Mikha 7:2 - ASII LAKDAP Bible (BSI)

² Maiqshaq weshi min ahüshe mungkang hiq na, Shiikeawe tsanwa maiq ahüshe. Maiq angu tarü matsaü tsasekong siisaq. Weshi raq weshi tseabaiq wan kriili she rittlo.

Hawa Naga Bible 2001

² Kvruex yuq miq shauk jix vshiz muinz vguez, Tishox nuex tvmtuing httaz jix vshiz muinz vguez. Miq tek vtueq miq thvy tvkoc vkhangx kuex bvmc wuez yaq. Miq tek vtueq vdvmz dvmz rv-khoyx wuez yaq.

Mikha 7:2 Referencias Cruzadas

Tvtsvmc 10:9

apaiq ka atiipaü chang ba maq hangsi raq ngam khetlaq ikha khetlo. Apaiq raq jehinnorebi kra lam maq khetlo; apaiq raq tsangshiq ka athiikho na tiidea tlo raüta hitphaq hotlo.

Tvtsvmc 12:1

Naishiq khrumlaq, O Tatiwe lei! Maiqshaq weshi dea min tiichong mak; tingting maiqsetiim ka alai miimin ahü she.

Tvtsvmc 12:2

Tsangshiq wiita maiqmii liipan na arot akiq li chongtlo; tsangshiq liipan na weshi raq weshi kli jutjüsiqtlo.

Tvtsvmc 57:6

Ijaqtinok raq ngi tiimin ma chiiq chanto; ngi ka kai chapatsi riili she tsai wan kang. Tsangshiq raq ngi tiithap ma i lam na thiikho thuto, shatmaq kiijaq tsangshiq li dea wanto.

TAKSU LAK 1:11

Bom shiiton tsangshiq raq, “Wara, nashiq raq maiq ashi ra atsea baiq ma rit rong i, maiqsangti jamin sapmakti thun kra, atiitsa sea ikha tsatbaiq rong i!

TAKSU LAK 12:6

Lule kloti bomtsi ka, maiq tiidea chang thiikho. Shatmaq kechu maiqse bomtsi ka, maiq adea wan wa tiichhiiketi.

ISAIA 3:5

Maiq loweatek raq loweatek jaq wa lapphaq lusiq lam kriili she miklo wan. Jerobi raq nyungwere ka shreng mak miraq. Kiimaq pantlat na haiseati bang bang kong raq tsangshiq thaq na maiqlare sitlaq kra shrengmak miraq.

ISAIA 57:1

Maiqshaqti ka tsaitlo. Shatmaq jurmin tak mak. Kiimaq jurmin broriimak. Shatmaq ümtiikiiwa tsangshiq she tsaitlaq, jamlai chamchao sangrai riimin tsangshiq ka tiichamchao lot mak she.

ISAIA 59:7

Namshiq raq ranaiqtek abi kiimung sürii wantlan. Kiimaq namshiq raq kra abi jaqsham kra klo wanhü miika namshiq ka sanglili maq ngalot man. Namshiq raq maiqtu ngampiiti thun kra tseabaiq wan miitu akhiismin kankop man. Namshiq ümnüno kitlan, namshiq jai niika athen ajen wan lamlu kli sitlo.

ISAIA 9:19

Jamkhano ngukla Ajong Pinthum Tatiwe ka atsan khiqhea, arningkhan tiina apaiq raq tsangshiq ma mo tiihotlaq wa ka tsang mung tlotli na wakchaq walü wa ikha tiinyai chaq wantlo. Raüta mungmaiqse ka wiita thumpak tsatbaiq wantlo. Kiimaq maiq pumsii loweatek ka apaiq miituli she sitlo.

JEREMIA 16:16

Tatiwe raq ngutlo, “Ngi raq ngiq khupti maiq pahea tiihea wakang. Lata arnok ara mitiikhupha. Kra latiishe Ngi raq ngamhiipti kong maiq pahea mitiihea wanha. Lata tsangshiq ma Israilnok ka pum aweatek wa kiimaq ku akin aweatek wa kiimaq chongkhong longsha aweatek wa, longraq mong wa wiita kunkun mitrit wanha.

JEREMIA 5:16

Tsangshiqnok phenlabi liq sreabi thun ka nolajongbi tonglong. Tsangshiq raq maiq ka mang chan tiitsimak maq jiiptlo.

JEREMIA 5:26

“Isenginok rai abi maiqse sidamtlo. Tsangshiq ka wushikong tiimin ma chiiqjong chan raüta khetlaq ikha khetlo. Shatmaq tsangshiq kra chiiq chantlaq kriika maiq tiimin miitu chantlo.

