Mikha 2:10 - Hawa Naga Bible 2001

¹⁰ Kvtenc vtueq kaz kuiuz; vruex yuq kvwungx juing yvmx muinz vguez. Vruex baung bac wvnc tvkoc nuimshiq rueq shuimx vshuinx mvrax htenc kuex vphoc rvhumc vtuinx.

ASII LAKDAP Bible (BSI)

¹⁰ Tiido ronglaq! lanta namchiim jintlo ronglaq. Namshiq chapngachang ka ajaq ahüshe. Namshiq maiqmii thiikho thülan, kiijiishe midea wan han. Lanta laimiq ümwa wan han.

Mikha 2:10 Referencias Cruzadas

1 HOKHVMX 9:7

Tsuingshiq muex ngaz rueq kuq tauk mungtan wawc ngvy miqsaz Israel kuex tvhttot gay shaungx. Ngaz muex nawk palx juing baung ngoz tueq ngaz rueq pungx thvlc vthvl taq vruex Shomc Yuimx kuex ngaz rueq gay shec shaungx. Baung ruip saz nuex httax yaq miq htenc rueq Israel kuex shummarc vtueq wvlc guez tvyaungc shuex.

2 HOKHVMX 15:29

Peka kuex hokhvmx muex yaungx yaq nuex Asiria honoc Tiglat Pileser rueq Ejon, Abel Bet Maaka, Janoa, Kedesh, Hazor ghaqyungx htenc nuiyc Gilead mungx, Galile nuiyc Naphtali mungx htenc kuex khvt lvp wvnc vtueq, miq htenc kuex Asiria mungx nuex thuq wvnc tueq.

2 HOKHVMX 17:6

Hoshea duiz tueq maq wawc tvkuiuz nuex Asiria honoc waz rueq Samaria ghaq kuex khvt vtueq, Israel miqsaz kuex khoktep miqsaz muex Asiria mungx nuex lvp thuq wvnc vtueq, wvyvmc kuex Hala ghaq nuex, wvyvmc kuex Gozan hong Habor Ruilx kawx nuex, wvyvmc kuex Media mungx wawc miqghaq htenc nuex tvhttax tueq.

2 KAÜWA WERAÜ 7:20

ngaz rueq nuimshiq muex kuq phaungx mungtan wawc nuimshiq kuex ngaz rueq tvyenc gay ruiux, ngaz muex nawk palx tvkoc vlekuq vruex Shomc Yuimx kuex ngaz rueq gay shec shaungx. Baung ruip saz wawc miq htenc rueq muinz Israel kuex wvlc guez tvyaungc vtueq shummarc nueykuic wuez shuex.

Tvtsvmc 106:38

Tsuingshiq rueq mvrax vguez nosaz rulx kuex thvt vtueq shomc kuq tueq, mungtan kuex miq thvy yauk shuimc jix hez ningkhvnc nuex tvshuy shac gay tueq.

Tvtsvmc 95:11

Ngvy thuinz tvkhaq vtueq ‘Nuimshiq thuinz suinglix lix maq httaz lvp tvkoc, ngaz rueq vtvhungx taq ghaq vraungx nuex mkaq muinz nyuip lvp tuinx rvmuq,’” ngoz tueq tuemc khvmc kuq gay tauk.

JEREMIA 10:18

Yehowa rueq mnoz kuex vruex mungx vwawc yurc gay kv-phux; vpiq rueq nuimshiq wawc vshiz muinz tvjungx muq nuex httuiuc laz, mnoz kuex tvbunx gay kv-phux. Yehowa rueq jungx tueq.

JEREMIA 3:2

Kankhux kuex lawc wuez shuinz. Mephex nyuiuz rueq ikhoc mnoz rueq shuimx lvmz muq maq httax wvnc toq baung kuex vhttax haz? Arab miq rueq kumtsvy tvnx maq khvt nyvlc muex bvmc yaq ikhoc, mnoz rueq lvmx kawx maq lungwawx nyuiuz kuex bvmc vshuiux. Mnoz rueq ghaq vraungx kuex mephex nyuiuz yauk shuimc maq tvshuy shac gay vshuiux.

JEREMIA 9:19

Zion nuex khoar yaq tvruingc kuex tay shuinz: “Naungshiq bac wvnc vtix shex! Naungshiq pinhtumc yvlc svy rvhumc vtix! Naungshiq rueq naungmungx kuex gay shec juing shex; naungshiq yuimx htenc httak gay rvhumc tiq.”

EJEKIEL 36:17

Vpiq rueq, “Vthueyc rvyaq miq lex, Israel miqsaz kuex tsuingshiq mungtan nuex httax tueq jauz, tsuingshiq httaz vngaungc nuiyc tsuingshiq shuimc vkay honc vyaungc rueq kvruex mungx kuex tvshuy shac tueq. Tsuingshiq honc vyaungc kuex yalxjuik nyuiuz shiz khvysvmc kaz yaq baunglaung nawk palx htungx maq sawc muq ikhoc sawc muq ngoz tueq ngaz rueq ngoz taq vshaungx.

EJEKIEL 36:19

Tsuingshiq httaz vngaungc nuiyc tsuingshiq rueq shuimx yaq honc vyaungc rulc rv-ngvlc ngaz rueq htvp htaz tauk, kvkhoc tsuingshiq kuex pungnuk mungtan htenc nuex tvpanc nyanc gay tauk.

TRI CHONGKE 12:9

yvmx khoc lac ngoz ruiux lec majuiuc kuex Yehowa nuimshiq Tishox rueq nomic maq nuimshiq mhttax kueq ngoz tueq nuimshiq muex vkuq mungx nuex nuimshiq max httuiuc kaz doc.

TRI CHONGKE 30:18

nuimshiq tvbac gay rvhumc vtueq nuimshiq rueq lvp wvnc shuinx Yodan ruilx kvkox ral wawc mungtan kvyuq rullungx loayc hvlc httax lvp tuinx rvmuq, nuimshiq muex majuiuc ngaz rueq honc tvsvmz kuq vphaungx.

TRI CHONGKE 4:26

Ngaz rueq raungx nuiyc ghaq muingc kuex ruingc vtueq hakhix taq vshaungx, ngvy kvjaz kuex nuimshiq rueq phvnx muit ngoz ruiux yuq, mtanc httax muit nuex kvruex mungtan kvyuq suimz wvnc tuinx. Nuimshiq rueq Yodan Ruilx kuex yanz wvnc vtueq khvt lvp wvnc shuinx mungtan kvyuq loayc hvlc tvraungx httax tuinx rvmuq. Nuimshiq kuex lotlaz tvbac gay rvhumc tuinx.