Hosea 5:2 - ASII LAKDAP Bible (BSI)

² Kiimaq namshiq tiithap chang thiikho, Shittim chela na tiije theje she. Shatmaq ngi raq tsangshiq wiita mitsatbaiq wan ha.

Hawa Naga Bible 2001

² Akasia Ghaqyungx wawc thuiuz hvlc ghaqkhurx yaungx vtuinx, ngaz rueq nuimshiq lotlaz muex murx tvgurc phaungx.

Hosea 5:2 Referencias Cruzadas

ISAIA 1:5

Ümniiraq ikiq khü wanli she ka jam nguto sruriitlaü? Riita ümniiriika imo ka arthaq niimin laihea howan sha rotlaü? Israil loi, ümkhupo niika ümchaü sanha ami atsi phongli she. Kiimaq ümtsantsii nai ümkhutsai ka wiita atsi makaiq she.

ISAIA 29:15

Jurwa tsangshiq kiimung thun ka Tatiwe maki wa apaü riilai nguta manhiitlaq kriiti thun ka miqto she! Tsangshiq raq tsangshiq kiimung thun ka ahukse maq klotlo. Raüta kriika jurmin sap mak nguta tiimatlo.

JEREMIA 18:18

Kiijiishe nokmaiqse raq nguto, “Jeremia ara jamkhii riichangwa riichong rong i! Nashiq ma shrinketi ramwebi ka wranaiqshe siruq miraq. Kiimaq nashiq danhonti taksubi kiimin asi miraq. Kiimaq Shiikeawe bomtsi chiiriim raüta chongketi shammibi ri asi. Apaiq ma kha pahea nyan rong i. Laita apaiq traho ka taimai she shishe baiq rong i.”

JEREMIA 5:3

Tengteng, Tatiwe riika tsapkapkap maq noqti rittlo. Apaiq raq namshiq ka sintsang maq bukto, shatmaq namshiq raq tsantsii kuq man dea. Apaiq raq namshiq tiibunlak bukto, shatmaq namshiq raq shrin mandea. Namshiq ka wanshakshak nilannok; kiimaq nam ngarai lam phan ka thaqbaiq man dea.

JEREMIA 6:28

Tsangshiq ka wiita kunli nilan kong wanshakshak ikiqkhiiti siisaq. Miiki ngam ikha siisaq. Tsangshiq tsantsii ka jinbu ikha tsindang dang siisaq. Tsangshiq tarü ka anam akam kong siisaq. Ashut kiimungti tonglong. Barap binrii na khumshkhum maq shapshaü miqshii tiikonti siisaq.

Hosea 4:2

Tsangshiq raq kiqkhamtlo. Shatmaq tsangshiq riili diibaiq nongtlo. Tsangshiq raq arot akiq bomtlo. Kiimaq tsangshiq ka maiqtseati, ahuk jati, maiqchak rai srati, khachü thaq na khanye tiipati, mat kha ashi dong jai, khanye maq tiipati.

Hosea 6:5

Arningkhan Ngi raq ijaqshisetiim shammibi, namshiq phana tiikikang, isintsang saühotlo nguta tiichongkikang. Namshiq mishthen baiqha she nguta, atsi dada tsütsa tiichongki kang.

Hosea 6:9

Thiimeaqkong raq thiimeaq tek tlaq ikha, ramwebi raq thiimeaq tektlo. Asii Shekhem chela lam wa, bom hairaüta maiqtsattlo. Tsangshiq raq abi pinthum ngarai tangtlo.

Hosea 9:15

Tsangshiq ka ashut ashai wiita raüchong, Gilgal chela maq shampha wanto, Kriikha na ngi raq saisi wan kang, tsangshiq ka Ijamjong wa, mijobaiqha. Ngi raq tsangshiq lungwii mang she. Mungtu shiilangbi ngi ngengti siisaq.

Revelation 3:19

Ngi raq lungwii tiikangti ka atiitsii ma, ason atsea riitiikang. Arkha maq chong tiipha. Ümchaü min, namshiq ka ngarai lam wa jang wan tlo ronglaq.