JEREMIA 8:6

Ngi raq namshiq bom ka aheawiq ni tiitsii lata tiitsang taikang. Shatmaq namshiq raq tingting bomtsi ka chongman. Namshiq phong wa maiq weshi ra dongdii min shutkang dea nguta maiqmii ngarai tiidii man. Namshiq phong wa maiq weshi ra raq dongdii min, ‘Ngi raq jamlai wa shutkang?’ nguta wai man dea. Maiq loweatek ka kumrang kaü rekhat na jutlaq ikha maiqmii lam phan jutrang tlan.

AJONJÜ 4:18

Re raq nashiq ka liishat khehoto, Nashiq kinphai na dongkai chang lam ahü riito. Nashiq rilung thumto she. Nashiq ningthoi saüwato.

EJEKIEL 22:12

Ümsenginok wiijamti riika maiq raq raikao tat raüta maiq tiitsattlo. Maiq wiijamti riika maiqmii mungti Israilnok ma kampho tiinam kuqtlaq kriithaq na amet jaütlo. Tsangshiq kra nanshanshan raüta chiithe ma jatlo. Tsangshiq raq Ngi ka alaq riibaiqto.” Arka Tati Rakaü Hiqwe raq ngutlo.

EJEKIEL 24:6

Riita Tati Rakaü Hiqwe raq ara ngutlo: “Maiqtseati matwe chela ka miqtoshe! Arka mokhii jangshi ra min hehü chhii raq apha rat ikha. Tak mong wa ngam ka phushi shi maq tsun raüta tiisii rai, takmii she sitlaq ikha.

Hosea 5:1

“O, ramwebi lei, tairong laq! Israilnok lei tiitsang tairong laq! O, hokhambi lei nitiitsii lanta tai ronglaq. Jamkhano ngukla namshiq khapho akhing saüho tlo she. Namshiq ka Mijpa chela na hiqbikho ma jakilan. Kiimaq Tabor chela na namshiq khup miitu chiiq achan thü wishe.

Hosea 6:9

Thiimeaqkong raq thiimeaq tek tlaq ikha, ramwebi raq thiimeaq tektlo. Asii Shekhem chela lam wa, bom hairaüta maiqtsattlo. Tsangshiq raq abi pinthum ngarai tangtlo.

Mikha 2:8

Tatiwe raq ngutlo, “Namshiq raq isengi ka re raq akhat ikha khattlan. Maiqwere ka re maq ajang wan, jamkun na khusang maq siwa nguta saü wantlo. Shatmaq namshiq raq tsangshiq raq, samtong jong adü na asam kra, chhut lanta nyea tlan. Lanta tsangshiq ka kheahü rasong tiichamchao tlan.

Mikha 3:10

Namshiq raq Shiikeawe chela Jerusalem hai wan chang jamkhü ka, maiqtsat lanta mat raü maq sürii wan tlan, kiimaq ashut tri raütu maq kha lanta sü rii wan tlan.

Mikha 3:2

Shatmaq namshiq raq tingting tri ka ashishe riitlan. Lanta ashut tri kra lang tlan, Namshiq raq isengi mungmaiqse ka akhü koq lanta tiichamchao tlan. Kiimaq tsangshiq ka riitsi tsaitsiiq siphaq tlan!

JEKERIA 11:6

Tatiwe raq nguto, “Ngi raq min mangjong maiqse ka mangchan mang she. Ngi raq mungmaiqse tlotli ka tsangshiq rümti jaqkhon mong niishe mikiinong kuq baiqha. Tsangshiq rümtibi riishe mangjonghiq ka mishthen baiq. Kiimaq ngi raq tsangshiq ka maiq jaq wa chhiiki mang she.”

Acts 24:9

Krai mren she, Jehudinok riimin, Tartulas bom kra tiijorot raütiishe, apaiq dü na kra chong wantaq kha thun ka asi dea ngutiishe, apaiq jai na bom ka rong rang rang she, Paul ma kha ka nyanto.

1 SAMUEL 24:11

Liilaq, iwe lei! Ara ijaq na ümsamtong jong kaü ümdü na samtlaü kiiwa ahan ha kheaphu shamtiikang ara liilaq! Ngi raq ümchaüli misebaiq lot ha wa, shatmaq ümmiisaq tiithum wan la na, ara ümsamtong ni phuse arli hankang. Riita arshejo ümniima ümtsan na mit-sitoli maq tiitsang dada thü wan chang bomtsi ka, ngi raq ümnaq hokham ngachang ka jiimang. Kiimaq ümnaq tseata ka tankhan mang. Shatmaq ümniiraq ngi ka jamlai khü akha min ahü na, atseabaiq miitu, ngamjo ngiqjo khum arum na konchi koncha jo tlaü.

1 SAMUEL 26:20

Ngi ka Tatiwe wokhong wa alu na jobaiq raüta, pongmung na naq tiitsatbaiqkiq. Riita, hokhamwe raq, ngi akhnok tlaikaüse ikha kra tseakai jaram kai wa? Apaiq raq ngi ka rum wa peshap wushi ikha, jaram wa jojü rat tla?” nguta Dawit raq nguto.