Hosea 4:2 - ASII LAKDAP Bible (BSI)

² Tsangshiq raq kiqkhamtlo. Shatmaq tsangshiq riili diibaiq nongtlo. Tsangshiq raq arot akiq bomtlo. Kiimaq tsangshiq ka maiqtseati, ahuk jati, maiqchak rai srati, khachü thaq na khanye tiipati, mat kha ashi dong jai, khanye maq tiipati.

Hawa Naga Bible 2001

² Tsuingshiq rueq bomkhvmc taq tueq kvruex tvbac gay tueq; tsuingshiq kuex vrot vkaq, miq thvy gay, vguiuq nuiyc miqjuik miqwaz rulc rvsenc yauk shuimc shuimx wuez yaq. Khuec khac yauk shuimc paung wvnc vtueq miq thvy khac kvhtvp kvhtvp yaungx yaq.

Hosea 4:2 Referencias Cruzadas

RAPHA HIQWA LAK 4:8

Kiijiishe Kain raq ano Abel ma nguto, “Nanai rum na ki i.” Kiimaq tsangnai ka rum na shon, Kain raq trosaq raüta ano ka tsat baiqto.

ISAIA 24:5

Maiqse raq Shiikeawe tri jin raüta kiimaq apaiq raq pattup pat-sa miitu tongshong wantaq tri ka jin raüta hiqraikhü ka tiisheshibaiqto.

ISAIA 48:1

Ara taironglaq, Israilnok lei, Namshiq Juda saüsetiim raq: Namshiq raq Tatiwe mang chong lantea tiitumtlan; kiimaq Israilnok Shiikeawe ka shomnoqtiikai nguta tiitsakitlan. Shatmaq namnübok maq bomtlan ka rakhütsiri miili bomtlan.

JEREMIA 51:5

Ngi, Tati Shiikeawe, Ningkun Ajongwe raq Israil mungti nai Juda mungti ka, Ngi Israilnok Ma Asiiwe, makki na ngarai pahea tang wanto. Li jiimin, Ngi, raq tsangshiq ka shubaiqtlii ka shubaiq mang.

JEREMIA 6:7

Khappong chum raq akham ka khangriri hea thütlaq ikha, Jerusalem riimin abi kiimung ka anye siisaq thütlo. Ngi raq chela mong na jasam piqsii trang nai athen wan trang taitiikang. Atsi asi kiimaq ami atsi tam tong long kli ngi raq chhi tiikang.

AJONJÜ 4:13

Kriika shammibi ngarai nai ramwebi shut kha maq thento. Tsangshiq raq sephii nojii maiqheati, tiijai raübaiqto. Kriikha na thento.

EJEKIEL 7:23

“Phanrap lam na mungbrak shaq wa trangkli she. Mung na maiq riitseata trangli she. Kiimaq chela thun na jasam piqsii trang wali she.

Hosea 10:13

“Shatmaq namshiq raq abi jaqsham minshiiq wan lan. Lanta ashut aphit tsam jut lan. Arot akiq rilung lamphan tsam siq wan lan. Namshiq raq han-ngam ningkun ma kamwan lan. Namshiq rewe pahea nguta kamwan lan.

Hosea 10:4

Krai mren, tsangshiq arot akiqnok. Tsangshiq liipan na kiqkham raüpot kha tlaq, silu tongshong wantlaq thun ka atuli. Tsangshiq raq shreng wan mak. Kra ningkhan, tingting kappe tri raütu, arot kappe miishe songbaiqto. Krai mren tsang mung na, khü akha pahea dongtlo. Wakjam ram na shuklai awanki ikha, Tsamcham rü na shukrü tonglong jong wanto.

Hosea 11:12

Tatiwe raq ngutlo, “Arot akiq Israilnok jaqsham, lapphaq lusiq tsangshiq thiitham, ngi tro na amashe phong wanto. Juda mungti riimin, tsapkapkap mangchan tsii rümti, asii Shiikeawe kiqkhii sru wan ruqli.”

Hosea 12:14

Shatmaq Israilnok raq, Tatiwe tsan pinthum tiikhiq wanto. Kriikha na tsangshiq ma tsailam tiisaüto. Tsangshiq raq Tatiwe mang tiibi wanto, kriikha na Tatiwe raq tsangshiq, sintsang maq mitsat.

Hosea 5:2

Kiimaq namshiq tiithap chang thiikho, Shittim chela na tiije theje she. Shatmaq ngi raq tsangshiq wiita mitsatbaiq wan ha.

Hosea 6:8

Gilead chelati ashut kloti siisaq, Matsaü tsase siisaq.

Hosea 6:9

Thiimeaqkong raq thiimeaq tek tlaq ikha, ramwebi raq thiimeaq tektlo. Asii Shekhem chela lam wa, bom hairaüta maiqtsattlo. Tsangshiq raq abi pinthum ngarai tangtlo.

Hosea 7:1

Tatiwe raq ngutlo, “Ngi raq isengi, Israilnok ka tiichhanchhi wanla, lata arong awinnok ma tiija wan la nguta, tiima wan kang la, tsangshiq ngarai phong kli chhiwan tiikang. Tsangshiq liipan na arot akiq, ahuk arot jaqsham kli chhi wan tiikang. Maiqjam mong na nyapwa raüta, ahuk jawan kli chhitiikang, chiiheawea na thiimeaq daku ja tlaq kli chhitiikang.

