Biblia Todo Logo
La Biblia Online
- Anuncios -




Hosea 5:1 - Hawa Naga Bible 2001

1 “Nuimshiq shomc waz bix lex, vruex tay shuinz! Israel miqsaz lex, tay shuinz! Hokhvmx yuimx taungx nuex seng yaq hez lex, tay shuinz! Nuimshiq kuex tvrac vlvmz maq phoc kuy rvhumc tuinx ikhoc haz tvmaung vshuinx; kvkhoc rvtueq khac phoc kuex nuimshiq htauk nuex httuiuc tuex! Nuimhez kuex Mizpa ghaq nuex bix muex yaungx vtueq, Tabor Kanx htauk nuex jak tvparc shec ruiux,

Ver Capítulo Copiar

ASII LAKDAP Bible (BSI)

1 “O, ramwebi lei, tairong laq! Israilnok lei tiitsang tairong laq! O, hokhambi lei nitiitsii lanta tai ronglaq. Jamkhano ngukla namshiq khapho akhing saüho tlo she. Namshiq ka Mijpa chela na hiqbikho ma jakilan. Kiimaq Tabor chela na namshiq khup miitu chiiq achan thü wishe.

Ver Capítulo Copiar




Hosea 5:1
29 Referencias Cruzadas  

Ngaz rueq tsuingshiq jix vwaz tamx kuex Ejip mungx wawc shvlx wvnc tauk nuex, ngvy kvjaz phvnc tvkoc ngaz rueq tsuingshiq muex tuemc kuq ruiux khvmc kuq tauk, ngaz rueq majuiuc raungnuiyq nuex httuiuc laz miq htenc muex tvhttoarc vtueq honc tvsvmz kuq vshaungx.


Yehowa rueq ngaz muex jungx phuex, “Hokhvmx waz nuiyc vnyuiuz tsuingnueyc khushec svp hvlc htenc kuex tsuingnueyc khux wawc tvy kaz shex ningkhvnc nuex tsuingshiq hoc daungraungc maq svt tvkoc jungx shuiuz.


Ngaz, Tvphaungc Tvsuip Yehowa kuex hokhvmx rvtauk. Ngaz kuex vtvraungx Tishox rvtauk. Tabor Kanx kuex kanx htenc htauk nuex vjoz rvtueq Karmel Kanx kuex svmuktvrax htauk nuex vjoz baung nuex httax yaq rulc rv-ngvlc, nuimshiq khvt jix waz kuex kvkhoc hungc vlaungc httaz hvlc waz rvtuex.


Bethel ghaq wuinz lex, nuimshiq rueq shuimx vshuinx vhiz juing layx vbac phvnx kvkhoc nuimshiq nuex yaungx wvnc tuex. Ralx rvkhvt phaungc wvnc ruiux yuq, Israel hokhvmx kuex thueyc kaz tuex,” ngoz tueq jungx tueq.


Ngaz rueq nuimshiq kuex vsaz tvmoz gay tueq japbawx kuiux rueq ikhoc khvt vtueq nuimshiq kuex puinz juir gay phaungx. Hangsic rueq ikhoc kauk shuex baung kvyuq dvyx phauk vtueq vsvl vwvl rueq ikhoc tvhtaq tvruk puinz gay phaungx.


Yehowa rueq vruex mungtan nuex httax yaq miqsaz htenc muex khawc lvlc juing httax yaq. Israel lex, vpiq rueq jungx yaq kuex tay shuiuz: “Vruex mungtan vyuq tvmtuing nuiyc lungwawc thuinz ngoz tueq vguez, miq htenc rueq muinz ngaz ngoc Tishox rvtueq ngoz tueq kvjungc wuez muq.


Shomc waz bix muinz miq vshiz kuex khvt tvkoc khoyx bvmc yaq dakuc phungc rulc rv-ngvlc yaq. Shekhem ghaq nuex kay juing lvmx nuex doc muinz tsuingshiq rueq miq thvt gay tueq. Tsuingshiq rueq vruex layx bac yauk shuimc lotlaz kuex htvmhtvmx maq shuimx yaq!


Tishox rueq vpiq miqsaz Israel muex honc tvsvmz kuy tvkoc ngaz kuex shvmmax waz ngoz tueq tvkaz phuex. Yuq muinz ngaz khuemx kaz tauk baung ruip saz nuex nuimshiq rueq wushawx htenc tsvnc shuinx ikhoc ngvy tsvnc hung wuez tuit. Miq htenc rueq Tishox Shomc Yuimx nuex doc muinz shvmmax waz ralx muex yaungx wuez yaq.


