Biblia Todo Logo
La Biblia Online
- Anuncios -




Hosea 9:6 - Hawa Naga Bible 2001

6 Jamjaux kuilc daz httuiuc vtueq miq htenc tvpanc gay rvhumc tuex nuex, Ejip miqsaz rueq tsuingshiq kuex tvtuimx wvnc vtueq, Memphi nuex luip gay shuex! Tsuingshiq kuimphox tsak nyvmx nuiyc tsuingshiq yuimx httax yaq baung htenc kuex namx ruix nuiyc shuiuq rumz htenc rueq puingc wvnc rvhumc tuex.

Ver Capítulo Copiar

ASII LAKDAP Bible (BSI)

6 Shiikeawe sintsang she saüki raüla, Israilnok ka barap niishe mitiipinbaiq. Ejip mungti raq tsangshiq ka adam na mirchom. Raüta Mephi chela na tsang maaphong milap! Tsangshiq rongwin wan chang hiqshong thun ka, hiqmiqchangkhü ma mija, shukrü tonglong lishe miraq.

Ver Capítulo Copiar




Hosea 9:6
32 Referencias Cruzadas  

Siria hokhvmx rueq kvjungx yaq miq htenc kuex tvbac gay ruiux tsuingshiq kuex bokkhuyx ikhoc nyet nuiuz gay koq tueq, mvre nuex ngaungc jix waz 50, nolaungx renc rokshiz, yaz sawx maq khuemc jix nolaungx bix 10,000 dvyx shex tvjungx taq ruiux, vganc Jehoahaza nuex koz vlaq shuimc jix nolaungx ghaqshungc yvmx muinz lvp muq shex.


Kvruex mungtan nuex httax yaq layx bac ningkhvnc nuex vpiq rueq ghaq vbur htenc kuex shumz ghaq muex tvyaungc gay tueq.


Kvruex yuq shuiuq rumz htenc rueq ghaq kuex puingc wvnc vtueq, kvruex vruk taq lung palx ruk htenc muinz rul kaz tsic tueq.


Kvruex raungnuiyq httuiuc tuex nuex, Taungjix rueq vpiq luimc vkawc kuex shuimx vtueq vpiq miqsaz kuex Asiria nuiyc Ejip wawc, Pathro, Ethiopi, Elam, Babelon nuiyc Hamat mungx htenc, svmuktvrax nuiyc julc lomx htenc nuex httaz jix htenc kuex gvl wvnc shuex.


Zoan nuiyc Memphi ghaq walaungx bix kuex miqyaq rvtueq. Tsuingshiq kuex miqmac phvnx htenc muex lvmx shvlx lot shuex ikhoc tvmaung wuez yaq, yuq muinz tsuingshiq rueq kvruex hez muex lvmx shvlc tvyaq gay tueq.


Kvruex raungnuiyq, Euphrat ruilx maq Ejip ghaqruiy nuex httuiuc laz Yehowa rueq vpiq miqsaz vshiz maq vshiz kuex nyensaz tsvmz vshauk vphex thvl gay shix ikhoc thvl gay shuex.


shuiuq rumz nuiyc httuingx htenc kuex ngvy miqsaz ghaq vraungx htenc nuex kemz yaq. Miq htenc vkoz vkez httax wvnc tueq yuimx htenc nuiyc suinglix rullungx tvraungx httaz lvmz mvrc wvnc tueq ghaqyungx tvkoc khoar wuez kuinz.


Shuiuq jungx nuiyc httuingx htenc kuex hoc htenc nuex nuiyc palx ruk yoalx miqghaq htenc nuex kemz wvnc tuex, yaruix guyhex htenc nuiyc wuzkhuiuq htenc httax juing muex yaungx tuex.


Ngaz rueq kvruex kuex httuingx maq tvluimz gay shaungx. Ngaz rueq svpiq ruiuz htenc kuex penc tsawc shaungx rvmuq, ghaq kuex tvbur htuz kuq shaungx rvmuq; kvkhoc ruec tvraung shuiuq jungx htenc maq tvluimz gay shaungx. Ngaz rueq kvruex htauk kvyuq raungx tvyunc tvkoc phuemx htenc tvthauk gay shaungx.”


