Mikha 3:2 - Hawa Naga Bible 2001

² yuq muinz nuimshiq rueq vhvlx kuex shuiuc gay ruiux layx vbac kuex lungwawx vshuinx. Nuimshiq rueq ngvy miqsaz htenc kuex tvraungx tsuik tsuik vkhuix kawk vtueq ruk vrawz nuex kop yaq ngvmx kuex httueyc gay vshuinx.

ASII LAKDAP Bible (BSI)

² Shatmaq namshiq raq tingting tri ka ashishe riitlan. Lanta ashut tri kra lang tlan, Namshiq raq isengi mungmaiqse ka akhü koq lanta tiichamchao tlan. Kiimaq tsangshiq ka riitsi tsaitsiiq siphaq tlan!

Mikha 3:2 Referencias Cruzadas

1 HOKHVMX 21:20

Ahab rueq Eliya kuex khiz vtueq, “Ngvy ralx waz lex, mnoz rueq ngaz kuex humc phux shex nyix?” ngoz tueq. Eliya rueq, “Rvtueq, ngaz rueq lauz phaungx shex, mnoz rueq Yehowa htumc nuex vbac yauk shuimc kuex mshauk pumz maq raungc raq tvhtumx laz shuimx vshuiux.

2 KAÜWA WERAÜ 19:2

Hokhvmx waz kox nuex rvhumc kay ngoz tueq Hanani saz shvmmax Jehu kuex kaz vtueq, “Layx vbac jix muex romc kuq vtueq Yehowa muex shuiuc pac jix kox nuex jvp naungx vtuiux kuex vlvmz ngoz tueq haz tvmaung vshuiux? Mnoz rueq kvkhoc shuimx toq ningkhvnc nuex Yehowa thuinkhvy kuex mhtauk nuex gurx vshuiux.

Tvtsvmc 15:4

Tishox vtvdux gay jix htenc kuex piq rueq suirsac yaq, yuq muinz Yehowa kvjaz tay jix muex tvtsanc nganc kuy rvyaq. Bomkhvmc tvhungx tvkoc mtanc dvyx gvrx ruiux muinz, vpiq bomkhvmc htenc kuex mkaq muinz shuimx kaz yaq.

Tvtsvmc 53:4

Tishox rueq, “Tsuingshiq rueq tuiuz muq shuex raz tvnx? Layx bac shuimc jix htenc lotlaz kuex tharc guez jvnc shuex raz tvnx? Tsuingshiq rueq ngvy miqsaz htenc kuex nyvlc khvt vtueq kvdungc gvy yaq, ngvy kox wawc mkaq muinz vjux thoz muq,” ngoz tueq wiz yaq.

TAKSU LAK 28:4

Tvrac kuex mnoz rueq tvtsanc muq ngoz ruiux yuq, mnoz kuex layx bac jix miqsaz kox nuex httax vtuiux; yuq muinz tvrac kuex mnoz rueq phvnx vshuiux ngoz ruiux yuq tsuingshiq kuex mnoz rueq khawx vshuiux.

ISAIA 3:15

Nuimshiq nuex ngvy miqsaz htenc kuex tvbunx jek gay nuiyc htemc saz jix htenc kuex mop jap svy muex vkhangx vhvlx lvmc juing yvmx muinz vguez. Ngaz, Tvphaungc Tvsuip Johvlc Yehowa rueq jungx vshaungx.”

ISAIA 5:20

Mnoz kuex vphoc rvhumc vtuiux! Mnoz rueq vhvlx ngoc vbac, vbac ngoc vhvlx ngoz tueq ngoz vshuinx. Mnoz rueq vnyauk ngoc vwuic, vwuic ngoc vnyauk ngoz tueq ngoz vshuinx. Mnoz rueq vruimx ngoc vkhuip, vkhuip ngoc vruimx ngoz tueq tvyaungc vshuiux.

ISAIA 57:12

Nuimshiq miqmac rueq shuimx vshuinx kuex vlvmz ngoz tueq tvmaung vshuinx, yuq muinz nuimshiq honc vyaungc kuex ngaz rueq jalc tvkhic gay ruiux yuq, nuimshiq yac yuimx htenc rueq nuimshiq muex romc kuq lot kv-phuinx rvmuq.

EJEKIEL 11:7

“Kvkhoc rvtueq vruex kuex ngaz, Johvlc Yehowa rueq nuimshiq muex jungx vphaungx rvtueq. Vruex ghaqyungx kuex vsuing vshungc vlumc juing tuik rvtueq, yuq muinz ngvmx kuex yvmx khoc phvnx lac? Kvruex kuex nuimshiq rueq thvt gay tuit miq maungx htenc rvtueq! Nuimshiq kuex vruex yuq httax lvp tuinx rvmuq, ngaz rueq nuimshiq kuex vruex ghaqyungx vwawc yurc gay phaungx!

EJEKIEL 22:27

Gawamen vyungx vlaungx bix kuex ngvmx kauk vtueq tvhtaq tvruk puinz phauk gay yaq shoalx ikhoc rvtueq. Tsuingshiq kuex luiz waungx yaungc tvkoc miq thvy gay nuex yaq wuez yaq.

