Mikha 2:12 - Hawa Naga Bible 2001

¹² “Yuq muinz nuimshiq Israel miqsaz wawc kvjungx yaq lotlaz kuex ngaz rueq tvjomx vtueq tvtuimx shaungx. Khelbuenx htenc kuex tsuingshiq ruk mungx nuex yek waung tueq ikhoc, ngaz rueq nuimshiq kuex tvtuimx yek phaungx. Khelbuenx htenc mvrc yaq ngac remc juing baung ikhoc nuimshiq ghaq vraungx nuex miq paunghvlc laukshiz hulawx mvrc wvnc yek tuex.”

ASII LAKDAP Bible (BSI)

¹² Shatmaq Tatiwe raq ngutlo, “O Israilnok lei, Rejaq song ka ngi raq mirchomha. Namshiq wiita rü adam na mitriitamha. Skusekong akheti raq shea wantlaq ikha, Sku rümchang nyiimlung rüram na; Skukong atsamphaq haisiq tlaq ikha, Israil mung ka pahea ra ma hiq ma hali, mitiipu wan nong ha,” nguta Tatiwe raq ngutlo.

Mikha 2:12 Referencias Cruzadas

ISAIA 11:11

Kvruex raungnuiyq httuiuc tuex nuex, Taungjix rueq vpiq luimc vkawc kuex shuimx vtueq vpiq miqsaz kuex Asiria nuiyc Ejip wawc, Pathro, Ethiopi, Elam, Babelon nuiyc Hamat mungx htenc, svmuktvrax nuiyc julc lomx htenc nuex httaz jix htenc kuex gvl wvnc shuex.

ISAIA 27:12

Kvruex raungnuiyq, Euphrat ruilx maq Ejip ghaqruiy nuex httuiuc laz Yehowa rueq vpiq miqsaz vshiz maq vshiz kuex nyensaz tsvmz vshauk vphex thvl gay shix ikhoc thvl gay shuex.

ISAIA 34:6

Vpiq yaung kuex shomc nawk juing khelbuenx pung htenc nuiyc khelkhix htenc tvguiy nuiyc vpuiz htenc ikhoc tvguiy rueq phoay vtueq vpuiz htenc rv-nyanc yaq. Yehowa rueq Bozara ghaqyungx nuex vruex shomc nawk kuq shuex; vpiq rueq Edom mungx nuex miq thvy moalx yungx tvhungx shuex.

ISAIA 5:17

Vbac vruex wvnc ghaqyungx htenc nuex khelbuenx sahez rueq namx htenc phauk ruiux, khelkhix sahez rueq vguilc juing humc tueq.

JEREMIA 23:3

Ngaz rueq tsuingshiq tvpanc gay tauk mungtan htenc nuex kvjungx yaq ngvy miqsaz htenc kuex tvjomx vtueq, ngaz rueq tsuingshiq kuex tsuingshiq ghaq vraungx nuex shvlx wvnc shaungx. Tsuingshiq suiuz vsaz paunghvlc pux paung wvnc tuex.

JEREMIA 3:18

Israel kuex Yuda rulc kvromc vtueq miq htenc rulc vdvmz ghaqkhux kox maq nuimshiq jix vwaz tamx muex ngaz rueq kuy tvlanc vkuq mungx nuex yek waung wuez tuinx,” ngoz tueq.

EJEKIEL 34:11

“Ngvy pumz maq ngvy khelbuenx htenc kuex lawc mawc vtueq tsuingshiq kuex tvkhup wungx shaungx ngoz tueq ngaz, Johvlc Yehowa rueq nuimshiq muex jungx vphaungx,

EJEKIEL 34:13

Ngaz rueq pungnuk mungtan htenc nuex httax yaq kuex tvtuimx vtueq, tsuingshiq ghaq vraungx nuex shvlx wvnc yek shaungx. Israel kuz vkanx nuex muinz, yuix saz ruilx htenc nuex muinz, tsuingshiq kuex shvlx wvnc yek vtueq vpiauc waq vremc juing baung htenc nuex remx shaungx.

EJEKIEL 34:22

Yuq muinz ngaz rueq ngvy khelbuenx htenc kuex tvtuimx wvnc vtueq tsuingshiq muex mkaq muinz tvjamz jaux mauk shex. Ngaz rueq vhvlx nuiyc vbac ngvy khelbuenx htenc kuex thvl httauk vtueq phox shaungx.

EJEKIEL 34:31

“Ngvy khelbuenx hez lex, ngaz rueq dungx ghaq vphaungx khelbuenx kung nuimshiq kuex ngvy miqsaz htenc rvtuit, ngaz kuex nuimshiq Tishox rvtauk,” ngoz tueq Johvlc Yehowa rueq jungx tueq.