“Kvruex raungnuiyq httuiuc tuex nuex, kuimphox sawx hingshiz tanc aungx yaq, svpiq jungx hingshiz kemz yaq sunc tek nuex shuiuq nuiyc httuingx dvyx shex puingc wvnc shuex.


Rvtueq, Memphi ghaq jix nuiyc Taphanhe ghaq jix rueq mkhux rawz kuex tvkhoz wuez tueq.


Kvkhoc rvtueq, nuimshiq rueq vruex lvmz kuex honc lvmz wuez shuinz: ralx lungc nuex muinz, khvmx vrvmc nuex muinz, vmac vtsac nuex muinz nuimshiq httaz kay roc vshuinx mungtan kvyuq thueyc mvy wvnc wuez tuinx,” ngoz tueq tvhttoarc jungx yek tueq.


Yehowa rueq Ejip mungx wawc Migdol, Taphanhe nuiyc Memphi ghaqyungx htenc nuiyc ghaqyaz kox nuex httax yaq Israel miqsaz lotlaz nuex seng vtueq ngaz muex jungx phuex.


Ejip mungx nuex httaz tvkoc htvp htaz vtueq httaz kay jix kvjungx yaq Yuda miqsaz kvlec kuex tsuingshiq lotlaz tvbac gay rvhumc tuex kuex ngaz rueq khiz shaungx. Ejip mungx nuex httax yaq vruinx maq vyungx nuex httuiuc laz tsuingshiq lotlaz kuex ralx rvlungc nuex muinz, khvmx vrvmc rueq muinz, thueyc mvy wvnc tuex. Tsuingshiq kuex kvhiz juing muex yaungx wvnc tuex; miq htenc rueq tsuingshiq kuex shummarc vtueq tsuingshiq muingc kuex mvnhttonc mvntvmc kvjaz nuex jungx yaq ikhoc shuimx wuez shuex.


Ngaz rueq Yerusalem muex murx tvgurc tauk ikhoc, Ejip mungx nuex httaz kay jix hez kvmuinz, ralx rvlungc nuex, khvmx vrvmc nuex nuiyc vmac vtsac htenc maq tvgurc shaungx.


“Ejip mungx wawc miqghaq htenc rvtueq, Migdol, Memphi, nuiyc Tapanhe ghaq htenc muex kvruex jungx shuiuz: ‘Nuimshiq shauk pumz kuex tvguing tvkoc tvyoalc wuez shuinz; nuimshiq nuex httax yaq lotlaz kuex ralx rvlungc nuex tvbac gay rvhumc tuex!


Ejip miqsaz lex, vthuq lvy rvhumc tvkoc tvyoalc wuez shuinz! Memphi ghaq nuex miq vshiz muinz httax muq, ghaqkuiyq ghaqkhvmx baung muex yaungx wvnc tuex.


Johvlc Yehowa rueq, “Memphi ghaq wawc yac yuimx htenc nuiyc vrot vkaq tishox htenc kuex tvbac gay shaungx. Ejip mungx kuex vshiz raung rueq muinz guimz lvp shuex rvmuq, ngaz rueq miq lotlaz kuex tvhiz sungx shaungx.


Ngaz rueq Ejip mungx kuex wvr maq jauk gay shaungx, Pelusium kuex songhvlc thuiuz sac tvrvhumc shaungx. Thebe palx ruk htenc tvrul rop gay ruiux, ghaqyungx kuex yuix rueq luimz gay shuex.


Israel miqsaz rueq nawk palx yaq yac yuimx htenc taq yaq Awen ghaqluimx poz wawc nawk palx juing htenc muinz tvbac gay rvhumc tuex. Shomrawx htauk nuex muinz shuiuq jungx htenc nuiyc httuingx htenc rueq luimz wvnc shuex. Kvkaq miq htenc rueq kanx htenc nuiyc ghaqluimx htenc lex, “Nuiyshiq kuex httuiyq wvnc luit! Nuiyshiq kuex puingc koq!” ngoz tueq guyc tuex.


