Hosea 6:8 - ASII LAKDAP Bible (BSI)

⁸ Gilead chelati ashut kloti siisaq, Matsaü tsase siisaq.

Hawa Naga Bible 2001

⁸ Gilead ghaqyungx kuex layx bac jix miqsaz nuiyc miq thvy gay jix hez dvyx mvrc yaq.

Hosea 6:8 Referencias Cruzadas

2 SAMUEL 20:8

Tsangshiq ka Gibeon chela na longkaü ajongwiq kriijii she saükito. Kriijaq Amasa ka tsangshiq rai riihumto. Joab ka rekhat miitu tiijeje achhü na shinket maq tiiphashat jasai ka ahi na wishat riito. Apaiq ka khaki nü na akiim wiiq wan saq riikiita, ajasai kriika ahi mong wa tiichat kito.

2 SAMUEL 3:27

Riita Abnar ka Hebron chela niishe saüwa kiita, Joab raq apaiq ka Abnar ma bomhuk chongke ikha tiiman raüta, Abnar ka kilamchong phai tho kriijaq apaiq honhonse she sheahoto. Raüta kriijiili awokpo na jasai maq shuk baiqto. Raüta tsatbaiqto. Arka Abnar raq Joab ma ano Asahel tsattaq kra phuklam she tsatto.

1 HOKHVMX 2:5

“Arthaq niimin bom ahin min asi shaqli. Ümniiraq asap haü, Joab raq Israil mung phenlabi pengti phentu ajong wenai Ner se Abnar kiimaq Jethar se Amasa kra tsatbaiqto. Raüta ngi ma ümtinkhan wa itsan tiitsi wanto. Tsangnai raq rekhat lam maq maiq tsattaq, kra phuklam she apaiq raq mung atsing akhing na tsangnai ka tsatbaiqtaq ira ümtsan na tiitsang shat kata. Apaiq raq maiq sangti ka tsat baiqto. Kra mat kha na ngi raq chamchao hum wan chang riito. Kra mat khaho ka ikhupo na tiisaü wanto.

Tvtsvmc 10:8

Apaiq ka hiqshong thun na tiipaütlo, raüta maiqsang nokmaiqse tseabaiq ma khetlo. Apaiq raq ümkoq ümphaq maiqse ka akaqphaqho sisintlo;

Tvtsvmc 141:4

Ngi raq ajiq kiimung chang wa tiiwong kuqshat riilaq, kiimaq abi kloti raq abi jaqshamtlaq kiijaq lomdam mangchang tiiwong kuqlaq. Ngi raq ümtiikiimin tsangshiq poi ka lomdam mang chang tiiwong kuqlaq.

Tvtsvmc 59:2

Kra abi maiqkong jaq wa ngi chhiilaq; kra maiqtseati matwekong jaqkhon wa ngi tiichhiilaq.

JEREMIA 11:19

Ngi ka skuse arümti wokhong na tlam raüta haiseati kiiwa lapho raüta taphaq hotlaq ikha atseabaiq miitu tiikho thuto. Ngi ka tsangshiq raq jamlai wa abi thiikho thutlaq kra akhiismin hemang riikang. Tsangshiq liipan na akha riichongto, “Pechong ka aheawiq ajaq aji nüm wala, kra adaqli she riibaiq rong i na; nashiq raq apaiq ka tsatbaiq haijiika, maiq raq jurmin tsan na tiitsang mak she miraq.”

Hosea 12:11

Kra taümaq dongdii min, tsangshiq raq phra sumla, Gilead chela maq noq wanto. Kriikha na tsangshiq tsailam she mirhum wan. Tsangshiq raq minsaü pongwetiim, Gilgal chela na phra sumla ma takuq wanto. Krai mren, berong-wacha thun ka, re raq wiita mitiibunbaiq wan. Raüta longkaü rongli she miraq.”

Hosea 12:12

Namti Jakob Mesapotamia mung na tiipaü juto. Kiijaq maiqjam na sito. Raüta tsangnyung lam miitu ahuchhiwe jaqshamto. Tsangnyung lap miitu ahuchhiwe skukong rümto.

Hosea 4:2

Tsangshiq raq kiqkhamtlo. Shatmaq tsangshiq riili diibaiq nongtlo. Tsangshiq raq arot akiq bomtlo. Kiimaq tsangshiq ka maiqtseati, ahuk jati, maiqchak rai srati, khachü thaq na khanye tiipati, mat kha ashi dong jai, khanye maq tiipati.

Hosea 5:1

“O, ramwebi lei, tairong laq! Israilnok lei tiitsang tairong laq! O, hokhambi lei nitiitsii lanta tai ronglaq. Jamkhano ngukla namshiq khapho akhing saüho tlo she. Namshiq ka Mijpa chela na hiqbikho ma jakilan. Kiimaq Tabor chela na namshiq khup miitu chiiq achan thü wishe.

Mikha 7:2

Maiqshaq weshi min ahüshe mungkang hiq na, Shiikeawe tsanwa maiq ahüshe. Maiq angu tarü matsaü tsasekong siisaq. Weshi raq weshi tseabaiq wan kriili she rittlo.

Acts 25:3

Phestas ma Paul ka Jerusalem na tiiwa raüjaq ahea nguta bom ka thuto. Paul ka tiiwa raüla apaiq ka lam wiili tsea baiq ma nguta tsangshiq raq ahukse maq reraü ka ashun wishe riito. Kriikha maq tsangshiq raq bom ka kiikha thuto.

JOSHUA 21:38

Kiimahali Gad phan rii hiqshong binjü kiiwiika tsangshiq raq chela blai lapto: Gilead wang wa Ramoth, kra tro binjüwa nyamse rümchang nyiimlung wak ram thun min romshaq (arka Chiimjin chang chela phong wa ashi), lapto, kiimaq, Mahanaim,