WEAWEA 16:22 - ASII LAKDAP Bible (BSI)

²² Shatmaq Mosheq nai Aron ka hiq na bum rang bum kito. Raüta akha nguto, “O, Shiikeawe lei, ümniika tlotli ma rilung tsitsü raü chong. Ngarai ka maiq weshi riili tangto. Riita ümniiraq mungmaiqse tlotli miisha mikhiq haü?”

Hawa Naga Bible 2001

²² Yuq muinz Moshe nuiyc Arun kuex ghaq nuex bumx vtueq, “O Tishox lex, mnoz kuex lotlaz thuiuzthuic pauk rvtoq. Miq washiz shiz mvrax ningkhvnc nuex wv-phvnx tuimx muex thuinz haz khaq vtuiux?” ngoz tueq tvtay jungx tueq.

WEAWEA 16:22 Referencias Cruzadas

RAPHA HIQWA LAK 18:32

Abraham raq nguto, “Tatiwe lei, mangchan laüta naqkhiq kiq dea. Ngi raq jangshi lamlam se li she bom nong pha. Riita roqshi lamlam seli ngu raü ha?” Apaiq raq nguto, “Ngi raq kiijaq maiq roqshi humha jiila, chela ka tiithen baiq mang mirha.”

2 SAMUEL 24:1

Tatiwe ka thongshi ri hali Israil mungti ma atsankhiq riito. Kra ningkhan apaiq raq Dawit tsantsii tiipherak raüta Israil mung khuthaq na chamchao tiisaüto. Tatiwe raq apaiq ka thaüto, “Kilaq. Laüta Israil mungti nai Juda mungti maiq ümchuwa kra wealaq.”

2 SAMUEL 24:17

Dawit raq maiq tseabaiqti rase kra chhito. Kiimaq apaiq raq Tatiwe ma nguto, “Ngi ahata ajiqwe ka. Ashut klotiwe ka ngi. Ara mungmaiqse nyungwe nosekong riika jamlai ri tiibiti mak? Ümniiraq ngi ma nai ijamti thun ma sintsang ka tiiholaq.”

YOBA 12:10

Shiikeawe riili ajaq maq phan sang wantaq atra phan rilung ka shunshea tlo; maiqse loweatek miisaq ka apaiq jaqkhon na sitlo.

Tvtsvmc 99:6

Mosheq nai Aron ka apaiq ramwenai, kiimaq Samuel ka apaiq jaq wa achu jaütiwe; tsangshiq raq Tatiwe mang chongto; kiimaq apaiq raq tsangshiq achujaü treto.

THARC TVLUINGC 12:7

Kiimaq nashiq khum arka hiqda ma hali mijakinong. Kiimaq nashiq rilung tsitsü ka nashiq phansangtiwe, Shiikeawe phana hali mijang nong.

ISAIA 57:16

Ngi raq isenginok ma rilung kuqkang. Kiimaq Ngi raq tsangshiq ka tiishut wan ruq ka tiishut mangshe. Riimakla tsangshiq rai pattup pat-sa tsan tiikhiq ruq ka khiq mang she.

JEREMIA 32:27

“Ngi ka Tatiwe, maiqse angu tarü ma Shiikeawe. Ngi miika jamlai phan min ahawiq ngutiika ahü.

JEREMIA 38:16

Kra ningkhan, Hokhamwe Jedekia raq ngi ma ahukse maq akha kiqkham kuqto. “Ngi raq atra Shiikeawe man na, nashiq ma tsitsü ketiwe Shiikeawe man na, atiitum lata ngutiikang, ngi raq ümniika tsat baiq mang, riimakla ümnaq tseabaiq tankhantibi maiq jaq niimin kiinong kuqbaiq mang.”

EJEKIEL 18:4

Maiqse loweatek rilung ka Ngi rii. Anyungwe rilung kiimin kiimaq ase rilung kiimin. Maiq ümriiti riiwa ngarai tangtlaq kriiti ka mitsai.

LEWI 10:6

Kiijiishe Mosheq raq Aron nai asenai Eleajar nai Ithamar ma nguto, “Maaho maajü tiichhi nguta namshiq khu ka thai hü maq naq thü rongkiq. Riimakla namdü wa khea kra chailanta maajo kheasam ikha naqchai rongkiq. Namshiq raq kiikha riihanla atsai mirhan. Kiimaq Tatiwe ka Israilnok tlotli ma tsankhiq miraq. Shatmaq namshiq Israilnok mungmaiqse riiwe kla ara Tatiwe raq wa tiisat raüta tiikhiim baiqtaq ara miitu maajo jümii shiri mimai.

LEWI 4:3

Kiimaq Ramwe Ajong Pinthumwe raq ngarai tang raüla mung khuthaq ashut klo raüla, apaiq raq minsaü pongwe are, akhum nyeajokjok ami atsi jam min ahü kra lam wan raüta apaiq ngarai miitu Tatiwe ma honglu na take chang.

JEKERIA 12:1

Arka Tatiwe bomtsi Israil mung miitu achongkuq: Ra nai hiq klotiwe Tatiwe, maiqse ma tsitsü thiiketi raq akha ngutlo:

WEAWEA 14:5

Kiijiishe Mosheq nai Aron ka mungmaiqse khaki na hiq na bumki tlii bumkito.

WEAWEA 16:23

Tatiwe raq Mosheq ma nguto,

WEAWEA 16:4

Ümtiikiiwa Mosheq raq ara bom ka taitaq, apaiq ka hiq na bum kitlii raüta achu jaüto.

WEAWEA 16:45

“Namnai ka arkong artho wa jai nü kiina chap ronglaq. Ngi raq tsangshiq ka ümchaü li arjaq mijiip baiqha!” Kiijiishe tsangnai ka hiq na bum rang she bumkito.

WEAWEA 27:16

“Tati Shiikeawe, tlotli ma tsitsü raü chong lei, ara mungmaiqse ara shea wan lotti, maiq weshi wela ma shonglaq.

Romans 5:18

Riita ara chong tiikai arai mren, maiq weshi ngarai lü maq mangjong maiqse kunli ka ngarai mong na tiidea baiqto. Kra niq riri sii hali, maiq weshi raq kechu jaqsham, lakshi shamkuq wan raüta, kra lümaq, mangjong maiqse kunli ka, kharü mong wa, kha thumto she nguta daakuq wanto. Raüta, tsangshiq ma rilung tsitsü she kuq wan tlo.

1 Corinthians 13:7

Lungwiitsii rümti riika, ümtiikiimin thaq baiq mak phan. Kiimaq kamtsantsii, ranphan tsii, kiimaq anin tsii ka ümtiikiimin atu na moki mak phan.

Hebrews 12:9

Riita, nashiq ma han-ngam na, nanyungwe riiminla trantsii tsatson tlo kata. Krai mren, nashiq raq tsangshiq shreng tiikai. Ikhiijiika, nashiq raq nashiq ma Wenyi We sitlaq kra wokhong na pinthum phaqchii nichii maq si chang kata!

JOSHUA 22:18

Riita ümchaü min, namshiq ka apaiq wokhong wa pong na dongho she shea? Namshiq raq ümchaü Tatiwe kiq khii han jiila, anap ranaiq apaiq ka Israilnok kunli ma atsankhiq miraq.