Mikha 6:16 - ASII LAKDAP Bible (BSI)

¹⁶ Ara chongtiikang sumrum wan thun ümniiraq mirhum haü, jamkhano ngukla, ümniiraq, Hokham Omri nai ase Hokham Ahab, raq ashut tri langwantaq kra phan wan laü. Ümniiraq tsangshiq ashut tri lam ka lang wan laü, Kriikha na ngi raq ümniika mishthen baiqha. Krai mren maiq tarü raq ümniika mishummii. Maiq barapseti raq ümniika misaisi wan.”

Hawa Naga Bible 2001

¹⁶ Hokhvmx Omri nuiyc piq saz Hokhvmx Ahab hez layx vbac yauk shuimc kuex nuimshiq rueq phvnx vshuinx ningkhvnc nuex vruex lvmz yaungx wvnc tuex. Nuimshiq rueq tsuingshiq kvmungx thuinz kuex phvnx ruq phvnx vshuinx ningkhvnc nuex ngaz rueq nuimshiq kuex tvbac gay phaungx, miq ruip rawx rueq nuimshiq muex shummarc kv-phux. Baung ruip saz wawc miq htenc rueq nuimshiq kuex wvlc guez waqguez nueykuic kv-phuinx,” ngoz tueq jungx tueq.

Mikha 6:16 Referencias Cruzadas

1 HOKHVMX 18:4

Kra ningkhan, ümtiikiiwa Jejebel raq Tatiwe shammibi thun tsatbaiq wantaq akhing na, Obadia raq shammibi shishi kra sheahoto. Raüta tsangshiq ka longsha mong na kongnai ma roqbiingingi na tiiphea raüta paü thüto. Raüta tsangshiq ma dung nai kham kuq raüta dungto.)

1 HOKHVMX 9:8

Raüta ara Shomjam kaü arka jamriimkaü athamki ikhli she hiqrai mishotbaiq. Kiimaq maiqse angu ümchu riiwa alea wan lam maq chhi wantlaq, kriiti ka akiinyii miraq kiimaq awangli she mirwan. Raüta, ‘Riita Tatiwe raq armung ara nai ara Shomjam arka atinkhan lang langtiq jam nguto tiithen jenbaiq wantiinya?’ nguta tsangshiq raq miwai wan.

2 HOKHVMX 16:3

Kiimaq apaiq riika Israil mung hokhambi jaqsham kra khoti sham wanto. Kiimaq apaiq riika kriithaq niimin abi lin she, ase shaq kra sumla phra thun noq ma chaqtlii-honglu na kuqto. Arka Tatiwe raq Israilnok lümaq kra mung wa jobaiq wantaq nok raq Tatiwe makki na maiqphai asi jaq sham wantaq ngarai lam phan kra phanto.

2 HOKHVMX 21:3

Awe Hejekia raq thatsang chang hiqba thun tiithenbaiq wantaq kra apaiq raq hali tiihea hai nongto. Apaiq raq Baal phra noqchang berong-wacha thun haito. Raüta Israil mung Hokhamwe Ahab raq klotaq kiikha apaiq riinin jechak phra Ashera sumla thun kra haito. Kiimaq Manase riika raiqsaiq thun min shomnoqto.

2 KAÜWA WERAÜ 22:4

Apaiq raq Tatiwe man na ngarai kloto. Jamkhano ngukla awe tsaijai maq apaiq danhontibi ka Hokhamwe Ahab tahii jamtitiim riito. Raüta apaiq ka atsai lam na sheaho raüta tiidea baiqto.

2 KAÜWA WERAÜ 34:25

Tsangshiq ngi ka shipoq baiqto. Raüta tsangshiq raq laihin sumla phra kong miishe honglu thun ka takuqtlo. Kra ningkhan na tsangshiq ümchuwa jaqsham wantaq kra lümaq itsankhiq walü she tiishaü chaq baiqto. Itsankhiq walü ka Jerusalem khuthaq na nyaitlo. Kiimaq kra walü ka matki mak she miraq.

Tvtsvmc 1:1

Shiimanhea miraq jurwa abi maiqsetiim danhon lang mak, riimakla ngarai klotibi lam phan mak, riimakla Shiikeawe raq lang maktibi rai pong mak.

Tvtsvmc 44:13

Ümniiraq naishiq ma jamlai wa riilaü kra naishiq ma siqketi raq chhito, raüta tsangshiq raq naishiq ka slailiitlo kiimaq naikütlo.

Tvtsvmc 44:14

Ümniiraq naishiq ka maiq mung thun makki na, saisi thoda moqseatinok miishe tiijabaiqlaü; tsangshiq raq tokbai laqlaq naishiq ka saisitlo.

ISAIA 25:8

Ajong Thaq na Ajong Pinthum Tatiwe raq atsai ningkun ka pattup pat-sa miitu she mitiithen baiq! Apaiq raq maiq loweatek theaphi wa makphai satlaq kra tiisiirai mitatkuq. Kiimaq asenginok raq mangjong tlot li na jeasi khatamshi howantaq thun kra wiita alam she mirbaiq. Arka Tatiwe apaiq raq ngutlo!

ISAIA 9:16

Ara mungmaiqse shunsheatibi raq tsangshiq ka lamjiq na shunsheato. Raüta tsangshiq ka wiita tiimangmii baiqto.