EJEKIEL 24:4

Vhvlx pinhtumc ngvmx phux, vphauk vwex ngvmx htenc kuex htawc shuiuz, vthvlc vruez vrawz htenc tauk tvmvrc shuiuz.

EJEKIEL 34:3

Nuimshiq rueq vpuix kuex nuingx ruiux, vmul maq vtauk khvy kuex svmx vtueq vshvmx vhvlx khelbuenx kuex thvt phauk vshuinx. Yuq muinz nuimshiq rueq mkaq muinz khelbuenx kuex remc lawc muit.

AMO LUIK DVP (AMOS) 4:1

Hungc vlaungc vnulx jix guirguenz ruiux htemc saz jix htenc kuex tuinghtuing vtueq, miqmac taungwaz muex nuiyshiq rueq nuingc muex joal lvmz laq loq ngoz tueq nvr ruiux, phuiuz vsvy vhvlx phuiuz svy jix Bashan wawc manx kuiux htenc ikhoc puiz yaq Samaria shvlx rulx lex, vruex kvjaz kuex tay shuinz!

AMO LUIK DVP (AMOS) 5:15

Layx vbac kuex shuiuc ruiux, vlvmz kuex lungwawx shuinz, tvrac rungx htenc nuex tvrac vlvmz httaz tvkoc phvnx wuez shuinz. Yehowa rueq vruex miqphvnx vwawc tvraungx kvjungx yaq miq wvyvmc muex menjenc kuq ruiux kuq shuex wuez raz tvnx.

Mikha 2:8

Yehowa rueq tvralc tueq, “Nuimshiq rueq ngvy miqsaz kuex ralx ikhoc khvt tuit. Ralx lungc ruix maq vyek waung miq htenc rueq yuimx htenc nuex kvwungx httax yaq ngoz tueq tvmaung wuez tueq, yuq muinz kvruex yuq nuimshiq rueq tsuingshiq khoz vkhvy htenc kuex guiuq nyvlc lvy tvkoc bvmc wuez vshuinx.

Mikha 7:2

Kvruex yuq miq shauk jix vshiz muinz vguez, Tishox nuex tvmtuing httaz jix vshiz muinz vguez. Miq tek vtueq miq thvy tvkoc vkhangx kuex bvmc wuez yaq. Miq tek vtueq vdvmz dvmz rv-khoyx wuez yaq.

Mikha 7:3

Tsuingshiq lotlaz kuex layx vbac yauk shuimc nuex thenc hvlc jix jvnc rvtueq. Vyungx vlaungx bix nuiyc phoc waz bix rueq khauloayc yauk noalc thoz wuez yaq. Luimc vkawc vhttax miq rueq yvmx lac roc yaq nguinx jungx ruiux yuq, tsuingshiq rueq vbac lvmz kuex vdvmz nuex kvruiuz wuez yaq.

JEPHANIA 3:3

Kvruex wawc vyungx vlaungx bix kuex vhuk vhex khuemx yaq hangsic ikhoc, phoc waz bix kuex vrvmc thuiuz muex raungnvp nuex httuiuc laz vrawz vshiz muinz tvjungx taq muq shoalx htenc ikhoc yaungx yaq.

Luke 19:14

Majuiuc, piq mungtan wawc nuk miqsaz rueq piq kuex shuiuc pac vtueq, tsuingshiq rueq piq yix nuex kamx waz bix kuex tvkaz ruiux, ‘Vruex waz kuex nuiyshiq hokhvmx muex yaungc kuex nuiyshiq rueq roc miq,’ ngoz tueq tvjungc kaz tueq.

John 18:40

Tsuingshiq rueq, “Vpiq kuex nauk tvdung kaz! Baraba kuex tvdung kuq koq!” ngoz tueq guyc wuez tueq. (Baraba kuex dakuc rvtueq.)

John 7:7

Mungkawx rueq nuimshiq kuex shuiuc pac lot muq; ngaz muex dvyx shuiuc pac yaq. Kvkhoc shuiuc pac yaq lvmx kuex tsuingshiq mvrax ngaz rueq tvkhic kuy ningkhvnc nuex rvtueq.

Romans 1:32

Kvkhoc ruec jix htenc kuex vthueyc juing ngoz tueq Tishox tvrac nuex httax yaq kuex tsuingshiq rueq vtuiuz wuez shex rvtueq. Yuq muinz tsuingshiq shauk vgvnz maq kvruex phvnx htenc kuex shuimx yaq, kvdvyx muinz rvmuq kvkhoc shuimc jix htenc kvmac muinz hungc vlaungc kuq wuez yaq.

Romans 12:9

Lungwawc thuinz nuex kvguirc guenc lomx muq mruez kueq; honc vbac kuex shuiuc gay ruiux, vhvlx nuex rvwak kuiuz.

2 Timothy 3:3

menjenc kuy tuiuz muq jix, vguirc vguenc jix, miq shummarc jix, yauk laungc yalawx maq nyvlc jix, miq muingjungc tvbac jix, batac hvlc jix htenc rvtueq; kvdvyx rvmuq vhvlx kuex shuiuc pac jix;