Hosea 7:3

Tatiwe raq ngutlo, “Mungmaiqse raq, ashut kiimung raüta tsang hokham laotlo. Luletsii chongkuq raüta welabi, lamjiq na sheahotlo.

Hosea 7:4

Tsangshiq ka hokham jaqkhong na siromak. Apaiq ka jamkha moraüta, tiidea chang wa kli kiimungtlo. Tsangshiq makshu rashe tsantsii ka, winsii lumchang watum ikha, winsii mijashaq wiiwii nyaitlaq ikha nyaitlo.

Mikha 3:2

Shatmaq namshiq raq tingting tri ka ashishe riitlan. Lanta ashut tri kra lang tlan, Namshiq raq isengi mungmaiqse ka akhü koq lanta tiichamchao tlan. Kiimaq tsangshiq ka riitsi tsaitsiiq siphaq tlan!

Mikha 3:9

Jakob jamti tuwebi nai, Israilnok aki shillangbi lei, tai ronglaq, ngi chongpha, tingting tri shisheti, ajiq ka alam ma tiijatibi, alam nang ka ajiq ngu.

Mikha 6:10

Ashut klowanti jamkun na, chaq asengtum raq ama. Kra piikii tum totlaq kriika, mungmaiqse laolii raüta alap. Tsangshiq raq tok ajiq maq, hupsam shin raüta, rithü tlo. Kra maiqmop chang tok ka, ngi raq pinthum shulii tiikang.

Mikha 7:2

Maiqshaq weshi min ahüshe mungkang hiq na, Shiikeawe tsanwa maiq ahüshe. Maiq angu tarü matsaü tsasekong siisaq. Weshi raq weshi tseabaiq wan kriili she rittlo.

JEPHANIA 3:1

Jerusalem chela ka thento she, mungrüm kappe sham tsin mak, Shiikeawe bom taimak chelati, senaino mungmaiqse shaphaqti.

JEKERIA 5:3

Kiijiishe apaiq raq ngi ma akha chongto, “Kra lakdam na armungti tlotli ma manson tiinishi saü wan tlaq kra waiq thüto. Kra lakdam jaq, siimko niika armungti phong wa, juwa ahuk arot jawan tlaqti kra kunli, armung wa alamshe mirbaiq nguta waiqto. Kiimaq siimko niika armungti jurwa rung na atiitum raüta, arot akiq saqse kuq tlaq, kriiti ka wiita kunli alam she mirbaiq nguta waiqto.

JEKERIA 7:9

“Man na rathup rapha niiphü ngi raq isengi ma ara aming kuqkang: ‘Namshiq raq tri ka riikhaqli ating maq sham raa. Kiimaq maiq ashi maq riita ashi ma tsan hea tsiihea mangchan tsii tiichhi raa.

Matthew 23:35

Riita ara chong tiikang arai mren, maiqtu ngampü thun kiimaq asii chiisan maiqse thun tsatbaiq wan taq kra mat kha ka, namshiq khupo na misaü wan. Abel maq pha lanta Birekhia se Jekeria, apaiq ka namshiq raq Shomjam mong na aluchiim nai tsaüwe khamchong liipan na tsatbaiq lan. Arthun ngarai ka namshiq raq miho han.

Acts 7:52

Riita, namtitiim raq, shammibi ka wiitarü tiichamchao wan je siisaq riito. Shiikeawe raq apaiq kechu Kolise tiikitlaq kra tsütsa chongke miitu, man na rathup rapha ji niiphü, apaiq tsütsa chongke wanti shammibi ümchuwa tiikitaq thun kriika, tsangshiq raq wiita tsatbaiq wanto. Krai mren, ümchaü namshiq riimin, apaiq luqkhapse ka tiishaü baiq lan. Lanta, apaiq ka tsatbaiq lan.

TRI CHONGKE 5:11

“‘Imang ka abi kiimung miitu naq chongkiq. Jamkhano ngukla Ngi ka üm Tatiwe Shiikeawe raq, jurwa imang sha phaqti ka Ngi raq tiijoq mang mitiicham chaoha.

TRI CHONGKE 5:18

“‘Maiqchak rai naq srakiq.

TRI CHONGKE 5:19

“Ahuk naq jakiq.

1 Thessalonians 2:15

Tsangshiq ka Jesuq Khristo tsea baiqti. Kiimaq Shiikeawe shammibi thun kra tseabaiqti. Kiimaq tsangshiq riisü hali, naishiq thun armin ümtinkhan wa tiichamchaoto. Tsangshiq raq Shiikeawe maklii na abi pinthum klo tlo! Tsangshiq ka wiitarü ma wesang ralii sitlo!

Revelation 17:6

Ngi raq kra nyung ka, asii maiqsetiim tiijai nai Jesuq hakhi ma jawanti tsatbaiq wantaq kra tiijai nyang raüta, chephe maakaiq chhikang. Ngi raq apaiq ka chhi lata pinthum awang raili she riikang.