Mikha 2:13 - Hawa Naga Bible 2001

¹³ Tishox rueq tsuingshiq tvkoc lvmx daz kuq shuex, tsuingshiq kuex thuq laq tueq kvwawc shvlx wvnc yek shuex. Tsuingshiq rueq palx kaluix htenc kuex rop httak gay ruiux dung kaz wuez tuex. Tsuingshiq hokhvmx rvtueq Yehowa vpiq pumz maq tsuingshiq kuex tvdung shvlx wvnc shuex.

ASII LAKDAP Bible (BSI)

¹³ Shiikeawe raq tsangshiq dong wan chang kilü mirkuq, Raüta pongmung wa tsangmung na mitsuq wan, Tsangshiq ka chela kilü thun linwan raüta, wase miishe mijawan. Tsangshiq hokham Tatiwe raq Lamshea raüta re mung wa, tsangmung niishe mi laü wan.

Mikha 2:13 Referencias Cruzadas

DUNGWVNC 14:19

Kvkaq Israel miqsaz max nuex kaz yaq Tishox raungkamx waz kuex tsuinghez yix tvsuip kox nuex kvhttot vtueq kaz naungx tueq. Phuemx tul muinz

ISAIA 42:7

Mnoz rueq muik juk jix muex muik tvkalc kuq ruiux raungnyauk khoktep nuex shuiuz gay rvhumc jix htenc kuex tvdung gay shuiux.

ISAIA 51:12

Yehowa rueq, “Ngaz kuex mnoz muex hungc vlaungc tvhungc kuy jix waz rvtauk. Mnoz kuex yvmx ngoz tueq lac httuingx tanc khvnc doc muinz phaungx muq vthueyc kay jix miq muex hiz vtuinx?

ISAIA 52:12

Majuiuc lauk kuex makmak kay wvnc rac muq rvtuex; nuimshiq vyuz tvkoc hung wuez tuinx rvmuq. Yehowa nuimshiq Tishox rueq nuimshiq muex lvmx shvlx vtueq nuimshiq kuex lvmx ruip saz maq tvkhup wungx shuex.

ISAIA 55:4

Ngaz rueq piq kuex miqphvnx ruip rawx walaungx nuiyc nolaungx yungx muex tvyaungc ruiux, ngvy luimc vkawc kuex tsuingshiq max nuex hakhix tvyaungc shaungx.

DANIEL 2:44

Kvruex mungx walaungx bix rueq guimz yaq nuex raungmungx Tishox rueq mkaq muinz vhtumx kay ngoz tueq vguez mungtan vshiz tec taq shuex. Kvruex kuex mkaq muinz taungx shuex rvmuq, yuq muinz honoc mungtan htenc tvsawc ric tvbac gay shuex yix maq jix pattup phaungx ngaungx wvnc tuex.

Hosea 1:11

Yuda miqsaz nuiyc Israel miqsaz htenc kuex vdvmz nuex rvromc yek tuex. Tsuingshiq rueq tsuingshiq tvkoc walaungx vshiz dvyx thvl taq vtueq, tsuingshiq mungtan kuex yungx luz wvnc ruiux rungwanx wvnc tuex. Rvtueq, Jezreel raungnuiyq kuex vyungc vloayc raungnuiyq muex yaungx tuex!

Hosea 13:14

Ngaz rueq vruex miq htenc kuex wulumx mungx wawc palc wvnc shuex rvmuq, vthueyc luimc vkawc mungx wawc tsuingshiq kuex palc wvnc shuex rvmuq. Vthueyc lex, mthuimkux kuex lvmz wvnc loq! Wulumx mungx lex, mnoz tvbac gay lvmx kuex lvmz wvnc loq! Vruex miq htenc kuex ngaz rueq mkaq muinz menjenc shaungx rvmuq.

