Hosea 4:6 - Hawa Naga Bible 2001

⁶ Ngvy miqsaz htenc rueq ngaz muex kvjungc wuez muit ningkhvnc nuex vphoc rvhumc wuez vtuinx. Nuimshiq shomc waz bix rueq muinz ngaz muex kvjungc tvkoc tvlvlc gay tuit, ngaz rueq tvluing vphaungx kuex tvdux gay tuit, kvkhoc rvtueq ngaz rueq nuimshiq kuex tvdux gay ruiux nuimshiq saz miqwaz sahez kvmuinz ngvy shomc waz bix ikhoc tvyaungc wvnc shaungx rvmuq.

ASII LAKDAP Bible (BSI)

⁶ Isenginok ka thento she. Tsangshiq raq ngi ka juwa sapmak kha na. Namshiq ramwebi raq ngi sapman shishe wan lan. Kiimaq ngi raq ashrinkuqha tri shishe wan lan, kra ningkhan ngi riimin namshiq ka shleqbaiq tiikang, kiimaq namsetiim ka ka ngi ramwebi ma nguta thüwan mang she mirha.

Hosea 4:6 Referencias Cruzadas

2 KAÜWA WERAÜ 15:3

Israel htenc nuex vkhing loayc hvlc shex tsuingrux Tishox vguez, tsuingshiq muex tvluingc kuy jix shomc waz bix vguez, tvrac vshiz muinz vguez maq dvyx muinz httax wvnc tueq.

YOBA 36:12

Yuq muinz kvkhoc ruez muq ngoz ruiux tsuingshiq kuex ngauk vngaz maq thueyc wvnc vtueq, wulumx mungx nuex yanz wvnc wuez shuex.

Tvtsvmc 119:139

Ngvy ralx htenc rueq mnoz rueq nvrc bomc htenc kuex wvlc guez tvyaungc yaq ningkhvnc nuex ngvy thuinkhvy kuex wvr ikhoc khamc yaq.

Tvtsvmc 119:153

Mtvrac kuex ngaz rueq lauk gay mauk ningkhvnc nuex, ngvy kuilc daz vtaungx kuex lawc vtueq ngaz kuex palc wvnc koq.

Tvtsvmc 119:61

Layx bac jix htenc rueq ngvy tvkoc bix tsvnc taq yaq, yuq muinz mtvrac kuex ngaz rueq lauk gay mauk.

Tvtsvmc 18:27

Thuinz tvyomx thuinz httaz jix htenc kuex mnoz rueq palc wvnc toq, yuq muinz ngamc vngax thuinz httax yaq jix htenc kuex mnoz rueq tvnulx gay toq.

TAKSU LAK 10:21

Miq hvlx waz bomc nyamc rueq miq paunghvlc muex vjux tvlvp kuq yaq, yuq muinz miqyaq lvmx rueq miqmac pumz rullungx tvsumx gay yaq.

TAKSU LAK 19:2

Thuinz tv-phez yaq nuex phaqjic lomx muq ngoz ruiux yvmx vjux muinz kuq muq, nanx lot muq rueq vkuilc vdaz juing nuex shvlx laq shuex.

ISAIA 1:3

Suiux vmanx rueq vjiyungx tuiuz yaq, loze htenc rueq muinz tsuingshiq jiyungx rueq vtsvmz kuq yaq pankhuix kuex tuiuz yaq. Yuq muinz ngvy miqsaz Israel rueq kvtanc khvnc doc muinz tuiuz muq. Tsuingshiq rueq raungluingx muinz tuiuz tay wuez muq.”

ISAIA 17:10

Israel lex, mnoz kuex mnoz palc wvnc vtueq lung kuiux yungx ikhoc tvguing kuq yaq Tishox kuex vlauk shex rvgay toq. Kvkhoc ruec tvraung, mnoz rueq pungnuk phvnx tishox muex nawk palx kuy tvkoc ngoz tueq vsawc sunc htenc khic yuingc taq toq.

ISAIA 27:11

Pulx jungx noz vphak htenc shanx wvnc ruiux yuq vtawk gay rvhumc yaq, yalxjuik rulx rueq kvruex janx muex htuimx kaz yaq. Miq htenc kuex yvmx muinz vtuiuz vtay vguez ningkhvnc nuex, tsuingshiq Tvdungc Sungc jix Tishox rueq tsuingshiq muex menjenc shuex rvmuq, tsuingshiq muex yvmx menjenc lvmz muinz tvkhic shuex rvmuq.

ISAIA 28:7

Shvmmax bix nuiyc shomc waz bix doc muinz pinhtumc juk pawx wuez vtueq rullez ngaklez khuemx wuez yaq. Tsuingshiq kuex svpiq tix nuiyc joal nuingc vjvnc ningkhvnc nuex phuinglez phamlez kvhtuip luip khuemx wuez yaq. Shvmmax bix kuex pinhtumc pawx vtueq Tishox rueq vkuq romzyac tvkhic htenc vlvmz kuex tuiuz wuez muq, shomc waz bix muinz vjvnc nuingx wuez vtueq tsuingshiq kox nuex lvmz laq yaq yauk shuimc kuex tvhungx htaungx htvp htaz kuq lot muq.

