Hosea 4:1 - Hawa Naga Bible 2001

¹ Yehowa rueq vruex mungtan nuex httax yaq miqsaz htenc muex khawc lvlc juing httax yaq. Israel lex, vpiq rueq jungx yaq kuex tay shuiuz: “Vruex mungtan vyuq tvmtuing nuiyc lungwawc thuinz ngoz tueq vguez, miq htenc rueq muinz ngaz ngoc Tishox rvtueq ngoz tueq kvjungc wuez muq.

ASII LAKDAP Bible (BSI)

¹ O, Israilnok lei, taironglaq, Tatiwe raq namshiq ma kha nyantlo. Tatiwe raq akha ngutlo. “Armungti raq ngi ka tsangshiq Shiikeawe nguta sap mak. Tsangshiq raq ngi ka tsapkapkap maq shomnoq mak. Kiimaq ngi ma lungwii tsantsii rüm mak.

Hosea 4:1 Referencias Cruzadas

1 HOKHVMX 22:19

Mikaia rueq vkhoc tvhttoarc jungx yek tueq: “Yehowa rueq yvmx lac jungx yaq nguinx kvjaz kuex majuiuc tay shuiuz! Yehowa kuex raungmungx wawc vpiq hoc daungraungc htauk nuex ngaungc vtueq, vpiq raungkamx bix lotlaz muinz vpiq hep nuex jvp wuez yaq kuex ngaz rueq khiz tauk.

Tvtsvmc 81:9

Nuimshiq rueq vganc tishox kuex mkaq muinz nawk palx mvy muq.

ISAIA 1:10

Yerusalem lex, mmungx walaungx bix htenc nuiyc mmiqsaz htenc kuex Sodom nuiyc Gomorra miqsaz ikhoc yaungx yaq. Yehowa rueq mnoz muex jungx yaq kuex tay shuiuz. Naungshiq Tishox rueq mnoz muex tvluing kuq yaq kuex tay tvtsuingc shuiuz.

ISAIA 1:18

Yehowa rueq, “Majuiuc, naunghez rvjungc ix. Nuimshiq mvrax kuex tvguiy ikhoc shawx ruiux muinz, tsuik hek ikhoc ngaz rueq tvsawc hoal kuq phaungx. Nuimshiq mvrax kuex shawc hvlc, yuq muinz khelbuenx mul ikhoc luiz wvnc tuinx.

ISAIA 28:14

Majuiuc Yerusalem nuex httax yaq vruex miq htenc kuex guimz lawc jix thuinz vyungx walaungx bix lex, Yehowa rueq jungx yaq kvjaz kuex tay shuinz.

ISAIA 34:1

Miq phvnx lotlaz miq htenc lex, kaz wuez luit! Rvtuimx kaz vtueq tay shuinz. Ghaq nuiyc kvruex yuq httax yaq miq ruip rawx htenc kuex vyuq kaz vtueq tay kaz yaq.

ISAIA 34:8

Vruex vkhing kuex Yehowa rueq Zion palc wvnc nuiyc kvwawc ralx htenc kuex phuiuq lvmz shuex jauz rvtueq.

ISAIA 5:3

Kvkhoc rvtueq ngvy kungjix waz rueq, “Nuimshiq Yerusalem nuiyc Yuda mungx nuex httaz jix miq htenc lex, svpiq sunc nuiyc ngvy hvlwvl vruex phox kuq wvnc luit.

ISAIA 59:4

Nuimshiq kuex tvrac rungx nuex kaz ruiux muinz, nuimshiq kox nuex tvrac vrungx vraz lvmz vguez. Miqmac rueq taungx laz juing rot kaq kvjaz htenc nuex rvwak vtuinx. Mnoz rueq miq vganc jix waz kuex tvthuiuz sac tvkoc mnoz rueq kvmungx vshuiux.

