Hosea 6:6 - ASII LAKDAP Bible (BSI)

⁶ Jamkhano ngukla, Ngi riika lungwii tsantsii rit tiikang. Nyamse honglu ngamrea rit mang. Tsangshiq raq Ngi sap wan kra rit tiikang, Tsangshiq honglu ngamrea ka rit mang.

Hawa Naga Bible 2001

⁶ Ngaz rueq nuimshiq nyvmx saz shomc nawk kuq vshuinx htenc kuex roc mauk, nuimshiq lungwawc thuinz vngaungx kvdvyx roc shaungx. Ngaz rueq ngvy tvkoc wvr maq jauk shomc kuy htauk nuex ngvy miqsaz htenc rueq ngaz kuex tuiuz wvnc lvp waz roc shaungx.

Hosea 6:6 Referencias Cruzadas

1 KAÜWA WERAÜ 28:9

Kiimaq apaiq raq Solomon ma chongto, “Ise lei, ngi raq ümniima ümwe Shiikeawe ka saplaq nguta aming kuq tiikang. Laüta apaiq kli tsan nai mongjii wiita kuq lata shiililii wan laq, kiimaq khoqriiq shishiiq tiima tsantsii maq shiililaq. Apaiq raq nashiq tiima tsantsii kunli asap. Kiimaq nashiq raq jamlai wa lungwii tiikai kriimin asap. Krai mren ümniika awokhong na wahaüla, apaiq raq ümniika mitao. Shatmaq ümniika awokhong wa ahin na juho raüla, apaiq raq ümniika pattup miitu she mimiimbaiq.

Tvtsvmc 50:8

Ngi raq namshiq ka ngi ma honglu thun kuqtlan kha niika sonmang kiimaq namshiq raq ngi ma chaqtlii-honglu wranaiqshe kuqtlan kra miitu son mang.

TAKSU LAK 21:3

Kechu jaqsham nai riikhaqli jaqsham ka, Tatiwe ma, honglu pahea akuq thaq na ahea.

THARC TVLUINGC 5:1

Honkamshat maq Shomjam na kilaq. Kiijiika ataikai miitu kilaq. Maiqjiqti raq ajiq alam sapmak maq honglu kuqtlaq ikha ka naqki kiq.

ISAIA 1:11

Apaiq raq ngutlo, “Ümniiraq arthun honglu takuq tlaü arka Ngi raq rariq rattlo ngutiisha tiima tlaü? Ümniiraq shamhea shamjü skusekong ka honglu na takuq lata wa na ngampü chaqtlaü kra Ngi ma raamak she. Hongto she. Ngi ka minsaü pongwetiim nai skusekong kiimaq chhechhi kong taalaüta atiijai raükuq tlaü kra chhilata itsütsa she sikito.

ISAIA 58:6

“Ngi raq lungwiitiikang amang maq achujaü ka akha rotiikang: Maiq ji maq nishishi haihiitlan kharü ka chumbaiq ronglaq. Kiimaq di ama ikha maiq tiichamchaotlan kra atiiwa she riibaiq ronglaq.

JEREMIA 22:16

Apaiq raq miitsan maiqse kha tingting maq photo. Krai mren apaiq jaqsham ka ahea athuk atsom riito, kriikata Tatiwe sap raüta siwan rilung.

JEREMIA 7:22

Ngi raq namtitiim ka Ejip mung wa tsuq wankang akhing na, wa na chaqtlii-hongluke miitu nai laihin honglu take wan miitu aming ka kuq mang dea.

DANIEL 4:27

Riita kra ningkhan, Chaü lei, ngi raq tsii chongtiikang ara lang laüta silaq. Ngarai naq tangkiq she. Tingting kappe kriili lang laq. Kiimaq miitsan maiqse ka mangchan laq. Kra klo haüla, ümniika chiithe arong awin ma tiija wan ruq miraq,” nguta Daniel raq nguto.

Hosea 14:2

Tatiwe phana jangtlo ronglaq. Akha achu jaü ronglaq, “Naishiq ngarai diikuqlaq. Naishiq achujaü tre laq. Ümniima kiqkhamkuqkai, kra phanphan mishomnoq kai.

Hosea 2:20

Ngi raq ümniima kiqkham kuq kang kra tingting mithü wanha. Lata ümniika ichak dea nguta tsapkapkap mirüm wan ha. Kiimaq kra akhing na ümnii riimin, Ngi ka üm Tatiwe dea nguta milang wan haü.