ISAIA 29:12

Mnoz rueq phat thenc muq jix waz muex kuq vtueq mnoz muex phat kuy tvkoc wiz ruiux yuq, piq rueq mkhoc phat juing wuez tuiuz mauk, ngoz tueq tvralc kv-phux.

ISAIA 3:12

Kuimphox tvnvmc jix hez htenc rueq ngvy miqsaz htenc kuex mop jap saq yaq, tsuingshiq khac taungjix hez rueq tsuingshiq kuex laulawc wuez yaq. Ngvy miqsaz hez lex, nuimshiq walaungx bix rueq nuimshiq muex lvmx shvlc tvyaq kuq yaq, kvkhoc rvtueq nuimshiq kuex mkhoc kvroz yek waungc juing wuez tuiuz muit.

ISAIA 45:20

Yehowa rueq jungx tueq kuex, “Dvy wvnc tueq honoc mungtan nuex kvjungx yaq miqphvnx htenc lex, rvtuimx kaz luit, vwiz vsoz rvhumc tvkoc nuimshiq kaz wuez luit! Tsuingshiq pulx yac yuimx htenc kuex httex tvkhic vtueq, tsuingshiq palc daungc lot muq tishox htenc kox wawc vjux thoz jix vruex miq htenc kuex yvmx muinz tuiuz wuez muq!

ISAIA 5:13

kvkhoc rvtueq mnoz kuex khoktep miqsaz htenc ikhoc shvlc wvnc rvhumc tuiux. M-walaungx bix kuex rvmc rueq thueyc tuex, miq talaz jix htenc kuex khvmz svy rueq thueyc tuex.

JEREMIA 2:8

Shomc waz bix rueq, ‘Yehowa kuex m-yuq lac?’ ngoz tueq wiz muq, ngvy shomc waz bix rueq ngaz kuex tuiuz muq. Guimz lawc jix hez rueq ngaz kuex khawx lvlx wuez yaq; shomc waz bix rueq Bala muingc ruingc vtueq jungx ruiux khuec guez yac yuimx htenc kuex nawk palx wuez yaq.

JEREMIA 4:22

Yehowa rueq jungx tueq, “Ngvy miqsaz kuex tharc guez; tsuingshiq rueq ngaz kuex tuiuz muq. Tsuingshiq kuex miqyaq nosaz rulx ikhoc yaungx yaq; tsuingshiq kuex vtuiuz vtay vguez. Tsuingshiq rueq layx bac yauk shuimc thenc hvlc, yuq muinz vhvlx kuex shuimx lvmz thenc muq,” ngoz tueq.

JEREMIA 5:21

muik httax yaq, yuq muinz khiz muq, nac httax yaq, yuq muinz tay muq, miqyaq tharc guez miq lex, tay shuinz.

EJEKIEL 44:23

“Shomc waz bix rueq ngvy miqsaz htenc muex vsawc nuiyc sawc muq kuex tvrv-phvlc thenc tvkoc muinz, nawk palx htungx nuex seng vtueq vsawc nuiyc sawc muq lvmx htenc muinz tvluingc kuy juing rvtueq.

Hosea 13:6

Yuq muinz nuimshiq kuex vhvlx ghaq vraungx nuex nyuip lvp vtueq, phuiuz vsvy phoay laz phauk saq lvp wvnc shuinx nuex nuimthuinz hvlx wuez ruiux, nuimshiq ngamc ngax wvnc vtueq ngaz kuex lauk gay phuinx.

Hosea 2:13

Piq rueq ngaz kuex lauk gay ruiux Bala muex vhomc vtumc jauk vtueq piq pumz kuex lungsex htenc maq kvmarc khak ruiux, piq rvlungwawc yaq hez yix nuex phvnx wvnc tueq vkhing kvruex tvkoc nuex murx tvgurc shaungx. Yehowa rueq vjungx kvjaz rvtueq.

Hosea 4:1

Yehowa rueq vruex mungtan nuex httax yaq miqsaz htenc muex khawc lvlc juing httax yaq. Israel lex, vpiq rueq jungx yaq kuex tay shuiuz: “Vruex mungtan vyuq tvmtuing nuiyc lungwawc thuinz ngoz tueq vguez, miq htenc rueq muinz ngaz ngoc Tishox rvtueq ngoz tueq kvjungc wuez muq.

Hosea 4:12

Tsuingshiq rueq pulx htaq vshiz wawc romzyac htenc thoz yaq nyix! Tsuingshiq rueq vtuiuz roc phvnx kuex janx htaq vshiz rueq jungx kuq yaq nyix! Tsuingshiq kuex ngvy kox wawc kaz wvnc wuez vtuex. Mephex nyuiuz yaungx yaq yalxjuik nyuiuz shiz ikhoc, tsuingshiq pumz htenc kuex vganc tishox htenc muex lekuq gay wuez tueq.

