Hosea 9:9 - ASII LAKDAP Bible (BSI)

⁹ Tsangshiq raq Gibea chela maq phawan raüta, abi pinthum ngarai tangtlo. Shiikeawe raq tsangshiq ngarai raüpot khathüto. Apaiq raq tsangshiq mitiichamchao she.

Hawa Naga Bible 2001

⁹ Tsuingshiq kuex Gibea ghaq nuex httax tueq jauz ikhoc, tsuingshiq rueq shuimx yaq lotlaz kuex layx bac yauk shuimc jvnc rvtueq. Tishox rueq tsuingshiq mvrax kuex rvwvl vtueq kvruex tvkoc tsuingshiq muex murx tvgurc shuex.

Hosea 9:9 Referencias Cruzadas

DUNGWVNC 32:7

Kiijiishe Tatiwe raq Mosheq ma nguto, “Jaqlo sat-hotlo laq. Jamkhano ngukla ümsenginok ümniiraq Ejip mung wa tsuq wan laü kriiraq ngarai tangto kiimaq Ngi ka no niishe tsuq baiqto.

ISAIA 24:5

Maiqse raq Shiikeawe tri jin raüta kiimaq apaiq raq pattup pat-sa miitu tongshong wantaq tri ka jin raüta hiqraikhü ka tiisheshibaiqto.

ISAIA 31:6

Tatiwe raq nguto, “Israilnok lei, namshiq raq imakki na ngarai tanglan kiimaq ikiq khiilan. Shatmaq ümchaü sanha iwokhong na jang wa rongkiq she!

JEREMIA 14:10

Tatiwe raq arnok miitu akha ngutlo, “Tsangshiq ka iwokhong wa juho kli lungwiitlo. Tsangshiq raq tsangshiq tsantsii ka shiikhing tsümak. Kra ningkhan ngi ka tsangshiq ma itsan heamak. Tsangshiq raq ümchu wa shutphittaq kra ngi raq tsan na mithüha. Lata tsangshiq ngarai kha na tsangshiq ma mo mitiihoha.”

EJEKIEL 21:28

“Maiqse lei, riisham bom maq tiithailaq. Ngi, Tati Rakaü Hiqwe raq jamlai bom wa chongtiikang ara Israilnok shummiiti Ammon mungti ma tiitai chongkuqlaq. Tsangshiq ma akha chonglaq: ‘Nepja ka atiithenbaiq ma khekham she; Kriika maiq jiipbaiq miitu chhainyii minto, rachhai ralüp wa ikha chhaitlo.

Hosea 10:9

“Gibea chela maq ngarai tang pha wan, O, Israilnok lei. Ümchaü min tangruq li tang tlan. Re raq Gibea chela miishe mikhat pha wan.

Hosea 4:9

Arkha na namshiq ramwebi ka, mungmaiqse rai chiimshi niili, midea han! Namshiq kiimin mungmaiqse rai adam na mitiichamchao wan ha.

Hosea 5:8

Gibea chela na rechap wan hünong buk ronglaq! Rama chela na redong lerong ka tsü ronglaq. Bethawen chela maq redong chiiriim tlo ronglaq. Benjamin wangti lei re na watlo ronglaq!

Hosea 7:2

Shatmaq tsangshiq raq, atinkhan ngarai tangwan tlaq arka, ngi raq achhiha nguta, tsang khutsai na saümak. Ümchaü sanha tsangshiq ngarai raq alamshe riiwanto. Tsangshiq ngarai ka imak na rashra tiichhi shat,” nguta Tatiwe raq ngutlo.

Hosea 8:13

Tsangshiq raq ngi ka shomnoq wantlo. Raüta honglu ngamrea phaq wantlo. Shatmaq ngi tsangshiq Tatiwe ka, tsangshiq ma tsankhiq. Ümchaü sanha tsangshiq ngarai thop ka, tsangshiq makki niishe michekuqha. Lata tsangshiq ka sintsang miishe mitsatha. Lata Ejip mung niishe mijobaiq nongha!

Hosea 9:8

Shiikeawe raq ngi ka ashammiwe ma shongto. Raüta Israilnok ma honlam tsii chongkai tiikito. Shatmaq ümjiiwa trahokai kitiikang, tsangshiq raq ngi atsea miitu, wushi tiimin ma chan tlaq ikha, chiiq chantlo. Shiikeawe shomjam mong niimin, mungmaiqse ka shammiwe ngengti siisaq.

JEPHANIA 3:7

Ngi raq arthun klowan kang arka, isenginok raq ngi ma mishreng wan sham, nguta tiima wan kang. Kiimaq tsangshiq ma nithak lata, tsii chongkuq tiikang kra mitai sham, nguta tiima wankang. Ngi raq tsangshiq ma shrinkuq wan kang ka, ümtiikiimin laqbaiq mak miraq ahiq, nguta tiima wan kang. Shatmaq tsangshiq ka jaqlo liipan niilishe, man na sitaq kra thaq na, naolaqhea jabi wan wan khoti riito.

PHOWEBI 19:12

Shatmaq atijongwe raq nguto, “Ümra chela niiwa Israilnok simak, kiijiika nashiq khingmai. Nashiq ka alea li mirwan rong i laita iniikiijaq phanshi walaita Gibea riimakla Rama chela kiijiitiq mijap wan rong i.”

PHOWEBI 19:16

Riita tsangshiq ka kiijaq ngarai tlaq shon na, maiq tikiiwe ashi ka wak maq awa raji ramwacho na kiijaq saü wato. Apaiq ka man na ku akin tonglong Ephraim wang na siti riito. Shatmaq ümchaü ka Gibea chela na sitlo. (Riita kiijaq maiq ahinti thun ka Benjamin phan wa siisaq riito).

PHOWEBI 19:22

Tsangshiq ka polokhiq ngasiq rai tlaqliipan niili, tiihanghiiq miili she, kra chela na siti kuku waqshii ikha riinyat shatti kong raq kra jam ka trotam maq komhoto. Raüta kilü kiijaq hothot she bukhoto. Tsangshiq raq tikiiwe kiima akha nguto, “Ümsii ajaq ümjam na wanwe ashi saüwato! Kriiwe ka naishiq ma tiidongke ratlo! Naishiq raq apaiq ka jechak ashi ma tiija chang. Laita apaiq rai hainga chang!”

PHOWEBI 20:43

Israilnok raq tsangshiq jaqtinok ka bom na tiithapto. Kiimaq heashi min khing mak maq tsangshiq raq Benjaminnok ka Gibea maq shedong nü binjü kiina saüli jowan raüta, lam wiilülü jiipbaiq wanto.