Abraham raq jangshi ri hali nguto, “Ngi raq haimang maq ümniima bomruq bomrai kha na ngi mra ka diikuqlaq, Tatiwe lei. Ngi ka miiman maiqse lam lamli. Ngi raq ümman na bomrai ka thek mang.
DUNGWVNC 32:11 - ASII LAKDAP Bible (BSI) Shatmaq Mosheq raq Tatiwe apaiq Shiikeawe ma tiipaiq neato raüta akha nguto, “Tatiwe riita ümniika ümsenginok, ümniiraq Ejip mung wa üm ningkun henghea kiimaq arang jonghea maq tiichhii wan laü kra miika, atinkhan ümtsan ka jaram wa tiikhiqho laü? Hawa Naga Bible 2001 Yuq muinz Moshe rueq Yehowa piq Tishox muex kvmenc jenc jungx tueq kuex, “Yehowa lex, mnoz rueq Ejip mungx wawc kvmungx yunghvlc luimc vkawc maq palc daungc wvnc toq mphvnx miq htenc muex yvmx ngoz tueq lac khaq vtuiux? |
Abraham raq jangshi ri hali nguto, “Ngi raq haimang maq ümniima bomruq bomrai kha na ngi mra ka diikuqlaq, Tatiwe lei. Ngi ka miiman maiqse lam lamli. Ngi raq ümman na bomrai ka thek mang.
Jamkhano ngukla tsangshiq ka ümsenginok amak shaq. Tsangshiq ka ümniiraq chamchao watum mong wa Ejip mung wa atsuq wanhaü kata.
“Riita, Tatiwe lei, tsangshiq ka ümsengi, kiimaq ümjaqshise kong. Ümningkun ajong nai aheng maq tsangshiq ka dokda wan laü.
Ümtiikiiwa Shiikeawe raq asenginok mijiipbaiqha nguta chongtaq, apaiq raq atsea raüta ashong ajaqshi se Mosheq raq Shiikeawe ka tiiwinhoto, raüta tsangshiq shiithenbaiq chang atsankhiq ka tiishibaiqto.
Kiijiishe Tatiwe raq Mosheq ma nguto, “Jaqlo sat-hotlo laq. Jamkhano ngukla ümsenginok ümniiraq Ejip mung wa tsuq wan laü kriiraq ngarai tangto kiimaq Ngi ka no niishe tsuq baiqto.
Kra ningkhan Israilnok ma Ngi raq tsangshiq ma akha chongtiikang nguta chongkuqlaq, ‘Ngi ka Tatiwe; Ngi raq namshiq ka midok dawanha. Lata namshiq ka Ejipnok dikong sitlan kiiwa wasetiim miishe mitiija wanha. Ngi raq ijaq phum aheng honghea pinthum ara tsangshiq khuthaq niishe midoha. Lata phiiptsi chang chamchao mo ka tsangshiq ma mitiihoha. Lata Ngi raq namshiq ka mitiichhii kuqha.
Kiijiishe hokhamwe raq Mosheq nai Aron ka tiiheakito. Raüta nguto, “Tatiwe jaq wa achu jaü ronglaq, apaiq raq makphang longtlaq kra wiita mitsuq wan laq. Kiimaq ngi raq namshiqnok ka mitiiwa kang. Krai mren tsangshiq raq Tatiwe ma honglu thun ka mitaa kuqlot.”
Naishiq ka üm lamphan wa jam nguto lamjiq na tiikibaiqho laü? Ümniiraq naishiq ka jam nguto nilannok ma tiijabaiq laüta, ümwokhong wa kinphai na tiidong baiqholaü? Ümniika jang wa nongkiq, ümnaq shiililiitibi kra miitu, kiimaq ümsenginok ümwokhong na wranaiqshe siwanti kra miitu.
