Hosea 5:1 - ASII LAKDAP Bible (BSI) “O, ramwebi lei, tairong laq! Israilnok lei tiitsang tairong laq! O, hokhambi lei nitiitsii lanta tai ronglaq. Jamkhano ngukla namshiq khapho akhing saüho tlo she. Namshiq ka Mijpa chela na hiqbikho ma jakilan. Kiimaq Tabor chela na namshiq khup miitu chiiq achan thü wishe. Hawa Naga Bible 2001 “Nuimshiq shomc waz bix lex, vruex tay shuinz! Israel miqsaz lex, tay shuinz! Hokhvmx yuimx taungx nuex seng yaq hez lex, tay shuinz! Nuimshiq kuex tvrac vlvmz maq phoc kuy rvhumc tuinx ikhoc haz tvmaung vshuinx; kvkhoc rvtueq khac phoc kuex nuimshiq htauk nuex httuiuc tuex! Nuimhez kuex Mizpa ghaq nuex bix muex yaungx vtueq, Tabor Kanx htauk nuex jak tvparc shec ruiux, |
Ngi raq tsangtitiim ka Ejip mungwa tsuq wan kang akhing na, Ngi raq tsangshiq ma atsidada maq Ngi aming wokhong na siraajo nguta sinkham kuq wan kang. Krai mren ümchaü ranaiq niitaq saüli Ngi raq mungmaiqse ma hon lam wan tsü phathak nithak maq trantsii chongkuq wan ruq li riitiikang.
Tatiwe raq ngi ma nguto, “Hokhamwe nai anyung hokham nyung ma chonglaq, tsangnai ka hokham ngacho kiiwa satki rongkiq nguta. Jamkhano ngukla tsangshiq hokham khuphok tsomhea thun kra tsangshiq khupo wa tiidea baiqto she.
Ngi, Tati Ningkun Ajongwe ka hokham. Ngi ka atra Shiikeawe. Tabor Pum ka pumthun tarü thaq na acho pinthum, kiimaq Karmel pum ka khamjong chum na thaq chohea, ikiikha ümnaq khatkaitiwe ningkun ka henghea miraq.
Bethel chelati min akhiisii re raq mijiip wan. Namshiq raq abi ngarai klo wan lan. Israilnok hokhamwe re jaq na mitsai,” nguta Tatiwe raq ngutlo.
Ngi ka ase noshii atsatbaiq chapbi kaü ma mijaha, Lata tsangshiq ka kholam kholiiq michai phaqha. Tsangshiq ka hangsikaü raq kaq tlaq ikha, chiimshi niili mirum phaqha. Ngamthaiqkaü raq kaqphaq tlaq ikha, kholam kholiiq mikaq phaqha.
O, Israilnok lei, taironglaq, Tatiwe raq namshiq ma kha nyantlo. Tatiwe raq akha ngutlo. “Armungti raq ngi ka tsangshiq Shiikeawe nguta sap mak. Tsangshiq raq ngi ka tsapkapkap maq shomnoq mak. Kiimaq ngi ma lungwii tsantsii rüm mak.
Thiimeaqkong raq thiimeaq tek tlaq ikha, ramwebi raq thiimeaq tektlo. Asii Shekhem chela lam wa, bom hairaüta maiqtsattlo. Tsangshiq raq abi pinthum ngarai tangtlo.
Shiikeawe raq ngi ka ashammiwe ma shongto. Raüta Israilnok ma honlam tsii chongkai tiikito. Shatmaq ümjiiwa trahokai kitiikang, tsangshiq raq ngi atsea miitu, wushi tiimin ma chan tlaq ikha, chiiq chantlo. Shiikeawe shomjam mong niimin, mungmaiqse ka shammiwe ngengti siisaq.
O, welabi lei, ara bomtsi ara tairong laq, Juda mungti tarü raq ara tiitsang tairong laq! Namshiq pat na akha ramdong chhiwan lan shea? Kiimaq namwetiim pat niimin akha ramdong chhiwan tiishea?
O, Israilnok lei, Tatiwe raq namshiq tiishut wan, khatan bom chongtlaq ara tairong laq. Israilnok namshiq ka Tatiwe raq Ejip mung wa, wiimungtam maq atsuq wan.
Isak saüsetiim raq shomjam thun haiwantaq kra, wiita she mishthen baiqha. Israilnok raq shomnoq wan chang asii jamthun kra, wiita she mirun baiq wan ha. Ngi raq Hokhamwe Jeroboam saüse phan ka, wiita she chongthum ma mitiijabaiq ha,” nguta Tatiwe raq chongtlo.
Israilnok tuwebi lei tairong laq! Namshiq raq tri raütu ka tingting shamchang riimak shea?
Jakob jamti tuwebi nai, Israilnok aki shillangbi lei, tai ronglaq, ngi chongpha, tingting tri shisheti, ajiq ka alam ma tiijatibi, alam nang ka ajiq ngu.
Maiqshaq weshi min ahüshe mungkang hiq na, Shiikeawe tsanwa maiq ahüshe. Maiq angu tarü matsaü tsasekong siisaq. Weshi raq weshi tseabaiq wan kriili she rittlo.
Tati Ningkun Ajong Pinthumwe raq ramwebi ma chongtlo, “Ase raq awe shrengtlo. Kiimaq ajaqshi se ka atijongwe ma haitlo. Riita ngi ka namwe jong. Namshiq raq ngi ka jamto shreng man? Ngi ka namtijongwe. Namshiq raq ngi ka jam nguto shreng man? Namshiq raq ngi ka shummii tlan. Kra riilan tiishea, ‘Naishiq raq ümniika jamkho shummii kai?’ nguta wai tlan.
Tati Ningkun Ajong Pinthumwe raq ngutlo, “Riita ramwebi lei, ara aming arka namshiq miitu kuqtiikang:
Ranaiqshi apaiq raq Abinoam se Barak, Naphtali wang na Kedesh chela na sitiwe ka apaiq phana tiiheakito. Raüta apaiq raq Barak ma akha chongto, “Tatiwe, Israilnok Shiikeawe raq ümniima ara aming kuqto, ‘Naphtali phan nai Jebulun phan wa rewe hingroqshi sheaho laüta, Tabor Pum kiina walaq.
Rawiitek apaiq ka Bethel chela, Gilgal chela, kiimaq Mijpa chela thun kiina tro khumki lili riitlo. Raüta arthun hiqshong maq mungmaiqse khü akha thun ka phokuq lili riitlo.
Raütiishe Samuel raq Israilnok kunli ka Mijpa chela na thung miitu, akha tiichong wato, “Ngi raq namshiq miitu Mijpa chela maq achu mijaü kuq kang.”
Krai mren, tsangshiq tarü Mijpa chela na thungto. Tsangshiq raq kham wiijam do raüta Tatiwe ma honglu na nyukto. Raüta kra ranaiq ka ranaiq minru amang maq achu jaüto. Tsangshiq raq nguto, “Nashiq raq Tatiwe man na ngarai tangkai.” (Samuel raq Israilnok liipan wa kha ka Mijpa chela maq phokuqtlo.)