Hosea 5:2 - Hawa Naga Bible 2001

² Akasia Ghaqyungx wawc thuiuz hvlc ghaqkhurx yaungx vtuinx, ngaz rueq nuimshiq lotlaz muex murx tvgurc phaungx.

ASII LAKDAP Bible (BSI)

² Kiimaq namshiq tiithap chang thiikho, Shittim chela na tiije theje she. Shatmaq ngi raq tsangshiq wiita mitsatbaiq wan ha.

Hosea 5:2 Referencias Cruzadas

ISAIA 1:5

Nuimshiq rueq yvmx ngoz tueq lac khawx lvlx wuez vshuinx? Nuimshiq rueq murx kuex janc vtueq gurc roc haz? Israel lex, mkhux nuex vmac htenc mvrc yaq, mthuinz vmungx nuiyc mthuinz nuex vthuiuz rvyaq.

ISAIA 29:15

Yehowa rueq khiz muq laz juing ngoz tueq tsuingshiq rueq kvmungx yaq lvmz httuiyq hungc jix kuex vphoc rvhumc wuez yaq! Tsuingshiq kuex tsuingshiq rueq khvytuiuz yauk shuimc kuex vyumx maq shuimx vtueq, kvruex yauk shuimc kuex uraq muinz khiz muq, tsuingshiq rueq yvmx wuez shuimx yaq nguinx tuiuz wuez muq ngoz tueq tvmaung wuez yaq.

JEREMIA 18:18

Kvruex yimaq miq htenc rueq, “Yeremia muex phvnx shishiz ruez thalx ix! Naungshiq muex tvhonc tvtharc tvkoc shomc waz bix, naungshiq muex tharc jungc kuy jix wvtharc miqsaz htenc nuiyc Tishox bomjungc kuy jix shvmmax bix kuex mkaq muinz vhttax rvtuex. Piq rueq jungx yaq kvjaz kuex tay miq maq, piq mvrax dvyx thuiyx wuez ix,” ngoz tueq jungx wuez tueq.

JEREMIA 5:3

Yehowa rueq vsuing tvmtuing httaz tvkoc lawc yaq. Vpiq rueq nuimshiq muex murx tvgurc tueq, yuq muinz nuimshiq rueq bvlvmx lawx muit; vpiq rueq nuimshiq kuex tvbunx gay tueq, yuq muinz tvhonc tvtharc kuex nuimshiq rueq lvlc gay tuit. Nuimshiq kuex lung htauk nuex muinz khux vtsanz ningkhvnc nuex tharc humc wuez muit.

JEREMIA 6:28

Tsuingshiq lotlaz kuex khux tvtsanz vtueq tvgap gawx jix, yanx nuiyc nvyrvyx ikhoc tsanz wuez yaq. Tsuingshiq kuex kvroz khuemx shamx vtueq shuip shuiux pvnz kuq yaq.

Hosea 4:2

Tsuingshiq rueq bomkhvmc taq tueq kvruex tvbac gay tueq; tsuingshiq kuex vrot vkaq, miq thvy gay, vguiuq nuiyc miqjuik miqwaz rulc rvsenc yauk shuimc shuimx wuez yaq. Khuec khac yauk shuimc paung wvnc vtueq miq thvy khac kvhtvp kvhtvp yaungx yaq.

Hosea 6:5

Kvkhoc rvtueq ngaz rueq ngvy shvmmax bix kuex nuimshiq kox nuex tvkaz vtueq, nuimshiq muex khac phoc kuy lvmz nuiyc tvbac gay shuex lvmz bomjungc kuex tvjungx kaz tauk. Nuimshiq kox wawc ngaz rueq roc shaungx phvnx kuex raungshuex raung maq kvkhic thuiyc yaq.

Hosea 6:9

Shomc waz bix muinz miq vshiz kuex khvt tvkoc khoyx bvmc yaq dakuc phungc rulc rv-ngvlc yaq. Shekhem ghaq nuex kay juing lvmx nuex doc muinz tsuingshiq rueq miq thvt gay tueq. Tsuingshiq rueq vruex layx bac yauk shuimc lotlaz kuex htvmhtvmx maq shuimx yaq!

Hosea 9:15

Yehowa rueq, “Tsuingshiq rueq shuimx yaq layx bac yauk shuimc lotlaz kuex Gilgal ghaq maq phaungc ruiux yaq. Kvruex kuex tsuingshiq rueq ngaz muex shuiuc pac thuinz kvruex maq phaungc wvnc tueq. Tsuingshiq rueq shuimx wvnc tueq layx vbac ningkhvnc nuex ngvy mungtan wawc tsuingshiq kuex yurc gay shaungx. Tsuingshiq kuex ngaz rueq mkaq muinz lungwawx shaungx rvmuq shex; tsuingshiq vyungx vlaungx bix lotlaz rueq ngaz kuex khawx lvlx wuez yaq.

Revelation 3:19

Ngaz rueq ngaz lungwawx vshaungx jix lotlaz muex tvhonc tvtharc vtueq murx tvgurc vshaungx. Kvkhoc rvtueq mnoz thuinz hungc tvyungc ruiux thuinz layc lvp shuiuz.