Biblia Todo Logo
La Biblia Online
- Anuncios -




Mikha 2:11 - Hawa Naga Bible 2001

11 “Kvruex miq htenc kvraq vrot vkaq kvjaz jungphvnx khuemx yaq shvmmax ikhoc jix kuex raungc raq wuez yaq, ‘Mnoz tvkoc svpiq tix nuiyc joal vtsvmz yvlx dung tuex ngoz tueq ngaz rueq rawshvmx shvmx tauk,’ ngoz tueq jungx shuex.

Ver Capítulo Copiar

ASII LAKDAP Bible (BSI)

11 “Arnok riika arot akiq shammi bom chongketi, ‘Namshiq ma spiqtai nai laohu chamtraq misaü’ nguta chongketi shammi lungwiitlo.

Ver Capítulo Copiar




Mikha 2:11
35 Referencias Cruzadas  

Kvkaq Bethel ghaq wawc shvmmax likawx waz rueq, “Ngaz muinz mnoz kv-khoc shvmmax washiz rvtauk, Yehowa rueq nvr tueq bomc nuex mnoz kuex ngvy yuimx nuex shvlx wvnc vtueq tv-phuiuz svy tvkoc raungkamx waz rueq ngaz muex jungx phuex,” ngoz tueq jungx tueq. Yuq muinz shvmmax likawx waz rueq vrot rvtueq.


Kvkhoc rvtueq Ahab rueq shvmmax bix 400 tanc kuex gvl tvtuimx vtueq, “Ramot ghaq kuex ngaz rueq lungc kay tvkoc mvy yaq shuex mvy muq lac?” ngoz tueq wiz tueq. Tsuinghez rueq, “Khvt shuinz, Yehowa rueq mnoz muex tvtaungx kv-phux,” ngoz tueq jungx tueq.


Ngaz rueq mkaq muinz layx vbac yauk shuimc htenc kuex shuimx mauk nuiyc, mkaq muinz naungnuk waz kuex laulawc tvkoc hunglaungx wvnc mauk lvmx kvtuemc vtaungx.


Vkuy tvkoc bomkhvmc kuq ruiux mkaq muinz kuq muq jix kuex raungyunx muq khuemx nuiyc raungguil ikhoc rvtueq.


Shvmmax bix nuiyc shomc waz bix doc muinz pinhtumc juk pawx wuez vtueq rullez ngaklez khuemx wuez yaq. Tsuingshiq kuex svpiq tix nuiyc joal nuingc vjvnc ningkhvnc nuex phuinglez phamlez kvhtuip luip khuemx wuez yaq. Shvmmax bix kuex pinhtumc pawx vtueq Tishox rueq vkuq romzyac tvkhic htenc vlvmz kuex tuiuz wuez muq, shomc waz bix muinz vjvnc nuingx wuez vtueq tsuingshiq kox nuex lvmz laq yaq yauk shuimc kuex tvhungx htaungx htvp htaz kuq lot muq.


Rullungx nyuiuz waz rulx nuiyc tvtsanc nganc lvp jix miqwaz rulx kuex vkhux rvtueq, vrot vkaq tvluingc jix shvmmax bix kuex vmiz rvtueq!


Yuq muinz Yehowa rueq tvralc tueq, “Kvruex shvmmax bix kuex ngvy muingc maq vrot vkaq jungx yaq; ngaz rueq tsuinghez kuex tvkaz mauk doc, tsuinghez muex yvmx muinz nvr mauk doc, kvjaz poshiz muinz jungx mauk doc. Tsuinghez rueq jungx yaq romzyac tvkhic bomc kuex ngvy kox wawc rvmuq, tsuinghez rueq tvluz nuex jungx yaq luingx lawc lvmz kuex tsuinghez thuinz maq tak yaq khuec guez lvmx dvyx rvtueq.


Yuq muinz ngaz rueq tsuinghez htauk nuex vjvnc Yerusalem wawc shvmmax bix kuex khiz tauk: tsuingshiq kuex miqjuik miqsaz rulc yaq ruiux vrot vkaq kvjaz jungx wuez yaq; tsuingshiq rueq miq htenc kvmac vyaq yauk shuimc tvkoc romc kuq yaq, kvkaq layx bac yauk shuimx yaq kuex uraq muinz httvr gay lot muq. Tsuingshiq lotlaz kuex ngvy khaungkac nuex Sodom nuiyc Gomorra miqsaz ikhoc vbac sawc sauk.


Tsuingshiq rueq ngvy kvjaz tay muq tvlvlc yaq jix miq htenc muex, tsuingshiq rulc vdvmz nuex khuemx shamx naungx ruiux yuq, lvmx ruip saz nuex hvlx wvnc tuex ngoz tueq jungx wuez yaq. Kvkhoc khux tvtsanc jix lotlaz htauk nuex thuimkux kuex httuiuc tuex rvmuq, ngoz tueq tsuingshiq rueq jungphvnx wuez yaq,” ngoz tueq.


Ngvy muingc jungx vtueq vrot vkaq kvjaz jungphvnc nuiyc tsuingshiq maung nuex tsuingshiq muex ngaz rueq ngvy bomjungc kuq tauk ngoz tueq jungphvnx yaq, kvruex shvmmax bix kvjaz kuex ngaz rueq tuiuz yaq.


