Hosea 12:2 - ASII LAKDAP Bible (BSI)

² Tatiwe raq Juda mung ma kha nyantlo. Apaiq raq Israilnok kiimin, tsangshiq raq ashut klowantaq kra phanphan, sintsang mitiiho. Tsangshiq raq jamkho ashut kowantaq, kra khan khan khatham mitiichamchao.

Hawa Naga Bible 2001

² Yehowa rueq Yuda miqsaz muex mvrax tvgurc juing vhttax doc; vpiq rueq Israel muex muinz tsuingshiq honc vyaungc tv-phvnc murx tvgurc shuex. Tsuingshiq rueq shuimx yaq rulc rv-ngvlc vpiq rueq tsuingshiq muex tvyez kuq shuex.

Hosea 12:2 Referencias Cruzadas

2 HOKHVMX 17:4

Shatmaq rawiishi she apaiq raq Ejip mung hokhamwe So pha na khrum jaükaiti kiimwebi maiq tiikito. Kiimaq apaiq raq Asiria hokhamwe ma wiitek tijong tsiiqke ka kuq mak she riito. Kiimaq kra tho ka Shalmanesar raq sap raüta apaiq raq Hoshea ka atlap riito. Raüta phaqtek na shaqbaiqto.

Tvtsvmc 78:36

Shatmaq tsangnübok maq jamlai wa bomtlaq kriika arotli riitlo; tsangshiq raq jamlai wa bomtaq thun kriika tsan mong maq tengteng abom ka riimak.

THARC TVLUINGC 5:15

Nanyung puk mong maq mangjong hiq na jamkho shaqmii saükikai, awawan ranaiq niimin, shaqmiili miwa wan rong i. Mangjonghiq maq ümtinkhan wa jaqsham hunnii tiikai ka wiita amiimthü changli. Nashiq raq jamlai min howan lot mai.

ISAIA 10:12

Shatmaq Tatiwe raq ngutlo, “Ngi raq Jajon Pum na nai Jerusalem na jamlai jaq wa shamtiikang arshe lotha jiila, Ngi raq Asiria mungwa ajong hokhamwe ma, apaiq ümtinkhanwa jaqrap jirap phephiiqtlaq kiimaq kai shiikongtlaq kra miitu imo mitiihoha.”

ISAIA 10:6

Ngi raq Asiria mungti ka tiiki lata ra weahünok mungti, itsan tiikhiqtinok kra tiikhat tiikang. Ngi raq tsangshiq ka maiq mung wa tsiiq nai nyam trunkai kiimaq atiihuk kai kiimaq maiq ka ji maq nishishi, lam na botkhulai rai shottlii tiithenbaiq tiikikang.”

ISAIA 24:21

Akhing ashi misaü wan, raüla Tatiwe raq ra na siti ningkun hotibi nai mangjong hiq na hokhambi ma mo mitiiho.

ISAIA 3:11

Shatmaq abi klotibi thun ka miqto she. Tsangshiq raq nanok ma jamlai ashut wa klotaq kriithun ka tsangshiq miishe mijang kuq wan.

ISAIA 30:6

Arka shemai nü na rumnyangkhi kumtsaiphii binjü na siti rum nyamsekong miitu achongkuq Shiikeawe tsütsa: “Kiimwebi kong ka, athaiq aha lam maq, rum lam hangsikong sichang, paüsang nyiqla sichang, kiimaq arakong asi bitlaq phan pren kaütiim sichang bintang jüngi lam maq khumtlo. Tsangshiq raq tsangshiq kumtoq kong nai kumtsong kong ka tsangmungti ma jamlai khrum kuqlot makti mung kriima kongphiq keho miitu athü tsinhea phan hupsam thun kra miito.

ISAIA 59:18

Apaiq raq ajaqtinok ka tsangshiq raq ümtinkhan wa shuttaq kra phan phan kappe maq shin raüta mitiichamchao. Maiq mung thun ratsüko na siti thun kriimin mitiichamchao.

JEREMIA 25:31

Kiimaq kra hok-ho trang riinya ka hiq maita sup na saüli mirnya. Tatiwe raq maiqmung thun khuthaq na kha nyantlo. Apaiq raq maiqse angu kunli rung na mitiichap wan. Raüta abi maiqse thun ka wiita ajiip mirbaiq. Arka Tatiwe raq toqtanto.’”

Hosea 2:13

Kiimaq apaiq raq ngi laqbaiq raüta, Baal phra shomnoq wanto, kra miitu mitsa shaha. Lata mitiichamchaoha. Kiimaq apaiq raq achaq aseng laktum thun ka, lak raüta awesekong jaijo wantaq kra miitu, ngi raq apaiq ka mitiichamchaoha. Arka Tatiwe raq chongtlo.