EJEKIEL 36:37

Johvlc Yehowa rueq, “Ngaz kuex romc kuy tvkoc ngvy kox wawc thoz yaq Israel miqsaz kvjaz kuex laukshiz hulawx tay kuq yek vtueq, kvkaq ngaz rueq tsuingshiq kuex khelbuenx kung ikhoc tvpux paung shaungx.

EJEKIEL 37:21

Kvruex yimaq ngaz, Johvlc Yehowa rueq miqphvnx htenc nuex rv-nyanc wvnc tueq ngvy miqsaz lotlaz kuex ngaz rueq tvdung vtueq, tsuingshiq rulc vdvmz tvtuimx ruiux tsuingshiq mungtan shauk nuex shvlx wvnc shaungx lvmx jungx shuiuz.

Hosea 1:11

Yuda miqsaz nuiyc Israel miqsaz htenc kuex vdvmz nuex rvromc yek tuex. Tsuingshiq rueq tsuingshiq tvkoc walaungx vshiz dvyx thvl taq vtueq, tsuingshiq mungtan kuex yungx luz wvnc ruiux rungwanx wvnc tuex. Rvtueq, Jezreel raungnuiyq kuex vyungc vloayc raungnuiyq muex yaungx tuex!

AMO LUIK DVP (AMOS) 1:12

Kvkhoc rvtueq ngaz rueq Teman ghaqyungx htauk nuex wvr tvdvy ruiux Bozara nolaungx ghaqshungc htenc kuex tvkhamc gay shaungx,” ngoz tueq jungx tueq.

Mikha 2:13

Tishox rueq tsuingshiq tvkoc lvmx daz kuq shuex, tsuingshiq kuex thuq laq tueq kvwawc shvlx wvnc yek shuex. Tsuingshiq rueq palx kaluix htenc kuex rop httak gay ruiux dung kaz wuez tuex. Tsuingshiq hokhvmx rvtueq Yehowa vpiq pumz maq tsuingshiq kuex tvdung shvlx wvnc shuex.

Mikha 4:8

Tishox rueq pvrrawx maq vpiq miqsaz htenc kuex khelbuenx remc jix rueq ikhoc bvmc lawc yaq Yerusalem lex, mnoz kuex kungkhux wawc ikhoc mungtan ghaqnyuiuz jungx muex lauk shiz yaungx yek tuiux.

Mikha 5:7

Tvraungx kvjungx yaq Israel miqsaz htenc kuex Yehowa tvdvy yaq buing ikhoc mungtan paunghvlc muex tvruip tvhemc kuq shuex, vkemc htenc htauk nuex yunx yaq raungyunc ikhoc yaungx tuex. Kvruex raq miqsaz nvr yaq kuex phvnx muq, Tishox rueq nvr yaq kvdvyx phvnx yaq.

Mikha 5:8

Kvjungx yaq hez kuex miqphvnx htenc hvlwvl luingx vlak nuex, rvmuq ngoz ruiux ngac remc juing nuex phuiuz vsvy thuiyc khuyx yaq hangsic ikhoc yaungx tuex. Piq kuex khelbuenx phungc nuex nyuip vtueq puinthuing puinthaung juir gay shuex; kvruex baung wawc palc wvnc tvkoc thuinz tvluimc juing httax tuex rvmuq.

Mikha 7:14

Yehowa lex, mnoz rueq thvl wvnc toq mmiqsaz htenc kuex khelbuenx remc jix waz rueq ikhoc tvkhup wungx shuiuz. Tsuingshiq kuex khumz vrumz nuex pungpanc rvpanc httax ruiux muinz, kvruex baung kvyuq ghaq vbur vhvlx ghaq rueq tsuingshiq kuex tvkomc tuimz rvyaq. Bashan nuiyc Gilead mungx nuex shuimx lvmz phauk saq wvnc tueq ikhoc majuiuc muinz mungtan nuex tvhttax shuiuz.

Mikha 7:18

O Yehowa lex, mnoz rulc rv-ngvlc jix vganc tishox vguez; kvjungx yaq mmiqsaz htenc rueq khawx lvlx yaq mvrax htenc kuex dawc kuq shuiuz, mnoz kuex pattup thuinkhaq vtuiux rvmuq, yuq muinz mnoz kuex nuiyshiq muex phaungx ngaungx yaq lungwawc thuinz taq vshuiux.

JEPHANIA 3:20

Vkhing kuex httuiuc wvnc yaq! Ngaz rueq rv-phvlc nyanc khuemx wvnc tueq miqsaz htenc kuex yuimx nuex shvlc wvnc yek shaungx; Ngaz rueq nuimshiq kuex mung-kawx lotlaz nuex thaungbaungx yaq phvnx tvyaungc phaungx, nuimshiq kuex lauk shiz hulawx tvrungx wanx yek phaungx,” ngoz tueq jungx tueq. Yehowa rueq vjungx kvjaz rvtueq.