Mikha 2:12 - ASII LAKDAP Bible (BSI)

¹² Shatmaq Tatiwe raq ngutlo, “O Israilnok lei, Rejaq song ka ngi raq mirchomha. Namshiq wiita rü adam na mitriitamha. Skusekong akheti raq shea wantlaq ikha, Sku rümchang nyiimlung rüram na; Skukong atsamphaq haisiq tlaq ikha, Israil mung ka pahea ra ma hiq ma hali, mitiipu wan nong ha,” nguta Tatiwe raq ngutlo.

Hawa Naga Bible 2001

¹² “Yuq muinz nuimshiq Israel miqsaz wawc kvjungx yaq lotlaz kuex ngaz rueq tvjomx vtueq tvtuimx shaungx. Khelbuenx htenc kuex tsuingshiq ruk mungx nuex yek waung tueq ikhoc, ngaz rueq nuimshiq kuex tvtuimx yek phaungx. Khelbuenx htenc mvrc yaq ngac remc juing baung ikhoc nuimshiq ghaq vraungx nuex miq paunghvlc laukshiz hulawx mvrc wvnc yek tuex.”

Mikha 2:12 Referencias Cruzadas

ISAIA 11:11

Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.

ISAIA 27:12

Kra ranaiq akhing na, Euphretis jürai maq phaho raüta Ejip mung hiqtrai na saüli binjü wa, Tati raq asenginok ka weshishi maq wiita archom miraq. Maiq weshi ra raq bunwong rai ka achhii phong wa tseatsiiqtlaq ikha mitsea.

ISAIA 34:6

Anep jasai ka tsangshiq tiijai raq nai tsangpü raq mijop wan. Skusekong tiijai nai apü da kiimaq chhechhi kong honglu na ataakuq tiijai nai ngampü raq joptlaq ikha mijop. Tatiwe raq ara honglu thun arka Bojra chela na mitaakuq wan. Ara maiqjiip baiq wan jonghea arka Edom mung maq mitaa kuq wan.

ISAIA 5:17

Chela thun hiqmiq changkhü ikha riimtlaq kiijaq skusekong aransetiim ka sangphii phaq mihaisiq. Kiimaq chhechhi aresekong raq sangphii nümrü kra miphaq.

JEREMIA 23:3

Ngi raq isenginok aso atiichong ka, ngi raq tsangshiq ka pongmung thun na ajobaiqha kriiwa adam niishe mirchomha. Lata ngi raq tsangshiq ka tsangshiq hiqshong chü na mitiishong nga wan nongha. Tsangshiq ka saütam serü pahea she mipu chi wan.

JEREMIA 3:18

Israil kiimin Juda rai adam na pong wan raütiishe tsangnai ka kongshi miishe shekhu nü mung na munglu shumwi asiwa kiiwa miki raüta, ngi raq namtitiim ma pattup pat-sa miitu tachong hupsam ma akuqha mungtan kiijiishe mijang wan.”

EJEKIEL 34:11

“Ngi, Tati Rakaü Hiqwe raq namshiq ma chongtiikang, Ngi raq i skusekong ka miliiha kiimaq mirümha.

EJEKIEL 34:13

Ngi raq tsangshiq ka pongmung thun wa mitsuq wanha, lata adam na mitriichomha. Lata tsangshiq shongchang mung kiijaq mishea wan nongha. Lata Ngi raq tsangshiq ka pum thun kiina kiimaq Israil mung na jüserai setiim kiina misheahoha, lata peohea nyiim lungrü wak ram kiina midungha.

EJEKIEL 34:22

Shatmaq, Ngi raq i skusekong ka atiiwong mirkuqha. Kiimaq tsangshiq tiihaihii ruqruq ka tiihaihii mang she. Ngi raq i skusekong ka loweatek kha ka miphokuqha. Lata skusekong aheahea ka abi kong phong kiiwa pong na atsea mirbaiqha.