JEREMIA 19:8

Ngi raq ara chela na pinthum maiqse nübok maq chonglot mai chang khan, phiiptsi chang thenjen wan jaqsham mitiichhi kuqha. Krai mren maiq loweatek arlam maq lea wanti raq kra chhiraüta akiinyii mirwan kiimaq awang athangli mirwan.

JEREMIA 25:18

Jerusalemti kiimaq Juda mung na chela thun sitlaq wiita ma, tsangshiq hokhambi kiimaq mung welabi thun rai nong nong adam maq tiibak nyang kang. Kriika tsangmung thun ka botkhulai rai shot raüta kumtsaiphii ma tiijabaiq tlii mirlaq nguta kuq kang. Kriika hiqmiq changkhü ikhiishe maklii jai na tiijang phat she mija wan. Krai mren maiqse raq tsangshiq mang ka maiq ma manson chang ashi ikhiishe mitiija wan. Kriika ümchaü min nguruqli ngutlo.

JEREMIA 25:9

‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.

JEREMIA 29:18

Ngi raq tsangshiq ka re ma mitiijo wanha. Ram tiidong lata, ram ma mitiihaüha, kiimaq tsangshiq ma tha mitiidongha. Raüta tsangshiq thenjen wan kra chhi raüta mangjong hiq na siti maiq mung thun tlotli ka phiip raq mitsai. Ngi raq tsangshiq ka barap binrii na mitiipin baiqha. Tsangshiq thenjen wan ka chhi raüta mangjong maiqse ka akii anyii phiipraq atsai miraq. Maiqse raq tsangshiq ka aslailii, ashummii she mirwan. Raüta tsangshiq mang ka chong raüta maiqse liipan na manson bom shiiton ma mitiija wan.

JEREMIA 51:51

Namshiq nga, ‘Nashiq khushü ka tiijamto. Kiimaq jea tiingaüto. Nashiq ka ümkoq ümphaq lishe sitiikai. Jammin chhechha lot mai. Pong mungti raq Shomjam mong wa asii khok thun ka wiita jii wanto.’

JEREMIA 7:24

Shatmaq tsangshiq raq ibom taimak kiimaq tsangshiq tsantsii kuq wan mak riito. Shatmaq tsangshiq ka nilan wanshak shak kiimaq abi tiima tsantsii raq jamlai wa chongtlaq kra phan phanli siwanto. Kra ningkhan tsangshiq ka maiqshaq ma jawan la na, naolaqhea jabi wan wan khoti riito.

AJONJÜ 5:1

O Tatiwe lei, naishiq jamkho thenjen wan kai, kra ümtsan na tiitsang laq. Naishiq khushü jam tlaq ara liilaq.

EJEKIEL 39:26

Ümtiikiiwa tsangshiq ka tsangmung na thongshi ri hali khu asang maq shong wantlaq, tsangshiq tiihaisongti ka jumin ahü she miraq, kiijiishetiq, tsangshiq raq Ngi tiishaübaiq wan kha na ümtinkhan chamchao wa riihum wantaq raüta jea ngaü wantaq thun kra wiita she milaq baiq wan.

DANIEL 9:16

Ümniiraq man na naishiq tiikhup wongkuq wan laü. Krai mren, ümchaü min Jerusalemti ma ümtsan ka naq tiikhiq kiq she. Kriika ümchela, ümnaq asii hiqlam. Naimung tro na siti mung ahinti tlotli raq, Jerusalem nai ümsenginok ka shummii laqpii she saisitlo. Arka naishiq ngarai khana kiimaq naititiim raq abi ashut klo wantaq kriikha na shummiitlo.

Hosea 12:14

Shatmaq Israilnok raq, Tatiwe tsan pinthum tiikhiq wanto. Kriikha na tsangshiq ma tsailam tiisaüto. Tsangshiq raq Tatiwe mang tiibi wanto, kriikha na Tatiwe raq tsangshiq, sintsang maq mitsat.

Hosea 5:11

Israilnok maiq jaq na pinthum chamchaotlo. Tsanghiq tsangra thun rewe riishe nyeawanto. Jamkhano ngukla tsangshiq raq ngi ka miimthü raüta, athii ahü maiqtijong howanto,

Mikha 2:6

Tsangshiq raq ngi ma akha, tra hoto, “Naishiq ma akha tra naqhokuq kiq. Tatiwe raq naishiq shiithen baiq mak miraq. Naishiq ka chongthum tiija mak miraq.

Mikha 6:13

Namshiq shutphit ngarai kha na, ümchaü ngi raq namshiq, shiithen baiq phawan kang she.

Revelation 2:20

Shatmaq, ngi raq namshiq ma tsantiibi chang lam ka ara: Namshiq raq jechak nyung Jejebel ma trahoke miitu kilü dikuq tlan. Apaiq ka arot shammi nyung. Apaiq raq arot bom chongke lümaq, i sengi ka ngarai lam na sheaho tlo. Apaiq raq tsangshiq ka sethoq sepii ngarai lam na tiishon tlo. Kiimaq sumla phra noq ma akuq ngam kra tiiphaqsiq raüta ngarai na tiidea tlo.