Mikha 7:1 - Hawa Naga Bible 2001

¹ Thuinz tvluimc juing vguez shex nyix! Ngaz kuex rvmc thuiuz hvlc rvtueq pulx jungx wawc pulx thuey muinz, svpiq ruiux wawc svpiq thuey muinz thuiyx tauk rvhvt maq poshiz muinz humc muq waz ikhoc yaungx tauk. Svpiq thuey lotlaz nuiyc phuiuq muiuq thuey httax yaq lotlaz puinz gay tueq shex.

ASII LAKDAP Bible (BSI)

¹ Miqkang she! ahü miqkang she! Ngi ka ram raq ahaü apit wan, Petsiro na petsi ritkikang min ahüshe, Spiqtsiro niimin atsi ahü she. Waitsi asumwiq tsihea thun nai, phupmuptsi hea hea thun, rangran kang ka apansea wishe.

Mikha 7:1 Referencias Cruzadas

Tvtsvmc 120:5

Nuimshiq hvlwvl nuex ngaz httax vtaungx kuex Meshek mungx nuex httax vtaungx ikhoc muinz, Kedar miqsaz htenc hvlwvl nuex httax vtaungx ikhoc muinz gvrx tsvrx yaq.

TAKSU LAK 20:6

Miq ruip rawx rueq piq mtanc tvmtuing httax yaq nuiyc vkvmx juing httax yaq kuex jungx yaq, yuq muinz vsuingc suing kvkhoc jix waz kuex uraq lac humc ruiux shvnx!

ISAIA 17:6

Israel kuex olip jungx wawc vthuey htenc puinc lot yix, vjungx thawx nuex vnueyc vthuimx dvyx nuiyc vnoz htenc khung nuex raungluingx luingx saz kvjungx yaq ikhoc, raungluingx saz dvyx shex rullungx tvraungx httax tuex. Ngaz, Yehowa Israel Tishox rueq jungx vshaungx,” ngoz tueq jungx tueq.

ISAIA 24:13

Vruex kuex mungkawx lotlaz nuex httax yaq miqphvnx ruip rawx nuex yaungx wvnc tuex lvmz rvtueq. Kvruex kuex olip jungx tek wawc vthuey htenc tvdvy wung gay tueq nuiyc svpiq thuey sox tvjomx puinz gay tueq ikhoc muinz, tuiz vtsvmz tvjomx yut lot jauz wawc ikhoc muinz yaungx wvnc tuex.

ISAIA 24:16

Naungshiq ghaq tvsuip baung maq raz tueq, tsuingrux miqphvnx rvtueq Israel rueq tvtsvmc kvmc shic vngoyc htenc kuex tay wvnc wuez shix. Yuq muinz ngvy tvkoc tvluimc juing vguez! Ngaz kuex hungc vlaungc nulx wvnc nulx wvnc dvyx! Vkhawc vlvlc jix rueq muinz khawx ruq dvyx, thuinz vkoarx jix waz kuex bac hvlc rvwvnc ruq dvyx.

ISAIA 28:4

Ngamc ngax wuez yaq walaungx bix yuiuq wvnc tueq ngauz vngax kuex, vmuinc jauz muinx tuex rulc rv-ngvlc puinz saq gay yaq vphaungc wawc phuiuq muiuq thuey ikhoc tsuingshiq moz wvnc yaq.

ISAIA 6:5

Ngaz rueq, “Ngvy tvkoc tvluimc juing vguez shex! Ngvy nuix bar maq dung yaq bomc poz ruip rawx kuex mvrax kvjaz jvnc rvtueq, bomc poz tek nuex mvrax bomc poz kvjak yaq miqsaz htenc hvlwvl nuex httax vtaungx ningkhvnc nuex, ngaz kuex tvbac gay rvhumc vtaungx. Yuq muinz ngvy muik maq tiq, Tvphaungc Tvsuip Yehowa Hokhvmx waz kuex ngaz rueq khiz tauk.”

JEREMIA 15:10

Ngaz kuex thuinz nuex piauc muq waz khoc vnauz! Yvmx ngoz tueq lac inyuiuz rueq ngaz kuex mungkawx vyuq jawx phvnx? Ngaz kuex ghaqphux vyuq rvthoz rvthvy nuiyc rvkhawc rvlvlc juing shex yaungx kaz. Ngaz kuex kuimphox mjuc muinz rvmuq kuex tvnvmc mauk, vnvmc muinz nvmc mauk; yuq muinz miq lotlaz laz rueq ngaz muex httonx tvmx wuez yaq.

JEREMIA 24:2

Vphaungc wawc boarx nuex kungkhux vmuinx phuiuq muiuq thuey vhvlx htenc httax yaq; vganc vshiz nuex kuex vsvy mvy muq phuiuq muiuq thuey htenc vbac sawc sauk rvtueq.

JEREMIA 4:31

Nox wuic khic thuiuz rvhumc yaq yalxjuik nyuiuz huinc, pekhux saz jawx tueq yalxjuik nyuiuz guyc tvruingc ikhoc ngaz rueq vkhoarc tay tauk. Kvruex kuex nyec hvlc vyauk kvkhuirc yaq, Yerusalem ghaq tvruingc rvtueq, piq rueq, “Ngaz kuex vphoc rvhumc tauk! Tsuingshiq kuex ngvy thvy muex kaz yaq!” ngoz tueq jungx tueq.

JEREMIA 45:3

mnoz muex, ‘Ngaz vsumx kuq vphaungx! Yehowa rueq ngvy jamjaux htauk nuex yonzyec juing muinz tvrvp kuq phuex. Ngaz kuex kvbot nyvnx hunnyex vtaungx, nyec tvkuiyq juing ngaz rueq humc mauk!’ ngoz tueq jungx vshuiux.

JEREMIA 5:1

Yerusalem ghaq wuinz lex, nuimshiq lvmx tv-phvnc yuz wuez kuinz! Tvroz lawc vtueq tvmaung shuiuz! Tsuingrux yauk shuimx vtueq Tishox muex tvmtuing yaungc tvkoc hunglaungx jix miq vshiz shiz humc lot shuiux haz? kat vjez nuex thuiyx shuinz! Mkhoc shoc maq nuimshiq rueq humc lot ruiux yuq, Yehowa rueq Yerusalem ghaq muex mvrax dawc kuq shuex.

Hosea 9:10

Yehowa rueq, “Israel kuex vphaungc ngaz rueq humc tauk nuex, kumtsvy tvnx nuex kemz yaq svpiq thuey humc tauk ikhoc rvtueq. Nuimshiq jix vwaz tamx kuex vphaungc shauk ngaz rueq humc tauk nuex, vphaungc thuey vtueq kungkhux muinx yaq phuiuq muiuq thuey htenc khiz tauk ikhoc rvtueq. Yuq muinz tsuingshiq Peor Kanx nuex kaz wvnc tueq kvkaq Bala kuex nawk palx phaungc wvnc vtueq, mtanc httax muq nuex tsuingshiq rueq lungwawc yaq tishox htenc ikhoc miqsuirc vsac yaungx wvnc tueq.

WEAWEA 18:13

Kvruex lotlaz kuex mnoz muex seng yaq. M-yuimx wawc miq htenc kuex nawk palx htungx maq vsawc jix miq rueq dvyx kvruex phuiuz vsvy kuex phauk saq lvp shuex.