Hosea 4:1

O, Israilnok lei, taironglaq, Tatiwe raq namshiq ma kha nyantlo. Tatiwe raq akha ngutlo. “Armungti raq ngi ka tsangshiq Shiikeawe nguta sap mak. Tsangshiq raq ngi ka tsapkapkap maq shomnoq mak. Kiimaq ngi ma lungwii tsantsii rüm mak.

Hosea 8:13

Tsangshiq raq ngi ka shomnoq wantlo. Raüta honglu ngamrea phaq wantlo. Shatmaq ngi tsangshiq Tatiwe ka, tsangshiq ma tsankhiq. Ümchaü sanha tsangshiq ngarai thop ka, tsangshiq makki niishe michekuqha. Lata tsangshiq ka sintsang miishe mitsatha. Lata Ejip mung niishe mijobaiq nongha!

AMO LUIK DVP (AMOS) 5:21

Tatiwe raq ngutlo, “Namshiq raq ngi shomnoq wan poi klo tlan, kra ngi raq ninlot mang!

Mikha 6:6

Ngi raq ramungtan Tati Shiikeawe man na, jamlai wa mikuq wanha? apaiq shomnoq wa watiikang na? Ahea pinthum minsaüsetiim honglu wa na chaq ma, kuq wan latiishea miwaha?

Mikha 6:8

Riimak, kiikhiika. Tatiwe raq nashiq ma, tingting tri lamphan kra chongkuq wanto. Tri kappe ka tingting maq shamlaita sichang. Nanok ka mangchan laita sichang. Shiikeawe wokhong na tsannin woknin maq siwan chang.

Matthew 12:7

Asii bomtsi na, ‘Ngi riika lungwii tsantsii rüm wanti kra lungwii tiikang. Honglu na nyamse takuq tlaq kriika rariq mang!’ nguta chongtlo ahata. Namshiq raq ara Asii bomtsi liichum ara sap han jiika, nanok jamlai min shutphit makti kriika, tiishutphit man mirhan wa.

Matthew 5:7

“Jurwa nanok ma tiihang mangchan tiichhi tlaq kriiti ma chochi; Shiikeawe raq tsangshiq ma tiihang mangchan mitiichhikuq!”

Matthew 9:13

Asii bomtsi na, ‘Ngi miika mangchan tsii li ra tlo, honglu ngamrea thop ka riimak!’ nguta chongtlaq arka jamlai ngo wa, kra namshiq raq samhea phat rong laq. Lanta kra liichum ka takwan han jaq ahea miraq. Ngi ka chiisan maiqsetiim heakai akiha riimak; ashleq arbaiqti thun kra triichom sheakai kikang.”

Mark 12:33

Kiimaq maiqse raq Shiikeawe ka tsan nai khutsai wiita kuq raüta, kiimaq ningkun wiita kuq raüta lungwii lili riichang dea. Kiimaq apaiq raq maiqmii jamthoti ka maiqmii khum lungwii tlaq kiikhiisii hali lungwii chang dea. Ara aming anai lang wan ka Shiikeawe ma nyamse nai laihin honglu kuq tiikai kriithaq na athii atsin pinthum.”

1 John 2:3

Nashiq raq Shiikeawe aming thun kra langlai tiidea singa tiikai jiila, nashiq ka apaiq rai tsanwa we ma jalai tiidea sitiikai nguta na tsan mong na mongngam maq misi rong i. Nashiq ka apaiq rai samhea wiq maq mang riisap laita sitiikai ngushat miraq.

1 John 3:6

Krai mren, juwa Khristo rai pumshi hanshi she sitlaq, kriiti riika ngarai ka tang nong mak she. Shatmaq jurwa ngarai ka tang ruq li tangtlaq, kriiti riika, apaiq sham ka chhi mak dea ngushat. Kiimaq apaiq rai mang ka riisap mak dea ngushat.

1 SAMUEL 15:22

Shatmaq Samuel raq treto, “Riita Tatiwe ümriiti wa lungwiitla: Apaiq bomtai kriisha, honglu thun nai nyamse atakuq kriiwa lungwiitla? Skuse ahea pinthum honglu atakuq thaq na, apaiq bomtai riiwe ka ahea.