JEREMIA 13:19 - ASII LAKDAP Bible (BSI)

¹⁹ Juda mung wa shemai nü wang na siti chela thun ka re raq trotam maq akom phaq wan kun she. Jumin chela mong na nyap wa lot mak she. Juda mungti tlotli ka re raq munglu shumwikong ma pong mung na atsuq wan kun she.”

Hawa Naga Bible 2001

¹⁹ Yuda mungx yuix yaz kox wawc miqghaq htenc kuex vtuimc wvnc rvhumc vtuex ningkhvnc nuex; ukhaq muinz tsuingshiq kox nuex lvy lot tuex rvmuq. Yuda miqsaz lotlaz kvlvp gay tueq,” ngoz tueq.

JEREMIA 13:19 Referencias Cruzadas

2 HOKHVMX 25:21

Ribla chela ka Hamath wang na riito. Kiijaq tsangshiq ka hokhamwe raq tiibukto. Raütiishe tiitsat baiqto. Ara chongtlaq akha Juda mungti ka tsangmung wa pongmung na munglu shumwikong ma tsuq wanto.

1 KAÜWA WERAÜ 9:1

Israilnok mungmaiqse kunli aweraü aweatek wea raüta aheawiq waiqthüto. Kra waiqthütaq weawea raüpot ka Israil Mung Hokhambi Manphan Lakdap na waiqthüto. Juda mungti ka tsangshiq ngarai pahea tang kha na tiichamchao miitu Bebilon mung na tsuq wanto.

YOBA 12:14

Maiqse rilung ka Shiikeawe riishe siiqbaiq raü ka jurshe wa mihaihun lot, kiimaq Shiikeawe riishe maiqse ka thong na shaqbaiq raü jaq jurshe wa mitiidong kuq lot?

JEREMIA 17:26

Mungmaiqse ka Juda mung na sitlaq chela thun kiiwa kiimaq Jerusalem chela tro na sitlaq hiq shong thun kiiwa miwa; kiimaq tsangshiq ka Benjamin wang wa, kinji thun na hiqshong thun wa, pum thun na hiqshong thun wa, kiimaq Juda mung shemai nü wang wa miwa. Tsangshiq raq i Shomjam na, chaqtlii-honglu thun, kiimaq nyamse ataa kechang honglu thun, wong-honglu thun kiimaq homseng honglu thun kiimaq kechutum-honglu thun kra howan raüta miwa.

JEREMIA 20:4

Tatiwe apaiq raq nguto, ‘Ngi raq ümniika ümniima nai ümkongtibi ma phiiptsi jiiptsi mitiijabaiqha. Kiimaq ümniiraq tsangshiq ka tsang jaqtinok raq nepja maq wiita ajiipbaiq wan kra michhihaü. Ngi raq Juda mungti kunli ka Bebilon mung hokhamwe jaqkhon mong niishe mikuq baiqha. Apaiq raq mungmaiqse wiijam ka munglu shumwi kong ma tsangmung na mitsuq wan. Kiimaq mungmaiqse wiijam ka re raq mijiipbaiq.

JEREMIA 24:1

Tatiwe raq ngi ma tamlii anai na phupmuptsi ka Shomjam rinkea na tiito raü tiichhikuqto. (Ara tiichhikuqtaq arka Bebilon mung Hokhamwe Nebukadnejar raq Jehoiakim se Juda mung Hokhamwe Jehoiachin ka Jerusalem wa munglu shumwi ma Bebilon na, Juda mungti welabi nai tsiimwebi kiimaq jaqsham smabi rai tsuq wan jaishe riito.)

JEREMIA 28:4

Kiimaq Ngi raq Juda mung hokhamwe Jehoiakim se Jehoiachin nai mungmaiqse munglu shumwi ma Bebilon mung na atsuq wan kra, wiita ana Juda mung na hali mitsuqho nongha. Tengteng, Ngi raq Bebilon mung hokhamwe ningkun ka wiita she mitiibun baiqha. Arka Ngi, Tatiwe raq toqtan tiikang.”

