Hosea 4:11 - ASII LAKDAP Bible (BSI)

¹¹ Tatiwe raq nguto, “Che riidea, che nai spiqtai bak nyang raüta, isenginok sung atsii wiita then wanto!

Hawa Naga Bible 2001

¹¹ Yehowa rueq, “Svpiq tix, vkez vnyalx vnueyc wvtaungx rueq ngvy miqsaz htenc honc vtharc kuex tvmaq gay tueq!

Hosea 4:11 Referencias Cruzadas

TAKSU LAK 20:1

Chechok tsampii jati ka, maiq jiq angi nola; cherop jati ka maiqjiq.

TAKSU LAK 31:4

Tailaq Lamuel lei. Hokham riika chenyang maimak. Laohu laokhang baknyang maimak.

TAKSU LAK 6:32

Shatmaq maiqchak rai srakaiti ka, tsiihü pinthum. Apaiq raq maiqmii rilung ka, atu na shiithen baiqtlo.

THARC TVLUINGC 7:7

Maiqshaqti raq maiq laolii raüla, apaiq ka angiwe ma jakitlo. Kiimaq ümniiraq tsiiqlap siq haüla, ümtsantsii ka tiinambaiq tlaü.

ISAIA 28:7

Liimanta, shammibi nai ramwebi thun kiimin chephe makaiq chhaq. Che raq chokrai raüta, akü alii watrang, rakli ropli siisaq. Tsangshiq ka chetsai nai laohu chanhea baknyang raüta chokrai kha maq, sunghü tsiihü kiimaq mangrang miira siisaq. Shammibi ka pinthum cherop kong kha maq, Shiikeawe raq riisham makchhi tiichhikuqtlaq kriimin taktsü mak she. Kiimaq ramwebi kiimin chephe makaiq siisaq kha maq, tsangshiq ma kha shokwatlaq kriimin phokuq tsümak she.

ISAIA 5:12

Namshiq raq poi klo tlan akhing na, phaqlamtoro thun, kiimaq jaqsinpin nai paimin thun tsülanta che kla baknyang polo lantli mochii tlan. Shatmaq Tati raq jamlai wa kiimungtlaq kriika sapphaq man.

JEREMIA 23:13

Ngi raq Samariati shammibi ngarai phong ka chhikang she; tsangshiq raq Baal phra mang chong raüta riisham bom chongto, raüta isenginok ka lamjiq na sheahoto.

Hosea 4:12

Liimanta! tsangshiq raq pepan kiima, shammi bom chong laq, nguta riibom dam tlo! teitlang chang piq kii ma, ‘Chongkuq laq’ nguta bom wai tlo! Tsangshiq raq ngi ka miimbaiqto. Raüta mephe-nyung ikha, tsangshiq sumla puk na nyap wanto.

Hosea 5:4

Tsangshiq raq abi ngarai pahea klowanto. Kriiraq tsangshiq ka Shiikeawe phana tiiwa mak shangbaiqto. Tsangshiq raq sumla phra shomnoq tlaq kra, tsangshiq khachang kharü ma jakito, tsangshiq raq Tatiwe ka sapmak laqbaiqto.

Hosea 7:11

Angi parokaü phephiiq raitlaq ikha, Israilnok ka phephiiq raitlo, apha na Ejip mung tijong hokito! Kra jai maq Asiria mung tijong hokito! tsangshiq raq ngi alaq riibaiqto.

LEWI 10:9

“Ümnaq nai ümsenai ka che nyang lanta riimakla chetho nyang lanta ngi asi Tombutiip mong na nyap wa maimak. Kra riihan jiila namshiq ka atsai mirhan. Ara thungtri ka ümsaü ümsetiim pat niimin lang wan ruq riichang.

Luke 21:34

“Namshiq ka honkam shat maq si rong laq! Namshiq ka che nyang dungsea peosea na nai mungkang han-ngam miitu chapasea niili ka, naqmo chü rongkiq. Kra Ranaiq raq namshiq ka

1 SAMUEL 25:36

Krai mren, Abigail ka Nabal phaniishe jang wanto. Kra akhing na apaiq ka jam na hokhamwe raq tiipongpii phaqsiq tlaq ikha, peokhiq maq poi klo polosea riito. Apaiq ka chephe makaiq. Kiimaq polokhiq maq awok-hai. Kriikha na tsangnyung raq apaiq ma anap ranap na saüli, jam bom min chongmak dea riito.