Hosea 4:14

Yuq muinz tsuingshiq muex ngaz rueq murx tvgurc mauk, nuimshiq shauk gvnz maq htaungc tishox nawk palx juing baung nuex seng yaq mephex nyuiuz tamx rulc vdvmz nuex khuemx shamx vtueq, htaungc tishox htenc muex shomc nawk kuy shomc kuq vshuinx. Bomc tvguip nuex jungx tueq rulc rv-ngvlc, ‘Tharc vguez miq kuex vbac kay rvhumc tuex,’ ngoz wuez.

Hosea 5:4

Miq htenc rueq shuimx tueq layx vbac yauk shuimc kuex tsuingshiq Tishox kox nuex yek waungc juing wawc tsuingshiq kuex tuingshaung gay yaq.Yac yuimx nawk palx layx luimc vkawc yunghvlc rueq tsuingshiq kuex puingc wvnc tueq, tsuingshiq kuex Yehowa muex kvjungc wuez muq.

Hosea 6:6

Ngaz rueq nuimshiq nyvmx saz shomc nawk kuq vshuinx htenc kuex roc mauk, nuimshiq lungwawc thuinz vngaungx kvdvyx roc shaungx. Ngaz rueq ngvy tvkoc wvr maq jauk shomc kuy htauk nuex ngvy miqsaz htenc rueq ngaz kuex tuiuz wvnc lvp waz roc shaungx.

Hosea 7:11

Israel kuex vruc hituiuc kuiux shiz ikhoc baungshiz maq baungshiz nuex kvhttot khuemx yaq; piq miqsaz htenc kuex vphaungc romc kuy rvhumc tvkoc Ejip wawc thoz tueq, kvruex yimaq tsuingshiq rueq Asiria kox nuex yuz wvnc tueq!

Hosea 7:9

kvkhoc pungnuk miqsaz nuex kvwungx kvguing yaq kuex tsuingshiq hungc vlaungc nyvlc wvnc rvtueq kuex helc tuiuz wuez muq. Tsuingshiq raungnuiyq htenc htumx wvnc tueq, yuq muinz kvruex lvmz tsuingshiq rueq tuiuz wuez muq.

Hosea 8:1

Yehowa rueq vkhoc jungx tueq, “Bolic kuex tuimz shuiuz! Ralx htenc kuex lawx htenc rueq ikhoc ngvy mungtan kuex phamx wvnc yaq nyix! Ngvy miqsaz htenc kuex tsuingshiq rulc ngaz rueq vtaq bomkhvrc kuex tvbac gay ruiux ngaz rueq tvluing vshaungx kuex khawx lvlx yaq.

Hosea 8:12

Ngaz rueq miq htenc tvkoc vwvlc vphat lot muq laz juing, tvluingc jungphvnc kvjaz kuex wuiyq ruiux muinz, tsuingshiq muex seng muq ikhoc tvdux gay wuez tueq.

Hosea 8:14

“Israel miqsaz rueq hoc htenc guirx tueq, yuq muinz tsuingshiq hoc Guirc kuy jix Waz kuex vlauk rvgay tueq. Yuda miqsaz rueq ghaqyungx palx ruk kuex ruk wuez tueq. Yuq muinz ngaz rueq wvr tvkaz vtueq tsuingshiq hoc htenc nuiyc ghaqyungx htenc kuex tvkhamc gay shaungx.”

Hosea 9:17

Tsuingshiq rueq vpiq kvjaz tay muq ningkhvnc nuex, ngaz rueq nawk vshaungx Tishox rueq vpiq miqsaz htenc kuex tvdux gay shuex. Tsuingshiq kuex miqphvnx htenc htumc nuex kvroz khuemc jix hez muex yaungx tuex.

Matthew 1:6

Jese saz kuex Dawid hokhvmx rvtueq. Dawid kuex Uria taungnyuiuz rulc httax vtueq vsaz Solomon humc tueq,

Matthew 15:14

Kvkhoc rvtueq tsuingshiq tvkoc nauk rvwvl kaz, tsuingshiq kuex muik mawz jix muex lvmx shvlc kuy jix muik juk jix htenc rvtueq. Muik juk washiz rueq vganc muik juk waz muex lvmx shvlx kuq ruiux yuq, tsuingnueyc wanueyc wvtaungx htawc khurx mungx nuex dvy wvnc tuex,” ngoz tueq tvralc tueq.

Matthew 15:8

‘Vruex miqsaz htenc kuex tsuingshiq bomc vnyamc maq ngaz muex tvtsanc nganc wuez yaq, yuq muinz tsuingshiq thuinz vmungx kuex ngaz rulc vsuing yalc hvlc rvtueq.

1 SAMUEL 2:12

Eli sahez kuex layx vbac miq jvnc yaungx tueq. Tsuinghez rueq Yehowa muex muinz,