EJEKIEL 34:31

“Ngi raq dunghiq lata rümtiikang, namshiq kata, i skusekong kiimaq namshiq kata i senginok. Kiimaq Ngi ahata Namshiq Shiikeawe,” nguta Tati Rakaü Hiqwe raq ngutlo.

EJEKIEL 36:37

Tati Rakaü Hiqwe raq ngutlo, “Ngi raq Israilnok ma jangshiri hali, i jaq wa khrum mitiijaü nongha. Kiimaq Ngi raq tsangshiq ka skusekong puchi wan tlaq ikha pahea mitiipu kuqha.

EJEKIEL 37:21

Kra laütiishe tsangshiq ma chonglaq, Ngi, Tati Rakaü Hiqwe raq, isenginok tlotli mangjong hiq na maiq mung pahea na kihotaq kriiwa, tsangshiq ka adam na mirchom wanha. Lata tsangshiq ka tsangmung niishe mitsuq wan nongha.

Hosea 1:11

Juda mungti nai Israil mungti ka adam niishe mipong wan. Raüta nokshi hiqshiti miishe mija wan. Raüta tsangshiq raq tsangshiq khuthaq na mungtuwe weshi she mishong wan. Krai mren tsangshiq ka jangshi ri hali mipuchi wan nong. Raüta chiithe lüwa ajong ala miishe mija wan nong. Tengto, Jejreel wangti ka pinthum ajong ala wang miishe mija wan!

AMO LUIK DVP (AMOS) 1:12

Arkha na ngi raq wa ka Teman hiq na michaq ha, kiimaq Bojra hiq wa kiitelong peruk weshaü ka, wiita wa maq mitiibun chaq ha,” nguta Tatiwe raq ngutlo.

Mikha 2:13

Shiikeawe raq tsangshiq dong wan chang kilü mirkuq, Raüta pongmung wa tsangmung na mitsuq wan, Tsangshiq ka chela kilü thun linwan raüta, wase miishe mijawan. Tsangshiq hokham Tatiwe raq Lamshea raüta re mung wa, tsangmung niishe mi laü wan.

Mikha 4:8

Kiimaq Jerusalem lei, Shiikeawe ka kiijaq ngaraüta, asenginok ka skusekong ikha rüm wan tlo, ümniika man na jamkhiiwa silaü, kiikha mungtan nyungchong miishe mija wan nong haü.

Mikha 5:7

Kra mungbrak jaimaq aso atiichong, Israilnok ka maiqphan pahea ma Tatiwe raq, waitsi atrok ikha hüphin hanphin miraq. Wak na tsam cham rü na, waitsi bangkham sattlaq ikha, tsamcham miitu ahea miraq. Tsangshiq raq maiq jaq ka liimak miraq. Tatiwe miilishe mikam wan.

Mikha 5:8

Israilnok pongmung na atiichongki thun ka, Rum na hangsi raq rum ngamse riimakla, skukong sangphii rü na atsam phaq wa, chaiham chaihiiq jom phaq wan tlaq ikha, tsangshiq tiichhii kewanti junim ahüshe miraq.

Mikha 7:14

O Tatiwe lei, ümsengi ümniiraq atsea wan haü, skukong ikha rüm laq. Tsangshiq ka kumtsai phü binjü na sitlo. Li jiimin, tsangshiq sichang hiqtro ka, hiqpo hiqwin jonghea asi. Man na rathup rapha na tsangshiq, Shong chang dongdii, Bashan wang nai Gilead wang binjü na, nyamse dung chang, nyiimlung ram kiijaq, tiishong wan nong laq.

Mikha 7:18

O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.

JEPHANIA 3:20

Akhing ka saü wantlo she! Ngi raq ümsengi pongmung na, amo miirai kiiwa, jam niishe mitsuq wanha, Ngi raq ümniika mangjong tlotli na, ajong pinthum she mitiijaha. Lata ümniika thongshiri hali, chiithe jong ma mitiija wanha.” Arka Tatiwe raq ngutlo.