ISAIA 59:8

nuimshiq httuiuc wvnc tuinx kvkaq vshiz muinz kvwungx juing vguez. Nuimshiq rueq shuimx shuinx phvnx ruip saz kuex tvrax muq. Nuimshiq rueq lvmx vkoarx kuex phvnx vshuinx, kvmaq khuemc jix vshiz muinz kvwungx juing httax tuex rvmuq.

ISAIA 66:5

Vpiq muex hiyaz vtueq vpiq kvjaz tay jix hez lex, Yehowa rueq jungx yaq kuex tay shuinz: “Nuimshiq kuex ngaz muex tvmtuing httaz ningkhvnc nuex nuimshiq miq wvyvmc rueq nuimshiq kuex shuiuc vtueq tvdux gay wuez shuex. Tsuingshiq rueq nuimshiq muex shummarc ngoz ngax vtueq, ‘Nuiyshiq rueq nuimshiq kokez tuinx kuex khiz roc vshix, kvkhoc rvtueq Yehowa vpiq ngauz vngax yunghvlc maq nuimshiq kuex mpalc wvnc shueq,’ ngoz tueq ngoz yaq. Yuq muinz tsuingshiq kuex yvlc svy rvhumc wuez tuex!

JEREMIA 11:7

Ngaz rueq tsuingshiq jix vwaz tamx kuex Ejip mungx wawc shvlx wvnc tauk nuex, ngvy kvjaz phvnc tvkoc ngaz rueq tsuingshiq muex tuemc kuq ruiux khvmc kuq tauk, ngaz rueq majuiuc raungnuiyq nuex httuiuc laz miq htenc muex tvhttoarc vtueq honc tvsvmz kuq vshaungx.

JEREMIA 19:3

Yehowa rueq ngaz muex jungx phuex, “Yuda mungx wawc hokhvmx bix nuiyc Yerusalem miqsaz lex, ngaz, Tvphaungc Tvsuip Yehowa Israel Tishox rueq jungx phaungx kuex tay shuinz. Ngaz rueq vruex baung vyuq kvkhoc thuimkux kuex tvdung gay shaungx, kvkaq kvruex lvmz tay jix miq tek vtueq kawc yawc wuez tuex.

JEREMIA 2:4

Yaku suiuz vsaz hez, Israel phvnx waruiuz htenc lex, Yehowa vpiq bomjungc kuex tay shuinz.

JEREMIA 2:9

“Kvkhoc rvtueq ngaz kuex ngvy miqsaz rulc lauk shiz rvkhawc lvlc yek taungx. Tsuingshiq suiuz vsaz rulc muinz rvkhawc lvlc taungx, ngoz tueq Yehowa rueq jungx tueq.

JEREMIA 25:31

vpiq guyc tvruingc kuex ghaq tvsuip nuex httuiuc laz rv-nyawx wvnc tuex. Yehowa rueq miqphvnx htenc muex khac tvgurc yaq. Vpiq rueq miq lotlaz kuex shvlx laq vtueq httuiyc ruiyc wisoz ruiux honc bac jix kuex thvt gay tueq. Yehowa rueq jungx yaq,’” ngoz tueq jungx shuex.

JEREMIA 34:4

Zedekia lex, mnoz nuex seng vtueq ngaz rueq jungx vphaungx kuex tay shuiuz. Mnoz kuex ralx rueq khvt thvt gay kv-phux rvmuq.

JEREMIA 4:22

Yehowa rueq jungx tueq, “Ngvy miqsaz kuex tharc guez; tsuingshiq rueq ngaz kuex tuiuz muq. Tsuingshiq kuex miqyaq nosaz rulx ikhoc yaungx yaq; tsuingshiq kuex vtuiuz vtay vguez. Tsuingshiq rueq layx bac yauk shuimc thenc hvlc, yuq muinz vhvlx kuex shuimx lvmz thenc muq,” ngoz tueq.

JEREMIA 4:28

Ghaq kuex vyonz yex vtueq; raungx kuex vnyauk rvwvnc tuex. Yehowa rueq jungx tueq kvjaz kuex vpiq thuinz nuex layc gay shuex rvmuq. Vpiq thuinz maq htvp htaz yauk shuimc kuex shuimx tueq, yix nuex rv-nyuik tuex rvmuq.

