Hosea 4:6 - ASII LAKDAP Bible (BSI)

⁶ Isenginok ka thento she. Tsangshiq raq ngi ka juwa sapmak kha na. Namshiq ramwebi raq ngi sapman shishe wan lan. Kiimaq ngi raq ashrinkuqha tri shishe wan lan, kra ningkhan ngi riimin namshiq ka shleqbaiq tiikang, kiimaq namsetiim ka ka ngi ramwebi ma nguta thüwan mang she mirha.

Hawa Naga Bible 2001

⁶ Ngvy miqsaz htenc rueq ngaz muex kvjungc wuez muit ningkhvnc nuex vphoc rvhumc wuez vtuinx. Nuimshiq shomc waz bix rueq muinz ngaz muex kvjungc tvkoc tvlvlc gay tuit, ngaz rueq tvluing vphaungx kuex tvdux gay tuit, kvkhoc rvtueq ngaz rueq nuimshiq kuex tvdux gay ruiux nuimshiq saz miqwaz sahez kvmuinz ngvy shomc waz bix ikhoc tvyaungc wvnc shaungx rvmuq.

Hosea 4:6 Referencias Cruzadas

2 KAÜWA WERAÜ 15:3

Rawii luhea Israilnok ka riikhaqli Shiikeawe ahü maq siwanto. Tsangshiq ma Shiikeawe lamphan tlanketi ramwebi ahü kiimaq thungtri min ahü shong wanto.

YOBA 36:12

Shatmaq tsangshiq raq taimak tlea raüla, tsangshiq ka tsii humphaq mak miili mitsai wan raüta jüserai ka jin wan raüta wulum mung na mikiho.

Tvtsvmc 119:139

I tsankhiq ka walüwa ikha i mongjii na nyaitlo, jamkhano ngukla i jaqtinok raq ümtri ka shipoqtlo.

Tvtsvmc 119:153

Ngi chamchaorai tiikang ara liilaq, laüta ngi ara chhiilaq, jamkhano ngukla ngi raq ümtri ka shipoq mang riikang.

Tvtsvmc 119:61

Abi kiimungti raq ngi tiimin ma thiikho thuto, shatmaq ngi raq ümtri ka laqmang.

Tvtsvmc 18:27

Ümniiraq sobsob bombomti ka tiichhii kuq tlaü, shatmaq juwa khünga kriiti ka anun ma tiija baiqtlaü.

TAKSU LAK 10:21

Kechu maiqse bomtsi ka, maiq pahea ma achu shiiman asi. Shatmaq angi nolati ka, maiqmii bom miili khlaqtlo.

TAKSU LAK 19:2

Nyan phaqchi ahü maq, hongla rai ka thiihü. Taülaükhiq phephiiq raiti ka, thiikho na dea watlo.

ISAIA 1:3

Jam nyamsekong riika atati asap. Kiimaq kumtoq kong riimin atijongwe raq tsangshiq dung changba ka asap. Tsangshiq riika isenginok Israilnok raq Ngi saptlaq kriithaq na achan tsangshiq riimti ka saptlo. Shatmaq Israilnok raq Ngi ka akhiismin sapmak dongdii.”

ISAIA 17:10

Israil lei, ümniiraq Shiikeawe, ümnaq khup wongketiwe, longkaü jonghea kaü wokhong na atiipaüwa ikha, ümnaq khup wongketiwe ka laqbaiq laü she. Apaiq shomnoq wan rii na, ümniiriika asii sonruk setiim she klo wan laü. Laüta kiijaq pongmungti sumla phra kriishe shomnoq tlaü.

ISAIA 27:11

Pechong wa akü ako thun ka wiita ajungshe riikito. Raüta angoq she riikito. Kriika jechakre raq chin miishe riichom chaqtlo. Tsangshiq raq tsang tsü chhimak kha she, tsang Phansangti Shiikeawe raq tsangshiq ka mangchan mak she miraq. Kiimaq tsangshiq ma tiihang mangchan tiichhikuq mak miraq.

