Hosea 6:9 - ASII LAKDAP Bible (BSI)

⁹ Thiimeaqkong raq thiimeaq tek tlaq ikha, ramwebi raq thiimeaq tektlo. Asii Shekhem chela lam wa, bom hairaüta maiqtsattlo. Tsangshiq raq abi pinthum ngarai tangtlo.

Hawa Naga Bible 2001

⁹ Shomc waz bix muinz miq vshiz kuex khvt tvkoc khoyx bvmc yaq dakuc phungc rulc rv-ngvlc yaq. Shekhem ghaq nuex kay juing lvmx nuex doc muinz tsuingshiq rueq miq thvt gay tueq. Tsuingshiq rueq vruex layx bac yauk shuimc lotlaz kuex htvmhtvmx maq shuimx yaq!

Hosea 6:9 Referencias Cruzadas

RAPHA HIQWA LAK 12:6

Abram ka kra mung hamli maq kihoto raüta Shekhem chela na asii pechong More hiq na sitlaq kiijaq saüli kito. (Kra akhing na Kanannok ka kra mung na sishat li riito.)

1 HOKHVMX 12:25

Hokhamwe Jeroboam Israil mung langtiwe raq ku akin tonglong Ephraim wang wa Shekhem chela, ka trotam maq kiitelong maq rukto. Raüta apaiq ka kiijaq heashi sithüto. Raütiishe apaiq ka kriiwa tiijin wanto. Raüta Penuel chela kriishe trotam maq kiitelong maq rukto.

EJRA 8:31

Riita, ara chongtiikai arai mren, rawii pha wan jipi lü jikham raroqshiri ranaiqnai angu niishe, naishiq ka Ahawa chela kii maq kitlaq jürai kiimaq, Jerusalem na wawan miitu manglaü wanhiq khum tiido wan kai. Naishiq Shiikeawe raq naishiq ka ara lam luhea wanhiq khum wan kai kra, lam wiilülü, chiqse rewe mak liiwa, kiimaq lam na chiqhuk rehuk raq bom hairaüta akhe wan wa, wiita tiikhup wongkuqto. Raüta khu asang maq naishiq ka shea wanto.

JEREMIA 11:9

Kiijiishe Tatiwe raq ngi ma chongto, “Juda mungti nai Jerusalemti raq Ngi tiishut ma thiikho thutlo.

EJEKIEL 22:25

Mungtubi ka hangsikong raq ngam kaq raüta ngam riichhin phaqtlaq ikha ahok aho riitlo. Tsangshiq raq mung maiqse ka tsat baiqtlo. Raüta tsangshiq kampho kra nai tsangshiq tachong hupsam thun ka alaplap nyeahotlo. Kiimaq tsangshiq raq maiq tsatbaiqtaq raüta jechakre pahea manti nyungre ma tiijabaiqtlo.

EJEKIEL 22:27

Kiimaq munghupti ajong alabi thun ka shekong ikha, ngamkaütiim ka kaq raüta jamkho kholam kholiiq chai phaqtlaq ikha mungmaiqse ka kaqphaqtlo. Tsangshiq raq maiq miisaq tantlo. Raüta chiithe ma jatlo.

EJEKIEL 22:9

Ümsenginok wa maiq wiijamti raq rung na arot hakhi kuq raüta maiq ka sepii pahea tiitsat baiqtlo. Tsangshiq phong wa wiijamti raq sumla phra phong ma honglu ataakuq ngam kra nyiimtlo. Kiimaq maiq wiijamti ka tsang sükhatsi kra ngeasiq raütli sitlo.

EJEKIEL 23:27

Ngi raq ümniiraq ümtinkhan wa sethoq sepii jasha tlaü kiimaq khaiqhü naiqhü maq tiichan netlaü kriimin atiitsaq she mirbaiqha. Arthun arka man na Ejip mung na siji niiphü dongdii klowan laü. Ümniiraq sumla phra thun ka mak maq lii min maimak she. Kiimaq Ejip mung miitu ka tsan na tiima maimak she.”