JEREMIA 5:4

Kvruex yimaq ngaz rueq, “Vruex hez kuex htemc saz jix rvtueq. Tuiuz tay muq jix hez rueq Yehowa thuinroc lvmx muinz, Tishox rueq tvkhic kuq yaq tvrac muinz tuiuz muq ningkhvnc nuex tsuingshiq kuex miqyaq yaungx wuez yaq.

JEREMIA 51:5

Ngaz, Tvphaungc Tvsuip Yehowa Tishox kuex, Israel muex Vsawc Waz ngoz yaq ngaz muex mvrax yaq ruiux doc muinz ngaz rueq Israel nuiyc Yuda kuex gay shec mauk.

JEREMIA 6:13

Vyungx vruinx miq tek vtueq tsuingmuq ruxmuq maq kuimphox thuiyx wuez yaq; shvmmax bix nuiyc shomc waz bix rueq muinz miq htenc laulawc wuez yaq.

JEREMIA 7:28

Mnoz rueq tsuingshiq kuex tsuingshiq Yehowa Tishox kvjaz phvnx vtueq, murx tvgurc yaq wawc tharc humc jix miqphvnx rvmuq lvmz kuex jungx shuiuz. Tvmtuing kvjaz kuex moz kaz shex. Vlvmx kuex jungx wuez muq.

JEREMIA 9:20

Ngaz rueq, “Yalxjuik rulx lex, Yehowa kvjaz kuex tay shuinz, piq kvjaz htenc kuex tay tvtsuingc shuinz. Msaz yalxjuik sahez kuex mkhoc khoarc juing lac tvluing kuq shuiuz, kvmaq mkungjix hez rueq yvmx khoc maungx huiuz juing lac shic kuex tvluing kuq shuiuz.

JEREMIA 9:3

Tsuingshiq kuex mkaq muinz vrot vkaq jungc tvkoc tvyoalc yoalx rvtueq; tsuingrux maq guimz tvraung tsuingmuq ruxmuq maq mungtan kuex guimz yaq. Yehowa rueq, “Ngvy miqsaz htenc rueq vbac phvnx yauk shuimc phvnshiz maq phvnshiz shuimx kaz vtueq ngaz kuex tsuingshiq Tishox ngoz tueq kvjungc wuez muq,” ngoz tueq jungx tueq.

JEREMIA 9:7

Vruex lvmz ningkhvnc nuex Tvphaungc Tvsuip Yehowa rueq, “Ngaz rueq ngvy miqsaz kuex tvyuimx rvyaq phvnx ikhoc jenx shaungx, tsuingshiq kuex ngaz rueq taruiyx lawc shaungx. Ngvy miqsaz htenc vbac yauk shuimc shuimx gay tueq- tsuingshiq kuex ngaz rueq yvmx khoc lac rvlot shaungx?

EJEKIEL 16:35

Kvkhoc rvtueq, Yerusalem lex, mnoz kuex mephex nyuiuz yaungx vtuiux! Yehowa rueq jungx yaq kvjaz tay shuiuz.

Hosea 12:2

Yehowa rueq Yuda miqsaz muex mvrax tvgurc juing vhttax doc; vpiq rueq Israel muex muinz tsuingshiq honc vyaungc tv-phvnc murx tvgurc shuex. Tsuingshiq rueq shuimx yaq rulc rv-ngvlc vpiq rueq tsuingshiq muex tvyez kuq shuex.

Hosea 12:3

Tsuingshiq jix Yaku kuex vnyuiuz wuk mungx nuex httax tueq jauz dvyx piq rulc vpop vphuz Esaw tsuingnueyc rvmulc phoal phak tueq; Yaku kuex pez wvnc vtueq Tishox rulc rvkhvrc tueq.

