Yoel 1:2 - ASII LAKDAP Bible (BSI)

² O, welabi lei, ara bomtsi ara tairong laq, Juda mungti tarü raq ara tiitsang tairong laq! Namshiq pat na akha ramdong chhiwan lan shea? Kiimaq namwetiim pat niimin akha ramdong chhiwan tiishea?

Hawa Naga Bible 2001

² Rullungx nyuiuz waz rulx lex, tay shuinz; Yuda mungx wawc miq pumz tek vtueq, tay wvnc shuinz. Nuimshiq pat nuex muinz nuimshiq jix vwaz pat nuex muinz vkhoc phvnx htenc kuex yaungx wvnc tueq haz?

Yoel 1:2 Referencias Cruzadas

YOBA 12:12

Nyungwe re raq nyan phaqchi ka asap, shatmaq Shiikeawe riika nyan phaqchi nai ningkun rümtlo. Nyungwe re ka taksu maiqse; Shiikeawe ka nyan phaqchi nai jaqsham ningkun rümtiwe.

YOBA 15:10

Naishiq raq taksu tsii tsinkai kriika akhupü butjati raq achong kuq tsin kai. Tsangshiq ka ümwe min michii shaq kongkhu achii.

YOBA 21:7

Shiikeawe raq abi maiqsebi ka jaram wa atra tiisi tla, tsangshiq ka tiijong lu tlaq raüta rongboq tiija tlaq?

YOBA 8:8

Richü pat wa taksu tsii kra heashi lii liina; nawetiim raq tengteng bomtsi saptsin wantaq kra phanshi konchon liina.

Tvtsvmc 49:1

Ara taironglaq, wiitarü raq! Taironglaq, maiqse tarü barapti raq,

ISAIA 34:1

Warong ra, mangjong hiq wa mungrap mungrii thun! Riitam ronglaq. Lantea tai ronglaq. Hiqraikhüti tlotli kiimaq kiijaq siti loweatek ana warong ra. Lantea taiwa rongkiq.

ISAIA 7:17

“Tati raq ümkhu thaq na, ümsenginok khuthaq na, kiimaq hokham jamkun tlotli khuthaq na, Israil mungtan ka Juda mungtan rai tiikho raüta riiphea wanli maq, litkot chamchao ümchuwa leawan lan, kra thaq niimin chanhea pinthum litkot chamchao rahiq thun akhing misaü wan. Apaiq raq Asiria hokhamwe kra mishea wa.

JEREMIA 30:7

Phiiptsi jonghea ranaiq saü wantlo; kra chamchao ranaiq ka ranaiq ahin rai triingea chang ahü, kriika isenginok ma pit-lang pit-thea chamchao akhing, shatmaq tsangshiq ka alun mirwan.”

JEREMIA 5:21

Samhea tiitsang taironglaq, namshiq angok anginok kiimaq maiqjiqnok raq. Nammakpo ka asi; shatmaq chhiman. Kiimaq namni ka asii shatmaq maiqbom ka taiman.

DANIEL 12:1

Rase raihi-nairai khea sam raütise raq nguto, “Kra akhing na, namshiqnok kheti rase jonghea, Maikel kriishe misaüho. Kiijiishe, maiq mung thun phawantaq pat maq riita ümchaü pat na saüli, abi pinthum chamchao mungbrak henghea kriishe midong wan. Kra akhing saü wan raüla, namungti Shiikeawe lakdam na tsangshiq mang asiti thun ka mitiichhiikuq wan.

Hosea 4:1

O, Israilnok lei, taironglaq, Tatiwe raq namshiq ma kha nyantlo. Tatiwe raq akha ngutlo. “Armungti raq ngi ka tsangshiq Shiikeawe nguta sap mak. Tsangshiq raq ngi ka tsapkapkap maq shomnoq mak. Kiimaq ngi ma lungwii tsantsii rüm mak.

Hosea 5:1

“O, ramwebi lei, tairong laq! Israilnok lei tiitsang tairong laq! O, hokhambi lei nitiitsii lanta tai ronglaq. Jamkhano ngukla namshiq khapho akhing saüho tlo she. Namshiq ka Mijpa chela na hiqbikho ma jakilan. Kiimaq Tabor chela na namshiq khup miitu chiiq achan thü wishe.

Yoel 1:14

Amang maq achujaü wan miitu aming kuq ronglaq. Lanta mungmaiqse ka adam na thung ronglaq! Juda mungti welabi thun wiita adam na riitam ronglaq. Namshiq Tatiwe Shiikeawe Shomjam na, riitam wan ronglaq. Lanta Tati jaq wa aholülü maq tiitai jaü ronglaq.

Yoel 2:2

Kra khapho akhing ranaiq ka rathup ranyaq tangtang miraq. Rathaiq ranyaq ranaiq miraq. Ramak min tiichhi mak phum raq mipang ho. Kupchi thawa hiq nyaq tlii maq mipang wan. Raüta raham hiqham miwa wan. Ku akin thaq na phumthup shenyaq raq, pang wan tlaq ikha miraq. Ara thawa akhiika mannii min ahü riito. Jainiimin akhiika chhimai miraq.

AMO LUIK DVP (AMOS) 3:1

O, Israilnok lei, Tatiwe raq namshiq tiishut wan, khatan bom chongtlaq ara tairong laq. Israilnok namshiq ka Tatiwe raq Ejip mung wa, wiimungtam maq atsuq wan.

AMO LUIK DVP (AMOS) 4:1

Amos raq jechakre ma ngutlo, Bashan tan wa minsaükaütiim kumchipo ikha jongtlo, Kiikha jongti lüsi lüwa nyungre Samaria chelati lei, miitsan maiqse ka ji maq nishishi, nanshan wantibi lei, ‘Ngi ka asum akam che maq dunglaq,’ nguta namwesetiim shiichut chatti lei.

AMO LUIK DVP (AMOS) 5:1

Riita, ija, Israilnok lei, ümchaü san ngi raq namshiq ma mahoshi ashi shikuq pha. Namshiq raq ara samhea tiitsang tairong laq:

Mikha 1:2

Ara tairong laq, namshiq mangjong maiqphan wiita raq; Mangjonghiq na siti phiija wa lei, Ajong Thaq Na Ajong Tatiwe raq namshiq mitiishut wan she. Taironglaq, Tatiwe apaiq sichang, asii ramungtan noqkujam maq chongtlo.

Mikha 3:1

Israilnok tuwebi lei tairong laq! Namshiq raq tri raütu ka tingting shamchang riimak shea?

Mikha 3:9

Jakob jamti tuwebi nai, Israilnok aki shillangbi lei, tai ronglaq, ngi chongpha, tingting tri shisheti, ajiq ka alam ma tiijatibi, alam nang ka ajiq ngu.

Matthew 13:9

Kiimaq Jesuq raq abom ka akha shatto, “Juwa ni asi, kriiti raq tiitsang tairong laq!”

Matthew 24:21

Kra akhing bala maiqse chamchao tlaq kra khan ka rapha hiqwa maq pha raüta ümchaü niitaq saüli akha langlang ka riingaü mak. Kiimaq ara chamchao arkhan ka jai na akhing niimin dong mak she miraq.

Revelation 2:7

“Arkha maq chong tiikang, nam ni asi jiila, Asii Wenyi raq phungtuti ma tsii chongkuq tlaq ara, tiitsang tai rong laq! “Jurwa ara rekhat ara tang wan tlaq, kriiti sreabi ma, ngi raq Shiikeawe sonruk mong na rilung petsi chong sitlaq kiiwa atsi pansea miitu arang mikuq ha.