Hosea 4:1 - ASII LAKDAP Bible (BSI)

¹ O, Israilnok lei, taironglaq, Tatiwe raq namshiq ma kha nyantlo. Tatiwe raq akha ngutlo. “Armungti raq ngi ka tsangshiq Shiikeawe nguta sap mak. Tsangshiq raq ngi ka tsapkapkap maq shomnoq mak. Kiimaq ngi ma lungwii tsantsii rüm mak.

Hawa Naga Bible 2001

¹ Yehowa rueq vruex mungtan nuex httax yaq miqsaz htenc muex khawc lvlc juing httax yaq. Israel lex, vpiq rueq jungx yaq kuex tay shuiuz: “Vruex mungtan vyuq tvmtuing nuiyc lungwawc thuinz ngoz tueq vguez, miq htenc rueq muinz ngaz ngoc Tishox rvtueq ngoz tueq kvjungc wuez muq.

Hosea 4:1 Referencias Cruzadas

1 HOKHVMX 22:19

Kiijiishe Mika raq abi ri akha tiitsuq chongkuqto, “Ümchaü min Tatiwe raq jamlai wa chongtlaq kra tairong laq! Ngi raq Tatiwe ka ramungtan na apaiq hokham ngacho na ngaraü chhikang. Kiimaq arasetiim thun ka apaiq tho na chapraqraq.

Tvtsvmc 81:9

Namshiq raq laihin phra noq wan maimak.

ISAIA 1:10

Jerusalem lei, ümmung pengti tuwebi nai ümsengi mungmaiqse ka Sodom nai Gommora chelati ikha. Tati raq ümniima jamlai bom wa chongtlaq kra tailaq. Nashiq Shiikeawe raq ümniima jamlai wa shrinkuqtlaq kra samheawiq tiitsang tailaq.

ISAIA 1:18

Tati raq ngutlo, “Riita ümchaü min bom ka riichong i. Ümkhum ka ngarai na tiitsam laüta maiq tiijai maq tlo laüta shiiroro she sitlaü. Shatmaq Ngi raq ümniika tsakhiiq ikha siirairaihea lüdiidii hea she mihekuqha. Ümkhum ka ngarai maq alorat kha maq, among tsaühea na saüli achhe wan kun she shiiroro ma she, li jiimin, Ngi raq ümniika umnirai railü tam ikha lüdiidiihea she mitlü kuqha.

ISAIA 28:14

Ümchaü namshiq ara Jerusalem chela pengtibi ka ashkongtamli sitlan. Taironglaq. Tatiwe raq jamlaiwa chongtla.

ISAIA 34:1

Warong ra, mangjong hiq wa mungrap mungrii thun! Riitam ronglaq. Lantea tai ronglaq. Hiqraikhüti tlotli kiimaq kiijaq siti loweatek ana warong ra. Lantea taiwa rongkiq.

ISAIA 34:8

Ahata Tatiwe raq Jajon chela kra khup wongke wan akhing. Kiimaq Jajon chela phuk lamke akhing. Raüta Jajon jaqtinok kra mijiip baiq wan.

ISAIA 5:3

Kra ningkhan ümchaü ikongtiwe raq akha ngutlo, “Namshiq Jerusalem na siti nai Juda mung na siti raq, ispiqro nai ngi liipan na juwa ajiq kra toqtan ronglaq.

ISAIA 59:4

Namshiq ka rung na riishoktlan, shatmaq namshiq kha ka phowe raq namshiq tlop na riikhaqli tri maq phokuq mak. Jamkhano ngukla namshiq raq arot saqse kuq lantea kha ka mitang hai nguta tiimatlan. Namshiq raq ahang han jaqsham kra klo lantea nanok ka tiichamchaotlan.

ISAIA 59:8

Kiimaq namshiq raq jamlai abi thiikho wa thutlan krii wiika ju min hangkilot mak. Namshiq raq jamlai jaq wa sham wan tlan kriika ajiq siisaq shamtlan. Namshiq khumkai chang lam ka kokatkat. Kiimaq kra lam phan phan khum kaiti ka ju min tiichhii wan lot mak.

ISAIA 66:5

Tatiwe raq jamlai wa ngutla kra taironglaq, namshiq apaiq ma haisong tlan kiimaq apaiq aming wokhong na sitlanti raq: “Namshiq ka iwokhong na tsapkapkap maq shongngatlan kha na, namshiqnok phong wa maiq wiijamti raq namshiq ka ngengtlo. Raüta namshiq rai riipanpiitlo. Tsangshiq raq namshiq slaliitlo raüta, ‘Tatiwe raq apaiq jonglu kra mitiichhi kuqlaq. Raüta namshiq ka mitiichhiilaq. Kra nguraütiq naishiq raq namshiq chochi kra miliisiqkai.’ Shatmaq tsangshiq riiwe ka jea ngaü raüta michaphaq!

