Mikha 6:16 - Hawa Naga Bible 2001

¹⁶ Hokhvmx Omri nuiyc piq saz Hokhvmx Ahab hez layx vbac yauk shuimc kuex nuimshiq rueq phvnx vshuinx ningkhvnc nuex vruex lvmz yaungx wvnc tuex. Nuimshiq rueq tsuingshiq kvmungx thuinz kuex phvnx ruq phvnx vshuinx ningkhvnc nuex ngaz rueq nuimshiq kuex tvbac gay phaungx, miq ruip rawx rueq nuimshiq muex shummarc kv-phux. Baung ruip saz wawc miq htenc rueq nuimshiq kuex wvlc guez waqguez nueykuic kv-phuinx,” ngoz tueq jungx tueq.

ASII LAKDAP Bible (BSI)

¹⁶ Ara chongtiikang sumrum wan thun ümniiraq mirhum haü, jamkhano ngukla, ümniiraq, Hokham Omri nai ase Hokham Ahab, raq ashut tri langwantaq kra phan wan laü. Ümniiraq tsangshiq ashut tri lam ka lang wan laü, Kriikha na ngi raq ümniika mishthen baiqha. Krai mren maiq tarü raq ümniika mishummii. Maiq barapseti raq ümniika misaisi wan.”

Mikha 6:16 Referencias Cruzadas

1 HOKHVMX 18:4

Jezebel rueq Yehowa shvmmax htenc thvt gay yaq nuex, tsuinghez wawc waz shashiz kuex phungc nueyc nuex rv-phvlc vtueq, phungc shiz nuex waz rok bv-ngac ngac raz tueq lungshaung htenc nuex httuiyq vtueq phuiuz vsvy joalc moalc kuq tueq.)

1 HOKHVMX 9:8

Vruex Shomc Yuimx kuex vphungc vruex gay ikhoc kvrunx bac wvnc vtueq, kvruex lvmx maq lvy wvnc jix miq ruip rawx kuex vwangc raz tueq, ‘Yehowa rueq vruex mungtan nuiyc vruex Shomc Yuimx kuex yvmx ngoz tueq lac vkhoc ruez gay tvnx?’ ngoz tueq wisoz wuez shuex.

2 HOKHVMX 16:3

Israel Hokhvmx bix layx kuex phvnx tueq. Piq rueq yac yuimx htenc muex wvr maq jauk shomc kuy tvkoc vsaz shauk doc muinz shomc nawk kuq gay tueq, Israel miqsaz htenc kvtenc kaz wvnc koq tueq, Yehowa rueq yurc gay tueq miq htenc tsuingshiq vshuy vshac lvmx kvyuq phvnx wvnc naungx tueq.

2 HOKHVMX 21:3

Vwaz Hezekia rueq tvbac httak gay tueq yac yuimx nawk juing baung htenc kuex piq rueq tvhungx guirx yek vtueq; Israel Hokhvmx Ahab rueq shuimx wvnc tueq rulc rv-ngvlc Bala muex nawk palx juing shomrawx htenc kuex tvhungx guirx ruiux, Ashera tishox nyuiuz yac kuex tvjvp guirx tueq. Manase rueq ruiysuiyq htenc kuex nawk palx tueq.

2 KAÜWA WERAÜ 22:4

Vwaz thueyc kay yix maq Hokhvmx Ahab yuimx wuinz htenc kuex piq rulc rvjungc rv-phvnc walaungx bix muex yaungx wvnc vtueq, tsuinghez rueq piq dvy wvnc laz juing lvmx shvlc tvyaq ningkhvnc nuex Yehowa muex mvrax yaq gay tueq.

2 KAÜWA WERAÜ 34:25

Tsuingshiq rueq ngaz kuex tvdux gay ruiux vganc tishox htenc muex shomc nawk kuy shomc kuq yaq yauk shuimc lotlaz kuex shuimx vtueq ngvy thuinz tvkhaq yaq. Ngaz kuex Yerusalem muex thuinkhaq vtaungx ningkhvnc nuex kvruex kuex shiz kaz tuex rvmuq.