ISAIA 28:7

Liimanta, shammibi nai ramwebi thun kiimin chephe makaiq chhaq. Che raq chokrai raüta, akü alii watrang, rakli ropli siisaq. Tsangshiq ka chetsai nai laohu chanhea baknyang raüta chokrai kha maq, sunghü tsiihü kiimaq mangrang miira siisaq. Shammibi ka pinthum cherop kong kha maq, Shiikeawe raq riisham makchhi tiichhikuqtlaq kriimin taktsü mak she. Kiimaq ramwebi kiimin chephe makaiq siisaq kha maq, tsangshiq ma kha shokwatlaq kriimin phokuq tsümak she.

ISAIA 29:12

Kiimahali ümniiraq maiq weshi ra ma jurwa lakphat tsinmak kriima kuq laüta phat kuq laq nguta chonghaü jiila, apaiq riika phatsü mang nguta ümniima michong.

ISAIA 3:12

Kampho tiinamketibi raq isenginok nyatshatshat tiichamchao wanto. Kiimaq tsangshiq ma kampho tiinamketibi raq tsangshiq ka laolii wanto. Isenginok lei, nam welabi raq namshiq ka lamjiq na shunsheatlo. Kra ningkhan namshiq riika ümnii lam na wachang wa kra sap man.

ISAIA 45:20

Tatiwe raq ngutlo, “Warongra adam na, maiq mung thun wiita, mungtan thenjai aso tiichonglanti thun; namshiq kha tiipho rung na chap ronglaq! Namshiq pe sumla phra kong rai arü ariiq khumlanti thun, kiimaq tisho kong raq tsangshiq chhiilot makti thun; tsangshiq ka jammin sapphaq mak!

ISAIA 5:13

Akha ngarai klo lantea sitlan ningkhan namshiq ka munglu shumwikong miishe pongmung na mitsuq wan. Namwelabi thun ka ram raq haü raüta mitsaiphaq. Kiimaq nyungwe nosekong ka khamnyangtsi raq mitsai wan.

JEREMIA 2:8

Ramwebi raq, ‘Tatiwe ha ümbano?’ nguta waimak, Iramwebi raq ngi sapmak. Mungtubi raq ikiq khü wanto; shammibi raq Baal phra mang na tra howanto, kiimaq thiihü sumla thun shomnoq wanto.

JEREMIA 4:22

Tatiwe raq ngutlo, “Isenginok ka maiqjiq angikong; tsangshiq raq ngi sap mak. Tsangshiq ka nosere maiqjiqse kong ikha; tsangshiq raq takmak. Tsangshiq ka abi kiimung lam na siimakong, shatmaq jaqsham ahea phan sham ka sapmak.”

JEREMIA 5:21

Samhea tiitsang taironglaq, namshiq angok anginok kiimaq maiqjiqnok raq. Nammakpo ka asi; shatmaq chhiman. Kiimaq namni ka asii shatmaq maiqbom ka taiman.

EJEKIEL 44:23

“Ramwebi raq isenginok ma jamlai wa asii, kiimaq jamlai wa siimak, kra tseatsiiq wan kra tlangke ratlo. Kiimaq jamlai phan wa asii, alang mimai, kiimaq jamlai phan wa, apii lang mai chang kra tseatsiiq wan kra shrinke ratlo.

Hosea 13:6

Tsangshiq hiqpo hiqwin mung niishe saüto. Tsangshiq wok phetaktak she riito. Awintsi ma ashkong she riikito. Tsangshiq raq ngi alaqshe riibaiqto.

Hosea 2:13

Kiimaq apaiq raq ngi laqbaiq raüta, Baal phra shomnoq wanto, kra miitu mitsa shaha. Lata mitiichamchaoha. Kiimaq apaiq raq achaq aseng laktum thun ka, lak raüta awesekong jaijo wantaq kra miitu, ngi raq apaiq ka mitiichamchaoha. Arka Tatiwe raq chongtlo.

Hosea 4:1

O, Israilnok lei, taironglaq, Tatiwe raq namshiq ma kha nyantlo. Tatiwe raq akha ngutlo. “Armungti raq ngi ka tsangshiq Shiikeawe nguta sap mak. Tsangshiq raq ngi ka tsapkapkap maq shomnoq mak. Kiimaq ngi ma lungwii tsantsii rüm mak.