Tsuingshiq kuex wushawx ikhoc Ejip mungx maq muinz, hituiuc ikhoc Asiria mungx wawc muinz makmak httuiuc wvnc wuez ruex. Ngaz rueq tsuingshiq kuex tsuingshiq yuimx htenc nuex shvlx wvnc yek shaungx. Ngaz Yehowa rueq jungx vshaungx.”


Kvkhoc rvtueq ngaz rueq piq lvmx tuing gay lot laz, shuiuq jungx htenc maq tuk vtueq ruk vshiz tvhungx shaungx.


Israel kuex vruc hituiuc kuiux shiz ikhoc baungshiz maq baungshiz nuex kvhttot khuemx yaq; piq miqsaz htenc kuex vphaungc romc kuy rvhumc tvkoc Ejip wawc thoz tueq, kvruex yimaq tsuingshiq rueq Asiria kox nuex yuz wvnc tueq!


“Tsuingshiq kuex vphoc rvhumc yaq! Tsuingshiq rueq ngaz kuex gay shec ruiux ngaz muex khawx lvlx yaq. Tsuingshiq kuex tvbac gay rvhumc tuex. Ngaz rueq tsuingshiq kuex palc wvnc roc, yuq muinz tsuingshiq rueq ngaz muex nawk palx lvmx kuex vyaq rvtueq.


Tsuingshiq kuex ngvy kox wawc kvroz kaz wvnc vtueq luimc vkawc vguez tishox kox nuex kvwek kaz wuez tueq. Tsuingshiq kuex tingmuq laq ikhoc vkvmx juing rvmuq. Tsuingshiq vyungx vlaungx bix kuex thuinz tvyungc vtueq kvjaz ningkhvnc nuex, tsuingshiq kuex shox nuex thueyc wvnc wuez tuex, Ejip miqsaz rueq nueykuic wuez shuex.”


Tsuingshiq rueq ngaz muex shomc nawk kuy shomc kuq vtueq shomc nawk juing ngvmx kuex phauk wuez tueq. Yuq muinz ngaz, Yehowa rueq kvruex raungc raq vshaungx rvmuq, majuiuc tsuingshiq mvrax kuex rvwvl lvp vtueq kvruex tvkoc nuex tsuingshiq muex murx tvgurc shaungx; ngaz rueq tsuingshiq kuex Ejip nuex tvyek yek shaungx!


Israel miqsaz htenc kuex Yehowa mungtan nuex httax ruq httax lvp tuinx rvmuq, yuq muinz Ejip mungx nuex yek waung vtueq Asiria mungx nuex tvwanc vruez phuiuz vsvy kuex phauk saq shuinx.


Ngaz rueq nuimshiq kuex thuimkux ralx murx tvgurc ruiux, mungx ganc nuex tv-phvlc nyanc tvhttax gay phaungx, nuimshiq mungtan kuex miq yomx wvnc vtueq nuimshiq ghaqyungx htenc kvmuinz batac wvnc tuex.


Pvkac pvylvyc jix miq lotlaz thueyc kaz shex ningkhvnc nuex, ghaqyungx vnyez kox nuex httax vtuinx nuimshiq rueq kvruex tvruingc kuex tay vtueq khoarsez wuez tuinx!


Kvruex yimaq tsuinghez rueq Israel miqsaz htenc kuex hungc maq dung phawk khvt wvnc vtueq, tsuingshiq thuinz htumx laz tvyaungc tueq. Israel miqsaz wvyvmc kuex lungluix htenc, lunghvl lungwap htenc, lungtap lunglap htenc, ghaqluix htenc nuiyc yuix jumx htenc nuex kvhttuiyq wuez tueq;


Síguenos en:

Anuncios


Anuncios


¡Síguenos en WhatsApp! Síguenos