Hosea 5:1

“Nuimshiq shomc waz bix lex, vruex tay shuinz! Israel miqsaz lex, tay shuinz! Hokhvmx yuimx taungx nuex seng yaq hez lex, tay shuinz! Nuimshiq kuex tvrac vlvmz maq phoc kuy rvhumc tuinx ikhoc haz tvmaung vshuinx; kvkhoc rvtueq khac phoc kuex nuimshiq htauk nuex httuiuc tuex! Nuimhez kuex Mizpa ghaq nuex bix muex yaungx vtueq, Tabor Kanx htauk nuex jak tvparc shec ruiux,

Hosea 5:4

Miq htenc rueq shuimx tueq layx vbac yauk shuimc kuex tsuingshiq Tishox kox nuex yek waungc juing wawc tsuingshiq kuex tuingshaung gay yaq.Yac yuimx nawk palx layx luimc vkawc yunghvlc rueq tsuingshiq kuex puingc wvnc tueq, tsuingshiq kuex Yehowa muex kvjungc wuez muq.

Yoel 1:2

Rullungx nyuiuz waz rulx lex, tay shuinz; Yuda mungx wawc miq pumz tek vtueq, tay wvnc shuinz. Nuimshiq pat nuex muinz nuimshiq jix vwaz pat nuex muinz vkhoc phvnx htenc kuex yaungx wvnc tueq haz?

AMO LUIK DVP (AMOS) 3:1

Israel miqsaz lex, nuimshiq nuex seng vtueq Yehowa rueq jungx tueq vruex bomjungc vmuinz, vpiq rueq wvphvnx tuimx Ejip mungx wawc shvlx wvnc tueq kvmuinz tay wuez shuinz:

AMO LUIK DVP (AMOS) 7:16

Kvkhoc rvtueq Yehowa rueq jungx yaq kvjaz kuex tay shuinz. Mnoz rueq ngaz muex rawshvmx shvmx mauk tvkoc muinz, Israel miqsaz muex khawc lvlc kvjaz tvthauk gay tvkoc muinz jungx vshuiux.

Mikha 6:2

Ghaq phaungx yaq vjungx vbaung rvtueq kanx htenc lex, Yehowa khuec vkhac kuex tay shuinz! Yehowa kuex vpiq miqsaz htenc muex nyvnc yaq khac vshiz httax yaq. Vpiq rueq Israel muex mvrax tvgurc shuex.

John 8:55

Yuq muinz vpiq kuex nuimshiq rueq tuiuz muit, ngaz rueq dvyx tuiuz vshaungx, mkhoc shoc maq ngaz rueq muinz tuiuz mauk ngoz ruiux kuex, ngaz muinz nuimshiq kvkhoc vrot vkaq jungc jix waz muex yaungx taungx, ngaz rueq Iwaz kuex vsuing tuiuz vtueq vpiq kvjaz kuex tay vshaungx.

Romans 1:28

Tsuingshiq rueq Tishox kuex wvlc guez waqguez tvyaungc gay ningkhvnc nuex Tishox rueq tsuingshiq kuex tvdux gay koq tueq, tsuingshiq rueq vlvmx tvmaung lot juing thuinz kuex vguez shex, shuimc mvy muq phvnx dvyx shex shuimx kaz wuez vshuex.

1 Corinthians 15:34

Tsuingrux lvmx phvnc tvkoc svmz wuez kuinz, mvrax yauk shuimc nauk shuimx kaz shex. Nuimshiq wawc wvyvmc rueq Tishox tuiuz muq; vkhoc ngaz rueq jungx vphaungx kuex nuimshiq yvlc svy rvhumc tvkoc rvtueq.

Revelation 2:11

“Siyac rueq phungc htenc nuex yvmx khoc lac jungx wvnc tvnx kuex, nac vhttax waz rueq mtay wvnc shueq! “Vtaungx wvnc jix waz kuex lauknueyc thueyc juing wawc luenx wvnc tuex.

Revelation 2:29

“Siyac rueq phungc htenc nuex yvmx khoc lac jungx wvnc tvnx kuex nac vhttax waz rueq mtay wvnc shueq!