Hosea 6:10 - ASII LAKDAP Bible (BSI)

¹⁰ Isenginok Israil raq, chonglot maichang, abi ngarai pahea tangto. Raüta ashe ashi maiqse jakito, kriika phra sumla noq riito.”

Hawa Naga Bible 2001

¹⁰ Ngaz rueq miqsuirc vsac phvnx shiz Israel mungx nuex khiz tauk: ngvy miqsaz hez rueq tsuingshiq pumz kuex yac yuimx nawk palx vtueq tvshuy shac wuez yaq.

Hosea 6:10 Referencias Cruzadas

1 HOKHVMX 12:8

Shatmaq apaiq raq nyungwere raq tsii achongkuq kriika shipoq baiqto. Raüta apaiq ka jerobi apaiq rai ajong wandamti rishishi kong ümchaü danhonti kong phaniishe kihoto.

1 HOKHVMX 15:30

Ara chongthum ma tiijabaiqtaq arka, Jeroboam raq Tatiwe, Israilnok Shiikeawe tsankhiq shaü wan kha maq thumto. Apaiq raq ngarai pahea klo wan raüta Israilnok ka ngarai thiikho na tiidea baiq kha na riito.

2 HOKHVMX 17:7

Samaria chela re jaq na dea wantaq kriika Israilnok raq Tatiwe tsangshiq Shiikeawe tsangshiq ka Ejip mung hokhamwe jaq khon mong wa tiichhii wantiwe, raüta tsangshiq ka Ejip mung wa tsuq wantiwe man na ngarai tang kha na thento. Tsangshiq raq laihin phra thun shomnoqto.

JEREMIA 18:13

Tatiwe raq ngutlo, “Maiq mung aweatek ma wairong liina, tsangshiq riimin akha klo wan tiisha, Israilnok raq pinthum ashut klo wantaq akha!

JEREMIA 23:14

Shatmaq arthaq niimin bihea Jerusalem na siti shammibi raq sham wantlo; tsangshiq ka maiqchak rai sra tlo kiimaq arot chongtlo; tsangshiq raq nokmaiqse ma ashut jaqsham khrumtlo, kra ningkhan abi kiimung ka jurmin tsaq mak phan kiimungtlo. Ngi maklii niika tsangshiq tarü Sodom nai Gommorati ikha ngarai kaü siisaq.

JEREMIA 3:6

Josia ka hokham jatlaq akhing Tatiwe raq ngi ma nguto, “Sethoq nyung Israil raq jamlai wa klotaq kra chhitlaü shea? Apaiq ka iwokhong wa ahin niishe juhoto. Raüta kin diilulu aweatek na, kiimaq pesang chong ajaq nüm hea chongjitek na, ngaraüta mephe-nyung ma jato.

EJEKIEL 23:5

Ohola ka ijamti nyung. Shatmaq apaiq ka mephe miili jaruq riito. Apaiq raq sethoq pinthum awesetiim Asiria mungti rai kiicham raütli sito.

EJEKIEL 23:7

Apaiq ka Asiria mungti ajong ala siihiipbi tlotli miitu mephe nyung riito, kiimaq asethoq tsi ma apaiq raq Asiria mungti sumla phra thun kra shomnoq wanto. Raüta akhum ka tiishebaiqto.

Hosea 4:11

Tatiwe raq nguto, “Che riidea, che nai spiqtai bak nyang raüta, isenginok sung atsii wiita then wanto!

Hosea 4:12

Liimanta! tsangshiq raq pepan kiima, shammi bom chong laq, nguta riibom dam tlo! teitlang chang piq kii ma, ‘Chongkuq laq’ nguta bom wai tlo! Tsangshiq raq ngi ka miimbaiqto. Raüta mephe-nyung ikha, tsangshiq sumla puk na nyap wanto.

Hosea 4:17

Ephraim ka sumla phra puk niishe shang wanto. Ahea bam-ümkiho laq, maiqmii raq thithi.

Hosea 5:3

Ngi raq Israilnok ka juwa asapha. Tsangshiq rilung ka imakki wa tiipaükilot mak. Tsangshiq ka mephe-nyung ma jawanto. Israilnok ka ashe she. Tsangshiq raq ngi shomnoq wan thek mak she,”