Mikha 3:1 - ASII LAKDAP Bible (BSI)

¹ Israilnok tuwebi lei tairong laq! Namshiq raq tri raütu ka tingting shamchang riimak shea?

Hawa Naga Bible 2001

¹ Israel nuimshiq guimz lawc jix bix lex, tay shuinz! Nuimshiq kuex tvrac vlvmz shuimc jix rvtuit rvhvt maq,

Mikha 3:1 Referencias Cruzadas

NEHEMIA 13:17

Kra ningkhan, ngi raq Jehudinok welabi ka ason riikang. Lata tsü ka akha chongkuqkang, “Liirong laq, namshiq raq, ara abi ngarai tang tlan! Namshiq raq asii Asii Niitiitsak Ranaiq ranaiq ka ashe ma tiija baiqholan.

Tvtsvmc 14:4

“Tsangshiq raq sap mak shea?” nguta Tatiwe raq waitlo, “Ara abi kiimungti kong ka tsang tsii ahü shea? Tsangshiq ka isenginok tek raüta tiidunghiq tlaq kata, kiimaq tsangshiq ka ijaq wa achu jaü mak phan.”

ISAIA 1:10

Jerusalem lei, ümmung pengti tuwebi nai ümsengi mungmaiqse ka Sodom nai Gommora chelati ikha. Tati raq ümniima jamlai bom wa chongtlaq kra tailaq. Nashiq Shiikeawe raq ümniima jamlai wa shrinkuqtlaq kra samheawiq tiitsang tailaq.

ISAIA 10:2

Akha lanta namshiq raq miitsan maiqse ka ajiq tri kriimaq khatlan. Lanta tsangshiq raq lapchang arang kiimin namshiq raq nyeahotlan. Lanta rung maq tsangshiq raq lap chang kiimin tlapkuq man ajiq photlan. Akha namshiq raq manti-nyungre nai jechisetiim tachong hupsam kra nyeahotlan.

EJEKIEL 22:6

Israil mungti welabi tlotli raq maiqmii ningkun tri ma kamtlo. Raüta maiq ka tsat baiqtlo.

EJEKIEL 34:2

“Maiqse lei, Israil mung rümti tuwebi ka tiinamtok tamlaq. Tsangshiq ma riisham bom maq tiithailaq. Tsangshiq ma, Ngi, Tati Rakaü Hiqwe raq jamlai mra wa tiiho tiikang kra chongkuqlaq: Namshiq ka miqlan she. Israil mung pengti sku rümtibi namshiq ka thenlan she! Namshiq raq maiqmii wokpo kli tiipaotlan. Skusekong ka shiili man.

EJEKIEL 34:3

Namshiq raq sku nyakpü ka nyangtlan. Sku bin maq ataq khea ka samtlan. Kiimaq skukong wa ahan aphin phinti kra tsea lanta taphaq tlan. Shatmaq namshiq raq skusekong ka ümtiikiimin samhea rüm man.

EJEKIEL 9:9

Kiijiishe Shiikeawe raq treto, “Israil mungti nai Juda mungti raq achonglot mai abi pinthum ngarai thun tang raüta shutto. Tsangshiq raq mung hamli na maiq tsatbaiq wanto. Kiimaq Jerusalem ka ajiq ashut kha phong maq tiima wanto. Tsangshiq nga, Ngi, Tatiwe raq, tsang mung ka miimbaiq kang she nguta ngutlo. Kiimaq Ngi raq tsangshiq kiimin chhimang she nguta ngutlo.

Hosea 5:1

“O, ramwebi lei, tairong laq! Israilnok lei tiitsang tairong laq! O, hokhambi lei nitiitsii lanta tai ronglaq. Jamkhano ngukla namshiq khapho akhing saüho tlo she. Namshiq ka Mijpa chela na hiqbikho ma jakilan. Kiimaq Tabor chela na namshiq khup miitu chiiq achan thü wishe.

AMO LUIK DVP (AMOS) 4:1

Amos raq jechakre ma ngutlo, Bashan tan wa minsaükaütiim kumchipo ikha jongtlo, Kiikha jongti lüsi lüwa nyungre Samaria chelati lei, miitsan maiqse ka ji maq nishishi, nanshan wantibi lei, ‘Ngi ka asum akam che maq dunglaq,’ nguta namwesetiim shiichut chatti lei.

AMO LUIK DVP (AMOS) 6:1

O, namshiq Jajon chela na polokhiq siti ma, phiiptsi chang asi. Kiimaq namshiq Samaria na ümtum ümmai, haihü songhü siti ma haisi chang asi. Namshiq Israil mung jong na siti, namshiq phukhu wela ajong alabi!

Mikha 2:13

Shiikeawe raq tsangshiq dong wan chang kilü mirkuq, Raüta pongmung wa tsangmung na mitsuq wan, Tsangshiq ka chela kilü thun linwan raüta, wase miishe mijawan. Tsangshiq hokham Tatiwe raq Lamshea raüta re mung wa, tsangmung niishe mi laü wan.

1 Corinthians 6:5

Namjia simak sha! Ümkhiiriita jiimin namshiq liipan na kha phoketi maiq weshi ra atsang atsii maiqse ka misi dongdii.

TRI CHONGKE 16:18

Mosheq raq Israilnok ma mung ka riikhaqli peng ra nguta chongto, “Tatiwe namshiq Shiikeawe raq namshiq ma mung kuqtlaq kiijaq chelatek na tuwebi nai siihiipbi ka mung peng wan miitu shong ronglaq. Ara welabi thun raq mungmaiqse ka tingting kappe maq shin raüta peng wan ratlo.