Mikha 3:1 - Hawa Naga Bible 2001

¹ Israel nuimshiq guimz lawc jix bix lex, tay shuinz! Nuimshiq kuex tvrac vlvmz shuimc jix rvtuit rvhvt maq,

ASII LAKDAP Bible (BSI)

¹ Israilnok tuwebi lei tairong laq! Namshiq raq tri raütu ka tingting shamchang riimak shea?

Mikha 3:1 Referencias Cruzadas

NEHEMIA 13:17

Ngaz rueq Yuda walaungx bix muex httonx tauk kuex, “Nuimshiq rueq shuimc vshuinx vyaq mvrax kuex lawc shuinz! Nuimshiq rueq Vguilc Raungnuiyq kuex tvshuy shac vshuinx.

Tvtsvmc 14:4

Yehowa rueq, “Tsuingshiq rueq tuiuz muq shuex raz tvnx? Vruex layx bac yauk shuimc jix lotlaz kuex tharc guez jix jvnc haz? Tsuingshiq rueq ngvy miqsaz htenc kuex yauk laungc yalawx nyvlc vtueq kvdungc gvy yaq; ngvy yauk wawc mkaq muinz vjux thoz muq,” ngoz tueq jungx tueq.

ISAIA 1:10

Yerusalem lex, mmungx walaungx bix htenc nuiyc mmiqsaz htenc kuex Sodom nuiyc Gomorra miqsaz ikhoc yaungx yaq. Yehowa rueq mnoz muex jungx yaq kuex tay shuiuz. Naungshiq Tishox rueq mnoz muex tvluing kuq yaq kuex tay tvtsuingc shuiuz.

ISAIA 10:2

Kvkhoc rvtueq nuimshiq rueq htemz vrvmz miqsaz htenc rueq lvp aungx yaq vkhangx nuiyc tvrac vlvmz lvp juing kuex tuinghtuing vshuinx. Nuimshiq rueq mvntix nyuiuz tamx nuiyc nojix saz tamx tsak vnyvmx kuex lvmz wvnc tuit.

EJEKIEL 22:6

Israel walaungx bix lotlaz kuex tsuingshiq hungc vlaungc muex tvluimc vtueq miq thvy gay yauk shuimc kuex yaq wuez yaq.

EJEKIEL 34:2

Vpiq rueq, “Vthueyc rvyaq miq lex, Israel guimz lawc jix bix kuex shummarc shuiuz. Ngaz, Johvlc Yehowa rueq tsuingshiq nuex seng vtueq rawshvmx bomc kuex jungx shuiuz: Israel khelbuenx remc jix hez lex, nuimshiq kuex vphoc rvhumc tuinx! Nuimshiq kuex miqmac pumz dvyx kvguing ruiux khelbuenx htenc kuex mkaq muinz remc lawc muit.

EJEKIEL 34:3

Nuimshiq rueq vpuix kuex nuingx ruiux, vmul maq vtauk khvy kuex svmx vtueq vshvmx vhvlx khelbuenx kuex thvt phauk vshuinx. Yuq muinz nuimshiq rueq mkaq muinz khelbuenx kuex remc lawc muit.

EJEKIEL 9:9

Tishox rueq, “Israel nuiyc Yuda miqsaz htenc kuex kvhiz juing mvrax htenc yaq gay tueq. Tsuingshiq rueq wvmungx tuimx nuex miq thvy gay mvrax yaq gay nuiyc Yerusalem muinz mvrax yauk shuimc htenc mvrc yaq. Ngaz, Yehowa rueq tsuingshiq mungtan kuex gay shec ruiux, tsuingshiq kuex khiz muq shex ngoz tueq tsuingshiq rueq jungx wuez yaq.

Hosea 5:1

“Nuimshiq shomc waz bix lex, vruex tay shuinz! Israel miqsaz lex, tay shuinz! Hokhvmx yuimx taungx nuex seng yaq hez lex, tay shuinz! Nuimshiq kuex tvrac vlvmz maq phoc kuy rvhumc tuinx ikhoc haz tvmaung vshuinx; kvkhoc rvtueq khac phoc kuex nuimshiq htauk nuex httuiuc tuex! Nuimhez kuex Mizpa ghaq nuex bix muex yaungx vtueq, Tabor Kanx htauk nuex jak tvparc shec ruiux,

AMO LUIK DVP (AMOS) 4:1

Hungc vlaungc vnulx jix guirguenz ruiux htemc saz jix htenc kuex tuinghtuing vtueq, miqmac taungwaz muex nuiyshiq rueq nuingc muex joal lvmz laq loq ngoz tueq nvr ruiux, phuiuz vsvy vhvlx phuiuz svy jix Bashan wawc manx kuiux htenc ikhoc puiz yaq Samaria shvlx rulx lex, vruex kvjaz kuex tay shuinz!

AMO LUIK DVP (AMOS) 6:1

Nuimshiq tvkoc Zion nuex vkhoc vpiauc vliauc httaz lvp jix bix, Samaria mungx nuex kvwungx httaz jix bix, mungx miqsaz htenc rueq kvmenc jenc yaq jix bix, miqphvnx wawc vyungx vluz rvtuit Israel miqsaz lex nuimshiq nuex kvhiz juing yaungx wvnc tuex!

Mikha 2:13

Tishox rueq tsuingshiq tvkoc lvmx daz kuq shuex, tsuingshiq kuex thuq laq tueq kvwawc shvlx wvnc yek shuex. Tsuingshiq rueq palx kaluix htenc kuex rop httak gay ruiux dung kaz wuez tuex. Tsuingshiq hokhvmx rvtueq Yehowa vpiq pumz maq tsuingshiq kuex tvdung shvlx wvnc shuex.

1 Corinthians 6:5

Nuimshiq tvyvlc sac muex jungx vphaungx! Christan miqsaz vdvmz dvmz khuec vkhac dung ruiux yuq, tsuingshiq nuex khac phoc kuy lot jix wvtharc miq vshiz muinz vguez haz?

TRI CHONGKE 16:18

“Yehowa nuimshiq Tishox rueq kuq kv-phuinx miqghaq tek nuex phoc waz bix nuiyc vganc walaungx bix htenc kuex tvhungx tvy rax. Kvruex hez rueq miq htvlx phawc thvl muq maq phoc kuy rax.