Tvtsvmc 1:1

Layx bac jix miqsaz rueq jungphvnx yaq kuex tvdux gay jix htenc, mvrax vhttax jix bomc poz kuex phvnx muq jix htenc, Tishox muex ngoc ngac jix htenc rulc vdvmz nuex ngaungc naungx muq jix kuex thuinhvlx wuez yaq.

Tvtsvmc 44:13

Nuiyshiq muex mnoz rueq yvmx khoc lac ruez kuq phux kuex yuimx phic yuimx phaungx jix rueq khiz vtueq, tsuingshiq rueq nuiyshiq kuex shummarc vtueq nueykuic wuez yaq.

Tvtsvmc 44:14

Miq phvnx htenc hvlwvl nuex mnoz rueq nuiyshiq kuex vnuey svy juing muex tvyaungc vtueq; tsuingshiq rueq tsuingshiq khux kuex buil ruiux nuiyshiq kuex shummarc yaq.

ISAIA 25:8

Johvlc Yehowa rueq vthueyc kuex pattup tvbac gay shuex! Miq lotlaz muik phic svrc yaq kuex tuit kuq ruiux, vpiq miq htenc mungkawx baung ruip nuex rvhumc wvnc tueq yvlc svy juing htenc muinz lvmz kuq gay shuex. Yehowa vpiq pumz maq jungx tueq.

ISAIA 9:16

Kvruex hez muex lvmx shvlc jix hez rueq lvmx vyaq kuex tvkhic vtueq thuinz tvmvruz raung kuq yaq.

JEREMIA 19:8

Ngaz rueq vruex ghaqyungx vyuq bac hvlc vhiz juing tvhttuiuc shaungx ningkhvnc nuex, kvruex maq lvy jix miq tek vtueq kawc yawc ruiux wangc wuez tuex.

JEREMIA 25:18

Yerusalem nuiyc Yuda ghaq htenc lotlaz, hokhvmx bix nuiyc walaungx bix kuex vdvmz nuex kawk kvwawc nuingx wuez tueq, tsuingshiq kuex ghaqkuiyq ghaqkhvmx baung, kawc yawc juing nuiyc kv-khuirc hiyaz juing ikhoc baung muex yaungx wvnc wuez tueq, miq htenc rueq muinz tsuingshiq muingc kuex majuiuc nuex httuiuc laz shuimx yaq honc vyaungc rulc rv-ngvlc tuemc taungc juing baung tvyaungc yaq.

JEREMIA 25:9

‘Ngaz rueq ghaqkhux kox wawc miq lotlaz kuex ngvy nvrc waz Babelon Hokhvmx Nebukhadnezar tvkoc tvlaq gay shaungx. Ngaz rueq Yuda mungx nuiyc mungx miqsaz htenc, phic vphaungx wawc miqphvnx lotlaz kuex khvt tvkoc tsuingshiq kuex shvlx laq shaungx. Ngaz rueq vruex miqphvnx nuiyc phic vphaungc wawc htenc kuex khvt gay kaz ruiux, kvruex baung htenc kuex pattup ghaqkuiyq ghaqkhvmx baung, vkawc yawc juing nuiyc kv-khuirc hiyaz juing ikhoc muex tvyaungc gay shaungx. Ngaz, Yehowa rueq jungx vshaungx.

JEREMIA 29:18

Ngaz rueq tsuingshiq kuex ralx rvlungc, khvmx vrvmc nuiyc vmac vtsac thuimkux maq tvyurc gay shaungx, mungkawx wawc miqphvnx lotlaz rueq tsuingshiq kuex khiz vtueq kawc yawc wuez tuex. Tsuingshiq kuex ngaz rueq tvpanc yurc gay shaungx baung ruip saz wawc miq htenc kuex tsuingshiq nuex yaungx wvnc tueq lvmz htenc kvmac kawc yawc kv-khuirc wuez tuex. Miq rueq tsuingshiq muex shummarc vtueq tsuingshiq muingc kuex kvtuemc kvtaungc juing bomc tvyaungc shuex.