Hosea 2:10

Lata Ngi raq apaiq ka akongtiwetiim makki na, adü wa akhu akhea thun ka chhut baiq lata, apaiq ka naiqhü she mitiingaha. Kiimaq kra akhing na apaiq ka ijaqkhon mong wa juwe riimin tiichhiikuq lot mak she miraq.

Hosea 4:2

Tsangshiq raq kiqkhamtlo. Shatmaq tsangshiq riili diibaiq nongtlo. Tsangshiq raq arot akiq bomtlo. Kiimaq tsangshiq ka maiqtseati, ahuk jati, maiqchak rai srati, khachü thaq na khanye tiipati, mat kha ashi dong jai, khanye maq tiipati.

Hosea 5:1

“O, ramwebi lei, tairong laq! Israilnok lei tiitsang tairong laq! O, hokhambi lei nitiitsii lanta tai ronglaq. Jamkhano ngukla namshiq khapho akhing saüho tlo she. Namshiq ka Mijpa chela na hiqbikho ma jakilan. Kiimaq Tabor chela na namshiq khup miitu chiiq achan thü wishe.

Hosea 5:2

Kiimaq namshiq tiithap chang thiikho, Shittim chela na tiije theje she. Shatmaq ngi raq tsangshiq wiita mitsatbaiq wan ha.

Hosea 7:1

Tatiwe raq ngutlo, “Ngi raq isengi, Israilnok ka tiichhanchhi wanla, lata arong awinnok ma tiija wan la nguta, tiima wan kang la, tsangshiq ngarai phong kli chhiwan tiikang. Tsangshiq liipan na arot akiq, ahuk arot jaqsham kli chhi wan tiikang. Maiqjam mong na nyapwa raüta, ahuk jawan kli chhitiikang, chiiheawea na thiimeaq daku ja tlaq kli chhitiikang.

Mikha 3:9

Jakob jamti tuwebi nai, Israilnok aki shillangbi lei, tai ronglaq, ngi chongpha, tingting tri shisheti, ajiq ka alam ma tiijatibi, alam nang ka ajiq ngu.

Mikha 7:2

Maiqshaq weshi min ahüshe mungkang hiq na, Shiikeawe tsanwa maiq ahüshe. Maiq angu tarü matsaü tsasekong siisaq. Weshi raq weshi tseabaiq wan kriili she rittlo.

JEPHANIA 3:3

Apaiq sengi aki miikiimbi ka, hangsikong ikha ahok aho watrangli. Aphowebi ka shekong aramtsi khumtlaq ikha, süramhea ngamrii ka, anap ranap miitu min tiichong mak she phaqtlo.

Mark 14:1

Riita kra akhing na Tiichhii Wan Poi nai Pi Maq Shohü Winsii Phaq Poi phaho miika, ranaiq nai lishe asi riito. Kiijaq Ramwe jongbi nai Thungtri shrinketibi raq, Jesuq ka ahukse maq lap raüta, tsea baiq chang nguta mat raü ka shun jam she riito.

John 11:47

Krai mren, Phorisinok nai ramwe jongbi ka welabi rai ngongthun raüta bom ka akhiishe riiwaito, “Riita, ümchaü nashiq raq ara jamkhii riichang wa? Liimanta, apaiq raq atinkhan she awang chang jaqsham tlaq ara!

Acts 4:24

Tsangnai nü wa kra tsütsa ka Phungmaiqsetiim raq tai raüta, tsangshiq tarü tsantsii ashi maq, Shiikeawe jaq wa akha achu jaüto, “Rakaü Hiq we Tatiwe lei, ra nai hiq phansangti, kiimaq sammoktra jü phansangti, kiimaq ra takiq na sitlaq tsitsü asi tarü phansang wanti we lei!