Mikha 2:10 - ASII LAKDAP Bible (BSI)

¹⁰ Tiido ronglaq! lanta namchiim jintlo ronglaq. Namshiq chapngachang ka ajaq ahüshe. Namshiq maiqmii thiikho thülan, kiijiishe midea wan han. Lanta laimiq ümwa wan han.

Hawa Naga Bible 2001

¹⁰ Kvtenc vtueq kaz kuiuz; vruex yuq kvwungx juing yvmx muinz vguez. Vruex baung bac wvnc tvkoc nuimshiq rueq shuimx vshuinx mvrax htenc kuex vphoc rvhumc vtuinx.

Mikha 2:10 Referencias Cruzadas

1 HOKHVMX 9:7

kriishe nguraüla, Ngi raq isengi Israilnok ka Ngi raq tsangshiq ma akuq wanha mungtan kriiwa akoq she mirbaiq wanha. Kiimaq Ngi raq ara Shomjam ara, Ngi shomnoq wan chang hiqba nguta phumram kham maq atiibok wanha asii jam arka amiimshe mirbaiqha. Mangjong maiqse barap binriiti raq Israilnok ka thophi riiqphi saisikhiq she mishum miiwan.

2 HOKHVMX 15:29

Peka ka hokham jatlaq pat na, Asiria mung Ajong Pinthum Hokhamwe ka kiraüta Israil mung ka khatto. Raüta Ijon, Abel Beth Maaka, Janoa, Kedesh, kiimaq Hajor chela thun, kiimaq Gilead wang binjü thun, Gelili wang, kiimaq Naphtali chela thun kra khatto. Raüta arthun chela wa mungmaiqse ka munglu shumwi ma Asiria mung na tsuq wanto.

2 HOKHVMX 17:6

kra rawii ka Hoshea raq mung lang wan li maq wiitiikaü she angu na, Asiria mung ajong hokhamwe raq Samaria chela ka khat raüta jiito. Raüta apaiq raq Israilnok ka munglu shumwi kong ma Asiria mung na tsuq wanto. Raüta tsangshiq ka wiijam ka Hala chela niishe tiishongto. Kiimaq maiq wiijam ka Gojan wang na Habor Rai kii tan na tiisito. Kiimaq wiijam ka Media mung na chela thun na tiisito.

2 KAÜWA WERAÜ 7:20

ngi raq namshiq ka namshiq ma mung ashi kuqkang arwa alam mirbaiqha. Kiimaq ngi raq ngi shomnoq miitu ara hiqba asii ramkham maq atiibokha Shomjam ara amiim she mirbaiqha. Krai mren mangjong maiqse barapti raq ara mishummii wan. Raüta chuphit nüphit lishe misai siwan.

Tvtsvmc 106:38

Tsangshiq raq sepii noserekong tsatbaiqto, kra mat tiijai raq mung ka tiisheshibaiqto.

Tvtsvmc 95:11

Ngi ka itsan khiqhea kriikha na atiitum lata akha kiqkham kang: ‘Namshiq ka Ngi raq nii mitiitsak kuqha ngukang mung kriijaq ümkha riita jiimin saülu man mirhan.’”

JEREMIA 10:18

Tatiwe raq namshiq ka armung wa ado she mirbaiq; Apaiq raq namshiq ka weshi min tiichong mak maq tiinamtok mitiiq baiq. Arka Tatiwe raq ngutlo.

JEREMIA 3:2

Liilaq! hiilam hiqpot thun kiijaq. Ümniika mephe-nyung ma jalaüta nga wan maü dea hiq ba ka asi shea? Arabnok raq rumnyangkhi kumtsaiphii bin jü maq maiq wanhiq khumti kra tek ma khetlaq ikha, ümniiriimin tungkii lamkii thun kiimaq ngalaüta ümkongtiwetiim khe tlaü kata. Ümniiraq ümsethoq ja maq mung ka tiisheshi baiqlaü she.

JEREMIA 9:19

Taironglaq Jajon chela na maaho trang kra, “Nashiq thenkai she! Nashiq ka miqchup jea ngaükai she! Nashiq raq na mung ka miimthü chang she; nashiq jam thun wiitashe runbaiqto.”

EJEKIEL 36:17

“Maiqse lei, man na Israilnok ka tsang mung na siji na, tsangshiq rilung ashe kiimaq ashut jaqsham wantaq kra lümaq mung hiqkhu rakhu ka tiisheshi baiqto. Ngi raq tsangshiq rilung ka jechakre kheasam bala ashe sitlaq ikha ashe lü wan kang.

EJEKIEL 36:19

Ngi raq tsangshiq ka ashut aphit siwan kha na kiimaq ajiq klowan kha na tsangshiq kha ka pholata tiishut baiq wan kang. Lata tsangshiq ka pongmung pahea na nyinbaiq wan kang.

TRI CHONGKE 12:9

Jamkhano ngukla namshiq ka ümchaü niitaq, Tatiwe namshiq Shiikeawe raq namshiq khusang rakhang maq siwan chang kuqtlaq mungtan kiijaq misaü wan shaq li.

TRI CHONGKE 30:18

ümniika miqchup mitiithenbaiq. Ngi raq ümchaü armaq ümniima chongkuq tiikang ara. Kra ngu haüla, ümniiraq hiqshong Jordan rai re na jiiwan tlaü kiijaq ümrilung ka alu simaü mirhaü.

TRI CHONGKE 4:26

Ümchaü ranaiq akhing na ngi raq ramungtan nai mangjong hiq ka namshiq shrati saqse keti ma tiijalata chongtiikang, namshiq raq ibom chong ara tlea hanla, namshiq ka kra mung kiiwa wiita she mimo wan han. Namshiq ka ümchaü Jordan rai jin wan lamta jiiwan tlan kra mung na alu ka shong nga wan lot man mirhan. Namshiq ka chongthum ma tiijatlii raüta mitiithum baiq.