Ngaz, Yehowa rueq jungx vshaungx kuex tay shuinz! Vrot vkaq kvjaz phvnx ruip saz mvrc vtueq, vruex maung htenc kuex jungphvnc jix shvmmax bix kuex ngaz rueq khawx gay shaungx. Ngaz rueq tsuinghez kuex tvkaz mauk doc, vkay tvkoc muinz nvr mauk doc, tsuingshiq rueq miq htenc vmac yvmx muinz romc kuq lot muq. Ngaz, Yehowa rueq jungx vshaungx,” ngoz tueq jungx tueq.


Kvruex yimaq ngaz rueq Hanania muex vruex lvmz kuex tvhttoarc jungx tauk, “Hanania lex, tay shuiuz! Yehowa rueq mnoz tvkaz kv-phux rvmuq, mnoz rueq miq htenc muex rot kaq vtueq tvkvmx luimx vshuiux.


shvmmax bix kuex vrot vkaq kvjaz maq lvy vtueq yvmx muinz jungx muq; shomc waz bix rueq muinz shvmmax bix rueq nvr yaq rulc rv-ngvlc guimz lawc yaq, ngvy miqsaz htenc rueq tvwanc juing lvmz yvmx muinz vguez. Yuq muinz vtvsuip nuex vruex lvmz htenc lotlaz yaungx wvnc tuex nuex tsuingshiq rueq yvmx lac shuimx shvnx?” ngoz tueq jungx tueq.


Mshvmmax bix rueq vrot vkaq jungx yaq maq lvy vtueq mnoz muex yvmx jungc kuy juing muinz vguez; Tsuinghez rueq jungphvnx yaq kuex mmvrax lvmz tvdung jungx muq, tvkhic muq, mnoz muex laulawc gay kv-phux. Mnoz kuex thuinz kvlayc rac muq ngoz tueq tsuinghez rueq mnoz muex tvrvwvl kv-phux.


“Ngaz rueq tvshirix roc mauk miq hvlx hez htenc kuex nuimshiq vrot vkaq kvjaz maq thuinz tvbac tvyomx vshuinx. Layx vbac miq htenc rueq layx vbac yauk shuimc kuex tvwanc muit maq, nuimshiq rueq tsuingshiq rullungx kuex tvsumx rumx vshuinx.


Tsuingshiq rueq ngvy kox wawc thuinz vrux maq vjux thoz muq, yuq muinz kvkhoc ruec tvraung, tsuingshiq pumz kuex ghaq nuex bumx vtueq kvmluimx muq jix rueq ikhoc khoarsez yaq. Tsuingshiq rueq tuiz vtsvmz nuiyc svpiq tix thoz shuex nuex, tsuingshiq pumz kuex kvmluimx muq miqsaz ikhoc tvmac gvnz yaq. Tsuingshiq rueq yvmx lac khawx lvlx yaq nguinx!


Ghaqyungx mungx walaungx bix rueq khauloayc yauk noalc laung nuex guimz lawc yaq, shomc waz bix kuex yauk mauk tvkoc nuex Tvrac luik htenc vlvmz kuex tvluing kuq yaq, shvmmax bix kuex tsuingshiq rueq lvp juing kuimphox tvkoc tsuingshiq romzyac tvkhic htenc kuex kuq wuez yaq, tsuingshiq lotlaz rueq Yehowa kuex tsuingshiq rulc vdvmz httax yaq ngoz tueq jungx wuez yaq. Tsuingshiq rueq, “Naungshiq nuex yvmx muinz thuiuz sac tix rvmuq, Yehowa kuex naungshiq rulc vdvmz httax yaq,” ngoz tueq ngoz wuez yaq.


Ngvy miqsaz htenc muex laulawc jix shvmmax bix kuex tsuingshiq muex kuq yaq jix htenc muex nomic lvp tvkoc bomkhvmc kuq yaq, yuq muinz vkuy vnoalc lvmz vguez jix tvkoc kuex jaq vralx maq tvhiz sungx yaq. Kvkhoc jix shvmmax kuex Yehowa rueq,


Yvmx khoc lac ngoz ruiux lec tsuingshiq kuex naungshiq Taungjix Christu yauk shuimc jix rvmuq. Miqmac wuk tvkoc yauk shuimc svy jix dvyx rvtueq. Tsuingshiq bomc nyenz samaq raz tueq tenpic kvjaz maq, kenrix jix htenc thuinz kuex tvshonx ronx yaq.


Tsuingshiq kuex ngarvyx nuex lvmx suip wuez tuex, yvmx khoc lac ngoz ruiux lec tsuingshiq tishox kuex tsuingshiq wuk ngoz yaq gvnngvmx rvnphvnx lvmx yaungx yaq. Tsuingshiq kuex yvlc svy lvmx nuex kvsomc parc juing muex tvyaungc ruiux, vruex mungkawx wawc hup vsvmx muex dvyx rvwvl wuez yaq.


Lungwawc kungjix bix lex, Siyac lvp wvnc tiq ngoz tueq jungc jix miq lotlaz muex nauk kvmx kaz, tsuingshiq rueq lvp wvnc tiq ngoz yaq siyac kuex Tishox kox wawc vkaz shuex rvmuq lac kuex wisoz lawc shuinz. Yvmx khoc lac ngoz ruiux lec vrot vkaq shvmmax paunghvlc kuex baung ruip saz nuex httuiuc wvnc tueq.


Síguenos en:

Anuncios


Anuncios


¡Síguenos en WhatsApp! Síguenos