JEREMIA 51:51

Nuimshiq rueq, ‘Shomc Yuimx mungx wawc vsawc baung htenc kuex pungnuk miqsaz muex tvlvp gay tiq ningkhvnc nuex, naungshiq kuex muingc bac vtueq yvlc svy rvhumc vtix,’ ngoz tueq ngoz vshuinx.

JEREMIA 7:24

Yuq muinz tsuingshiq rueq phvnx muq tay muq. Tsuingshiq kuex miqmac khux tvtsanz vtueq layx bac thuinz vmungx maq dung yaq kvmungx kvruex tv-phvnc shuimx kaz wuez yaq, tsuingshiq kuex vhvlc wvnc kox rvmuq maq vbac rvwvnc yaq.

AJONJÜ 5:1

O Yehowa lex, nuiyshiq nuex yvmx lac yaungx yaq nguinx kuex rvwvl shuiuz. Nuiyshiq kuex lawc vtueq, nuiyshiq tvyvlc sac yaq kuex khiz kuq koq.

EJEKIEL 39:26

Tsuingshiq muex tvhiz sungx jix ukhaq muinz vguez maq, tsuingshiq mungtan nuex kvwungx juing laukshiz hulawx httax lvp tuex nuex, ngaz muex khawc lvlc ningkhvnc nuex tsuingshiq mtanc lac yvlc svy rvhumc yaq nguinx kuex tsuingshiq rueq lauk gay shuex.

DANIEL 9:16

Mnoz rueq lvy wvnc tueq pat nuex nuiyshiq tvkhup wungx wvnc phux, kvkhoc rvtueq Yerusalem muex mthuinz raungluingx muinz nauk tvkhaq kaz. Kvruex kuex m-ghaqyungx, mnoz vsawc kanx rvtueq. Nuiyshiq mvrax htenc nuiyc nuiyshiq jix vwaz layx bac ningkhvnc nuex mungx phic mungx phaungx wuinz lotlaz rueq Yerusalem ghaqyungx nuiyc mmiqsaz htenc shummarc yaq.

Hosea 12:14

Israel miqsaz rueq Yehowa kuex pinhtumc tvkhaq yaq; tsuingshiq yaq tueq khuec vkhac ningkhvnc nuex vthueyc aungx yaq. Tsuingshiq rueq vpiq kuex tvyvlc sac tueq ningkhvnc nuex Yehowa rueq tsuingshiq muex murx tvgurc shuex.

Hosea 5:11

Israel kuex tuinghtuing guirguenc rvhumc yaq; piq rueq vkuy juing yvmx muinz lvp muq jix htenc muex romc kuy tvkoc hunglaungc ningkhvnc nuex, tvrac vlvmz maq guimz yaq piq ghaqphux kuex tvmaq gay tueq.

Mikha 2:6

Miq htenc rueq ngaz muex jungphvnx kuq vtueq, “Nuiyshiq muex nauk jungphvnx kuq vkueq. Kvruex yuq seng yaq lotlaz kuex nauk jungphvnx kaz. Tishox rueq nuiyshiq muex tvyvlc sac yaq rvmuq.

Mikha 6:13

Kvkhoc rvtueq nuimshiq mvrax htenc ningkhvnc nuex nuimshiq kuex tvbac phaungc wvnc muex ngaz rueq tvyoalc lot tauk shex.

Revelation 2:20

Yuq muinz ngaz rueq mnoz muex mvrax tvgurc juing phvnx shiz httax yaq kuex Jezebel ngoz yaq nyuiuz kuex tvhttaz ningkhvnc nuex vhttonc ngoc juing lvmx httax yaq, piq kuex vshauk pumz kv-ngoc Tishox kamx nyuiuz ngoz tueq kvjungc ruiux, ngvy nvrc waz hez kuex sahtok sapawx yaungc tvkoc nuiyc yac yuimx muex vshomc kuq phuiuz vsvy kuex phuiuz svy tvkoc tvluing kuq vtueq lvmx tvmawc kuq yaq.