Mikha 7:1 - ASII LAKDAP Bible (BSI)

¹ Miqkang she! ahü miqkang she! Ngi ka ram raq ahaü apit wan, Petsiro na petsi ritkikang min ahüshe, Spiqtsiro niimin atsi ahü she. Waitsi asumwiq tsihea thun nai, phupmuptsi hea hea thun, rangran kang ka apansea wishe.

Hawa Naga Bible 2001

¹ Thuinz tvluimc juing vguez shex nyix! Ngaz kuex rvmc thuiuz hvlc rvtueq pulx jungx wawc pulx thuey muinz, svpiq ruiux wawc svpiq thuey muinz thuiyx tauk rvhvt maq poshiz muinz humc muq waz ikhoc yaungx tauk. Svpiq thuey lotlaz nuiyc phuiuq muiuq thuey httax yaq lotlaz puinz gay tueq shex.

Mikha 7:1 Referencias Cruzadas

Tvtsvmc 120:5

Namshiq rai sidam ka Meshekh mungti rai sidam ikha abi pinthum; riimakla Kedar mungti rai sidam ikha, abi pinthum.

TAKSU LAK 20:6

Maiqse raq maiqmii ka, akam sea chang ikha tiichongtlo; shatmaq riikhaqli maq rit wan haütiq, juwa riikhaqli maiq kra misap haü!

ISAIA 17:6

Maiq ka re jaqsong abungse atsap seli she mitiichong, kiimaq Israil mung ka olip petsi chong atsi wiita apanlotwi she ikha miraq, achong mun na petsi po ka poshi ponai ra selishe tiipaq raqraq atiichong ikha miraq. Kiimaq akü achongji thotho kiijaq atiichong poshi shi se tiipaq raq raq ikhli she miraq. Arka Ngi Tati Israilnok Shiikeawe raq ngutiikang.”

ISAIA 24:13

Akhiisiisaq mangjong tlotli na maiqmung aweatek na mipin wan. Arka oliptsi pantum akhing ikha miraq. Oliptsi ka achong aweatek wa riichom panlot jai ikha miraq. Spiqtsiro wa aso kiimin archom panwi she ikha miraq.

ISAIA 24:16

Mangjong hiq ratsüko na siti maiqse raq kechu Israil mung tiitsam shinge mitai rong i. Shatmaq ngi ma tsan ransea chang ka jammin ahü! Ngi ka wiita ajam lata sarai wan kang! Ngi ka maiqshaphaqti raq maiq jaq na shaphaq baiq ruqli. Kiimaq tsangshiq raq ngi shaphaq thiikho thütlaq kriika bihea riiwan wanli riitlo.

ISAIA 28:4

Kra mungtubi khushü mutrai wantlaq kriika phupmuptsi tsipha manchoji wa, atsi aman ka hiq na rokki tlaq ikha, raüta maiq raq tsunsiq tlaq, raüta thumkitlaq ikhli mimoki.

ISAIA 6:5

Kiijiishe ngi raq akha ngukang, “Ngi kla lun mang she! Miqkang she! Jamkhano ngukla inübok maq bomtsi aweatek dongtlaq kriika ngarai buli. Kiimaq ngi ka abomtsi awea ka ngarai tamli bomtinok rai sidam tiikang. Akhiitaü miidea min, ngi raq imak maq Hokhamwe, Ajong Pinthum Tatiwe ka chhikang!”

JEREMIA 15:10

Ngi ramkhiq aka na! Ngi ka chochihüwe! Inyung raq ngi ka jaramli wa mangjong hiq na rawü tiichhita? Ngi ka armungti rai loweatek rai tatso wiinyi riikhii riilea lam miili sichang dongtlo. Ngi raq ju miimin kampho ka tiinamkuq mang dea. Kiimaq maiqjaq wiimin kampho ka nam mang dea. Kra taü maq dongdii min maiq wiitarü ka ngi ma manson kiqsü bomti siisaq.

JEREMIA 24:2

Kra apha shaq shaqti phupmuptsi tamliiti ka aheawiq siisaq. Kongkhu na tsitlaq mankhutsi siisaq. Kra jai wa phupmuptsi tamlii anai ngojati kriika abi ati siisaq. Asea ma maimak bihea.

JEREMIA 4:31

Ngi raq maiq nyung no wüchhitsi ma hantlaq ikha aho taikang, ase chhikhu do akhing na siiraitlaq ikha. Kriika Jerusalem hotlo, atsitsü pit wan kiita ajaq wiinai ka ra na tiipii raüta ngutlo, “Ngi ha miqkang she! tsangshiq ka ngi tsea wa watlo!”

JEREMIA 45:3

ümniiraq akha ngutlaü, ‘Ngi raq athaqli mirbaiqha! Tatiwe, raq ngi miika chamchao thaq na, tsanbi wokti kli tiitsuq kuqtlo. Ngi ka ümchaü sanha, aho anyi tsi raq, irok irii thun wiita ajamkai kun she. Kiimaq ngi ma nü tiitsak chang min ahü she!’

JEREMIA 5:1

Jerusalemti lei, namshiq chiihea wea lam thun kiimaq juronglaq! Lantea tro tri liironglaq! maiqmii mak maq liironglaq! Kejat thung thun kra rit ronglaq! Maiq ashi ra riikhaqli jaqshamti mihumhan shea kiimaq Shiikeawe wokhong na tsapkapkap maq sila nguta shiikutti asi shea? Namshiq raq, humhan jiika Tatiwe raq Jerusalem mra ka midiikuq.

Hosea 9:10

Israilnok ka rumnyangkhi kumtsaiphii na, spiqro achhi wan ikha, ngi ma rahea hum wan kang. Kiimaq tsipha shaqshaq phupmup chongtsi ikha, aphaqsea ma sumhea, namtitiim ka ngi raq, maiqlung ngamwii humwan kang, Shatmaq Peor pum na saü raüta, wuda pongwe ikha, Baal phra puk na nyap wanto Raüta tsangshiq jeangaü wanto. Raüta shekhiq miishe jawanto

WEAWEA 18:13

Arthun arka ümniirii she. Ümjamtitiim khum asii maq siti tarü raq kriithun ka phaqsea mimai.