Rullungx nyuiuz waz rulx lex, tay shuinz; Yuda mungx wawc miq pumz tek vtueq, tay wvnc shuinz. Nuimshiq pat nuex muinz nuimshiq jix vwaz pat nuex muinz vkhoc phvnx htenc kuex yaungx wvnc tueq haz?


Israel miqsaz lex, nuimshiq nuex seng vtueq Yehowa rueq jungx tueq vruex bomjungc vmuinz, vpiq rueq wvphvnx tuimx Ejip mungx wawc shvlx wvnc tueq kvmuinz tay wuez shuinz:


Esak suiuz vsaz phvnx rueq nawk palx yaq baung htenc kuex tvbac gay rvhumc tuex. Israel vsawc baung htenc httak tvbac gay shuex. Ngaz rueq Hokhvmx Jeroboam hokhvmx phvnx vmaq kuex tvsuimz gay shaungx,” ngoz tueq jungx tueq.


Israel nuimshiq guimz lawc jix bix lex, tay shuinz! Nuimshiq kuex tvrac vlvmz shuimc jix rvtuit rvhvt maq,


Tvrac vlvmz kuex shuiuc pac vtueq vlvmz wawc vyaq nuex kvroz wvnc jix Israel nuimshiq guimz lawc bix lex, ngvy kvjaz kuex tay shuinz.


Kvruex yuq miq shauk jix vshiz muinz vguez, Tishox nuex tvmtuing httaz jix vshiz muinz vguez. Miq tek vtueq miq thvy tvkoc vkhangx kuex bvmc wuez yaq. Miq tek vtueq vdvmz dvmz rv-khoyx wuez yaq.


Tvphaungc Tvsuip Yehowa rueq shomc waz bix muex, “Vsaz rueq vwaz tvtsanc nganc yaq, nvrc waz rueq jiyungx waz tvtsanc nganc yaq. Ngaz kuex m-waz rvtauk, yvmx ngoz tueq lac ngaz muex tvtsanc nganc muq? Ngaz kuex nuimshiq taungjix rvtauk, yvmx ngoz tueq lac tvtsanc nganc muit? Mnoz rueq ngaz kuex wvlc guez tvyaungc vphux, yuq muinz mnoz rueq, ‘Nuiyshiq rueq mnoz muex mkhoc lac wvlc guez tvyaungc vphix?’ ngoz tueq wiz vshuinx.


Tvphaungc Tvsuip Yehowa rueq shomc waz bix muex, “Vruex nvrc bomc kuex nuimshiq tvkoc rvtueq:


Barak kuex Tabor Kanx nuex duiz woz vtuex kuex Sisera rueq tuiuz vtueq,


Raungnuiyq shiz piq kuex Naphtali ghaq hong, Kedesh maq Abinoam saz Barak kuex gvl vtueq, “Yehowa Israel Tishox rueq vruex nvrc kvjaz kuex mnoz muex kuq kv-phux: ‘Naphtali nuiyc Zebulun phvnx wawc miq 10,000 kuex gvl vtueq, tsuinghez kuex Tabor Kanx nuex shvlx wvnc shuiuz.


Piq kuex wawc tek Bethel, Gilgal nuiyc Mizpa hong nuex khuemx kaz ruiux vtueq, khuec vkhac kuex phox thamx kuq ruiux shuex.


Kvruex yimaq Mizpa baung nuex rvhumc tvkoc Israel miqsaz lotlaz muex Samuel rueq nvr ruiux, “Kvruex yuq nuimshiq tvkoc Yehowa kox wawc ngaz rueq vjux thoz kuq phaungx,” ngoz tueq tvtay jungx tueq.


Kvkhoc rvtueq tsuingshiq lotlaz Mizpa nuex rvtuimx wuez tueq. Yuix raungluingx saz tsuingshiq rueq khuz vtueq Yehowa muex shomc kuy tvraung ruiuc tueq, raungnuiyq nuiyq tuimc phuiuz svy mamc tueq. Kvkaq tsuingshiq rueq, “Yehowa muex nuiyshiq yaq gay tiq,” ngoz tueq kvjungc wuez tueq. (Vruex kuex Mizpa maq Israel miqsaz htenc muex Samuel rueq phox thamx kuq tueq lvmz rvtueq.)


Síguenos en:

Anuncios


Anuncios


¡Síguenos en WhatsApp! Síguenos