Hosea 4:12

Liimanta! tsangshiq raq pepan kiima, shammi bom chong laq, nguta riibom dam tlo! teitlang chang piq kii ma, ‘Chongkuq laq’ nguta bom wai tlo! Tsangshiq raq ngi ka miimbaiqto. Raüta mephe-nyung ikha, tsangshiq sumla puk na nyap wanto.

Hosea 4:14

Shatmaq ngi raq namsetiim jechaksere mephe-nyung ma jakai kha na tsat son mang. Kiimaq nam-nam-nyungtiim sethoq jakai kha na, tsasha mang. Jamkhano ngukla, namshiq maiqmii kiimin, sumla phra shomjam na siti, mephe-nyungre rai siki dam tlan, arningkhan nyan ahü phan ka, athum mirhum.

Hosea 5:4

Tsangshiq raq abi ngarai pahea klowanto. Kriiraq tsangshiq ka Shiikeawe phana tiiwa mak shangbaiqto. Tsangshiq raq sumla phra shomnoq tlaq kra, tsangshiq khachang kharü ma jakito, tsangshiq raq Tatiwe ka sapmak laqbaiqto.

Hosea 6:6

Jamkhano ngukla, Ngi riika lungwii tsantsii rit tiikang. Nyamse honglu ngamrea rit mang. Tsangshiq raq Ngi sap wan kra rit tiikang, Tsangshiq honglu ngamrea ka rit mang.

Hosea 7:11

Angi parokaü phephiiq raitlaq ikha, Israilnok ka phephiiq raitlo, apha na Ejip mung tijong hokito! Kra jai maq Asiria mung tijong hokito! tsangshiq raq ngi alaq riibaiqto.

Hosea 7:9

Pongnok phan rai tongshong raüta, reraüshi maq siwan kha na, tsangshiq ningkun jomtlo. Arka tsangshiq raq sapphaq mak sitlo. Tsangshiq ningthoi saü wanto. Shatmaq tsangshiq raq sapphaq mak sitlo.

Hosea 8:1

Tatiwe raq chongtlo, “Lerong tsürong laq. Re dong wanto! Liihawe raq wu phiimtlaq ikha, Re raq isenginok phiimtlo! Tsangshiq raq itongshong jaqkhaq raü chumbaiqto. Tsangshiq raq tongshong tri jinto.

Hosea 8:12

Ngi raq tsangshiq trantsii wan bomchong, tri raütu pahea khakuq wankang. Shatmaq tsangshiq raq hiqtili ikhli shipoq wanto.

Hosea 8:14

Israilnok raq tsangshiq sichang jam ka, hokham jamkaütiim ikha hai wanto. Shatmaq tsangshiq Phansangtiwe ka laqbaiqto. Juda mung raq chela thun tei wanto. Chiqse rewe tiiwong ma, chela tro tam maq kiitelong rukto. Shatmaq ngi raq wa maq michaq baiqha. Tsangshiq hokham jam thun wiita, tsangshiq chela thun butja,” nguta Tatiwe raq ngutlo.

Hosea 9:17

Tsangshiq raq Shiikeawe bom tlea wan kha na, I Shiikeawe raq tsangshiq ka amiimshe mirbaiq. Tsangshiq ka Pongmung na, mangtam ikhiishe mimo wan.

Matthew 1:6

kiimaq Jessi se ka Dawit hokham we kriishe. Kiimaq Dawit se ka Solomon (anyung ka Uria tanyung arom wan);

Matthew 15:14

“Tsangshiq Phorisinok miitu ka namshiq naq brorii rongkiq! Tsangshiq ka maiqse makchuk jaqmiiti kong kra shun shea wanti, makchuk welabi kong. Maiq makchuk weshi raq makchuk weshi kra shun shea raüla, tsangnai anai jongri ka khobok niili midia wan.”

Matthew 15:8

‘Arnok raq ngi ka nü maq lamlam li shreng tlo, shatmaq tsangtsan mong miika shreng mak.

1 SAMUEL 2:12

Eli senai ka haibihiiti. Tsangnai raq Tatiwe ma tsantsii kuq mak.