JEREMIA 11:7

Ngi raq tsangtitiim ka Ejip mungwa tsuq wan kang akhing na, Ngi raq tsangshiq ma atsidada maq Ngi aming wokhong na siraajo nguta sinkham kuq wan kang. Krai mren ümchaü ranaiq niitaq saüli Ngi raq mungmaiqse ma hon lam wan tsü phathak nithak maq trantsii chongkuq wan ruq li riitiikang.

JEREMIA 19:3

Tatiwe raq ngi ma akha chonglaq nguto, “Juda mung hokhambi kiimaq Jerusalem chelati lei, tairong laq, Ngi Tati Ningkun Ajongwe, Israilnok Shiikeawe raq jamlai bom wa chongtiikang kra taironglaq. Ngi raq arhiq ara tiibunlak mitiithenbaiqha. Kra thenjen wan mra pin tsütsa ka taitibi maiq loweatek ka abom min lot mak tarü phiip raq mitsai.

JEREMIA 2:4

Tatiwe tsütsa ka taironglaq, namshiq Jakob saüse phan raq, Israilnok maiq phan thun raq.

JEREMIA 2:9

“Arningkhan, Ngi Tatiwe raq isenginok khuthaq na, kha nyantiikang sinkii kra misü nongha. Ngi raq tsangsaü tsangsetiim khuthaq na, kha thun kra rung na mishokha.

JEREMIA 25:31

Kiimaq kra hok-ho trang riinya ka hiq maita sup na saüli mirnya. Tatiwe raq maiqmung thun khuthaq na kha nyantlo. Apaiq raq maiqse angu kunli rung na mitiichap wan. Raüta abi maiqse thun ka wiita ajiip mirbaiq. Arka Tatiwe raq toqtanto.’”

JEREMIA 34:4

Jedekia lei, Ngi raq ümnaq miitu jamlai wa chongtiikang kra tiitsang tailaq. Rekhat na ümniika tsaimaü mirhaü.

JEREMIA 4:22

Tatiwe raq ngutlo, “Isenginok ka maiqjiq angikong; tsangshiq raq ngi sap mak. Tsangshiq ka nosere maiqjiqse kong ikha; tsangshiq raq takmak. Tsangshiq ka abi kiimung lam na siimakong, shatmaq jaqsham ahea phan sham ka sapmak.”

JEREMIA 4:28

Hiq raq majo mihoq; ra ka anyaq mirki. Tatiwe raq nguto, kiimaq apaiq raq atsantsii ka klaimak. Apaiq raq athapthi wan kun she kiimaq thongshi jai na jang mak.

JEREMIA 5:4

Kiijiishe ngi raq akha tiimakang, “Arkong arka miitsan maiqse kong, kiimaq jammin sapmak kong. Tsangshiq ka angok angi ikhli sitlo. Tsangshiq raq Shiikeawe tri lam phan sap mak. Tatiwe ka tsangshiq raq jamlai jaqsham raüwa michochi kra sap mak.

JEREMIA 51:5

Ngi, Tati Shiikeawe, Ningkun Ajongwe raq Israil mungti nai Juda mungti ka, Ngi Israilnok Ma Asiiwe, makki na ngarai pahea tang wanto. Li jiimin, Ngi, raq tsangshiq ka shubaiqtlii ka shubaiq mang.

JEREMIA 6:13

Maiq ajong aran wiita pili raq, kampho ka arot akiq lamlu kiiwa lapwan kli shiichaq wantlo. Shammibi nai ramwebi raq dongdii min mungmaiqse ka laoliitlo.

JEREMIA 7:28

Ümniiraq tsangshiq ma tsang mungti raq Ngi, Tsangshiq Tatiwe, Shiikeawe bom ka taimak riimakla, tsangshiq raq moho phataq kriiwa tsii chhiphaq mak dea nguta chonglaq. Atsap akap hon atsii atsaikai wishe. Kriika archong phan min riichongphan mak she.

JEREMIA 9:20

Ngi raq ngukang, “Tatiwe bom tai ronglaq, jechakre lei, lantea apaiq bomtsi tiitsang taironglaq. Lantea namsetiim jechaksere ma maajo shi shrinkuq ronglaq, kiimaq namkongtitiim ma maajo shi shrinkuq ronglaq.

JEREMIA 9:3

Tsangshiq ka wranaiqshe arot akiq chongtikong; mung na tingting chong rii na ajok aliiq kli chongtlo. Tatiwe raq ngutlo, “Isenginok raq phanshi abi klojai maq abi phanshi maq tiipatlo, kiimaq tsangshiq raq ngi ka tsang Shiikeawe nguta sap mak.”