Kiijiishe Tatiwe raq ngi ma nguto, “Mosheq nai Samuel ka arjaq Ngi rai chap raüta arnok miitu tiipaiqnea raü min, Ngi raq arnok ka tiihang kuq mang she. Tsangshiq ka imakki wa tiikibaiqlaq. Tsangshiq ka imakki wa tiikibaiqtlo laq.
O, liilaq, Tatiwe lei, ümniiraq tiichamchao tlaü maiqse thun ka liilaq! Anyungre raq maiqmii chhü maq adea, asetiim maa kriishe paqtlo. Ramwebi nai shammibi thun ka, Shomjam mong maq jiipbaiq wantlo!
Shatmaq Ngi raq kra tiichhi kuq mangdea riikang. Jamkhano ngukla kra riiha jiika, imang chong shreng kra mibiki. Jamkhano ngukla tsangshiq ka maiqnok rai adam na siwanto. Tsangshiq pongnok phan makki na Ngi raq Israilnok ma tsangshiq ka Ejip mung kiiwa mung ahin na mitsuq wanha nguta tiitai chongkuq kang.
“O, Tatiwe lei, naishiq Shiikeawe lei, ümniiraq ümsenginok ka Ejip mung wa tsuq wan laüta üm ningkun jong kra tiichhikuq wan laü. Krai mren, ümningkun jong ka ümchaü min tsan na tiitsang shat thütlo. Naishiq raq ngarai tang wankai; naishiq raq ashut klo wan kai.
Ramwebi tombu tiip shomjam na, Tatiwe shomnoq jaqshamti, berong-wacha nai Shomjam kilamchong na, jaqshamti min, wiita triitam hea ronglaq. Lanta makphai khüshang maq achu jaü ronglaq. “O Tatiwe lei, ümsenginok khuthaq na, mangchan tsantsii thülaq, pongmungti ma naishiq ka naq tiishummiikiq. Tsangshiq ma naishiq ka, ‘Namshiq Shiikeawe ka ümbano?’ nguta, naq tiisaisikiq,”
Kra ningkhan apaiq raq Tatiwe ma nguto, “Ümniiraq ngi ka atinkhan jam nguto tlitkot ho laü? Ümniika ngi ma jam nguto khiqtlaü? Ümniiraq ngi ma arnok liiwan arang ka jaram wa kuqlaü?
Shatmaq Mosheq raq Tatiwe ma akha nguto, “Ümniiraq arnok ka ümningkun jong ma Ejip mung wa tsuq wan laü. Riita ümniiraq ümsenginok ka jamkho riilaü kra tsütsa ka Ejip mungti raq tai haü jiila,
Shatmaq Mosheq nai Aron ka hiq na bum rang bum kito. Raüta akha nguto, “O, Shiikeawe lei, ümniika tlotli ma rilung tsitsü raü chong. Ngarai ka maiq weshi riili tangto. Riita ümniiraq mungmaiqse tlotli miisha mikhiq haü?”
Kiijiishe mungmaiqse ka Mosheq phana wato. Raüta akha nguto, “Naishiq raq Tatiwe ma nai ümniima bom abi bomlaita ngarai tangkai. Ümchaü min Tatiwe jaq paü kong ara lambaiq laq nguta achu jaülaq.” Krai mren Mosheq raq Mungmaiqse miitu achu jaüto.
Naiwe ka alai maiq wesere ahü ngo maq apaiq mang ka Israilnok mung wa jaram tiimobaiq wa? Naiwe ma aphu Anotiim ma apheakuq tachong hupsam kriiwa naishiq rii min pheakuqlaq.”
“Ngi raq ka Saul ka hokham ma shong kang kriikha na ümchaü kai tiishudaq tiikang. Apaiq raq ngi ka jainong miishe shung thüto. Raüta ngi raq apaiq ma aming akuqha kra jinto.” Samuel ka akhiq riito, kiimaq rawa minru konhü maq Tatiwe man na achu jaü tiipaiqneato.