Hosea 4:1

O, Israilnok lei, taironglaq, Tatiwe raq namshiq ma kha nyantlo. Tatiwe raq akha ngutlo. “Armungti raq ngi ka tsangshiq Shiikeawe nguta sap mak. Tsangshiq raq ngi ka tsapkapkap maq shomnoq mak. Kiimaq ngi ma lungwii tsantsii rüm mak.

Hosea 4:9

Arkha na namshiq ramwebi ka, mungmaiqse rai chiimshi niili, midea han! Namshiq kiimin mungmaiqse rai adam na mitiichamchao wan ha.

Hosea 7:1

Tatiwe raq ngutlo, “Ngi raq isengi, Israilnok ka tiichhanchhi wanla, lata arong awinnok ma tiija wan la nguta, tiima wan kang la, tsangshiq ngarai phong kli chhiwan tiikang. Tsangshiq liipan na arot akiq, ahuk arot jaqsham kli chhi wan tiikang. Maiqjam mong na nyapwa raüta, ahuk jawan kli chhitiikang, chiiheawea na thiimeaq daku ja tlaq kli chhitiikang.

Hosea 7:11

Angi parokaü phephiiq raitlaq ikha, Israilnok ka phephiiq raitlo, apha na Ejip mung tijong hokito! Kra jai maq Asiria mung tijong hokito! tsangshiq raq ngi alaq riibaiqto.

Hosea 7:2

Shatmaq tsangshiq raq, atinkhan ngarai tangwan tlaq arka, ngi raq achhiha nguta, tsang khutsai na saümak. Ümchaü sanha tsangshiq ngarai raq alamshe riiwanto. Tsangshiq ngarai ka imak na rashra tiichhi shat,” nguta Tatiwe raq ngutlo.

Hosea 8:10

Shatmaq ümchaü ngi raq tsangshiq ka adam niishe mitriichomha. Lata sintsang ma mitsatha. Asiria hokham ajongwe ka isintsang kii. Tsangshiq ka tsaija chhunja michamchao wan.

Hosea 8:13

Tsangshiq raq ngi ka shomnoq wantlo. Raüta honglu ngamrea phaq wantlo. Shatmaq ngi tsangshiq Tatiwe ka, tsangshiq ma tsankhiq. Ümchaü sanha tsangshiq ngarai thop ka, tsangshiq makki niishe michekuqha. Lata tsangshiq ka sintsang miishe mitsatha. Lata Ejip mung niishe mijobaiq nongha!

Hosea 8:9

Tsangshiq raq Asiria tijong howanto, alii arki kumtoq kaü ikha, ashpuq wan maimak. Kiimaq maiqmung ahinti ma, retang kuq ronglaq nguta kampho kuqto.

Hosea 9:15

Tsangshiq ka ashut ashai wiita raüchong, Gilgal chela maq shampha wanto, Kriikha na ngi raq saisi wan kang, tsangshiq ka Ijamjong wa, mijobaiqha. Ngi raq tsangshiq lungwii mang she. Mungtu shiilangbi ngi ngengti siisaq.

Hosea 9:9

Tsangshiq raq Gibea chela maq phawan raüta, abi pinthum ngarai tangtlo. Shiikeawe raq tsangshiq ngarai raüpot khathüto. Apaiq raq tsangshiq mitiichamchao she.

AMO LUIK DVP (AMOS) 2:4

Tatiwe raq ngutlo, “Juda mungti raq atang wan ngarai, hiq ma ra ma. Arningkhan ngi raq tsangshiq tiijoq mang. Jamkhano ngukla tsangshiq raq, Tati tri raü wiita jin wanto. Kiimaq tsangshiq raq, Tatiwe aming lang wan mak riito. Tsangtitiim raq phra sumla noq wanto, raüta lamjiq na shea wanto, kiikhiisii tsangshiq riimin phra sumla noq raüta, lamjiq na kihoto.

Mikha 6:2

Rakaü hiqwe chap chang pumjong lei, Tatiwe raq asenginok ma kha nyantlaq kra tairong laq. Tatiwe raq asengi Israilnok khuthaq na kha nyan chang asi, apaiq raq Israilnok ma akuq, shiila raü kriishe diitlo.

Matthew 16:27

Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.

Romans 2:6

Shiikeawe raq maiq loweatek ma, maiqmii raq jamlai wa shamlam wantaq, kra phanphan jaq maq mikuq.

Galatians 6:7

Namshiq maiqmii nai maiqmii kli, naq tlao phaq rongkiq. Ju riimin Shiikeawe ka lao lot mak. Maiq weshi raq jamlai min wa shiiq tlaq, kra phan phan, apaiq raq tsam ka mijut.