JEREMIA 9:7

Arthun arkha na Ajong Pinthum Tatiwe raq ngutlo, “Ngi raq isenginok ka jin ikha wa na shulata michenha, lata tsangshiq ka mimaitai wanha. Isenginok raq abi klowanto; ngi raq tsangshiq ka jamkhiishe wa mirha?

EJEKIEL 16:35

Riita ümchaü sanha, mephe nyung Jerusalem lei! Tailaq! Tatiwe raq jamlai wa chongtlaq kra.

Hosea 12:2

Tatiwe raq Juda mung ma kha nyantlo. Apaiq raq Israilnok kiimin, tsangshiq raq ashut klowantaq kra phanphan, sintsang mitiiho. Tsangshiq raq jamkho ashut kowantaq, kra khan khan khatham mitiichamchao.

Hosea 12:3

Tsangti Jakob anyung wokmong maq, aphu achhopwe Isaü rai riikito. Kiimaq Jakob ka maiqlashe jawan raüta, Shiikeawe rai riiki siqto.

Hosea 5:1

“O, ramwebi lei, tairong laq! Israilnok lei tiitsang tairong laq! O, hokhambi lei nitiitsii lanta tai ronglaq. Jamkhano ngukla namshiq khapho akhing saüho tlo she. Namshiq ka Mijpa chela na hiqbikho ma jakilan. Kiimaq Tabor chela na namshiq khup miitu chiiq achan thü wishe.

Hosea 5:4

Tsangshiq raq abi ngarai pahea klowanto. Kriiraq tsangshiq ka Shiikeawe phana tiiwa mak shangbaiqto. Tsangshiq raq sumla phra shomnoq tlaq kra, tsangshiq khachang kharü ma jakito, tsangshiq raq Tatiwe ka sapmak laqbaiqto.

Yoel 1:2

O, welabi lei, ara bomtsi ara tairong laq, Juda mungti tarü raq ara tiitsang tairong laq! Namshiq pat na akha ramdong chhiwan lan shea? Kiimaq namwetiim pat niimin akha ramdong chhiwan tiishea?

AMO LUIK DVP (AMOS) 3:1

O, Israilnok lei, Tatiwe raq namshiq tiishut wan, khatan bom chongtlaq ara tairong laq. Israilnok namshiq ka Tatiwe raq Ejip mung wa, wiimungtam maq atsuq wan.

AMO LUIK DVP (AMOS) 7:16

Kiijiishe Amos raq ramwe jongwe Amajia bom ka akhiishe treto, “O, riita Tatiwe bom ka tailaq, ümniiraq ngi nang nga, ‘Israilnok khuthaq na riisham bomtsi tiithai naqchongkiq, kiimaq Isak saüsetiim khuthaq niimin, riisham bomtsi naqchongkiq,’ nguta ngutlaü.

Mikha 6:2

Rakaü hiqwe chap chang pumjong lei, Tatiwe raq asenginok ma kha nyantlaq kra tairong laq. Tatiwe raq asengi Israilnok khuthaq na kha nyan chang asi, apaiq raq Israilnok ma akuq, shiila raü kriishe diitlo.

John 8:55

Shatmaq, namshiq riika, apaiq ka juwa kra sap man dongdii sitlan. Shatmaq, ngi raq apaiq ka juwa asap ha. Ngi raq apaiq ka sap mang nguta tiingo ha jiika, ngi armin namshiq rai khoshi na kaiti siili, arot we ma mijaki damha wa. Shatmaq, ngi raq apaiq ka juwa asap ha. Kiimaq ngi ka apaiq aming kra lang lata apaiq wokhong na sitiikang.

Romans 1:28

Tsangshiq raq, riikhaqli Shiikeawe tiima tsantsii ka, tsangshiq tsan na thü mak maq, shishe tlaq kriikha niishe, apaiq raq tsangshiq ka ashe ashi tsantsii walü tlaq kra miili she likuq baiqto. Kra likuq baiqtaq kriika, tsangshiq raq sham mak chang phan thun wiita misham laq, nguta ngo maq likuq baiqto.

1 Corinthians 15:34

Namtsan namtsii ka jaqlo, tru wan tlo rong laq. Lanta ngarai lam phan kriiwa jang wan tlo ronglaq. Ngi raq ara namshiq ma tiijea tiisi son tiipha ara tai rong laq. Namshiq phong wa maiq wiijamti raq ümchaü niitaq dongdii min Shiikeawe ka sap man mak shaqli sitlo.

Revelation 2:11

“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tai rong laq! “Jurwa rekhat tang tlaq, kriiti ka thongnai tsai raq tiichamchao mak she miraq.

Revelation 2:29

“Juwa ni asi, Asii Wenyi raq phungtuti ma tsii chongkuq tlaq ara tiitsang tai ronglaq!