Hosea 2:2

Isaz hez lex, nuimnyuiuz muex kvpiq nvyx kuinz, piq kuex itaungx nyuiuz rvmuq shex, ngaz muinz piq taungwaz rvmuq shex. Piq rueq miq taungwaz senc laq vtueq mephex muex yaungx yaq kuex httvrc gay tvkoc kvpiq nvyx kuinz.

Hosea 3:5

Yuq muinz Israel miqsaz htenc kuex Yehowa tsuingshiq Tishox kox nuex nuiyc tsuingshiq hokhvmx Dawid suiuz vsaz kox nuex yek waungc vkhing httuiuc wvnc tuex. Kvruex yimaq tsuingshiq kuex Yehowa muex hiyaz tvtsanc nganc wvnc vtueq, vpiq kox wawc vhvlx yauk noalc htenc lvp wvnc wuez shuex.

Mikha 2:12

“Yuq muinz nuimshiq Israel miqsaz wawc kvjungx yaq lotlaz kuex ngaz rueq tvjomx vtueq tvtuimx shaungx. Khelbuenx htenc kuex tsuingshiq ruk mungx nuex yek waung tueq ikhoc, ngaz rueq nuimshiq kuex tvtuimx yek phaungx. Khelbuenx htenc mvrc yaq ngac remc juing baung ikhoc nuimshiq ghaq vraungx nuex miq paunghvlc laukshiz hulawx mvrc wvnc yek tuex.”

Mikha 3:1

Israel nuimshiq guimz lawc jix bix lex, tay shuinz! Nuimshiq kuex tvrac vlvmz shuimc jix rvtuit rvhvt maq,

Mikha 4:7

Tsuingshiq kuex yaz kuix kaz vtueq yuimx maq vluz nuex httuiuc kaz wuez tueq, yuq muinz ngaz rueq kvjungx yaq jix htenc kuex vnyalx tvjvp guirx yek vtueq, tsuingshiq kuex miqphvnx yunghvlc yaungx wvnc tuex. Ngaz rueq tsuingshiq kuex Zion Kanx htauk nuex kvruex vkhing maq phaungc vtueq pattup guimz lawc shaungx,” ngoz tueq jungx tueq.

JEKERIA 10:12

Ngaz rueq ngvy miqsaz kuex tvhung laungx shaungx; tsuingshiq rueq ngaz kuex nawk palx ruiux ngvy kvjaz kuex tay phvnx shuex,” ngoz tueq jungx tueq. Yehowa rueq jungx tueq.

Hebrews 6:20

Yesu kuex naungshiq laung nuex kvruex baung kvyuq naungshiq max nuex nyuip waung vtuex shex khuec nuex Melkhizedek marrarc lvmx phvnc pattup shomc wayungx muex yaungx wvnc tueq.

JOSHUA 3:6

Kvruex yimaq piq rueq shomc waz bix muex ngoc Bomkhvrc Jep kuex pix vtueq, miq phungc kvruex max kac nuex kay muex nvr tueq rulc rv-ngvlc tsuingshiq kaz tueq.

Revelation 17:14

Tsuingshiq kuex Khelbuenx Saz kvrulc rvkhvt rvlungc wvnc tuex; yuq muinz Khelbuenx Saz kuex taungjix htauk nuex Taungjix, hokhvmx htauk nuex Hokhvmx ningkhvnc nuex tsuingshiq kuex yurc gay shuex. Vpiq rueq vgvl shec hez nuiyc vpiq muex tvmtuing httaz jix htenc kuex vpiq rulc vroc nuex taungx wvnc vkhangx lvp wvnc wuez shuex,” ngoz tueq.

Revelation 7:17

yvmx khoc lac ngoz ruiux lec hoc daungraungc vyvmc baung nuex ngaungc jix waz Khelbuenx Saz rueq tsuingshiq kuex tvkhup wungx lawc kuq ruiux, rullungx yuix ruilx lvp juing baung nuex shvlx shuex ningkhvnc nuex rvtueq. Tishox rueq muinz tsuingshiq muikphic htenc lotlaz tuit kuq gay shuex,” ngoz tueq jungx phuex.