiita chhi wanto she. Raüta, tsangshiq raq i We nainai wiita she ngeng tlo.

Romans 3:7

Shatmaq, ngi raq arot akiq rilung sitiikang kra lümaq, Shiikeawe tingting khushü kriili jonghea tiijong wanwan tiijong kuq tlaq jiikiiha? Ikhiijiika, ngi ka ajiq we dea nguta shrabaiq mak chang kata?

Hebrews 13:17

Kiimahali, namshiq ma lamsheatibi wokhong na, si lanta tsangshiq bomchong ka phaqchii nichii maq tai ronglaq. Tsangshiq raq namshiq ka, Wenyi rilung na tiichhan chhi wan miitu, naiqhü wasü hun nü wan tlo. Tsangshiq raq, Wenyi noboq jaqsham tlaq kra miitu, Shiikeawe ma heshap kewan chang asi. Namshiq ka tsangshiq wokhong na, phaqchii nichii maq tsangshiq bom tai lanta sihan jiila, tsangshiq raq shra jaqsham tlaq kra, chochikhiq maq misham. Namshiq raq tsangshiq bomchong tlea han jiila, tsangshiq ka tsan tiibishat lam miili, shra jaqsham ka misham. Kra raüka, namshiq ma jamlai achü shiiman lap chang ahü.