Hosea 4:7 - ASII LAKDAP Bible (BSI)

⁷ “Namshiq ramwebi ka pawan wan, namshiq ngarai kiimin pawan wan. Kriikha na nam khushü ka, jeasi khatam ma mitiija wan.

Hawa Naga Bible 2001

⁷ “Nuimshiq shomc waz bix paunghvlc paung wvnc, nuimshiq rueq ngaz muex mvrax yaq ruq yaq wvnc yaungx vtuinx, kvkhoc rvtueq ngaz rueq nuimshiq tvtsanc nganc juing kuex yomnamc juing kox nuex tvroz gay shaungx.

Hosea 4:7 Referencias Cruzadas

EJRA 9:7

Naiti naiwi pat maq pha raüta, ümchaü niitaq saüli, naishiq ara ümsengi, ümphan ümmaq asii maiqsetiim raq pinthum achong min lot mai, ngarai pahea tang wan kai. Naishiq nok raq ngarai tang wan kai kriikha maq, naishiqnok hokhambi thun, kiimaq naishiqnok ramwebi wiita, pongmungti hokham rewe jaqkhon mong na lap wanto. Raüta tsangshiq ka jiipbaiq wanto. Kiimaq naishiqnok tsiiq anyam tum thun ka wiita khaükhokkhok hut wanto. Kiimaq naishiqnok ka pongmung na, rewa shumwi ma shea wanto. Naishiqnok ka achong lotmai, ji maq niwantlii raüta, ümchaü ranaiq niitaq saüli, chamchao shummii homa howan laitli sitiikai.

Hosea 10:1

Israilnok ka spiqtsi tsung jonghea, atsi ango wanrang wiira. Chiithe lüwa arong awin. Shatmaq chiithejong ma jawan wan, phra sumla noq wan chang, berong-wacha, apa hai wanwan riito. Kiimaq ngi raq akuq wanha, hiqpo hiqwin tsanghiq shong chang, phra sumla shomnoq wan ma, tsomhea berong-wacha, pahea haiwan wan riito.

Hosea 10:6

Kra phra sumla ka Asiria mung na mipi wan, tsang hokham ajongwe ma, sepat lopi mihokuq wan. Israilnok munjuk mijuk. Tsangtok hiq na kuraqraq. Sumla noq ngam tsangshiq raq phaq.

Hosea 13:14

Tsangshiq ka wulum kho wa mikhot ha sha? khotki mang she! Atsai kharü mong wa mitiichhiikuq ha sha? Tiichhiikuq mang she! O, tsailam watu lei tsangshiq ka khiim phaq laq! Tsailam hiqbi kho lei, wulum mung kiina sheaholaq! Ngi raq tsangshiq ka mangchan mang she.

Hosea 13:6

Tsangshiq hiqpo hiqwin mung niishe saüto. Tsangshiq wok phetaktak she riito. Awintsi ma ashkong she riikito. Tsangshiq raq ngi alaqshe riibaiqto.

Hosea 4:10

Namshiq raq Tatiwe baiqthü lan kha, ümchu phaqsiq han min, nam wok phe mak. Kiimaq namshiq raq, saü ase shiimanketi sumla noq wan lan. Shatmaq laihü nyungre miili ja wan lan, kra kha maiq ka puwan man,” nguta Tatiwe raq nguto.

Hosea 5:1

“O, ramwebi lei, tairong laq! Israilnok lei tiitsang tairong laq! O, hokhambi lei nitiitsii lanta tai ronglaq. Jamkhano ngukla namshiq khapho akhing saüho tlo she. Namshiq ka Mijpa chela na hiqbikho ma jakilan. Kiimaq Tabor chela na namshiq khup miitu chiiq achan thü wishe.

Hosea 6:9

Thiimeaqkong raq thiimeaq tek tlaq ikha, ramwebi raq thiimeaq tektlo. Asii Shekhem chela lam wa, bom hairaüta maiqtsattlo. Tsangshiq raq abi pinthum ngarai tangtlo.

Hosea 9:11

Kra ningkhan Israil mung jonglu khushü, pechong wa wushi abi wan ikhiishe mibi wan. Anyungtiim ka tsihü chong ikhiishe miraq! Ase min hum mak miraq! no ngachang na ase kopmak miraq!

HABAKUK 2:16

Ümniika jeasi khatamshi, bu laütiishe misi haü. Ümkhushü jonglu rii na, maiq tho dali she miho haü. Ümjaq na chamchao chekok sham laüta, mibak nyang wan haü. Laüta atiimeshi min lot maü, migamgu wan haü! Tatiwe raq ümnaq tiichamchao chang, chekok mitiinyang wan. Raüta ümkhushü jong ka, jea rai li she mitiiche wan.

MALAKI 2:9

Arkha na, ngi riimin, Israilnok tsantsii ka namshiq tiishummii wan miitu she mitiiphe baiq wan ha. Jamkhano ngukla, namshiq raq, ngi raq thapthi tiikang kra shamkuq man kiimaq, namshiq raq isenginok ma shrinkuq tlan na, nokmaiqse ka tarü makliishi maq liiman riitlan.”

TRI CHONGKE 32:15

“Tatiwe senginok ka chiithe jawanto, shatmaq kiqkhii sruti riito; tsangshiq ka apüwiq, phaqsea chamtraq rongboq. Shatmaq tsangshiq raq Shiikeawe tsangshiq phansangti miimbaiqto, kiimaq tsangshiq chhiiti ningkun henghea riimtiwe shipoqto.

Philippians 3:19

Tsangshiq ka wamungtan na mide wan. Ara jamkhano chongtiikang ngukla, tsangshiq shiikeawe ka tsangshiq han-ngam ramho. Tsangshiq ma shiikeawe ka, han-ngam ramho dunghiqtlaq kriili. Tsangshiq raq jamlai wa kiimung tlaq kra miitu, tsangshiq ka jeasi raq tsai chang riiwe khoti, tsangshiq ka kra ajiq jaqsham wantlaq kra miitu, tiishom mra lishe, srarai hotaq ahata. Kiimaq tsangshiq riika, phiija wa raq jamlai phan wa rotlaq, kriili shamtlo.

1 SAMUEL 2:30

Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.