JEREMIA 13:18 - ASII LAKDAP Bible (BSI)

¹⁸ Tatiwe raq ngi ma nguto, “Hokhamwe nai anyung hokham nyung ma chonglaq, tsangnai ka hokham ngacho kiiwa satki rongkiq nguta. Jamkhano ngukla tsangshiq hokham khuphok tsomhea thun kra tsangshiq khupo wa tiidea baiqto she.

Hawa Naga Bible 2001

¹⁸ Yehowa rueq ngaz muex jungx phuex, “Hokhvmx waz nuiyc vnyuiuz tsuingnueyc khushec svp hvlc htenc kuex tsuingnueyc khux wawc tvy kaz shex ningkhvnc nuex tsuingshiq hoc daungraungc maq svt tvkoc jungx shuiuz.

JEREMIA 13:18 Referencias Cruzadas

2 HOKHVMX 24:12

Kiimaq Hokhamwe Jehoiachin, apaiq rai anyung, kiimaq asetiim thun, awokhong na siti siihiipbi, kiimaq hokhamwe jam na siti siihiipbi thun ka Bebilon mungti puk niishe nyapto. Nebukadnejar raq hokham jawan li maq wiitiichat she angu na apaiq raq Jehoiachin ka munglu shumwi ma shea wanto.

2 HOKHVMX 24:15

Nebukadnejar raq Jehoiachin ka Bebilon mung na munglu shumwi ma shea wanto. Jehoiachin rai anyung, tsangnyungtiim, asengi siihiipbi, kiimaq Juda mung wa mungtu jongbi thun ka tsuq wanto.

2 KAÜWA WERAÜ 33:12

Achamchaotsi miishe apaiq tsantsii ka anin she riito. Raüta amiira ka tiiduto kiimaq Tatiwe apaiq Shiikeawe wokhong na nyap nongto. Kiimaq apaiq jaq wa khrum kuqlaq nguta achu jaüto.

2 KAÜWA WERAÜ 33:19

Kiimahali hokhamwe raq achu jaütaq nai Shiikeawe raq apaiq achu jaü tretaq bom thun, kiimaq apaiq mra mitiidii wan shaq na apaiq raq ngarai tangtaq thun raüpot kra- apaiq raq ashut klowantaq thun kra, thatsang noqkujam thun haitaq kra kiimaq jechak nyung phrakaü Ashera berong thun shongtaq kra, kiimaq apaiq raq sumla thun shomnoq wantaq thun kra wiita Shammibi Manphan Lakdap na waiq thüto.

2 KAÜWA WERAÜ 33:23

Shatmaq apaiq ka awe jamkho aran ma jaraüta tsantsii klaitaq, kiikha klai wan mak dea riito. Kiimaq Tatiwe wokhong na nyap wan mak dea riito. Apaiq ka awe nam miimin, tiinanpot bihea ngarai klo wanto.

DUNGWVNC 10:3

Krai mren Mosheq nai Aron ka hokhamwe phana wato. Raüta apaiq ma nguto, “Tatiwe, Hibrunok Shiikeawe raq ngutlo, ‘Ümniika ibom taimaü ikiq khiiruq ka ümtincho na saüli wa mikhiisiq haü? Isenginok ka tiiwalaq. Raüta tsangshiq raq Ngi mishomnoqlaq.

DUNGWVNC 39:28

Kiimaq bannin khuphok, khuphok ransetiim, raihi-nairai maq ataq patulong setiim,

TAKSU LAK 27:24

Tsiiqtum ka pattup simak; kiimaq hokham khuphok kiimin pattup tsingmak.

ISAIA 3:20

Kiimaq tsangshiq khuphok thun kra; tsangshiq jaq na nai tsangshiq chhüpii na mintin kiimut chang rai raü thun patlaq kra minyea wan.

ISAIA 3:26

Chela kilamchong thun ka maaho manyi she miraq. Kiimaq chela apaiq kra dongdii min, jechak nyung naiqhü ma, hiq na ngaraü ikha miraq.

ISAIA 47:1

Tatiwe raq ngutlo, “Bebilon lei, ümhokham ngacho wa satkikiq, laüta hiq na botkhulai thaq na ngalaq. Man na akhing ashi na ümniika junsang riilaü, chela ashi re raq jiimak shaq riilaü, shatmaq ümniika hünin hanninse ka riimaü she! Ümniika ümchaü maiqdi nyung she!

JEREMIA 22:24

Tatiwe raq Juda mung Hokhamwe Jehoiakim se Hokhamwe Jehoiachin ma nguto, “Ngi ka tengteng atra Shiikeawe kha maq, ümniika arangho ijaqtop jaqtsi nü na apaha li nguraü min, ngi raq ümniika ijaqshi wa achhut mirbaiqha.