JEREMIA 32:44

Mung maiqse raq kriithun ka miri wan nong. Raüta asha ari kra lakdap na waiq raüta sil maq mikha wan. Kiimaq kiimwebi raq misuhi wan. Arthun ariirithii wan jaqsham arka Benjamin wang na, Jerusalem tro na hiqshong thun na, Juda mung na chela thun na, kiimaq ku akin tonglong wang chela thun na, kiimaq kinji thun na maiq hiq shong na, kiimaq Juda mung na shemai nü wang binjü na miriirithii wan. Ngi raq mungmaiqse ka tsangshiq hiqshong rahai chü thun kiijaq wiita she mitiishongnga wanha. Arka Ngi, Tatiwe raq, toqtan tiikang.”

JEREMIA 33:13

Ku akin tonglong wang na chela thun kiijaq, kinji thun na, kiimaq Juda mung maq shemai nü wang binjü kiijaq, kiimaq Benjamin wang thun kiijaq, kiimaq Jerusalem chela tro na maiqhiq shong thun kiijaq, kiimaq Juda mung na chela thun kiijaq, sku rümti kong raq tsangshiq sku sekong kra miwea won wan nong. Arka Ngi, Tatiwe raq ngutiikang.”

JEREMIA 39:9

Atiisup niishe phentu ajong pinthumwe Nebujaradan raq, mungmaiqse kiijaq atiichongkiti thun kra munglu shumwi kong ma, maiq wiijamti Jerusalem ka apaiq jaq khon na tiishaü baiqtibi krai adam na Bebilon mung niishe tsuq wanto.

JEREMIA 52:27

Ribla chela ka Hamath wang na. Kiijaq hokhamwe raq tsangshiq ka atiibuk riito. Raütiishe tsangshiq ka tiijiipbaiqto. Akha Juda mungti ka Bebilon mung na munglu shumwi ma tsuq wanto.

JEREMIA 52:28

Riita kra chongtiikai munglu akhing na Nebukadnejar raq munglu shumwi ma atsuq wan maiq wea rikot ka akha: Apaiq ka hokham ma jawanli maq wiimiishi she angu na apaiq raq shumwikong maiq ka 3,023 tsuq wanto.

JEREMIA 52:30

Kiimaq apaiq ka hokham jawan li maq wiiroqnai ri wiitsam she angu na munglu shumwikong ka 745 tsuq wanto. Arka Nebujaradan wokhong maq tsuq wanto. Maiq atsuq wan thun tlotli ka 4,600 riito.

AJONJÜ 1:3

Juda mungti ümchaü maiqdi maiqmakong she, tsangmung wa pongmung na tsuq wanto, Tsangshiq pongmung niishe sitlo, Tsangshiq hiqhü rahü she, Tsangshiq komtam chiqse rewe phong li she, Ajuchang lam ahü she.

JEKERIA 7:7

Ara bomtsi arka Tatiwe raq apaiq shammibi lümaq, man na Jerusalem ka chiithe, kiimaq mungmaiqse raq ama siwantlaq, kiimaq kra chela tro na chela thun niimin, kiimaq shemai nü wang nai shenyap nü wang na mungmaiqse ka pahea siwantaq choji na achong.

TRI CHONGKE 28:15

Mosheq raq Israilnok ma nguto, “Shatmaq ümchaü ranaiq ngi raq ümniima kuqtiikang Tatiwe üm Shiikeawe raq akuq aming thun nai thungtri raütu thun kra tsapkapkap maq lang maü, apaiq aming thun nai tri thun kra tlea haü jiila, arjaq waiqtlaq manson abi thun ara ümniimiishe minikhi wan:

TRI CHONGKE 28:52

Tsangshiq raq Tatiwe üm Shiikeawe raq ümniima kuqtlaq mung kiiwa chela thun loweatek ka akhat mirwan. Kiimaq ümniiraq lamkamsiq tlaü chela thun diiluhea hea kiitelong maq aruk, peruk weshaü jamlai riimin chhe mak phan thun kra wiita mithen baiq wan.

JOSHUA 18:5

Tsangshiq raq hotwa tlaq bin ajü thun kriika tsangshiq liipan na man miishi na chumke chang. Juda phan raq riiwe kla shemai nü wang na misi. Kiimaq Joseph saüse phan ka shekhu nü wang na misi.