Hosea 6:7 - ASII LAKDAP Bible (BSI)

⁷ “Shatmaq isenginok raq tsangshiq ma akuq ha, Kannan mung wa Adam chela na saü raüta, tongshong jaqkhaq raü atiipakuqha, tsangshiq raq kra diibaiqto.

Hawa Naga Bible 2001

⁷ “Yuq muinz tsuingshiq kuex ngaz rulc vtaq bomkhvrc kuex Adam rueq ikhoc tvbac gay ruiux, ngvy htauk nuex tvmtuing httax wuez muq.

Hosea 6:7 Referencias Cruzadas

RAPHA HIQWA LAK 3:11

“Ümniika kheahü ma nguta ümniima juro chongta?” Shiikeawe raq waito. “Ngi raq petsi naqsiqkiq nguta chongpha irsha siqlaü?”

RAPHA HIQWA LAK 3:6

Kiimaq jechak nyung raq pechong ka kai tsomhea chhito kiimaq atsi ka asea ma kai aheawiq miraq nguta liito. Kiimaq apaiq raq phaqchi maiqse ma jawan ka kai pinthum ahea miraq ngutaq atsan mong na shiweato. Krai mren apaiq raq petsi wiijam ka pan raüta siqto. Raüta petsi wiijam ka tsangwe miishe kuqto. Kiimaq apaiq riimin she siqto.

2 HOKHVMX 17:15

Apaiq raq tsangshiq ma hon atsii achongkuq thun kra tai mak tleato. Apaiq raq tsangtitiim rai tongshong wantaq raükha thun kra lang mak riito. Kiimaq apaiq raq tsangshiq honlam tsü achongkuq bomtsi thun kiimin wiita shipoq wanto. Tsangshiq raq thiihü sumla phra thun shomnoq wanto. Raüta tsangshiq maiqmii kiimin hiqtili miishe jakito. Kiimaq tsangshiq raq tsangshiq tro na siti thatsang maiqse pongmungti thung alai thun kra lang wanto. Raüta Tatiwe raq tsangshiqnok jai naq phan rongkiq nguta aming akuq kra jinbaiq wanto.

YOBA 31:33

Maiqwere ahinti raq tsangshiq ngarai ka apaü riilai nguta manhii wanto, shatmaq ngi raq ingarai ka ümtiikiimin paü wan mang.

ISAIA 24:16

Mangjong hiq ratsüko na siti maiqse raq kechu Israil mung tiitsam shinge mitai rong i. Shatmaq ngi ma tsan ransea chang ka jammin ahü! Ngi ka wiita ajam lata sarai wan kang! Ngi ka maiqshaphaqti raq maiq jaq na shaphaq baiq ruqli. Kiimaq tsangshiq raq ngi shaphaq thiikho thütlaq kriika bihea riiwan wanli riitlo.

ISAIA 24:5

Maiqse raq Shiikeawe tri jin raüta kiimaq apaiq raq pattup pat-sa miitu tongshong wantaq tri ka jin raüta hiqraikhü ka tiisheshibaiqto.

ISAIA 48:8

Ngi raq asap-ha, namshiq ka maiq kamsea chang riimak, namshiq ka maiq wokhong na siti riiman. Kra ningkhan tiina namshiq raq ara bomtho lapwan man dongdii riilan kra, namshiq ni na ara bomtho saümak dongdii riitiika arningkhan kata.

JEREMIA 3:7

Ngi riika apaiq raq atinkhan ashut klowan jai she kla, ngi phaniishe mijang wan nong ahiq nguta tiima wan kang. Shatmaq apaiq ka ngi phana jang wan mak riito. Kiimaq anyino nyung sethoq nyung Juda riimin are nyung jaqsham kra wiita chhito.

JEREMIA 31:32

Kriika Ngi raq tsangtitiim ka Ejip mung wa Ijaq maq hit lata sheawan kang akhing na tongshong chü shong wan kang kiikhiika riimak she miraq. Kra pat na Ngi ka tsangshiq ma awese ikha siwan kang. Shatmaq tsangshiq raq itongshong tri raütu ka lang wan mak riito.

JEREMIA 34:18

Juda mung wa ajong alabi kiimaq Jerusalemti ka, hokhamwe jam na siti siihiipbi rai adam na, ramwebi, kiimaq welabi tlotli rai adam na, namshiq tarü kunli raq, Ngi rai tongshong lan, minsaü pongwe ka khonai ma tiikho lanta, kra tsangshiq raq atiikho chum ngamkho heawea maq khum wanlanta. Shatmaq tsangshiq raq kra tongshong tri ka ajin riiwanto. Kra tri raütu ka lang mak riito. Kra ningkhan, tsangshiq raq minsaü pongwe ka jamkho khonai ma chumtaq, kra phan phan, Ngi raq tsangshiq kiimin michum baiqha.

JEREMIA 5:11

Israil mungti nai Juda mungti raq ngi ka shubaiqtlii no na tsuqbaiqto. Arka, Ngi, Tatiwe raq ngutiikang.”

Hosea 5:7

Tsangshiq raq Tatiwe kai shishe wanto. Tsangsetiim ka siqphinsekong howanto, tsangsetiim ka Tatiwe rü riimak she. Arkha na tsangshiq nai tsangmung ka Tatiwe raq ashthen she mirbaiq.

Hosea 8:1

Tatiwe raq chongtlo, “Lerong tsürong laq. Re dong wanto! Liihawe raq wu phiimtlaq ikha, Re raq isenginok phiimtlo! Tsangshiq raq itongshong jaqkhaq raü chumbaiqto. Tsangshiq raq tongshong tri jinto.

Romans 5:14

Shatmaq, Atam pat maq pha raüta Mosheq pat na saüli, tsailam kharü riili, mangjong maiqse thun ka jamsha wanto. Atam raq jamkhiiwa Shiikeawe aming jin wantaq, kiikha ngarai tang wan maktibi thun kiimin, maiqse ngutaq miiphat, tsailam raq jamsha wanto. Atam ka jai na saüho tlaq we sham ari kra tiijishi wan süriiho kito.

TRI CHONGKE 31:20

Ngi raq tsangshiq ka ara hiqpo hiqwin mung na mishea wanha, Ngi raq tsangtitiim ma kiqkham kuqkang kra phan phan. Kiijaq tsangshiq ka phaq asea chamtraq wok phetaktak misi. Kiimaq tsangshiq ka polokhiq chamtraq mishong wan. Shatmaq tsangshiq ka iwokhong wa midongho, raüta laihin sumla phra kong kriishe mishomnoq wan. Tsangshiq raq Ngi ka ashu she mirbaiq wan. Raüta Ngi raq akuqha itongshong raütu kriishe mijin wan.

Hebrews 8:9

Kra tongshong anye shong nong tiikang kriika, man na tsangti tsangwitiim pat na, ngi raq tsangshiq ka I jaq maq hit wan lata, Ejip mung jaqkhon mong wa, tiidong shea wan kang ranaiq na, tongshong kang kiikhiika riimak she miraq. Ngi raq tsangshiq ka tongshong ramkham maq bat kang. Shatmaq tsangshiq raq tongshong bomkham ka shishe wanto. Kriikha na, Ngi riimin tsangshiq ka, I wura maq tiihamkuq mang she riikang.