JEREMIA 22:26

Ngi raq ümnaq nai ümnyung ka pongmung na munglu shumwi ma mitsuq baiqha. Ümniika pongmung niishe miwa wan haü. Kra mung ka namnai rawiichhi chang mung riimak. Kiimaq namnai wiita kra mung na mitsai han.

JEREMIA 29:2

Ngi raq ara lak waiq kang arka Hokhamwe Jehoiachin, anyung, hokham jam na siti ajong alabi thun, Juda mung wa welabi thun kiimaq Jerusalemti thun, tsiimwe smabi, kiimaq jaqsham smabi thun ka munglu shumwi ma tsuq wan jai she waiq kang.

JEREMIA 36:16

Apaiq raq kra tsangshiq ma phatkejai she, tsangshiq ka weshi raq weshi theaphi na liiraüta, tsanchhii wa hunshhun she riito. Raüta Barukh ma chongto, “Naishiq raq arka hokhamwe ma shok chang she.”

AJONJÜ 1:6

Man wa Jerusalem phung angao thumwato, Apaiq rümti phukhu welabi, phaqsea lapmak chhingi ningkun ahü aramtsi ikha, ngamritti raq ngamjo tlaq ikha, ajo min lot mak she.

AJONJÜ 1:9

Apaiq raq ngarai tangtaq kriika, ra na tiichhi ra-shra. Apaiq dea wan chang ngarai kho, apaiq raq chhimak riito. Kriikha na tsailam riihumto, Ajaqtinok raq khat raüta tangto, apaiq ümchaü Tatiwe man na, tiipaiqnea hoq tlo.

AJONJÜ 2:10

Jerusalem wa nyungwere kaiqshakshak maq, hiq na ngaraqraq, tsangkhu na botkhulai tiinyat raüta, wunthaü riinaü khea riijob sam raqraq. Junriire ka tsangtok hiq na kuraqraq.

AJONJÜ 5:16

Man niiwa naishiq, liisaü wase rilung khushü thumto she. Naishiq raq ngarai tangkai, kriikha na ümchaü miqkai she.

EJEKIEL 16:12

Ngi raq ümniima khü na pachang jaqtop kiimshi kiimaq niti thun kuqkang. Kiimaq ümniima ümkhu na phok chang tsomhea hokham nyung khuphok kuqkang.

EJEKIEL 21:26

Ngi, Tati Rakaü Hiqwe raq ara ngutiikang: Üm hokham khuphok nai nairai khuphok kra chut baiqlaq. Man na sitlan kiikhii ka riimak she. Miitsan maiqse thun ka wela miishe mitiija wan! Mung pengti welabi thun ka atiidea she mirbaiq!

EJEKIEL 24:17

Atsise maq sutshsut min naqhoqkiq. Kiimaq maho majü akhing na khu ka loktam maq khumkai maimak, riimakla hokpa ka chhut laüta hoksii maq khumkai maimak. Kiimaq ümtheaphi ka khea maq pang min maimak. Riimakla majoti raq siqtlaq dung kiimin naqsiqkiq.”

EJEKIEL 24:23

Namshiq ka khu loktam tiisi lanta khum maimak. Kiimaq hokpa ahü maq hoksii maq khumkai min maimak. Kiimaq maaho majü hosii kiimin maimak. Namshiq ka nam ngarai khana simikii jam wantlaq ikha ajam mirwan han. Kiimaq namshiq nai namshiq liipan na mihan ngiq han.

EJEKIEL 44:18

Tsangshiq khum na ralam dong mak chang miitu, tsangshiq raq raihi-nairai khea khuphop phop chang kiimaq bannin khea longpen samchang. Shatmaq shinket pa ka mai mak.

DANIEL 5:20

Shatmaq, apaiq ka shiikonghea she, wanshakshak, kiimaq maiq ka ji maq nishishi haihü wanto; kriikha niishe apaiq ka hokham ngachang wa lambaiqto. Raüta apaiq khushü jong ka mokito.

Jona 3:6

Riita, ümtiikiiwa Ninewi chela hokhamwe raq mungmaiqse tsütsa ka taitaq, apaiq kiimin hokham ngacho maq satkito raüta, asamtong jong kra chhutbaiqto. Raüta kheariimthum maq tiijopto. Raüta akhu na nai atheaphi na tapkhu maq nyat raüta, tsanbi taqtaq she ngakito.

Matthew 18:4

Ara nonose akha juwa aranse ma jawan lot tlaqti, kriiti ka Shiikeawe sengi phong na ajong pinthum mija wan.

James 4:10

Shiikeawe puk na aranse ma ja lanta nyap ronglaq. Raüla, apaiq raq namshiq ka ajong ala miishe mitiijong luwan.

1 Peter 5:6

Aranse ma jalaq, ningkun ajong Shiikeawe jaqkhong na. Kiikha si haüla, apaiq raq akhing hongto angu na, ümniika ra na mido.