Mikha 2:9 - ASII LAKDAP Bible (BSI)

⁹ Namshiq raq isengi anyungre, thümwaq mantibi ka, maiqmii jam na apeowiq asi wa jobaiqtlan, lanta ngi achu shiiman tsangsetiim ka, pattup miitu nyeahotlan.

Hawa Naga Bible 2001

⁹ Nuimshiq rueq ngvy miqsaz yalxjuik rulc kuex tsuingshiq rueq lungwawx yaq yuimx kvwawc yurc gay vshuinx, tsuingshiq sahez muex kuq tueq ngvy pattup pat-sac ruimrix kejux kuex nuimshiq rueq httak tvbac gay tuit.

Mikha 2:9 Referencias Cruzadas

Tvtsvmc 72:19

Apaiq mang chhainyii jonglu kra pattup pat-sa tiitsam ronglaq! Apaiq khushü liliim raq mangjong hiq raikhü ka wiita mililiimlaq. Amen! Amen!

JEREMIA 10:20

Nashiq tombutiip thun thento she; tiip tiikha chan chang raü thun tiipankito she. Nasetiim thun wiita tsuq wanto. Nashiq tombutiip thun chanketi maiq ahü she; tiip thun kilü khea chanketi maiq ahüshe.”

EJEKIEL 39:21

Tatiwe raq nguto, “Ngi raq maiq mung thun ma i khushü jong ka mitiichhi kuqha. Kiimaq Ngi raq tingting khapho tri raütu ka ningkun aheng maq jamkho sham tiikang kra tsangshiq ma mitiichhikuqha.

Yoel 3:6

Namshiq raq Juda mungti khat lanta tsuq wan. Kiimaq namshiq raq tsangshiq ka pongmung luhea na Grik mungti ma shaphaq wan lan.

AMO LUIK DVP (AMOS) 2:7

Tsangshiq raq wepuq wese ümkoq ümphaq, ji maq nishishi nibaiq wanto. Kiimaq miitsan miijan maiqsetiim, lamkampii wa liiq baiq wanto. Kiimaq siwe sise anai jong raq, maiqmii dise jechakse rai adam hainga wanto. Raüta maiqse kra haihii wanto. Raüta imang asii tiisheshi wanto.

Mikha 2:2

Tsangshiq raq aroro maiq wak nyeatlo Tsangshiq raq aroro maiqjam nyeahoto. Maiqta maiqwii tachong nyeahotlo, maiqta kiimaq tsanghup tsang sam, tiiwongchang ahü.

HABAKUK 2:14

Shatmaq, mangjong hiq ka, Tatiwe sap wan tsantsii raq nai, Tatiwe khushü jonglu raq, sammoktra chum ma wan tlaq ikha, alüm ale she mima wan.

JEKERIA 2:5

Tatiwe raq apaiq klishe Jerusalem chela tro na walütu peruk ma mija. Raüta chela ka mikhup wongkuq. Raüta apaiq phung ngao jonglu maq ali aliim she misi wan,” nguta rase raq chongto.

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

Mark 12:40

Tsangshiq riika manti-nyungre tsiiqchong nyamchong kra nyeaho kham ma, rakhütsiri maq shetangtang achu jaü kuqtlo. Shiikeawe raq tsangshiq ka achong lot mai she mitiichamchao wan.”

Luke 20:47

Tsangshiq riika, manti liihi nyungre ka süpsi wantlo. Kiimaq achu jaü ka, shetangtang tiichhi ha jaü raüta, tsangshiq jamkun ka wiita laolii phaqsiq wan tlo! Tsangshiq khuthaq na Shiikeawe raq kha ka jonghea mikuq. Kiimaq tsangshiq miika pinthum achonglot mai chamchao jonghea mikuq wan!”

2 Corinthians 3:18

Riita, ara chongtiikai arai mren, nashiq tarü raq nashiq theaphi ka panghü miishe, Tatiwe chhainyii ngao ka tliliim tiikai. Kiimaq ara chongtiikai chhainyii ngao, Tatiwe dü wa nashiq khum na saü tlaq arka, Asii Wenyi ahata. Ara Asii Wenyi ariiraq, nashiq rilung arka apaiq sham ikha achhai thaq niimin achhai anyii henghea she tiichhai nyii wan miitu she, nashiq rilung ara klai kuq wan tlo.

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.

1 SAMUEL 26:19

Chaü lei, ngi raq jamlai bom wa chongtiikang ara samhea tiitsang tailaq. Riita, ümchaü ümniiraq ngi jorat tlaü arka Tatiwe apaiq riidea, ümtsan ümtsii kra tiipherak baiq wan raüta jotlaü jiika, apaiq ma honglu kuq raüjaq, apaiq tsantsii kra ashi mirwan. Shatmaq, maiqse riila klo liitlaq jiila, Tatiwe manson kiqsü homa kra tsangshiq dü niishe minilaq. Jamkhano ngukla, tsangshiq raq ngi ka Tatiwe raq akuq hiqshong mong kriiwa ngi ka pongmung na, sumla phra thun kra shomnoq wantibi mung niishe jobaiq wanto.