Hosea 12:1 - ASII LAKDAP Bible (BSI)

¹ Tatiwe raq ngutlo, “Israilnok raq ranapchu maq riita, ratiijidoq pongmungti rai silu lamphan, tongshong wantlo kriika, atuli mimoki kiimaq athen mirki. Tsangshiq raq Asiria mungti rai tongshong wanto. Kiimaq Ejip mungti ma piikii lam dikuq wanto.”

Hawa Naga Bible 2001

¹ Israel miqsaz rueq raungnvp maq raungx tvyac laz shuimx yaq phvnx ruip saz kuex khuec guez nuiyc vbac gay juing dvyx rvtueq. Vkhawc vlvlc nuiyc yauk laungc yalawx phvnx kuex tsuingshiq nuex pinhtumc paung wvnc tueq. Tsuingshiq rueq Asiria rulc bomshuit taq ruiux Ejip miqsaz rulc pvkac pvylvyc yauk shuimc vdvmz nuex shuimx tueq.”

Hosea 12:1 Referencias Cruzadas

RAPHA HIQWA LAK 41:6

Kra jaimiishe hali tsam nyam ka nyam miishi kra cham wanto, kriika achhii shaqmii kiimaq kumtsaiphii nü maq rahai haike haiwan raüta atiishin baiq rat riito.

2 HOKHVMX 15:19

Asiria mung pengti Hokham Ajong Pinthumwe Tiglath Pilesar raq Israil mung ka khatto. Kriikha na Menahem raq apaiq ma kampho ngam ka hingroqtsam ri hingblai kilogram kuqto. Kriika Menahem apaiq hokham ngachang Israil nung thaq na sitlaq kra mitiiphaq kuqlaq nguta kuqto.

2 KAÜWA WERAÜ 21:11

Apaiq riika Juda mung na kin thun kiijaq thatsang chang shomjam thun haito. Raüta Juda mungti nai Jerusalemti ma Tatiwe man na ngarai pahea tiitangto.

Tvtsvmc 78:36

Shatmaq tsangnübok maq jamlai wa bomtlaq kriika arotli riitlo; tsangshiq raq jamlai wa bomtaq thun kriika tsan mong maq tengteng abom ka riimak.

JEREMIA 2:36

Namshiq ka maiq mung ahinti thun phra kong jaiphan wan lantea, namshiq maiqmii miinu kra thiinin miishe tiijabaiqlan. Asiria mungti raq namshiq tsiim tiijübaiqto, kiikhiisii hali Ejip mungti riimin mitiijübaiq.

JEREMIA 22:22

Namwelabi ka rahai raq wiita mipan wan, namphunonok reraüshiti ka munglu shumwi kong ma mitsuq wan, namchela khushü mitiijam kiimaq jea mitiingaü, jamkhano ngukla namshiq raq ashut pahea klolan.

JEREMIA 7:15

Ngi raq namshiq ma namphu namno Israilnok jamkho imakki wa jobaiq kang, kiikhiisiihali namshiq min imakki wa ajo she mirbaiqha. Arka Ngi Tatiwe raq ngutiikang.”

AJONJÜ 5:6

Atra si miitu ramrit seakai Ejip mung na nai, Asiria mung na kikai.

EJEKIEL 17:10

Tengto. Kriichong ka kiijaq chhito she. Shatmaq kra chong ka atra misi sha kiimaq mijonglu wan sha? Shedong mung nü wa rahai haike saü wantlaq kriiraq kra chong ka wiita mitiishin baiq riimak sha? Apaiq cham chang hiq ba kiijiili she mijung wan riimak sha?”

Hosea 11:12

Tatiwe raq ngutlo, “Arot akiq Israilnok jaqsham, lapphaq lusiq tsangshiq thiitham, ngi tro na amashe phong wanto. Juda mungti riimin, tsapkapkap mangchan tsii rümti, asii Shiikeawe kiqkhii sru wan ruqli.”

Hosea 11:9

Arningkhan itsankhiq walü, namshiq khuthaq na chaq mang. Ngi raq Israilnok ka shiithen baiq mang. Ngi ka Shiikeawe, han-ngam maiqse riimang. Ngi Asii Shiikeawe namshiq rai asi. Tsankhiq waniitu pilata namshiq phana kimang.

Hosea 4:15

“Riita namshiq Israilnok ka, mephe-nyung pha na kitlan jiimin, Juda mungti ka sethoq ngarai na naq tiidea rongkiq. Namshiq Gilgal chela na naq nyapkiq, Bethawen chela na naqwakiq, lanta sumla phra naqnoq rongkiq. Kiijaq kilanta Atra Tatiwe mang na, naqtiitum rongkiq.

Hosea 4:19

Tsangshiq ka rahai haijong riishe mipan wan, kiimaq tsangshiq raq sumla phra noq kha na, jeasi jonghea mingaü wan.

Hosea 5:13

“Israil mung raq tsangshiq ngarai thatsi chhito. Kiimaq Juda mung riimin tsangshiq ngarai homa chhito. Raüta Israil raq Asiria hokham tijong howato. Shatmaq Asiria hokham raq, tsangshiq ngarai tsi ka tiihea lot mak riito.

Hosea 7:1

Tatiwe raq ngutlo, “Ngi raq isengi, Israilnok ka tiichhanchhi wanla, lata arong awinnok ma tiija wan la nguta, tiima wan kang la, tsangshiq ngarai phong kli chhiwan tiikang. Tsangshiq liipan na arot akiq, ahuk arot jaqsham kli chhi wan tiikang. Maiqjam mong na nyapwa raüta, ahuk jawan kli chhitiikang, chiiheawea na thiimeaq daku ja tlaq kli chhitiikang.

Hosea 7:11

Angi parokaü phephiiq raitlaq ikha, Israilnok ka phephiiq raitlo, apha na Ejip mung tijong hokito! Kra jai maq Asiria mung tijong hokito! tsangshiq raq ngi alaq riibaiqto.

Hosea 8:7

Tsangshiq raq alai ka rahai na wan wanto. Krai mren, rathaiq rahai tsi she mijut wan! Piiwong rü ka atsi ango ahü, ajaq lamlam li chaptlo. Tsingo wan raüli jiimin, Pongmungti riili michiiq phaq wan.